橘焱胡同燒肉夜食 (已結業)

在台灣吃了數次，每次去水準都可以維持到。這間香港分店在它開業的時候，我其實已經來光顧過，也覺得沒有大分別，可是今天一來，只是一年的時間，水準下降得有點嚇人。首先，以前除了蔥花，檸檬汁，還會有別的醬料，現在要問才會有哦！老實說，如果牛肉燒得好，醬料是多餘的，所以可想而知這次的水準如何。不過店員給的鬼椒的確挺辣的，只有吃小辣的人一定不要試哦。蔥花牛舌以前不點醬汁都好吃，現在是差了一點，不過牛舌味道還是正常的。扇子肉同樣是薄薄的，只是因為爐已經不是炭爐，火喉太大，有點過熟。比較好吃的都是偏厚身的牛肉，因為在燒到差不多的時候，就可以提店員自己想吃生一點，這樣才吃到5至7成熟哦，否則都變全熟除了牛肉，蟹糕生干貝也是挺令人失望的，開業時來的生平貝很大顆，蟹糕也很多，不知是不是香港物價愈來愈貴了，這次的生干貝感覺只有以前半隻的大小，蟹糕也因此少了很多。不過還是鮮甜好吃。至於還是好吃的有墨魚香腸，這個是推薦！一定要試試，很好吃！今次還點了台灣冰卷，其實是魷魚，味道沒什麼特別，就是挺爽口新鮮。掃枱面二維條碼加會員還會有小食送，是次送的是帶子裙邊，是日式螺肉的醬料，挺好吃的。另外還點了飲品，梅酒，可爾必思

以前成日去台灣旅行，次次去親都會食烤肉，因為烤肉真係台灣其中一樣最好味既食物，我自己認為仲好味過牛肉麵同麻辣火鍋多多聲。咁早幾年見尖沙咀開左間乾杯，風格、佈置甚至情侶留Kiss 相有野送呢D trick都跟到十足十，但係食既野完全兩回事，又貴又難食，即時對台灣過江龍起戒心 (及後先知原來係有人巧合地開左間同名同姓同風格、賣同樣食物而標誌亦看似雷同既食店... ... 我唔敢話俾人呃，只怪自己食飯前唔查清楚公司註冊文件....唉~)。今次去胡同其實都驚驚地，好在入到去已經覺得台風味濃，因為聽到有人講國語 (台腔)，心諗今次應該堅喇嘛? 結果終於無失望。胡同既座位都幾舒服，可能因為唔係地舖，舖租平D，座位寬闊D，桌與桌之間既距離又大D，個人都即刻感覺「台D」。而且佢地真係有員工係台灣派過黎香港，服務態度好就唔在講，除左會幫你燒埋，間中仲會同你傾下計，講下中港台既分別 (個高大靚仔侍應仲話自己之前去左大陸分店一年)。咁識撩人吹水既waiter真係似足台灣，香港少見。到講返食物質素，以下就係我叫左既食物：和牛肋條：肉汁豐富、唔會韌、牛味重，而且價錢唔算太貴，必食之選。霜降松阪豬：呢個都係必叫，

由台灣開到香港的燒肉店:: 橘焱胡同🥩係呢度, 你聽到台式國語仲多過廣東話😆😆*注意:: Bar枱位係用炭爐燒 其他位係普通網燒呢度最特別既服務.. 就係員工會逐樣食物幫你燒, 你係唔需要動手架!不過呢度既員工實在係太忙... 一個員工同時要serve幾枱客人而且每燒完一款食物都會換一次網同碟...所以好多時 食完一轉又要等唔知幾時先再有人返黎>.<氣氛唔錯 燈光微暗🥂有好熱鬧同放鬆既感覺更加可以當員工係朋友咁傾計講笑🙂Menu好仔細咁分左肉類屬於咩部位~而且對於高質既和牛, 餐廳會因應當日每個唔同部位既品質作篩選.. 只賣當日品質最優秀既部位..所以每日供應既位置都會有唔同架!😉蒜蓉,香蔥同檸檬汁坐bar枱係用炭爐燒🤩鹽蔥牛舌$98原本想試每日限量既角切牛舌但已經太遲賣晒喇😢牛舌非常juicy! 包住大量香蔥同蒜蓉, 好香蔥味🍃但就略嫌蓋過左牛舌本身既味~牛五花$168食入口又腍又滑! 而且牛味幾突出😋霜降松阪豬$80用上大量蒜蓉醃製既松阪豬🐽聞落同食落都係勁重蒜味肉質細嫩... 豬味唔太重, 我幾鐘意 : )草蝦6隻$80燒得超香 好有蝦味🦐 鐘意佢唔會有多餘既調味

