阿元來了 (已搬遷) 新店位置

好掛住台灣味, 星期日約埋班西環友一齊食返夠本。之前一個人來吃不敢點魯肉飯, 雖然個碗唔係好大, 但怕太多肉會太滯。今次有幾個朋友一齊分擔就唔怕啦! D豬肉滷得好入味, 切細左一粒粒, 加埋滷汁同黃蘿蔔夠撈曬成碗飯。無想像中咁油膩同重口味,  係家常既口味. 不過從來都唔知點解魯肉飯是「魯」而不是「滷」? 算啦, 好食最緊要, 哈哈。後面果碗係我堅持要叫的擔仔粿條, 重點係個湯底真係好香, 上次我自己一個食完仲好回味果種香菜味, 真係有縈繞口腔半個鐘咁誇張架! 爆漿雞肉飯, 個名就好係威係勢啦, 上枱先知係太陽蛋雞肉雪菜飯. 我自己就覺得味道同配搭都無咩特別啦, 但佢個名又真係反映到爆漿(煎蛋)雞肉(手撕雞肉)同飯既! 另外仲叫左D小食: 台灣腸, 鹽酥雞同蚵仔煎, 加埋餐廳裝修環境, 真係好似去左台灣咁呀!

不到6點 門外已經排了長長人龍等了15分鐘左右就到我了.期待這臺灣來的味道首先魯肉飯肉的比例大致是一半瘦肉一半脂肪食的時候一啖包含飯和魯肉 脂肪的部分 在口裏融化 溶入飯裡感覺不太油膩!!!!!然後玉米起司蛋餅玉米 +起司 這樣的搭配最平常不過但卻有種懷念 在台灣早餐店吃到的平凡味道

好掛住台灣野，見咁多人推呢間，所以就黎左食，ok啦我唔覺得特別好食，可能啲人推得太勁了🤷🏻‍♀️- 魯肉飯好夠味，但好細碗，只岩雀仔胃既朋友，男仔大多數都唔會夠飽。咁就可以嗌其他野食，填飽個肚啦。同樣size既飯係台灣係唔超過港幣10蚊，始終呢到係香港會貴好多，性價比係低既😢- 蚵仔煎啲蠔好腥。。。。。。啲粉又一patpat，我唔推薦食呢個，有啲失望因為同台灣果啲差天共地😭😭😭 不過啲汁又幾好既。。。- 芒果多多已經嗌左微甜，都係甜到highhigh🤓 可能係多多既問題，甜度控制唔到，但我真係唔鍾意飲咁甜既野😭😭😭- 芋圓呢個係我唯一覺得好食既😍 本人鍾意咬啲有口感既食物，芋圓岩曬我，個底又唔太甜，我滿意😝👍🏻西環呢間鋪好細，啲位會好迫，繁忙時間多人等只可以食30分鐘（爭鮮：抄我？），所以想去既就等平日冇咁多人去啦。本身想食蛋餅，但我同男朋友去果陣係lunch，佢話要夜晚先有，想食蛋餅既朋友仔留意返要夜晚先食到喇。總括黎講，我個人認為唔值得特登去食，別抱太高期望喔～

好友極力推薦這台灣小店，可是幾次週末經過這店門口都大排長龍，便放棄了念頭。今天下班後便特意走來碰碰運氣，真想不到平日晚上八時許，店外還有十人排隊等候，還有外賣客在等外賣，果然「威名遠播」；既然一場來到，便唯有等等吧！可是今天真的來得不合時，兩部冷氣機竟然有壞了一部，擠逼環境加上酷熱天氣，確實有點令人卻步。在店外等了十五分鐘，終於輪到我，一坐下來便點了魯肉飯和鹽酥雞；不到五分鐘，魯肉飯已到，一小碗飯上鋪上一層色澤深褐，肥瘦平均的豬肉粒，吃一口，發覺味道濃郁，不鹹不淡，每一口飯也有帶點香氣撲鼻的豬油，非常可口。鹽酥雞轉頭便到，雞塊切得比其他店大一點，炸時加入了香菜和淮鹽，脆漿不算太厚，雞肉亦炸得嫩滑香口，很不錯。這小店有道地台灣的味道，價錢相宜，值得一試！

