重慶洪鼎火鍋 (已結業)

今日朋友帶左我去重慶洪鼎去打邊爐。一出地鐵，穿過海防道，落一層樓梯下面就到了。因為預先訂左位，去到就直接可以入到去。點餐方面，佢可以揀一蚊湯底或早鳥優惠，我地㨂了一蚊既湯底，盛肉拼盤同一些配料，很快便送到了，快夾妥，抵讚。鍋底方面，由於我地想吃得清清地，就揀左唔辣既木耳雞湯鍋。佢既湯頭很鮮味，鍋底很足料，有成半隻雞係入面，再加埋木耳等配料，滋味滿分！肉類方面，我地貪樣樣有啲而揀了盛肉併盤A。推介美國安格斯牛小排同牛板腱，比一般美國肥牛更有口感更有肉味更少肥膏更健康。當然佢西班牙黑毛豬梅肉同紐西蘭羊肉片都很不錯的。另外我地示揀了火鍋店中很多人鍾意食既金錢肚同埋鴕鳥肉。份量十足，滋味之選。海鮮方面，推介加拿大桶蠔，六大隻大大盤上枱，隻隻厚厚的，又是真材實料既配料。太多好野食差點食唔晒咁多嘢，下次一定要帶定一大個胃來再大吃一餐！

在雜誌見到重慶洪鼎火鍋有優惠，八點半前離座有七折優惠或者火鍋鍋底$1一個（雙拼+$20），二選其一，於是就同同事放工後去打邊爐。重慶洪鼎火鍋位於尖沙咀亞士厘道，地點旺中帶靜。店內設計古色古香，兩個人也給了我們一張四枱，坐得舒服。餐點選擇好多，無論豬、牛、牛、羊、雞定或是海鮮都有。醬料採用自助型式，鐘意混合什麼醬也得，最特別是有老干媽醬和日本豉油及芥辣。鍋底叫了養顏木耳雞湯，估唔到鍋底入邊有半隻雞，仲要都幾大隻，雞肉又爽又滑，鍋底味道有濃厚的雞湯味。見到盛肉拼盤A有美國安格斯牛小排、美國安格斯牛板腱、西班牙黑毛豬梅肉和紐西蘭羊肉片。這個拼盤份量不少，牛肉、豬肉和羊肉紋理好靚，只要微微一灼就食得，入口嫩滑，肉味香濃。見到隔離枱叫了加拿大桶蠔好靚，所以我們也叫了一盤，加拿大桶蠔上枱時好霸氣，隻隻蠔都好大隻，灼過後的蠔也無縮水，入口味道濃滑，口感滑雪雪。鴕鳥肉是無醃過的，原味食得出新鮮，入口香滑。金錢肚所採用的切割方式令每條金錢肚都可以好吸湯味，也令每條金錢肚都好淋，入口唔韌。

今日同幾位朋友行街，見到寫住‘正宗重慶火鍋，港式味道’，好似幾得意，咁就入左去試下啦。最值得讚嘅係菜單上所有食物都會寫低要煮幾耐👍🏻唔駛怕麻辣煲太辣，因為有會一個解辣方法，而且真係有用😳係食物方面，款式多，湯底有辣有唔辣✌🏻5色小籠包全部味道都不一樣，就算用煮的方法仍然會有汁係入面😌。蝦滑入邊超足料，有好多蝦。有一隻薯粉，唔係平時食開咁，係扁嘅，都幾特別。我覺得個鴕鳥肉都幾好味，而且價錢都比較平😆值得試吓。而且我地9點後入坐，仲有7折😆每人差不多$300，個個都食到超飽，環境都唔差，完全物超所值👍🏻

