Fûhn (The L. Square) (已結業)

約朋友喺銅鑼灣食飯，the L square 都幾易搵，地鐵站行過去好快就到。越式豬頸肉撈檬$85大大碗，檬粉唔算多，但好多蔬菜，配埋個汁酸酸味味，好開胃。手打炸蝦餅$98手打炸蝦餅，真係好彈牙，好好味！值得推介！仲有伴碟的醃蘿蔔絲甜甜酸酸，都好醒胃！軟殼蟹紫米卷$88食到軟殼蟹有少少辣辣地，不過軟殼蟹就唔算好大隻。蒜蓉牛油雞翼$58炸到金黃色，好香牛油蒜蓉味，咬落都好脆口！鹹蛋黃薯條$35 鹹蛋黃薯條新鮮炸起，熱辣辣，好香鹹蛋黃味，不過食個陣腍腍地唔夠脆。如果可以做到脆口就更加好啦！

我哋嘅死佬飯局晌疫情之下，兩年幾無搞過，適逢其中一位死佬就快生日，就草草哋3丁友搞咗個死佬小飯局慶祝吓，兼講吓近況。搵餐廳由小弟負責，方便大家就揀咗銅鑼灣區，而年幾前試過「Fuhn」，覺得幾好，而老友都喜歡食越南嘢，小飯局就決定晌度食。時隔一年，環境就無咩轉變，裝修依舊簡潔明淨，以四人枱為主，部份間起大型膠板成為兩張二人枱，是夜眼見都幾多人幫襯，可見「Fuhn」嘅出品都有一定質素。而我哋一行3人，被安排坐晌最尾一角，自成一角，當然最好，你知啦，麻甩佬有時講嘢越講越大聲，嘈到人哋就無咁好啦！枱旁放咗幾款食越南菜嘅基本調味醬料，如自家製魚露、是拉差辣椒醬及醬油。餐牌就好似唔同咗，變得簡單咗，翻一轉餐牌，款式依然咁多，以種類分，就分為湯粉、撈粉、飯品、特色菜、米紙卷、拼盤、法包、沙律、小食、甜點、兒童餐。飲品方面，同樣喺選擇多多，咖啡、椰青、沙冰、奶昔、梳打、特色花茶、啤酒……等等。冰磚鮮奶咖啡 $48平常食鮮奶咖啡喺飲熱嘅多，因為睇到靚嘅拉花就特別賞心悅目，不過，今次見佢哋有款「冰磚」就轉試吓凍嘅鮮奶咖啡。送到嚟嘅咖啡有4大粒咖啡冰磚，慢慢溶，所以，基本上喺越飲越香濃。但個人意見，一起手嘅

🛍今日約咗同懶懶熊去銅鑼灣行街街，行街前梗係要食啲嘢醫下肚啦，如果唔係邊有力去行街啊？📌好耐未食過越南菜，真係好掛住越南又平又好味嘅湯河、檬粉，今次就去到銅鑼灣食越南湯粉好出名嘅《Fûhn》試吓啦。📌位於一樓「L. Square」搭lift上到去開lift門就係餐廳。📌餐廳唔算太大，有十幾張四人枱。晚餐時段，都未算好爆滿。📌招牌菜就係食湯粉，檬粉。📌另外仲有小食餐牌，食盡越南美食。美國安格斯生牛肉湯粉，$75📌懶懶熊鍾意食牛肉湯粉，二話不說就揀咗呢個啦。安格斯牛肉片上枱嘅時候係紅紅地，生生地，再浸落啲熱湯入邊，鍾意有幾熟有幾熟，有幾生有幾生。都有五六大片，好重牛味，無乜油脂肥膏位，一啲都唔肥膩，薄薄地一片食落又有嚼勁，質素唔錯。湯粉係金邊粉，非常幼身滑溜，「Shu」一聲好易入口，連埋湯一齊食，清清地鹹鹹地，好濕潤。另外會跟上一兜生嘅芽菜同菜葉，係越南湯河必備嘅伴菜，浸落啲湯度一齊食可以保持住蔬菜嘅新鮮翠綠口感，唔會浸喺湯入邊太耐變到淋晒。香茅雞扒撈檬+荷包蛋，$75📌熊妹見到懶懶熊揀咗湯河，咁熊妹就試吓另一個招牌菜撈檬啦。都好大一碗，香茅雞扒煎得好脆口，雞肉超級嫩滑，用香茅調味，就咁食

早幾日同男朋友去銅鑼灣，到食飯時間突然好想食越南野，於是就去左呢間食飯，整體而言食物味道好，價錢合理，份量都算多，意想不到有驚喜😋見好多人都有推薦火車牛魔粉，我呢個愛食牛嘅「牛魔王」又點可以錯過！呢個火車牛魔粉好大碗，足夠2-3人食，用料十足！ 越式粉麵最重要就係個湯，呢到嘅湯清清地唔會好油，咸甜度適中，我地要左金邊粉麵底，金邊粉煮嘅時間剛剛好，腍得黎係夾得起方便食用，金邊粉吸左啲湯好好味！牛魔粉入面有安格斯牛、牛坑腩、手打牛丸、牛筋片、牛腩邊同牛柏葉，我最鍾意就係安格斯牛，好重肉味❤️第一次食牛腩邊，原來好有咬口，都幾好食。呢碗牛魔粉對於鍾意食牛嘅朋友黎講真係值得一叫！除左主食，我地仲叫左特上小食拼盤同鹹蛋黃薯條。鹹蛋黃薯條嘅鹹蛋份量好多，香口但唔會好油膩，食完都唔會覺得好濟👍🏻特上小食拼盤有6款小食，分別係炸牛油雞翼、春卷、手打蝦餅、炸扎肉、扎肉串、椒鹽軟殼蟹。整體味道都幾好，當中我最鍾意春卷、手打蝦餅同扎肉串。春卷外皮炸得香脆，一咬食到好多蔬菜絲，好滿足！手打蝦餅好彈牙，蝦肉份量都多。扎肉串幾特別，第一次食，豬肉味香濃🤤食完油炸物，飲番杯青檸梳打真係好refreshing，為晚餐畫

