令和鍋物酒場

營業中

休息中

🎏廚師發板2人前 $288★★☆☆☆類似omakase，按當日最新鮮嘅海鮮而定。有大約6款刺身，三文魚唔算好厚切，正正常常冇特別鮮美。帶子有2舊，但佢係一開二，爽甜但唔係特別清甜。八爪魚唔夠爽，有一樣類似鮑魚，都係普通。仲有其他魚刺身，唔太認得出係咩魚，食落偏腥。整體表現係中下唔合格，點左完全有後悔，但明明見到網上食評好多都讚，真係唔知係咁啱個日食嘅刺身品種出事定點，成餐飯最唔OK嘅一個，因為此終唔係樣樣岩食，單點可能更穩陣。🎏灸燒左口魚裙邊 $58★★★★☆左口魚裙邊有6片，乳白色晶瑩剔透，入口有灸燒味道，入口即融，有少少黏口，唔洗點豉油個味道都夠。食落幾特別又幾好味，推薦。🎏鍋物雞白湯黑豚肉$268★★★☆☆鍋物有好多款湯底，咁啱試左雞白湯，自選肉類組合簡左沖繩黑豚肉200克，追加左鮮鴨胸肉100克$78，鍋物另外除左肉仲有Ｄ時蔬、菇、豆腐、葛絲。個湯底就咁飲有雞味，咸咸地咁，但用黎碌野食就唔太夠味。沖繩黑豚肉都幾多片同大塊，脂肪偏多，食完一塊都會有啲漏，要食下其他野中和下，但塊豬有豬肉味，係略帶肥左啲。鮮鴨胸肉份量好多塊，食落有啲膻味有啲韌 ，因為個湯底清更加特顯到個膻味。🎏鹽燒

早排見到呢間日本居酒屋好多野食😍，又有鍋物、爐端燒、刺身、串燒、小食、一品料理等等，作為為食鬼既我梗係就約埋朋友黎試下😋。Menu選擇太多同朋友望左好耐先揀到🤣。🔅澳洲M6和牛(200g) ($198)有店員負責燒可以un un 腳等食😝。建議唔使叫太熟，每邊燒到變色都差唔多🙌🏻。🔅日本黑毛和牛鍋燒烏冬 ($98)和牛好正！爽嫩又唔會太膩，烏冬口感偏腍啱晒我💕。不過如果有壽喜燒湯就好🥺🥺。🔅鹽燒牛舌 ($48)燒得好爽口👍🏻，唔使沾醬已經夠味。鹽燒食落牛味都濃啲。🔅柚子鹽黑豚肉 ($28)平時最怕啲成舊肥肉🥺，呢串黑豚肉啱啱好唔算肥，加左柚子鹽幾fresh😋。🔅黑豚大腸串 ($28)大腸唔韌又超入味🥺，唔錯♥️❤️。🔅唐揚墨魚咀 ($38)墨魚咀好有驚喜！$38無expect有咁多粒😱，新鮮炸起真係無得彈🤩💕。🔅冰火菠蘿 ($28)平時既燒菠蘿係熱既，呢個應該燒左再加糖喺面燒，然後再雪凍。口感好新奇，大大舊凍冰冰又juciy，正😎。🔅荔枝乳酸梳打 ($33)🔅菠蘿乳酸梳打 ($33)💬食物性價比好高！環境都唔錯，又有酒飲，好適合同朋友gathering 🥺。

之前其實想試呢間但book唔到位今次終於可以一試💛二人刺身嚟講份量好足👍全部都好新鮮特別一提帶子勁鮮甜肥美燒三文魚頭都好好味而且都好大個啲油脂香係口入面散發出嚟加少少檸檬汁，正👍牛舌我都好推薦食落好爽口壽喜燒我就覺好麻麻喇本身已經諗住叫A4和牛實冇死啦但sorry啲牛肉鞋到一個點好似食緊香口膠咁...而且仲有好多筋...隔離枱啲牛好多都係得肥肉，要叫侍應幫手換咗佢添但我好失策地冇影到相..全晚最唔like係呢樣之後其他都好OK大家嚟就唔好中伏喇

 「令和居酒屋」一直都係小編在香港日本菜🇯🇵名單之一，勝在食物有質素，價錢平民，性價比高！👍🏻而「令和鍋物酒場」感覺係「令和居酒屋」嘅另一條line，之前去過彌敦道嗰間，食物款式相約，不過感覺「令和鍋物酒場」嘅食物做得更精緻，坐得也比較舒適～不過去過咁多間「令和」，小編就最鍾意❤️尖沙咀新開呢間～餐廳內外都富有日本🇯🇵風情～入座後，每枱都會送上一碟開胃小食—日式凍蕃茄，配上日式酸甜醬汁，好開胃！「令和」嘅刺身一直都好抵食，每次黎都一定會食！🌟推薦❗師傅發板（二人刺身）（$288）刺身份量多又夠新鮮，有中拖羅、油甘魚、三文魚、赤海蝦、粒貝、蜜柑鯛等，雖然只係每款兩片，但斤量十足！油甘魚、三文魚厚切肥美，中拖羅油脂豐腴，蜜柑鯛帶有淡淡橘香，赤海蝦好大隻，蝦肉入口軟嫩又不失口感，粒貝爽脆鮮甜！同其他分店一樣，呢度嘅串燒全部都係即叫即燒，保證新鮮！👍🏻鹽燒牛舌（$48）牛舌厚薄適中，口感爽彈，肉香十足！A4和牛肋根串（$68）看似平平無奇，內在卻筋肉相連，肉質鮮嫩有嚼勁。柚子鹽黑豚肉串（$28）肉質一啲都唔嚡，配上柚子鹽醬，香甜可口，幾夾！薩摩赤雞肉串（$32）日本三大名雞之一—鹿兒島薩摩赤雞，

雖然我唔算係一個芫荽控，但成日見網上介紹好多唔同嘅芫荽食品都會想試下，知道令和有個芫荽Menu，貧友咁啱又係芫荽控，一於就約佢黎試下。令和嘅店面都幾大，我鍾意佢地嘅卡位前後加左竹簾相隔，私隱度較高。一坐底侍應會先黎每枱一碟前菜凍番茄，居酒屋一般哩類前菜雖然係default，不過都係要收費，但令和竟然唔洗額外收費!凍番茄涼涼地，酸得黎好fresh好清新。鮮檸檬燒酎梳打($58) - 梳打一上枱，每個人一定俾佢成呎長嘅鮮檸檬吸引左視線，超呃Like！另外，平時酒精飲品都會比較細杯，哩杯燒酎梳打就大大杯，一杯都夠飲，因為加左梳打，所以酒味唔會太重都易入口。檸檬係因為雪凍左所以先痴埋，飲到咁上下檸檬解凍左，就會開始跌出黎，哩個時候亦可以篤下啲檸檬，多啲檸檬酸味好fresh！芥末八爪魚($28) - 八爪魚芥末味啱啱好，唔會太嗆鼻，不過如果空口食會啲過鹹，比較適合用黎餸酒。鹽燒牛舌($48) - 牛舌咬落帶啲彈口，如果厚身少少更好，鹹鹹香香幾惹味。鹽燒白鱔($48) - 白鱔皮燒到脆脆地，肉質好結實帶啲彈口，必點！牛肉可樂餅($28) - 可樂餅比想像中大份，炸皮香脆得黎唔會太硬。甲羅燒($11