朋友成日話要去台北食野....一般打工仔又邊有咁多假同佢癲咁唯有同佢一齊去食間台灣過江龍, 以解相思之苦一入去, 竟然可以聽到侍應姐姐用地道O既國語同我地打招乎二話不說, 即刻嗌杯野飲, 扮下台灣人先..大大杯, 慢慢飲由於太多野揀, 嗌左個沙律食住先沙律賣相幾好, D 汁又開胃仲有我最喜歡O既蛋..真開心由於都係朋友拍版, 我都唔知佢嗌左乜和牛扇子肉....未聽過食燒肉..估唔到哩個餐廳完全唔使自己燒, 係個侍應姐姐係你隔離燒比你食..仲可以request 熟D / 冇咁熟...完全估佢唔到!!!!!D 肉仲要燒到O岩O岩好...又多汁, 又唔會太生食完一碟, 又到第二碟神奇O既地方又發生了...佢竟然換網!!!!每燒一樣野都換網...認真落本!!新燒O既肉唔會痴網之餘, 又唔會比之前D 食物影響到抵讚!!!!肉包住蔥, 味道好夾碟碟肉都燒到好好味!!爭D可以砌返隻蟹出黎.貪得意嗌左碟真.蟹柳好感動, 終於唔使食"假蟹柳"個蟹蓋又係勁好味送飯一流!!!朋友見到有雞心又係忍唔住嗌估唔到咁偏O既野都有人鍾意食.....更估唔到哩到有得食雞首肉又一冷門之作羊排燒好等佢幫手切..唔使食到咁狼

早就好想黎呢間台灣燒肉店了, 但一直未有機會. 今日行過又同男朋友講開就上左黎, 晚上時間尚早唔算好多人, 2個人又可以坐吧枱同廚師近距離接觸, 真係一個好好的設計. 隨身物品可以放係餐廳設有既locker, 唔怕會整dirty個手袋仔, 都幾好~ 星期日晚上唔算太多人, 不過之前聽人講吧枱長期都full, 今日黎到都仲有位真係好好彩!! 黎到呢度真係好似去左台灣咁, 可以以普通話同佢地溝通，但其實佢地有d都係香港人, 所以唔識講都唔係難道。因為有駐場既台灣人係呢度打理, 就算係有d廚師都係台灣人黎嫁! 真係好似去左台灣咁, 因為坐係吧枱, 全程都好似個懶人咁, 因為佢地會幫忙燒肉, 同埋又可以同佢地有傾有講。有個台灣ᴏᴘᴘᴀ 講野真係好好笑, 可以同職員融合一齊既餐廳香港認真少有❤️而且唔使自己燒，佢地會幫你燒❤️ 真係正!! 鹽蔥牛舌 $98呢個係最先黎到既野食之一, 之後都開始有其他野食上枱了~野食方面都有幾款口味可以比大家簡 (椒鹽, 烤肉醬 & 蒜味) 呢個放上滿滿蔥花, 雖蔥花沒有大蔥咁香, 不過因為有蔥花關係多左一份口感, 而且牛舌一d都唔干好軟熟, 佢地真係燒得好好, 因為