剛從台中回來，實在太掛住台灣美食適逢下午有時間，一於去台灣人所開的--阿元來了，以解思台之苦大約2點到來，可以避開一大批人龍等候10分鐘內便可以進餐店舖也很窩心，有紙扇供大家在炎炎夏日排隊使用👍店內環境的確好有台灣夜市的風味而店內大約20個座位 就好似夜市咁比較逼連員工的衣服都好有台灣味道 前面更印有台灣國旗👍同埋佢地基本都是操國語(比較在台灣，呢到就少了點笑容😄)餐牌都十分簡單，只有2頁紙好岩我呢d選擇困難症既人😜魯肉飯肥瘦適中，好甘香，而且不會好似香港個d較甜真係好有台灣食的味道一個小小的碗滿哂都幾飽不過略嫌飯較軟(本人比較喜歡有咬口)本身諗住食蛋餅點知已經停賣了😣唯有試另一個招牌--蚵仔煎木薯粉份量岩岩好，不會太痴牙而且一份都有7-8舊大大粒蚵仔😍個醬汁同台灣差不多，不會太甜食物都上到好快，影個大合照先呢到total: $74總括黎講: 味道同台灣夜市的不相伯仲同生果日報介紹的都實至名歸不過上黎都幾累，條斜路行完真係濕哂人均消費: $60

香港開了這家人氣的台灣食店，在openrice看到介紹，facebook又多人post相，今日特來西營盤總店試試，觀塘也有它的分店。下午2點多到達，門口有一條不算長的隊伍。我拿了籌，排第十，門口操國語的台灣侍應，告知等候大概半小時⋯⋯半小時排人氣食店，真心不算久。拿了籌就不用排在門口，我過了對面的7-11等候，果然半小時左右就能進店了跟男朋友點了一碗魯肉飯，一碗雞肉飯，一碟柯仔煎，一碗冰凍芋圓。 我自己比較愛吃，在門口等候時，看小小的一碗飯，以為應該要點2次餐，一次怕不夠吃。事實是，雖然是小小的一碗，但加上一份小吃，真的能填飽肚子了。（晚飯不可就要再多點吧）兩碗飯是一次上桌的，速度快。魯肉飯比在跟台灣吃的，真的很相似，味道跟其他台灣肉躁飯的味道也差不多，阿元優勝在魯肉很軟，入口就化，值得一試！ 雞肉飯入口有淡淡芝麻油的味道，不過雞肉偏鹽了一點點，個人來說，我不會點第二次的雞肉飯了。柯仔煎上桌了，看起來色澤不錯。先試一下，因為台灣的都有粉醬底，煎過後薯粉醬變了透明，跟蛋貼在起，入口滑溜溜的，可能不是人人會喜歡哦，我是覺得還可以，特色不大。最後，是我很喜歡的芋圓，很久沒吃到了，冰冰涼涼的，

今日星期日想去遠啲既地方行下，唔知去邊，就上OpenRice 睇下邊度有美食就去邊，見到阿元來了排第一，咁我地就專程去試一試佢。去到都差唔多兩點，見到門口排長龍。可以問佢拎完飛去行下再返來，唔使企定定等。等左一個鐘到先入得去，入面都幾窄。我地叫左6樣野食。滷味拼盤有蛋、豬大腸、雞翼同豆腐。豬大腸冇騷味，好好味。雞翼好入味，好好味。豆腐都幾好，雞蛋就冇咩特別。香菇肉羹個樣有啲碗仔翅，入面有菇片同大大舊既肉，口感似碗仔翅，味道就似台灣麵線。魯肉飯我估應該係必食既，因為我見台台都有叫😂。魯肉飯細細碗，啲肉都算多，啲肉好淋，好入味，啲魯肉汁夠多，夠撈晒成碗飯來食，好味。鹽酥雞炸得幾脆，冇乜油，雞肉嫩滑，唔鞋，真係好好味。蚵仔煎都係呢間店既推介之一，佢既蠔仔算大粒，好飽滿。佢既底加左某種菜（我唔知叫咩名😅）特別香、特別好味。皇室奶茶都幾好，加左珍珠，但珍珠就唔夠煙韌。總括來講幾抵食👍🏻，幾好味。

