同人鍋 (已結業)

走在尖沙咀, 樓下的易拉架上, 看到食雞煲送花膠湯煲如此著數的字眼, 當然, 少不了上門探秘我們點了一個海鮮雞煲配送了一個花膠煲, 雞煲因為我少吃肉, 而我朋友又十分喜愛吃肉, 所以我吃花膠煲, 他吃雞煲; 這裏的花膠煲, 料多, 隨手一撈, 整個勺子都是滿滿的花膠; 花膠的口感, 是爽口的, 花膠湯是鮮甜的; 最能帶出淡食物原有的鮮味; 海鮮拼盤, 海鮮的種類繁多, 例如蠔, 扇貝, 蜆, 鱔片, 海蝦, 鮑魚, 魷魚等。大大隻的鮑魚, 新鮮會動, 十分生猛; 老闆每天下午約5點才進貨, 煮約3分鐘, 鮑魚的鮮味被花膠湯帶出, 而且肉質的彈力十足;扇貝,手掌般的大, 晶瑩潔白, 肉厚, 煮約2分鐘, 鮮味透晒出來, 而且軟軟的入口即化口感, 十分新鮮海蝦, 長長的, 新鮮生猛, 上來時還會動的, 肉多, 灼至鮮紅色, 蝦肉爽口, 不用配醬油也鮮味無窮;而蜆肉, 細小, 蜆肉的鮮味汁是眾多海鮮中是數一數二的;我最欣賞的是鱔片, 肉質爽口, 而且它的魚油豐富, 每一片都十分肥美, 吃完齒頰留香; 花膠湯不但能為海鮮的鮮味帶出一份更強烈的口感, 而且也適合肥牛及其他火鍋配菜;鮮紅色的牛肉,

喺朋友介紹吓，特登帶媽咪嚟到尖沙咀「同人鍋」撐枱腳，食雞煲打邊爐！店舖喺佐敦站D出口附近，行大概5分鐘即到達。門口大大隻字寫住「無限時雞煲海鮮肥牛火鍋」$288！食雞煲無限時真係第一次見，咁就可以慢慢食唔使俾人催埋單走！二人同行仲可以有「原隻龍蝦湯底」或者「花膠雞湯底」！正呀！店內環境非常寬敞，我同媽咪六點半去到，可能係太早嘅關係，所以冇乜人！坐低之後，即刻先去飲品櫃拎野飲，我哋揀咗酸梅湯同埋道地解茶！之後店員就好有禮貌咁同我地講解呢度有咩食，最後我哋揀咗雞煲，要微辣；火鍋湯底就揀咗花膠，媽咪話養顔喎！過咗一陣，先嚟雞煲！雞煲雖然叫咗微辣，但辣度絕對唔惹少！所以如果唔係好食得辣嘅朋友仔，即使只係叫咗微辣，都要有心理準備！雞煲雞件每件都大大嚿，啖啖肉，而且冇碎骨！肉質鮮嫩唔韌，份量目測都有完整一隻雞唔多！雞煲附上紅薯粉，熟透的紅薯粉呈半透明狀態，煙煙韌韌！食完雞煲之後就輪到花膠火鍋出場！鍋入面嘅花膠非常足料，大概有六隻花膠！而且湯底亦非常清甜，未打邊爐前，同媽咪一人飲咗一碗之後火鍋料隨後呈上。特別推介「安格斯肥牛」，勁重牛味！如果唔夠，可以無限添加火鍋配料！最後，期待已久嘅海鮮拼盤終於嚟

今日拋棄寶寶，同個男仔fd 飯聚，兩條佬，食咩好，雞煲+任食海鮮火鍋，咩都有，又唔怕唔夠飽，幾時都係好選擇。同人鍋個名改得幾好，同人食飯就係因為有共同喜好，共同話題，咁先食得開心嘛。餐廳環境唔錯，方形枱，闊落，又光猛，d 凳都幾好坐。飲品係自助任飲形式，枝裝罐裝都有，仲有自家製鋒蜜菊花露同酸梅湯，一定唔怕口渴。密菊唔錯，夠甜夠凍，飲到菊花味，唔會差過大牌子紙包飲品。食物方便雞煲真係主角，中辣夠晒味，又香濃，但入口又唔會辛苦，而且雞肉無雪味，又唔鞋口，兩個人食真係好多雞下，佢仲要貼心準備好薯粉同自家製響鈴，lee d 咁吸湯底嘅野配雞煲梗係一絕。食完雞煲上火鍋，lee 樣真係要讚，第一次來lee 到，咩都唔知，以為例牌加湯就打邊爐。點知原來成個湯底換，店員解釋因為主打海鮮，如果湯底太濃 根本食唔到海鮮嘅鮮味，抵讚。蕃茄薯仔湯底，好大陣蕃茄香味，清清地，同求先好大對比。火鍋料真係誇d 講句，咩都有，自己睇餐牌，牛肉丸類蔬菜全部都有一定水準，特別想講講個綠茶水晶包，淥完之後無爛又通透，好煙韌，綠茶餡甜甜地又出奇地夾。另外粟米都好甜。重點推介嘅海鮮盒又係咩都有，蟶子皇，蜆，蝦，蠔，魷魚，鮑魚，