日韓式燒肉就食得多, 呢間由台灣開到黎香港嘅台式燒肉就第一次食, 睇下有咩分別先!呢度有吧枱位或普通枱式選擇, 吧枱位係以炭爐燒, 店員會幫你燒烤, 識食嘅當然係用炭爐燒, 風味零舍唔同D!未食過嘅可以參考一下佢呢到嘅推介, 款式有牛/豚/鷄/羊/海鮮/蔬菜, 仲有酒類供應呢度嘅牛肉係選用澳洲和牛, 價錢同質素都岩數, 唔會下下用日本和牛黎嚇親人, 令人食得舒服又滿足!備有檸檬汁/蔥及洋蔥粒伴肉食............肉肉, 我黎啦!!鹽蔥牛舌 ($98) - 薄薄一片牛舌已調好味道, 再舖上蔥粒一齊燒, 香味開始散發, 我嘅口水已經流動.............蔥粒同牛舌係做到好朋友架, 軟滑嘅牛舌加上蔥粒, 點上少少檸檬汁一齊食, 未食完呢碟我腦海已經諗緊要唔要叫多客好呢?!達拉斯 ($188) -  每日限量供應, 睇下佢嘅脂肪分佈同顏色係幾咁誘人?!  先燒香四面鎖住肉汁, 要求五成熟就可以, 內裏仍然保持嫩紅色!放入口咀嚼, 油份同埋肉汁係口腔爆發出黎, 肉味濃.........哇超好味呀!想中和一點肥膩感, 用白飯配送亦係一個唔錯點子, 加點點青蔥及洋蔥粒, 無得輸呀!梅

終於試到喇，台灣人氣橘焱胡同燒肉，果然名不虛全，由入門口到埋單離開，最深刻就係佢哋體貼嘅服務可以話係無微不至，絕無誇大，唯一要彈嘅就係，太難book位廢話唔多講，首先介紹下內在環境，入門口位有一排百子櫃，原來係比客人選擇放低D衣物，始終日式燒肉店會好容易吸味，真係好細心另外裝修好有台灣風格，我覺得佢加入左香港人喜歡的型格元素，特別欣賞佢地設有一排吧枱位，無論你一個人，或者三五知己，淨係坐喺度就已經好有feel，加上睇住咁靚仔嘅廚師為你即場烹調食物,你話幾爽有圖有真相，高朋滿座，一位難求，仲有，全程你只需坐定定等食就可以，佢哋係會係你面前燒好俾你地食，真係好享受鹽蔥牛舌⭐️⭐️⭐️⭐️講番嘢食，首先order份鹽蔥牛舌，服務員會建議五成熟，當然啱晒我心水喇，未食就已經流晒口水，感覺唔似平時食牛舌咁，佢會比較爽身，再加上適量嘅鹽和蔥花，食落口好夾，好juicy，掂綜合野菜⭐️⭐️⭐️⭐️青椒、節瓜、粟米、鮑姑，唔係講笑，真係好好味，燒完唔會乾，食落去好有水份，好得意牛五花⭐️⭐️⭐️⭐️⭐️牛五花，脂肪分布平均，燒嘅時候已經香氣撲鼻，一啖一件，回味無窮霜降松阪豬70⭐️⭐️⭐️⭐️食落去好爽，外脆內軟，豬肉都可

今日係星期日Family Day一家人黎到尖沙咀食燒肉。 因為聽日大家都要返工, 所以就Book左最早既六點鐘啦。我同媽咪早左到, 上去發現已經好多人等緊, 原來佢地做緊Briefing未有人帶位入去。好快佢地開完Briefing就跟Booking帶人入去嚕。地方唔算好大, 坐位分吧枱, 卡位同普通枱。坐低之後侍應就比左四碟檸檬汁我地點肉食, 仲有兩碟蔥花同洋蔥碎。我地叫左三杯日本生啤同一杯 Ginger ale。 我地首先叫左一份蟹膏生干貝(生食) $100, 佢係一件好厚既帶子上面放左蟹膏, 上枱既時候已經切好成兩細件。入口蟹膏味好香, 帶子非常新鮮, 好食! 只係單價比較高, 我地都係叫返肉食啦, 哈哈!和牛方面我地叫左鹽蔥牛舌 $98, 角切牛舌 $128, 牛五花 $168 同埋扇子肉 $198。兩款牛舌係一厚一薄既, 初時以為厚既應該比較有咬口, 但食落又唔係喎! 反而係薄既有咬得耐, 厚既好爽又唔會好難嚼, 個人就比較鐘意厚個款啦! 牛五花要左烤肉醬味, 食起上黎甜甜地, 點埋個檸檬汁, 酸酸甜甜咁好味啊! 扇子肉同頭先既角切牛舌都係每日限量既, 扇子肉應該係接近牛腹既肉