自從去完越南之後就好鍾意食越南菜，不論係撈檬、生牛河、越式法包、米紙卷都好喜歡，味道比較清淡，又唔會有油膩感，剛好有朋友推介呢間係銅鑼灣都開左幾年既Fuhn，就去試下睇下有冇正宗越南菜既味道🥰裝修都幾簡潔，以大理石色調為主，而店員服務態度好好，有禮貌之餘仲成日主動加水，她說如果唔多人等候可以繼續坐低不用急著還檯👍🏻－－－－－－1. 鹹蛋黃薯條 $28 7/10$28一份唔算貴，因為份量都唔少，薯條色澤金黃，仲有鹹蛋黃碎粒係面，不過薯條比較生，炸得唔太透，同埋唔係條條都沾到鹹蛋黃醬🙈2. 美國安格生牛肉河粉 $75 7.5/10食得越南菜都一定會叫生牛河，份量夠我同朋友食，湯底雖然清但有陣陣牛骨味，牛肉半生熟，肉質軟滑唔乾😋仲有一小碗既芽菜、青檸、辣椒可以加埋落湯一齊食，多倍滋味3. 特式鵝肝醬法包 $88 8/10法包烘得好脆好好食！餡料好豐富，有青瓜、紅蘿蔔、扎肉、蘿白絲等，好爽脆清新，仲有主角鵝肝醬🤤口感豐富，大大啖咬好滿足

一、位置 環境銅鑼灣站行出去就都 相當易搵 夠晒就腳！搭𨋢一出去就係餐廳 裝修幾新 坐落唔迫 環境都幾舒服枱面仲鋪咗張靚靚墊枱紙 識得自己翹起二、嘢食#火車牛魔粉 $128呢碗野睇落$128好似幾貴 實情仲大碗過過橋米線 夠晒兩個人食有突！而且仲用真材實料 有安格斯牛、牛坑腩、手打牛丸、牛筋片、牛腩邊、牛柏葉每一樣都獨當一面！唔係打手 係真係好好食！牛柏葉夠晒爽口；牛丸夠晒彈牙除咗配料之外，佢個牛肉湯都好好飲以牛河來講啲碗真係超晒班！相當值得推薦！#香茅牛油雞翼（4隻） $58四隻雞翼都相當之肥 啲雞在生嗰陣應該有舉下鐵 雞翼炸左之後層皮好脆！再加埋真係有香茅同牛油香味！一咬落去成擔肉汁爆出黎！😱真係好誇張 但好食得來又唔會太油！#椒鹽軟殼蟹 $118成疊咁上都算真係成有成隻蟹！份量唔算超大！但熱辣辣食真係好好味！成隻蟹炸到外脆內軟 除咗椒鹽之外依然保留到蟹味不過軟殼蟹要趁熱食 凍咗淋左會冇咁好味#鹹蛋黃薯條 $28唔好睇佢好似好少咁 主要係因為隔離碗野好大碟薯條係粗薯條 睇相都見到鹹蛋黃多到流出黎一啲都唔留手！相信咁樣都幾難冇鹹蛋黃味😂鹹蛋黃薯條做到咁樣 都真係算係冇得挑剔#牛油果奶

Fûhn銅鑼灣駱克道459-461號The L. Square 1樓本身一早plan左同成班fd 6月份去越南旅行，但遇到疫情關係當然去唔成啦，好失望唯有比個藉口自己食住越南嘢頂下癮先啦呢間越南菜餐廳以前都黎過覺得唔錯，而且位置好方便係銅鑼灣地鐵站C出口行過黎2分鐘就到，所以唸住今日再黎幫襯。我地一出電梯，即刻覺得改頭換面咗，原來無黎一排重新裝修左，除左坐得舒服左之外，連meun都更新左，加入左好多新菜式，好吸引呀 好重鹹蛋黃既香味，炸得好香脆，自己係鹹蛋控，一試即刻愛上左 好豐盛嘅小食拼盤，有炸牛油雞翼，春卷，手打蝦餅，炸扎肉，扎肉串， 椒鹽軟殼蟹自己最鐘意就係個炸扎肉，因為平時食扎肉通常都係食湯粉一片片既，但原來炸左都幾好味，另外椒鹽軟殼蟹都炸得好香口 即叫即炒，夠晒鑊氣而且都幾多唔同既配料，非常豐富 牛油果奶昔--- 本身出面都好少有牛油果製作嘅飲品，所以見到即刻想試下，估唔到出奇地好清新，好香牛油果既味道加上鮮奶，口感好Creamy 白桃沙冰---- 飲落個桃味幾濃，而且涼浸浸啱曬而家夏天咁熱飲，消暑一流