添好運點心專門店

營業中

休息中

今日去咗添好運食點心。撞正午飯時間，不過都好好彩，唔使等即刻有位。兩個人叫咗五碟點心。鮮蝦燒賣皇傳統式燒賣，上面係加杞子，蝦、豬肉還加上肥豬肉，味道不錯，但就略嫌細粒咗啲。黃沙豬膶腸腸粉皮真係做得好薄，好通透，豬膶就稍為薄一點。家鄉鹹水角熱騰騰，好味。食嘅時候，記得要小心。酥皮焗叉燒包酥脆的表面，內裏係多汁的叉燒，好味。古法糯米雞糯米飯有啲驚喜，糯米飯一粒粒軟糯適中。至於餡料，味道是不錯的，但餡料醬汁就比較少。總括：食物仍保持到水準，上菜非常快。但枱與枱之間有點密。服務姐姐就可以更好啦。

想係深水埗搵間茶餐廳食個brunch 點知行勻車房條街冇收穫 反而見到添好運 飲早茶呢個份量就啱啱好！外面冇乜人等 但係就見到有個婆婆等外賣 睇來都係呢頭街坊食得多🤭🥠酥皮焗叉燒包💰23一碟有三個叉燒包 個頭唔大 外皮超級酥脆 同普通菠蘿包唔同 有D似墨西哥包嘅外皮😻入面叉燒唔係傳統叉燒包嘅丁狀加肥肉 而係全瘦肉嘅片狀叉燒 超級有誠意！食極都唔會覺得膩 果然最出名係呢個！🥟黃沙豬潤腸💰26豬潤比較少食 份量唔算多不過足料 都係值得一試嘅🍗懷舊薑芽紙包雞💰30一塊紙入面淨係搵到兩舊雞 其實就係一塊油紙包住姜味嘅雞肉 雞肉好嫩不過份量個人覺得唔值🧆陳皮牛肉球💰23牛肉球可以見到仲有馬蹄 蔥等 口感十分豐富 陳皮味道都好出眾 不過個人就覺得牛肉唔算瘦所以冇乜牛肉味🥵🥟晶瑩鮮蝦餃💰31蝦餃入面嘅蝦好新鮮 有幾舊細蝦仁 係飲茶必備🤣🥠酥炸奶皇包💰21比較傷心嘅係呢度無流沙包 而且奶皇包都係炸點而唔係蒸點 其實個人就覺得奶黃包蒸出來會比較香口 不過呢個炸得都唔油膩 偏細粒都可以試下！🥟紅油抄手💰37一共有5舊抄手 汁應該有落醋所以酸酸地 點落唔算太麻太辣 適合一般人！整體來講覺得呢度菜式選擇其實唔

米芝蓮推介嘅點心店～以前不嬲長期打晒蛇餅🤪今次竟然唔使排隊👍🏼👍🏼👍🏼😆正啊！頭幾年食所有出品都保持住好新鮮熱辣出爐 但係最近去食幾次 質素都好唔平均.招牌酥皮焗叉燒包 $23呢個包一上嚟已經係塔左酥皮好似已經軟化 唔係話唔好食嘅 但係你食過佢好味嘅出品 呢個其實就爭啲.豉汁鳳爪 $21 豉汁排骨 $20 陳皮牛肉球 $20呢三樣質素仲保持到 依然係新鮮熱辣出爐👏🏻👏🏻👍🏼👍🏼豉汁味好出色 醃製得恰到方好 都唔會太鹹😎.黃沙豬膶腸 $26呢個都係招牌之一 出面好少見有👍🏼👍🏼片薄餡靚😆.香煎蘿蔔糕 $19蘿蔔糕蘿蔔好新鮮 充滿着水份 而且蝦米🦐好充足～食物選擇都好多～ 價錢都係親民

午飯時間，餐廳門口大排長龍，等候的人不少是慕名而來的遊客。等候大約半小時，便有二人位入座，過程算暢順。點餐紙的點心款式不算多，但有不少罕見點心，可見點心紙的設計大概精選了最受食客歡迎的菜色。兩個人的食量不算多，選了點心代表的蝦餃和叉燒包，果然沒有令人失望。蝦餃的皮比一般酒樓的薄，餡料亦新鮮，推介！更驚喜的首推叉燒包，熱辣辣新鮮即焗，算得上誠意之作！其他點心的味道不過不失，但特色之處是外間少見的懷舊點心，啱哂尋求回憶的味道！😋