上次帶完香港大學嘅朋友去食排骨麵，今次到佢帶我去阿元來了食台灣野，兩點左右鐘數去到，明明係完咗打工仔嘅食飯時間，但係都勁多人排隊～我哋一人叫咗一碗魯肉飯，同埋加左個滷味拼盤。平日一至五午飯時間鐘數，出示學生證有九折～滷肉飯有勁多半肥瘦肉喺度，肉嘅份量好多，爬每啖飯都一定撈到肉碎，脂肪同油香撈晒落啲飯到🤤 仲要勁多汁！成碗飯都有汁，唔係得個面先有滷味拼盤就有雞翼、豬大腸、豆腐同雞蛋，味道唔夠出，可以再滷得更入味，變咗用醬汁嚟係出面加味。可能唔係呢度嘅招牌菜，就有啲遜色啦最後走嗰陣一人叫咗一杯鳳梨青茶加珍珠，飲落去酸酸甜甜，味道清新得來好豐富，珍珠亦好有甜味，不過浸得來就變腍哂老闆同店員都招呼周到，儲落勁多熟客，啲人出出入入都有講有笑，而且真係又平又抵食，魯肉飯已經夠晒飽，唔怪得佢長期咁多人排隊啦😛

情人節其實即是「劏」情人節，一向都覺得只是商人製造出來的商業節，不想這天花數倍價錢吃一些所謂情人節套餐，但又想和男友吃頓飯，便要到那些沒情人節套餐的餐廳了。跟男友研究了一會，忽然想起這家著名台式小店便拍板決定它吧。之前來過一次，食物很好吃，不過頗格涉。想不到原來它在牛頭角已開了分店，下次可以去呢7點多來到 已經見到滿街一對對情侶等位，好·多·人🤦🏻‍♀️ 看來有同樣想法的情侶很多呢要等2x張台，大概等了個多小時 店員事先給了餐單我們邊等邊點菜，全部都是3x-4x，價錢很親民，給男友點了好多等了個半小時終於可以入座了因為店舖太小，就算限了用餐時間在30分鐘內都要等好久期待已久的魯肉飯來啦，果然沒有令我失望，肉肥瘦適中，吃下去不會感覺肥膩，飯也煮得顆粒分明，超好吃😋男友略嫌不夠濃咪，因為我一向食得清淡，所以很對胃口貢丸湯也是我摯愛，不過這個真的淡味了少許，只有貢丸和蔥有些少味道我和男友都好喜歡這個蛋餅，不算很重蛋味，但口感十分煙韌（意料之外），再加肉鬆在中間，層次豐富香腸配蒜是無敵的組合，香腸不會過咸太好了最後點了芋圓做甜品，可惜這道芋圓令我有點失望。芋圓光有口感十分煙韌但沒有味道，反而糖水

上完堂難得齊腳一班人落咗西營盤搵阿元黎到等咗一陣就有得入去啦等嘅過程 我哋四個女仔 不斷畫畫畫 再we wa 鬼叫埋 結果四個人畫咗11樣野啦門口哥哥數到眼都突埋入到去 一坐低香噴噴 魯肉飯 就黎啦一流 魯肉加上d 汁 撈飯 perfecto台南擔仔米粉意外地surprising me不過d湯好快吸晒香菇肉條麵味道一般鹽酥雞 鹽酥雞排 炸花枝丸 酥炸魷魚嘩 鹽酥雞 好有 台灣嘅味道雞排都好嫰滑D 炸物一d 都沒有好油嘅感覺肉鬆起司蛋餅Cheese 加蛋餅一流如果多d 肉鬆就更好阿元嘅台灣腸仔 是日賣晒而轉了新menu 冇咗皮蛋 朋友覺得好可憐雖然剛剛喺台灣番黎但係已掛住台灣美食喺香港唯有食住阿元先

今晚咁啱喺附近經過，就黎試下阿元來了。記得以前喺觀塘試過一次，覺得冇咩特別，今次係想睇下呢到會唔會好味啲😂.夜晚七點幾黎到已經好多人排隊！要等大約十張枱。但好多人拎完飛就走咗，我地等咗十五二十分鐘就入得。呢到門面都幾靚，但入面較細，觀塘分店裝修靚啲。.入座之前，侍應一早俾咗落單紙我地填，所以一坐低就有野食到，好快！.炸魷魚鬚（$39）價錢略貴，份量唔多，但炸粉唔多，俾人感覺係幾新鮮嘅魷魚！唔錯～不過有啲硬身，唔知係咪炸太耐？.一人要咗一碗魯肉飯（$29）唔好睇佢細細碗，食落都好飽。一開始擔心佢魯肉唔夠，但其實好多，啖啖都有魯肉。唔會太甜，肥瘦比例適中，但男朋友覺得有啲肥。.芝士奶蓋冬瓜茶（$25）本身想嗌淨冬瓜茶，但見奶蓋好似係新飲品，就即管試下！好甜！啲芝士奶蓋好似忌廉，好甜...撈埋仲衰😂忍唔住加咗水落去....最後嗌咗芋丸（$30）講真冇咩特別，啲糖水太甜，芋丸味道較淡，唯一特別係有椰果，幾好咬～總結黎講，環境比較迫，坐陣都想走。黎到可以試魯肉飯～