今次係小編第三次食「同人鍋」了！ 來「同人鍋」的原因是因為$288就可以嘆齊雞煲和海鮮火鍋，仲要係任飲任食，性價比很高呢！😏 平日火鍋仲無限時，😳 星期五、六、日或公眾假期限時2.5小時，另外每位加$10。 餐廳在裝潢上是簡潔實戰型， 沒有花巧的裝修，只有木製桌子和膠椅子。 我們被安排坐到靠牆坐位， 坐位寬敞舒適，更設有抽風系統， 食完就唔怕成身一陣雞煲味啦！😂🙈 飲品方面， 除了啤酒以外，汽水、各款罐裝果汁和茶都是任飲的， 值得一提的是店家很有心思， 連自家煲製的菊花薑蜜和蜂蜜菊花露都有，低糖又健康！☺️👍🏻 小編每次來都必喝蜂蜜菊花露，清甜潤喉， 打邊爐咁熱氣，梗係要飲返杯清熱解毒一下！😋 先食🐔雞煲， 雞煲有五種辣度🌶可以選擇， 因為朋友不吃辣，所以我們便選了唔辣。 雖然唔辣，但秘製醬汁仍然香濃惹味， 而且加入大量洋蔥和芫茜，香氣四溢， 雞件非常多，件件都很厚肉， 肉質嫩滑又入味，好味道！😋 雞煲還配上自家製響鈴和薯粉， 響鈴大大件，食落感覺不會太油膩或飽濟。 雞煲配薯粉是新添加的， 薯粉吸晒雞煲的醬汁，煙韌入味， 不愧是最完美的配搭！😌 唔夠喉仲可以任添呢！👍🏻

媽咪未試過雞煲，我又想打邊爐，於是試吓呢度一次滿足晒兩個願望啦。上到嚟非常乾淨企理，仲有好多款飲品喎！汽水呢啲唔洗提啦，最好嘅係有自家製嘅菊花蜜糖喎，仲要有凍有熱，正啊！雞煲叫咗個唔辣嘅試吓，店員放埋啲紅薯粉入去一齊煲，雞夠晒多而且就算煲咗好耐都仲好肉嫩，而且雞味非常香，一啲雪味都冇，香濃醬汁又入味，連啲乾蔥頭都非常好味；睇住啲透明嘅紅薯粉吸滿醬汁，煙煙韌韌嘅口感真係好好味，我哋兩個人瞬間食晒！即炸響鈴店員遞上兩件響鈴，炸到金黃色相當吸引，就咁睇都唔會覺得好油好令面，輕輕放入雞煲度即刻食，超級鬆脆香口，一啲油味都冇！嗰啲炸好入盒賣嗰啲真係完全冇得比！花膠雞湯底食完雞煲後就輪到打邊爐了，可以揀龍蝦或花膠雞湯底。打之前先飲啲湯，非常鮮甜仲有啲醇厚，仲有差不多4大舊花膠添，女人食啱晒啦！海鮮拼盤有蟶子皇、鮑魚、廣島蠔、澳洲蜆、鯇片、魷魚及蝦。澳洲蜆超大隻，完全冇沙，肉質肥美鮮甜精選火鍋配料其實食完個雞煲都已經飽飽哋，好在呢個打邊爐拼盤份量啱啱好，每樣兩件。最特別係黑椒馬蹄貢丸，平時嘅貢丸都食到厭，加咗馬蹄真係口感瞬間提升！安格斯牛肉肥瘦適中，冇雪味有牛香，以任食嚟講質素絕對收貨！除咗食物環境

最近天氣寒冷，無論是上班工作或出街玩樂，總是提不起勁！女友人見我終日悶悶不樂，於是便提議去食火鍋，希望藉此喚醒我的衝勁。其實有什麼事情開心得過天寒地凍去吃熱騰騰的火鍋呀，我一聽見女友人的提議後，即時搜尋有什麼好選擇。見到同人鍋$288一位可以食雞煲又可以打邊爐，已經非常吸引，而且仲不限時！難得有任食的邊爐可以不限時啊！ 我們放工來到由７點幾食到１０點幾，十分暢快！完全不會驅趕，上菜的速度都不算太慢。首先來了一個雞煲，香氣噗鼻，雞肉十分嫩滑，醬汁香濃，每一件雞都十分入味！另外個薯粉都十分惹味，完全吸收了雞煲的醬汁。雞煲吃得差不多，就先放左一旁，再上火鍋，是另一個鍋來的。我們選了花膠湯底，補充一下骨膠原。花膠的份量都不少，味道還不錯！火鍋配料的選擇很多，全部都是任點的！除了鮑魚同蟶子是第一轉送的，之後再叫就要加錢。鮑魚：鮑魚非常新鮮，店員奉上的時候，鮑魚仍然動的！鮑魚不要淥得太耐，幾分鐘就好了，肉質剛好，味道鮮甜。蟶子：長長的，淥兩分鐘即刻夾起，肉質爽口微彈，新鮮帶甜味。生蠔：即使是任點的，份量都不會太細隻，熟了都不是縮水得十分厲害！澳洲蜆：比平時的蜆大少少，沒有沙，十分乾淨，味道清甜。肥

