雲家小鍋米線 (328廣場)

營業中

休息中

每一次去雲家都要排隊不過都值得架因為個米線真係好味同朋友每人叫咗一個小食店員會問你辣度 可以自己選擇麻辣金錢肚 $46涼拌墨魚頭 $46墨魚頭次次都會點嚟食因為佢真係好爽脆加埋啲蒜蓉 辣汁 好好食架金錢肚係第一次試都好有水準呀金錢肚好爽 又入味叫咗兩碗小鍋米線 小辣 $31第一碗叫咗豬大腸$10 腩肉$10豬大腸洗得好乾淨腩肉好入味令一碗叫咗腩肉$10魚肉春卷$9 蘿蔔$7魚肉春卷都幾彈牙蘿蔔就好甜米線份量超級大連埋啲配菜酸菜芽菜好似食極都食唔完不過由於店舖人手唔多所以如果要叫嘢食都要耐心啲等候店員呀見到佢哋都好盡力想好快招呼到每一位客人

成日响啲米線關注組提及雲家，一直都好想試吓。今日難得路過，唔係唔試嘛？！今日唔係好多人，等咗兩枱就到我哋喇！店內地方唔大，每枱都好迫，坐得唔係咁舒服。😅 餐單選擇多，但今日冇熱/冷撈米線，只有湯米線。聽聞佢嘅酸辣湯底唔錯，今日揀咗酸辣腩肉燕皮肉餃湯米線、酸辣腩肉肥牛湯米線、涼拌麻辣金錢肚、另加兩杯凍飲，承惠$166。點餐後，就進入漫長嘅等待喇…… 冇錯，原來嚟雲家就要預咗等最少15分鐘。今日又遇著好多外賣，就更慢喇！結果等咗差唔多25分鐘。米線上枱第一件事就係飲湯，佢嘅酸辣係帶甜味嘅，個人喜好再酸啲，但枱面上冇任何調味料，想加醋加辣都唔得，有少少不知所措。只可以講各有所好啦😅 ！腩肉係瘦肉，偏乾但份量好足，食極都有，非常抵食。燕皮肉餃有3-4隻（唔記得），燕皮比雲吞皮薄少少，其他差唔多。肥牛就份量少，只有3片，唔抵食。米線比較軟身，但份量好多，比雲貴川更多。第一次食一碗米線就飽成咁。🤣涼拌麻辣金錢肚蒜頭辣椒好多，但唔麻唔辣，仲有少少鹹。但味道整體嚟講都OK 嘅。總結一下鹹魚青菜各有所愛，口味唔同都好難講得中肯。於我而言，佢味道雖好，但未到神級，亦唔入我嘅三大。對於雲南米線，我個人偏好重

今日難得去荃灣行街，順便買個外賣返屋企慢慢食熱拌紅薯粉 $30乜餸都唔使加，就已經有肉燥、榨菜、鹹菜、花生🥜已經好滿足😍酸酸辣辣超級正豬頸肉小窩米線 $46一定係配酸辣湯底先好味，除咗有豬頸肉，仲有好多配菜，最緊要梗係個湯底夠濃郁🤩蒜泥白肉 $39勁勁勁多蒜蓉，愛食蒜蓉嘅你一定超鍾意❤️超惹味涼拌墨魚頭 $43大大粒夠爽口，一啲都唔會靭，酸甜嘅汁醬撈埋一齊，加埋杯啤酒🍻就冇得輸麻辣金錢肚 $45🌶辣度足夠，夠淋夠入味，又係有一大堆蒜蓉撈埋一齊食，重口味之選👍🏻

我一向無辣不歡，米線真係百吃不厭😌所以今日嚟咗好多人話好食嘅荃灣雲家試吓😛舖頭細細，但真係好多捧場客，堂食同外賣都好多單🤣因為唔算好肚餓，我哋叫咗一碗麵同埋啲小食share食😌小鍋紅薯粉配豬大腸同螺旋草小辣 ($49)😚呢個酸辣味道好平衡，唔會勁酸～帶少少甜味🤤兩樣配料都好好食～大腸唔會好肥，冇臭味，而螺旋草好爽口，正！另外值得一讚嘅係碗麵有好多配料，芽菜、韮菜、肉碎等等，好豐富☺️小食方面，可惜出名嘅豬頸肉賣哂😢叫咗個都好出名嘅涼拌墨魚頭 ($43)😌份量都唔少，除咗本身墨魚頭好爽之外，個調味仲好濃味～蒜味好重，仲有啲好香嘅辣油🤤連平時少食辣嘅男朋友都大讚呢個小食！另外，蒜泥白肉 ($39)啲蒜又係超多！鋪滿哂啲白肉上面～呢個白肉係熱食嘅，都好好食～最後就係叫咗個麻辣金錢肚 ($45)🤣呢個就唔係嗰種蒜味重嘅感覺，而係麻辣味勁啲，如果唔太食得辣嘅應該會覺得太辣🤣我係覺得好食嘅👍🏻食完呢餐，真係止到啲辣癮😚好好味～