拉麵天王

營業中

休息中

⭐️黑天王拉麵 💰85其實平時我好怕食啲好咸好重味精，食完之後會好口渴仲要不停飲水嘅黑蒜湯底拉麵。所以我一定唔會去啲未食過嘅拉麵店叫黑蒜湯拉麵。呢次係我第二次嚟食，第一次係叫白天王拉麵，覺得好好食，直覺覺得佢一定唔會係味精水果種。一上菜第一時間當然係飲一淡湯底，識食一定係咁食😂濃厚的黑蒜油湯底真係冇令我失望，濃厚得來不會咸不會膩，仲帶點豬骨味，清香得嚟帶點回甘。絕對係可以飲到見底果種（冇吹水，有圖有真相，我真係飲晒架），我覺得佢仲好食過我上次嚟食嘅白天王。而麵方面我每次都會選硬的口感，口感同上次一樣，水準夠穩定，係我最鍾意果種💛另外仲有椰菜、木耳絲、蔥花、紫菜、筍同叉燒薄片等都很出色。整體來講，係我食過數一數二好食嘅黑蒜湯拉麵。絕對係會encore嘅拉麵店💛

星期六LUNCH本身想食隔離間雞白湯拉麵，點知裝修中….想食Pancake Burger，點知又勁多人😑。嚟到拉麵天王，門外等位人數唔多，只有4位，加上等候嘅位置又無太陽曬住，所以決定食佢。最後等左半個鐘就入得。餐廳座位大概20個，但只有兩位職員，一位負責廚房，另一位就樓面，明顯唔夠人手😶。白天王 $75每碗麵都有兩塊叉燒、半隻溏心蛋、少量木耳絲、椰菜、紫菜、蔥花。先試啖湯，有豬味；由於師傅會先將碗熱左，之後先放麵放湯，所以個湯夠熱👍；質地幾杰身，有少少黏口，配埋幼麵，掛汁力強。第一啖鹹度還好，但之後就越食越覺得鹹😐。溏心蛋有蛋香，不過得半隻唔夠喉。叉燒大塊但薄切，而且好肥，肥膏位係彈性口感，而非入口即溶，個人比較中意後者，所以麻麻地呢度個叉燒😅。黑天王 $85由於見到好多食評都推介，所以朋友放棄赤天王。蒜味真係幾濃，估計蒜香主要來自湯面嘅黑蒜油；我煸走D油，飲落個湯味同白天王差唔多。自己並非黑蒜愛好者，所以個人比較中意白天王多D。湯底較濃，比較適合重口味人士。

隱身於巷仔，無論係舖面同店內，裝修好日本風，湯底有4款選擇，3款係固定，一款係限定，當時限定湯底係胡椒1️⃣🍜黑天王 & 白天王兩款麵質都揀左軟，香油都係揀左，而湯底黑天王就揀左濃，白天王就揀左普通，湯底都好夠熱，開頭都擔心湯底揀濃會好油，但濃湯底真係出色過普通，黑蒜油一上枱就好香，個湯底唔會好咸，叉燒就半肥瘦，亦煮到好淋，隻蛋仲要係好糖心🤤🌟店員都好有禮貌，記得飲哂碗湯，碗底有驚喜🫣🫶🏻想睇更多食評，記得留意IG __imfoodieb

款式選擇唔多 只有白、赤、黑同限定天王當日限定天王係胡椒天王-客人可以自由選擇香油同口味 濃淡度麵條 軟硬度-當日試咗《白天王》$75 & 《黑天王》$85白天王係傳統嘅豬骨湯底 黑天王就額外加入黑蒜油拉麵送上熱辣辣 出哂煙♨️湯底帶甜味 頗濃郁選用幼麵條 爽口唔會過份油膩-叉燒係一層脂肪一層肉 層層搭住但個人認為少許偏肥 唔係我鐘意嘅類型-糖心蛋做到半熟效果 但醬汁可以更入味-黑蒜油豬骨湯底唔知係唔係因為選擇左「普通」濃度黑蒜味唔算太濃郁 下次再食 我會選擇口味濃

拉麵天王睇個名就知勁嘢店舖裝飾好有人情味好多勵志嘅句子黑天王即係叉燒豬骨濃湯拉麵配蒜油～有：椰菜、木耳絲、蔥花、半隻味蛋～叉燒薄片比較肥～蒜油好香令成個叉燒豬骨拉麵味道昇華赤天王湯底一樣～麵上面有一層厚厚嘅辣椒油～食落唔辣～但係真係比較肥膩口感麻麻～下次都係食返原味豬骨濃湯豚角煮係烤醬汁豬肉粒～細細碟5-6粒～有肥有瘦一啖一粒～好香口好有炭燒味烤餃子同煎餃嘅分別係烤出嚟皮乾～配以日本醋～裏面D餡半生熟麻麻哋拉麵真係值得一試