我同男朋友不嬲都中意食麻辣野，自從去左重慶之後就對重慶火鍋念念不忘，所以今次就決定試下呢間重慶過江龍！首先講下個環境，間餐廳都幾大，加上我地兩個人坐左張四人枱，啲座位好闊落，每張枱都有usb充電位，同埋有個小圍巾等啲汁唔好彈到件衫，好貼心既安排！另外每人都有兩對筷子，一對長既用黎淥野，另一對短既用黎食野。小食方面有花生同醃蒜頭食，蒜頭我興趣不大，但花生炒的幾香。今次我地叫左麻辣湯底(中辣)拼松茸野菌湯，雙拼係計貴啲嗰個湯再加$20，而本身呢兩個湯都係$160，所以雙拼就$180。雖然一開始都覺得偏貴，但黎到就覺得呢個質素黎講其實唔算貴。湯底上左之後侍應比左兩隻碗我地裝個菌湯飲，個湯底超濃郁，係出去就咁叫燉湯嗰隻味，同埋有好多菇係入面，完全唔係味精溝水嗰啲頹湯，果然一分錢一分貨！而個麻辣湯啲辣椒同花椒都超多，十分足料，但食野既時候要小心，成日食肉或者鵝腸嗰時會包住左個花椒，咬爆左之後搞到個口痺晒…調味料方面，枱面本身就有個調好左既醬料，入面有啲蒜蔥同麻油，正宗重慶火鍋就係麻辣湯淥完野之後點麻油，之前聽啲重慶人講咁樣食係可以等啲野食無咁熱同埋香啲，我係香港從來無見過呢隻咁正宗既食法，真係好

我發覺冬天特別多好野食尤其是呢間洪鼎重慶火鍋🍲 質素高到在場朋友都讚不絕口！首先鍋底有辣有唔辣，照顧一d唔多食得辣既香港人 例如我。 但一場來到一定要試下重慶特色，於是我地order左正宗洪崖洞麻辣鍋🌶🌶🌶 + 野菌湯 鴛鴦鍋。單係個火鍋醬油碟已經令人眼前一亮：一邊係調教好最合味道既比例，另一邊係隔油網，店主話係方便客人隔一隔油，享受美食之餘又健康！ 裝修有跟重慶屋既牆身設計，天花燈有重慶俚語，仲有得意地有game玩: 如果客人可以講出標準重慶俚語，就送一個生啤塔，6位以上即有紅酒🍷/白酒🍶一支！ 又有得食又有得玩！ 👏🏻👏🏻👏🏻 idea 💡 唔錯！ ( 好可惜我唔識重慶話😂😂😂🙈🙈🙈 )開餐啦！打邊爐之前建議可以先飲野菌湯，再慢慢落火鍋料。名貴菌類另上，均真均真👍🏻👍🏻 湯🥣就清清地，但菇味🍄好濃！ 蝦滑🦐真係不得了！係原隻蝦手打架！ 勁彈牙勁滋味！ 我第一次食咁真材實料既蝦滑！認真驚喜麻辣炸響鈴🔔（微辣）必食！好新鮮，皮簿鮮滑。黑松露水餃🥟 香到噴汁鮮活魚石蚌刺身，我好少食魚生但都被距征服左 因爲真係勁勁勁鮮甜！斜厚切令口感更實在，重點係堅平！ $128成條！安格斯Prime級牛

不管天氣又變暖了，冬天就是吃火鍋的季節，也是一個吃麻辣火鍋的好藉口(哈)正宗洪崖洞麻辣鍋拼強生松茸野菌湯.正宗麻辣鍋可以選擇辣度，分別有大辣、中辣和小辣；我們便了中辣。正所謂有辣有唔辣，除了必點的正宗麻辣湯底之外，我們還點了一個強身(健體)又滋補的松茸野菌湯。湯底非常清甜，每啖盡是松茸和各種野菌的香味，而且十分足料，我還忍不住飲了兩碗湯呢，因為實在 太 好 味 了！.據說這個麻辣湯底用上3個小時炒製而成，湯底裡用上不同的辣椒、香料和蔬菜等，絕對是真材實料啊。雖然看起來好像有點辣得生人勿近，但對於我不算吃得很辣的來說，這個湯底算是平易近人；每啖湯除了有滿滿的辣椒的麻香味，還有少許的果香味。鴨血.吃麻辣火鍋必點系列之一！鴨血非常嫩滑，久煮不硬，配上麻辣湯後簡直是最佳拍檔。麻辣炸響鈴.帶點微辣的炸響鈴，其實吃起來一點都不辣，不嚐辣的(如我)則大可以放心吃吧。炸響鈴吃得出是自家新鮮炸的，一定不是雪藏貨。因為每條都炸得非常乾身，而且亦不油膩，非常香脆可口。五色火鍋小籠包.香港店限定，分別有麻辣、原味、蟹粉、黑松露、芝士。賣相十分精緻，絕對是相機食先！個人推介是黑松露和蟹粉味。鴕鳥肉.皆因朋友不吃