養心殿台式養生鍋 (已結業)

今日終於約到一位好久不見的朋友去食火鍋，由於大家都十分喜愛麻辣火鍋，最後選擇了荃灣的養心鍋。環境方面：十分古色古香，好像回到古代，十分有特色食物方面：我們選了麻辣鍋，個鍋十分古代而湯底都十分足料，有大量既辣椒，香料。湯底好夠味。而我們選了幾款火鍋配料，有蟹棒，魚皮餃，貢丸，上特雪花肥牛，黑毛豬梅花肉，唐生菜，蟹籽墨魚滑等值得一提既係佢既份量都好大份，肉類不會太厚太薄。而且脂肪分明，食的時候不會十分油。服務方面：侍應上菜快，冇錯單，而且一看見空了的碟好主動來收走。最後仲送左一人一枝小沙冰解辣

同男朋友慶祝生日，黎左呢度食火鍋。講起養心殿，最近一定會諗起延攻略，而呢度嘅裝修都好有古代宮廷feel，如果d staff都着成宮女太監可能仲似。(講笑)走廊位置有地方畀人攞醬料，有豉油、香蔥、蒜蓉汁、紅辣椒、芫茜、香醋。湯底方面，可以叫兩種湯底，合併成為鴛鴦鍋，價錢方面會計貴啲嗰個。我地一邊叫咗麻辣鍋($128)，裏面有鴨血同豆腐，仲有好多款香料。我地叫左小辣，覺得都辣得有少少嗆，但嗰種麻嘅感覺又好正。另一邊叫咗寧神養生鍋($168)，裏面啲料真係好補，重點係裏面有半隻雞加半條魚，男朋友最初以為只係有煲剩嘅湯，但其實係會畀埋啲湯料你的，食完真係覺得好養生好補好補😭同埋佢嘅藥膳味令人覺得食完好健康💕麻辣鍋附送多一份鴨血，可惜男朋友唔太食，唯有我自己清盤😂餸菜方面，我地叫咗一份極上雪花肥牛($188)，一碟有十幾塊左右，都幾新鮮同肥美，好好食。呢度嘅寬粉條($38)同薯粉嘅質感好似，都係滑捋捋。唐生菜($58)餃子拼盤($118) 有六款餃子，包括豬肉餃、鮮蝦雲吞、芹菜餃、麻辣牛肉餃、魚皮餃同埋水蓮餃。其中最深刻嘅係麻辣牛肉餃真係超級辣，因為我中意食辣，個人覺得好新奇又過癮。最後會附送

今次終於可以同老婆一齊食這家火鍋喇！荃灣分店感覺上地方更大，今次試多了些新口味。麻辣鍋：這個價錢這個質素，性價比真係幾高。今餐穩穩陣陣只係試咗少辣，湯底都唔錯，麻辣味得香，相信下次可以試中辣，因為再麻辣一點會更爽；湯底附有鴨血及凍豆腐，講到鴨血，依個真係好有台式風味，口感比豬紅韌一點，鴨血吸收了麻辣湯，好入味，好甜；凍豆腐，口感軟軟，同樣吸收了麻辣湯後，好香好入味。手切牛肉：必食，有入口即溶的感覺，牛肉味很濃。厚脂黑毛豬梅花肉：口感得好，雖然只是薄薄一層，但豬肉味特出。自家製麻辣牛肉餃：味道唔錯，好有牛肉味，而且真係好足料，感覺像包了雲吞皮的牛丸，哈哈！萵筍：個人認為麻辣鍋必需的配菜，吸收湯味同樣會變甜。(唔似其他蔬菜只會變得很辣)稻庭烏龍麵：滑滑的烏冬，配上(我覺得極品的)肥牛，簡直一流美味。最後，仲有大大球雪糕贈送，藍莓味，益力多味，又酸又甜，醒胃又好味。

養心殿台式養生鍋一直是我至愛，這星期溫度終於跌至十度以下，又代表著可以瘋狂打邊爐了！這晚與友人來到他公司附近的荃灣分店，我們二人被安排入座四人寬敞座位，吃得舒適。由於我很愛吃這店的麻辣鍋，便著友人二話不說點了。除了麻辣鍋，這間店還供應酸菜白肉鍋、寧神養心鍋、秘製薑母鴨鍋、美人鍋、養心鍋、還有鴛鴦鍋 (價錢按較貴的一鍋收費)。餐廳設有自助調味料區，我們可按個人喜好調製混醬。待了不久，一大盆麻辣鍋上枱了，麻辣鍋配以多種香料及藥材，還有鴨血及凍豆腐，味道惹味，麻而不辣，也可以在下單時選大／中／小辣，這次我們選了小辣，只是有輕微的辣味。選擇麻辣鍋的話，還可免費添加一客鴨血，好味的鴨血沒腥味及養血補身！而附上的凍豆腐如海綿一樣吸收了麻辣鍋的湯底精華，美味濃郁。這晚我們最滿意的配料是蟹籽墨魚滑，一客大約可製成八粒小丸，二人分著吃份量剛好。蟹籽墨魚滑的顏色呈新鮮的潔白色，打至起膠，我們把蟹籽和墨魚滑拌勻，煮熟後品嚐到的是彈牙的口感和墨魚香味霜降肉眼肥牛的質素也不錯，肉脂比例適中，不會太油膩，也有豐富的牛肉汁這店的即炸脆響鈴是必點的，因為下單後才即炸，比起一般火鍋店新鮮得多，非常香脆，沒有油膩感，豆香