沙田18

營業中

休息中

出名片皮鴨的中菜館，幾乎每枱都會訂。烤鴨即日烤，烤完即片，上枱時仍冒煙🔥鴨分三部分上，先有最脆的胸皮配沙糖就咁食特別香脆而且鴨油香濃。另外亦會片出胸肉同腿肉，傳統片皮鴨式配青瓜大蒜包住食。這裡除咗黃麵醬(味道近似海鮮醬)會提供蒜泥，加了全部包住食又好夾好好味，喜歡蒜的朋友會非常喜歡。鴨皮油脂豐富味道較香，鴨肉味肉就唔太突出。值得一讚是包皮非常薄又煙韌不易穿，很出色！東莞特色菜中生啫白鱔很不錯，白鱔入味山椒微辣加入大量香茅，與別不同好惹味。鹹蛋黃魚皮蝦球是邪惡之最，但真係超好食呢，鹹香十足魚皮極薄極香脆，蝦球新鮮彈牙。全晚最喜愛一定是焗美國珍寶蠔，熱鍋滾滾的上枱，珍寶蠔名不虛傳，超級大隻！超級肥美，好耐冇食過咁肥咁大隻蠔。邊位脆裡面肥美超正，醬汁有乾蔥缽酒超惹味，撈飯一流。

好多地方都出名食片皮鴨，但唔係度度都做得出色。今次同屋企人黎左沙田凱悅酒店入面既中菜廳，試下呢度既片皮鴨係咪佢地講既咁出色。片皮鴨分左三食，片左淨皮同肉夾皮既部分，淨皮就點砂糖食冇咁漏，脆卜卜既口感加上鴨油香🤤剩番其他肉既部分就炒黑鬆包生菜食～另外鴨殼會拎去煲湯，加入左豆腐等既配料，湯既有鴨味又有香濃豆味。鹹蛋黃魚皮蝦球，呢樣同想像既一樣，非常惹味，基本上呢個配搭都冇乜得輸。禮雲子鮑粒煮滑豆腐，禮雲子係一種中國南面特別既食材，質感係幼滑既，味道都幾鮮，可惜禮雲子既份量實在太少。生炒豬油渣菜心，豬油渣係父母個輩年代既野食，特登叫俾兩老懷舊一下。主糧叫左個脆米鮑魚花菇燜飯，用鮑魚汁燜既飯，唔駛問一定好食🤤甜品叫左五糧液朱古力雪糕同花鵰話梅雪芭，兩種用中式酒整既甜品都幾有特式，只係雪芭略嫌淡口，花雕味唔係太夠。

🍽蜜汁叉燒 老醋紅頭海蜇叉燒睇落無也油脂,但食落係夠腍身亦都ok入味如果可以再濕潤少少會更好🍽傳統北京烤鴨上菜方面有d慢,師傅即烤即片,但我地一共8張檯,兩個師傅逐張檯上,第一張同最後個張食同一味菜既差距有差唔多廿幾分鐘,要客人乾等安排得唔係甘好,應該可以係客人食前一度菜就開始片或者上下一款先...烤鴨既配料同餅皮正常,係皮可以再薄d同熱d烤鴨可以分開兩種切法一邊係淨皮,另一邊係皮連肉淨皮個邊侍應同我地講係加砂糖食,入口即溶皮連肉既就用餅皮包住食淨皮係比一般餐廳既片皮鴨脆既, 佢唔係炸出黎個種系脆而係烤到無曬水分乾身個種脆唔知係咪我地d鴨上檯已經唔太熱,完全體會唔到什麼叫入口即溶？？？另一敗筆係個皮烤到苦,係加左d砂糖都會食到d苦味,最鐘意食皮既我都唔想食如果會苦到甘,其實無必要為左脆而烤到甘至於皮連肉,可能皮既部分唔多,所以唔太覺苦味,味道正常,無特別驚喜🍽竹笙龍躉班片勝瓜魚湯🐟奶白色既湯,味道都幾濃郁,落足料一細碗湯都有兩大塊班片, 班片厚切無骨同行怕腥既朋友覺得有d腥味唔怕腥既朋友就覺得好飲🍽上湯焗波士頓龍蝦🦞正常質數,龍蝦肉有彈性既,煮既時間剛好味道可以既,純粹無欣賞上湯焗呢種

補食父親節飯，一個月前已經訂檯，只有2個時段，分別係5:30 同7:30 選擇，我揀咗早輪5:30。當日一行7人，5:15左右到達，要先登記，準時5:30會安排已登記客人入座。安排坐喺窗邊位置，太陽仲未落山，光猛開揚。訂檯時順便預留一隻北京填鴨，選擇三食。第一食，填鴨都唔洗等好耐就上菜，目測填鴨皮似漏咗氣，唔太夠脹卜卜。師傅練熟咁手起刀落片鴨，第一碟只有鴨皮，服務員建議沾糖食，都唔算薄嘅鴨皮食落好乾、比較實、冇鴨油香，加咗糖食嘅話，可能因為冇咩鴨油嘅關係，真係同預期落差甚大。第二碟係只有鴨肉片，鴨肉嫩滑，不過毫無肉汁，而且鴨味唔濃，又再失望。第三碟係鴨肉連皮，其實綜合咗以上鴨皮同鴨肉嘅食感，配上厚薄適中嘅薄餅、青瓜、蔥白、蒜泥同甜味恰到好處嘅甜麵醬，靠咗啲醬同配料，鴨肉味其實已經唔濃，感覺配菜先係主角。第二食嘅生菜鴨崧喺啱啱切好晒第一食就上菜，咁即係唔係同一隻鴨同埋可能係一堆炒定。可能炒定分配上碟關係，鴨崧份量少，用上啲細size嘅大豆芽炒，調味一般，唯一可以讚吓啲生菜新鮮甜脆。三食係鴨湯，唔係一煲上，又係應該煲定一大煲，一碗碗送上，望落湯色濃白，內有津白同豆腐，飲落淡如水，一啲味道都

這晚又再次來到港鐵大學站旁的沙田凱悅酒店中菜廳沙田18。提起沙田18，相信不少朋友都會立即聯想起這裡的招牌烤鴨。不過其實除了烤鴨，這裡不少菜式也都做得出色。就像這夜，大家選來的大都是家常comfort food。這客墨汁醃吊桶蒸肉餅 ($248)，肉餅質感很好吃。本來還以為加入了墨汁的肉餅賣相會是烏卒卒呢。肉餅以外另一送飯一流菜式是鮑汁焗桶蠔，味道鮮香。愛吃熟蠔的朋友不要錯過。至於最得我歡心的一道菜式，就是極邪惡但又超美味的鹹蛋黃魚皮蝦球 ($368)！香脆鹹鮮的鹹蛋黃炸魚皮，拼鹹蛋黃蝦球，一次可以滿足2個願望。尤其適合人少少的聚餐，可以多嚐幾道不同口味菜式嘛。接著大家吃過杞子鮮腐竹瑤柱魚湯浸皇帝苗($228)與大澳蝦膏帶子炒飯($238)後，便來到甜品時間！沙田18的甜品向來很有中西合璧的感覺，是把傳統中式風味介紹給海外朋友的好機會。柑桔雪葩($42)與黑糖薑雪糕($42)，真是第一次吃到。配果仁的朱古力棒吃得多，沙田18這裡以中式涼果果杏脯等製成的涼果朱古力棒配黃梅醬($65)，食感有趣。至於貌似薯片的原來是香茜脆薄餅($65)，可以配黃豆醬吃。但我覺得淨吃薄餅已經夠好吃，淡淡的芫