Meow同Piggy去開D頭就去左食Piggy之前話左好耐想食既添好運.一直唔黎係因為Piggy話起碼要排成2粒鐘喎.行經D頭去望下, 如果要等好耐就食第二間,點知勁好彩, 7:30pm約到, 一到就可以入去坐.一坐低即問Piggy: 個2粒鐘去左邊呀? kakaka...大約7成枱滿, 不過佢要盡留枱做多人生意, 如有2對情侶佢會先安排坐滿一張四人枱先,唔會唔夠枱先安排搭枱, 真係講咩都比人聽到哂.Piggy知Meow好like食豬潤同燒賣, 一點點心就問Meow,Piggy: 食唔食豬潤豬肚燒賣?雖然豬潤吸引, 但鮮蝦更吸引呀.之後Piggy再問,Piggy: 咁黃沙豬潤腸呢?如果Meow有高膽固醇一定係Piggy"種"出黎.黃沙豬潤腸 $18D個係第一樣上枱既點心, 唔夠熱, 可能已經整好左一段時間.但D豬潤真係勁滑, 如果係熱既應該好好味, 可惜呀.香滑馬拉糕 $15Piggy最愛既馬拉糕,上枱熱辣辣, 對比第一樣上枱唔熱既豬潤腸,令到飲茶唔會主動叫馬拉糕既Meow都覺得個馬拉糕好好食.家鄉咸水角 $14又係Piggy最愛 - 咸水角,um... Meow覺得一般啦.鮮蝦燒賣皇

今日適逢冬至 , 下午不用返工 , 便和同事來呢度食下靚點心 , 係門口取飛後 , 問服務員要等幾多張枱 , 佢都唔睬你 , 發覺呢間點心雖好食 , 但因常要等太耐位同埋呢度員工服務態度麻麻 , 幾間店都係 , 唔知點解 ! 所以我只幫襯過三次不過它的點心制作係有水準的 , 個別一些點心甚至有五星級水準既 ~今天我們試了以下點心 : 古法糯米雞 ( $ 22 ) - 都幾大隻 , 糯米夠煙靱 , 但裡面既料我唔鍾意 , 好大片瘦肉 , 有兩小條的臘腸和潤腸 , 一細舊雞和一隻雞翼尖 , d 料好似求其左 d 黃沙豬潤腸 ( $ 16 ) - 豬潤薄片幾香 , 腸粉皮夠薄 , 不要放太多豉油 , 免致搶味 煎臘味蘿蔔糕 ( $ 12 ) - 喜歡食蘿蔔糕既我去親酒樓必嗌 , 呢度既蘿蔔糕雖然薄左 d , 但夠軟稔而且臘味香 , 抵食 香滑奶皇飽 ( $ 12 ) - size 不大不細 , 奶皇唔算香 , 我都係鍾意食流沙飽多 d 酥皮焗叉燒包 ( $ 15 ) - 呢個點心係呢度既鎮店之寶 , 皮脆之外 , 我最喜歡它裡面的叉燒唔肥 ,

終於可以品嚐到「米芝蓮一星」食肆-「添好運」了!由於她們規定人齊方可入坐 + 點心即叫即蒸,故出菜需時! 注意!我們點了以下點心:1. 潮州粉果(2客) - 非常鮮味!粉果皮、蘿蔔、韮菜、花生、肉碎各樣比例適中,一流! 最好的是,沒有一般酒樓出品那樣加添了太多五香粉,弄至不倫不類! 就連我已沒有吃粉果數年的人(因為我討厭一般坊間的「行貨」),也幹掉了兩隻呢! 正!2. 燒賣(2客) - 一字曰「正」! 肥瘦混合適中,又吃不到一粒粒的肥膏,很鮮味! 就連兒子也補上一句:「啲燒賣勁好味!啲肉夠鮮又夠彈! 直情好鬼『動L』呀!」大家明白啦!3. 黃沙膶腸粉 - 豬膶處理得爽中帶滑兼微軟糯 … 很難形容!腸粉皮薄、滑…好味! 如果份量大點、豬膶大片點就更好! 因為吃罷只覺它不知往那條「牙罅」裏鑽去 … 就如「到罅唔到胃」那樣子! 哈哈哈!4. 陳皮牛肉球 - 又是「正」! 很滑及有咬口! 不像一般酒樓加了太多水,只求「滑」但沒口感 - 就如「海綿牛肉」一樣「死板」;但本人不太吃得出有陳皮味道,可能樓面多下了「喼汁」所致!5. 酥皮焗叉燒包 - 幾好味、無偷工減料、正! 但本人認為酥皮和麵包用料