這間拉麵店已是我在很早期收藏了的一間餐廳，今次平日的晚上終於有機會來用餐了。舖頭在大街邊有幾間食肆的橫巷內，舖裡比想像中細，基本上一眼就看完。程長型的店鋪以近門口的前半部份用作開放式廚房，看到師傅們忙碌地製作食物，而廚房出面有些比較窄的吧檯座位，想要大少少的空間就可以選一般的檯凳座位，亦不算坐得很舒服但起碼檯的長度會深一些。看到黑天王($85)就立即吸引了我。初次到來，我們因不清楚此店食物的狀況，例如麵究竟是粗還是幼、拉麵的基本配料有甚麼等等，令我們有點困惑。店員留意到我們的疑問，主動過來向我們提供協助。除了麵選了硬一點之外，其他項目例如濃度均選了普通。食拉麵當然要先飲它的湯底，而這裡的湯底令我喜出望外。上菜時的確聞到很香的黑蒜油味，喝起來味道沒有聞起來那麼濃；但是豬骨湯的味道香濃，不是很鹹的那種，而是有豬骨香、不會濃得搶去所有味道的那種，黑蒜油的角色是輔助帶出豬骨味，兩者互相合作令味道幾夾，把豬骨湯的口味提升了一個層次這裡的拉麵是幼身的，我選的硬麵浸在熱湯裡也很容易吸收湯底，味道濃郁美味帶點爽口質感，在凍凍的天氣下吃起來特別滿足配料方面叉燒切得很薄、有點肥，肉質都是滑的；木耳絲、椰菜

入左關注組裡面有間日日都會提既舖頭就係紅磡既泓一果次其實本來係想去食泓一既但夜晚七點幾去到都好多人排隊自己又趕時間等得太耐頂唔住就轉左去附近另一間拉麵天王舖頭係德民街橫街門口唔算太起眼都係日式木制趟門呢間最主要因為佢係黃店相傳係武肺初期講到明話唔接待支那人亦都有派水果晚我地排唔到泓一入到黎係一個食客都無無係關注組吹奏真係係差天共地舖頭入有長bar檯亦都有二人同四人檯我地坐角落頭位就幾闊落三張二人檯隔開左兩邊坐而店入面見到有位女侍應同兩位香港廚師味道應該係好傳統分唔同顏色既天王好似藍色連鎖店差唔多咁玩亦都有每日限量既沾麵價錢由75-105不等可以揀口味但其實正常都係想試下拉麵店自己既特色好多年前沾麵開始傳入香港香港人都唔係幾識乜野係沾麵就用呢d四格既圖示黎表達沾麵既食法先黎既黑天王跟半隻蛋我自己就覺得真係好豚王feel咁我就當然係要沾麵寫話係豚骨魚介湯都算濃味道好正常麵就應該唔係自己整但都算有咬口三塊叉燒隻蛋都算靚仔整體黎講都ok既紅磡黎講好過aeon入面間誠拉麵好多果間之前食過真係世界級垃圾個湯稀到痴左線最後食完麵會見到碗底印左香港兩字好有心思我就唔係食家但係香港都食過唔少開始會覺得好

再次光臨有新驚喜！全新推出限定天王係沾麵 $92，另有多麵版 $102，店員話係150g同230g既分別，咁$10差唔多雙倍麵底，我緊係做肥仔啦...望落好大碗，有三片半肥瘦燒叉燒，一隻流心蛋，幾片筍絲及大量蔥粒，不過塊紫菜就淋晒。沾麵汁係濃厚豚骨魚介，比我過往食沾麵無咁鹹，無咁杰，掛汁還好。最後加湯飲埋好滿足。另外朋友點了黑天王 $82，香濃黑蒜湯底都好吸引！飲左啖湯，係我鍾意既味道，呢個價錢非常抵食！

揀咗個黑天王拉麵🍜👀 覺得佢嘅湯底有香濃嘅黑蒜味得來又唔會太鹹，岩岩好可以係咁飲🤤，有啲店嘅湯太濃味太鹹 ✨拉麵本身跟咗流心蛋🥚，整得啱啱好，蛋白保持少少彈性，又有糖心💕 啲豚肉唔係行超厚路線嗰種，但我幾中意，唔會韌、質感幾好😋啲汽水都係玻璃樽，感覺會比較有氣😬 影相又加分😂店面有bar位同枱位，正常拉麵店環境，啲員工好nice🥰 同埋價錢相比一般拉麵店，性價比都非常之好，👍🏻之後會再食