天氣乍暖還寒，吃火鍋是個不二之選，早前聽朋友說這裡的雞煲挺不錯，今晚就一於來試試。由佐敦地鐵站D出口行來，也不是太遠，出了地鐵站向左轉，到達柯士甸道再左轉直落，行到馬會右轉到松山道，就在對面街不遠處。竪立於門外的"無限時任飲任食"火鍋推介。平日只是$288/位，而且無時限任飲任食（啤酒除外），星期五、六、公眾假期或假期前夕則有時間限制；但也有兩個半小時，足夠時間慢慢享用，每位也只不過多付十元。除雞煲外，兩位以上還可選擇原隻龍蝦湯底或花膠雞湯底，加埋種類及份量超多的海鮮拼盤；那怕你是大胃王，也能令你捧腹而回。食店設於閣樓地方也頗寬倘，還有一間VIP房；湊夠人數又可自成一角！除了汽水和茶類，還有自家製的蜂蜜菊花露和菊花薑蜜。雞煲（微辣）～雞煲的分量真不少，估計也有半隻雞的分量，甫掀起煲蓋，那陣香辣惹味的氣味隨即噗鼻而來，雞肉非常嫩滑，微微的辣更特顯出雞肉的鮮美，平日少吃雞肉的我，也吃過不停。這兒的紅薯粉並不是常見的幼身類型，是店家特地訂制的；有點兒像河粉，質感是煙韌有彈性；索了湯汁的薯粉著實令人愛不釋口，切記不要煮得過久呀。有點口渴，這個韓國的石榴汁既解渴；又不會太甜，兼且解辣一流。龍蝦番

雖然今年冬天比往年來得溫暖，但剛巧打算跟朋友預早團年的時候天氣又忽然轉涼，這個時候就特別想吃火鍋，但現在很多餐廳晚飯都有限時，能吃上兩個半小時已經是恩賜，在街上看到同人鍋的易拉架，說任飲任食火鍋無限時都是$288，雖然價錢不算特別吸引，但勝在差不多價錢可以慢慢食，不用趕頭趕命就決定試試。＊＊＊＊＊＊＊＊＊＊＊＊＊＊＊＊同人鍋位於山林道和松山道交界，距離佐敦港鐵站只有數分鐘路程，非常方便。任飲任食無限時雞煲肥牛火鍋，連海鮮類都有得任食。甫到時由於時間尚早，店內只有一兩枱食客，但一到七點晚飯黃金時間，食客亦魚貫入場。店內裝潢簡潔，無論膠凳或桌上的顏色膠杯都帶點大學canteen的味道。飲品採自助形式，雪櫃內的飲品都可任飲，比較特別的有芒果汁、石榴汁和韓國牌子的烏龍茶及龍井茶。如果想飲熱飲，還可選蜂蜜菊花露或菊花薑蜜。火鍋配料雖然沒有一般火鍋店選擇多，但大路的火鍋料也有提供，亦有比較少見的水晶包和飛魚子魚蛋腸。趁火鍋未到，每人先拿一罐飲品，我就選了這個石榴汁。雞煲我們點了小辣，入面除了雞件，還有洋蔥、蒜頭和唐芹。雞件肉雞不會過鞋，小辣辣得惹味又不會吃得太辛苦。紅薯粉是吸味之物，最適合放在濃味

大概米飯班主和姊姊上輩子和雞有仇 因為她們愛雞肉的程度實在是無人能及 她們每個人都可以食下一隻雞 所以好多時候去食雞煲都一定唔夠食 山林道不嬲出名多好野食 見新開左間雞煲加邊爐海鮮任食 閒日更加係不限時 已且兩位以上仲送龍蝦湯底 錦雞肉殺手的的兩位當然係有殺錯無放過啦 八點半來到 只剩兩張空桌看來挻受歡迎 店員為我們安排到中間的位置 大部分位置都設有抽氣系統 食完就唔怕一陣味啦 食物種類款式不算好多 但基本款都有齊曬 店員亦好細心為我地講解 邊啲係屬於任食項目 除左鮑魚，蟶子，安格斯牛肉等唔屬於任食項目 大部分食物都係任食 店入面亦有自家制飲料 雪梨茶,蜂蜜菊花茶 全部都係低糖非常健康 米飯班主亦說味道不錯 以上飲品連同其他罐裝飲品 除左啤酒 都係任飲嫁 店員先送來了雞煲 雞煲有五種辣度可以選擇 ,我們選了微辣 雞肉十分嫩滑，醬汁濃郁帶微微辣，十分惹味 而且雞煲加了大量洋蔥同莞茜,香氣四溢 我們當然是encore再encore啦 然後就是打邊爐時間 店員會先送來湯底海鮮拼盤和一部分食材 湯底用上了原隻龍蝦 龍蝦新鮮肉質爽口彈牙 而且加了大量蕃茄薯仔 所以湯底十分鮮甜 加上其後既海鮮 湯