旺角店係未拎星之前我試過一次，0個陣時我覺得比起平日係酒樓0個d冇咁機械化，同埋真係好用心去做。知道深水埗分店開業己有一段時間，都冇時間去試食，趁今次要出旺角，順道去深水埗「拜訪、拜訪」。 我地一行三人去食，可能太早，冇人排隊，我地一人點咗d 點心，有糯米雞、蒸粉果、燒賣、酥皮焗叉燒包、豬潤腸、同埋牛肉球。我本身唔係好鐘意食傳統既叉燒包，但係唯獨呢間既叉燒包我最鐘意食，今次再食，包，鬆化，但餡少。豬潤腸，晶瑩、薄、不糊口。糯米雞係少數食店之中咁大隻，抵食。其他點心size同其他食店差唔多(當然始終冇其他食店咁機械化)，整體來說，一半一半la，我始終都係鐘意總店。

好耐之前已經想試添好運，不過旺角店實在太多人，想待人潮稍退之後，試一試深水埗店。誰知今個星期日下午，都要等差不多45分才有位。題外話，隔離店趕緊老鼠，好多老鼠趕了出馬路。去相：豉汁魚茸釀雞髀菇其他地方好少見，味濃，魚茸唔覺好特別，雞髀菇腍多少少會更好食煎蛋牛肉飯OK鮮蝦燒賣皇好味，好鮮陳皮蒸牛肉球好新鮮，嫌過腍，冇乜咬勁。酥皮焗叉燒包焗爐壞，取消了，試唔到這個招牌點心鮮蝦腐皮卷煎得香口，鮮蝦大大隻薑蔥牛肉角OK，個涵同個汁多好多蔥黃沙豬潤腸皮薄又滑，豬潤切細了，夠腍夠鮮冇怪味，唔嚡口，好食蝦餃水準之作，好鮮煎蘿蔔糕好多蘿蔔，水準之作，好味都OK的，會帶屋企人多來一次。

19/07/2010 上午 11:15 左右, Thxdtsdd 及太太黎到深水埗添好運點心專門店吃午餐, 準備試一下平價美芝蓮級既食物. 當時冇人等位, 即刻可以入座, 不過座位都幾逼.我地馬上睇只有一張咁大把既點心紙, 選擇並不多, 不過唔緊要, 最緊要食物好食就得. 大排檔式茶壺, 只有獨沽一味的普洱菜, 每位 $2, 味道都 ok 啦, 起碼 d 茶唔會濃到苦.落左 order 後, 等 5-10 分鐘就有點心上檯了. 先來黃沙豬潤腸, 腸粉皮又薄又滑, 加埋細細塊既豬潤腸, 好好食! Thxdtsdd 之前都係廣州食蓮香樓食過豬潤腸, 都唔夠添好運好食!豉汁蒸鳳爪, Thxdtsdd 賣相, 顏色好靚, 豉椒味都好好, 鳳爪又夠淋, 最重要係唔會煮到 d 皮都甩埋, 值得一讚!晶瑩鮮蝦餃, 皮都幾薄, 蝦幾新鮮, 大致不錯!煎臘味蘿蔔糕, Thxdtsdd 及太太都覺得好吃, 幾足蘿蔔, 唔會只係一舊粉, 不過就冇咩臘味了.古法糯米雞, 大大隻, 幾抵食. 燸米比其他酒樓軟熟, 好吃, 餡料都幾足, Thxdtsdd 收貨了.最後黎既係酥皮焗叉燒包, Thxdtsdd 覺得