久仰大名既阿元來了黎左香港咁耐, 終於有機會去試, 六點到達店鋪已經要拎飛排隊, 好誇張呀!  等既時候會俾MENU你TICK黎落ORDER, 然後入座時就俾佢入單.  等左十五分鐘終於入到去!  入面比較窄, 但都尚算可以, 食物都OK不錯, 食物以外, 都點左一杯凍飲同一杯黑糖薑母茶, 味道不錯.  價錢當然不能跟台灣食比較, 有興趣既朋友都可以一試.  食完六點幾出黎已經有一大堆人在等位, 真的超誇張!

終於都有機會食到阿元來了啦！！！期待左好耐！但次次都大排長龍，見到都怕怕😣星期六晚大約六點左右到達，但原來已經要等位😞侍應一開口，好親切的台灣腔😍我同埋個frd兩個人大約要等六張枱左右！好就好在而家終於都唔使排隊，可以攞號碼。然後我地過對面嗰間傳統麵包店同埋文具店行一陣，大約15分鐘左右就已經到我地啦！入去坐一張四人枱，黎呢度食就一定唔係坐得舒服㗎啦，環境係比較擠迫，而且仲有限時。食物方面小食叫咗（1）爆芝士蛋卷啲芝士真係超級多！好正！蛋卷的蛋同麵粉比例啱啱好！好煙靱同芝士味好夾！（佢另外有個九層塔蛋卷，其實即係金不換。唔知味道夾唔夾呢！）（2）甜不辣個人覺得冇乜特別主菜就叫咗魯肉飯豬肉肥瘦比例啱啱好，離遠聞到都已經勁香，啲豬肉入口即溶，超好食😋飲品方面我哋叫咗紅豆奶綠同埋冬瓜茶珍珠我哋已經叫咗甜度=3=微糖但係都仲好甜🤦🏻‍♀️甜品方面我地當然叫左馳名港台的芋圓！但食到尾聲已經飽到食唔落，要打包走。味道黎講都係太甜，但係啲芋圓仙草就夠晒煙靱！好正！總括嚟講呢間小店超有台灣風味！好思鄉🙆🏻

阿元的名氣很大，不時大排長龍，店面雖小但店家親切有禮，令人不禁以為自己身在台灣。可能因為有種人逼人，背貼背的感覺，特別像身在台灣夜市吃東西。魯肉飯應該是台灣食店必吃的，這碗魯肉飯有台灣吃到的感覺，是真正的肥肥的魯肉！入口即溶，甘香入味，非常下飯！炸魷魚鬚，難得地好吃！一點都不油膩，又脆又惹味！配珍珠奶茶一流！非常高質的小吃！蚵仔煎的蚵仔算新鮮大隻，真材實料，雖然味道偏淡，但比很多台灣食店做得好，也比不少台灣夜市吃到的好味！珍珠奶茶，不錯，但不算特別出色。阿元價格相宜，選擇豐富，如果要止一止台灣癮，是不錯的選擇！

嗰日同Mr. C肚子餓，決定過黎食個下午茶。以爲會冇咁多人，點知我錯了。都係好多人，排隊。好彩都唔算好長龍，等咗大概20分鐘啦。點解我覺得呢樹溫馨？佢既裝修好特別，又有好多溫馨提示等等；佢既店員好有禮貌，好願意講解menu上既問題；佢哋店員之間都好融洽咁有講有笑。因爲係下午茶既關係，我同Mr. C都淨係叫咗一人一碗野食同埋一杯飲品share。(入座每人最低消費$35元） 魯肉飯　HK$29我真心覺得呢個魯肉飯好味。魯肉鋪滿飯面，好足料。啲魯肉肥瘦得宜，炆得好入味，又夠淋。啖啖肉。佢哋用既係珍珠米，米身一粒粒，不會太淋亦唔太硬身。台南擔仔麵 　HK$35呢個係Mr. C點既。我個人覺得就普通左少少。味道唔特出。份量又真係唔係得幾多咁。唯一可讚既係佢隻蝦好爽。相對魯肉飯，比較遜色。胚芽奶茶 　HK$25ok好味，正常。我如果下次黎會想試其他既野食。因爲真心想睇下點解都仲咁多人。始終好多我想試既都冇（例如花枝丸，芝士蛋餅，等等）。如過淨係黎食魯肉飯，要排咁耐隊就要再睇睇啦。