台灣胡同@尖沙咀去台灣無食到好出名嘅胡同，反而而家喺香港食翻 😂 餐廳有一大排 locker，可以放心將啲嘢擺哂入去。我坐嘅 bar 枱有櫃桶，都可以擺下電話，唔怕食到整污糟～蟹膏生干貝係將啲蟹膏釀落鮮甜嘅帶子，食一啖口腔就充斥住蟹膏嘅鮮味！好特別又好好食嘅配搭 👍🏻我哋坐 bar 枱可以望住專人用炭爐去烤肉，個網換得好密，感覺乾淨得多。鹽蔥牛舌比較平時食嘅牛舌薄身啲，但係就好爽同有咬口，而且加咗大量蔥花，賣相好靚～扇子肉係澳洲和牛腹部附近嘅肉，油脂分布得均勻。店員會將佢對摺咁燒，因應我哋嘅喜好燒到五成熟。達拉斯係前胸肋骨中間嘅肉，因為呢個位唔係好多肉，所以達拉斯係限量供應，亦係胡同嘅名物！一份係有兩條，不過我哋光速食咗一半喇，哈哈。一條嘅達拉斯再分成四件，每件都好厚身，不過店員嘅烤肉技術好高超，仍然保持到達拉斯鮮嫩嘅肉質 😋達拉斯用嚟送飯一流！霜降松阪豬用咗少少椒鹽調味，燒完就咁食都唔錯，肉質都好滑。草蝦好抵食，一客有六隻。店員燒嘅時候將佢哋排得好整齊，睇落好靚～ 草蝦都幾彈牙，蝦頭仲有蝦膏𠻹。食咁多肉都要食翻啲菜嘅，我哋點咗個綜合野菜，有四種唔同嘅蔬果。另外再加多份秋葵，張相又係一

來自台灣的橘焱胡同燒肉夜食，在全台已有不少分店，還開了過中國，而尖沙咀這家是第一家在香港的店。猛龍過江，開業前已經在不同社交媒體聲名大噪，到開業初期真的連訂座都有困難。過了一陣熱潮，我終於可以訂到枱試個究竟！門面已經很有氣派，黑紅的裝潢，古典得來帶點新潮，一點也不老土，是很大膽的色系。一進門，操台腔的女店員便親切地招呼我們，並把我們領到座位。雖然大家都是女生，其實是沒那個必要，女店員卻還是堅持替我們挪開高椅讓我們入座，禮儀做得很足。剛剛七點，吧枱已差不多坐滿，外邊的枱也不消一會被填滿了。到最後這個星期一的晚上，只有兩枱是空的，生意也不錯。做了功課才來，知道訂吧枱的話食物全都是店員幫忙燒，坐外邊的話則店員才會偶爾協助。雖然我倆對於煮食是略懂一二，不過面對高質素的肉，還是不要冒浪費的風險了。 加上用炭爐燒，店員一定比我們更有經驗，知道甚麼肉類要燒多久、要燒多熟，到最後我們都很慶幸訂了吧枱這個選擇呢！每枱會放一碟醃漬洋蔥碎和蔥花，別少看這個， 這個可是好吃得我們整頓燒肉餐中不禁要添加！原來洋蔥碎特別漬過後，即使這樣生吃也沒有那種難吃得刺辣味，反而是清爽的感覺。另外還有每人一碟的檸檬汁，是用來