久違的拉麵 心血來潮就想和朋友吃一吃滿足一下味蕾於是就找一家比較近的來試試昨天來到因周末睡太晏已是2點多的時間但都見到餐廳有持續的客人入座拉麵天王在區內都很受歡迎吧～二話不說就和朋友入去先不說食物質素店員的服務態度十分十分的好知道我們袋比較大預出座位讓我們放好留意到我們對餐牌不明白就主動指導食物到了很小心很禮貌放到我們面前離開的時候還很友善很熱心的說再見所以 這是一餐感覺很貼心很窩心很開心的經驗 希望店員會保持這份服務熱誠如果老闆未來加人工我會強烈推薦這位店員哈哈🤣🤣🤣就憑呢一點 我已經決定會再來光顧😊－🍜黑天王＄82:如果有留意我吃拉麵習慣的朋友 都會知道我比較偏好黑色湯底🤣今次我既選擇仍然係咁～黑天王是黑蒜湯拉麵，先嚐一口湯，湯充滿香氣撲鼻的黑蒜味，急不及待夾起麵吃，麵的掛湯能力不錯，質感偏硬，口感爽彈; 溏心蛋略為普通，因為蛋黃狀態未係最理想既半熟，但都ok既。好開心有一片紫菜☺️！叉燒肥瘦平均，軟軟嫩嫩的十分可口好吃，另外一個重點係，食完不覺得很咸很膩😳，平時食完拉麵會覺得味比較重比較咸膩，今次完全沒有！下次一定再來☺️🍜👍！

今天探望朋友，順道一起在附近食好西🤤回想起有一段時間已沒有吃拉麵了，便在附近找找😆-這次光顧的拉麵店，湯底和材料以豬骨湯和叉燒為主，客人可按自己的喜好選擇麵的軟硬度、蔥的份量、口味和香油的濃淡度。雖然店家只售賣四種湯底的拉麵，不過仍然有很多人光顧，一於入去試下味道是如何啦😆-1️⃣黑天王 $82這個拉麵的湯底為黑蒜油豬骨湯，未食麵前，已急不及待先嘗一口湯頭，非常香濃，真材實料👍🏻這個麵有幾塊叉燒、半隻糖心蛋、椰菜、紫菜、蔥和黑木耳。叉燒很嫩滑，不過比較薄🤦🏻‍♂️菜很新鮮，麵條也很彈牙。整體上都唔錯👍🏻😋-2️⃣胡椒天王（限定）$92這個拉麵的湯底為胡椒豬骨湯，加入了芝士粒後，味道出奇地夾，湯底味道更濃郁，與黑天王不相伯仲😋材料上與黑天王不同的是黑木耳轉了粟米粒，很新鮮和甜👍🏻

去完遊戲機中心肚餓，之前經過都爆滿，這次剛好有位就立即進去坐。選擇上都算多，麵的選擇就有五種之多，這方面覺得貼心的。自己這次就選擇 硬 ，口感也很滿意，不過還有點興趣試 超硬 。不同的天王就是湯的不同，自己覺得它主要是以豬骨湯為主再加各類的湯。而上枱的賣相比較豐富，而份量比較大的~叉燒都很大件~~~肥瘦剛好。黑椒：沒想到這還有車打芝粒，上枱時沒溶的！你可以選擇溶到什麼程度才食，朋友就弄到可以拉絲xddd原本以為會非常的辣，但食下去又不辣，就是有很濃的黑椒味~~~白天：自己最愛這個，因為它的豬骨湯很濃，自己最後喝光所有湯呢~~~黑天：黑蒜油味淡左少少，再濃d會更野味~~~它的溏心蛋做得到半熟，流質，自己覺得咸一點會更好。

好多年前試過佢既限定蝦味噌限定天王，已經覺得好好食。之後每次嚟都會食黑天王。最近呢半年出左限定嘅胡椒天王，真心覺得係世界級。豚骨湯濃厚，加埋好重嘅胡椒味，同車打芝士碎，咁港女嘅配搭，竟然係出奇地香。一聞同埋飲第一啖已經覺得不得了，好想飲晒成個湯。湯底好厚好杰，令到成個麵即使係細麵都好掛湯。麵底係直身細麵，個人鐘意食偏硬口感，師傳煮得剛剛好啱我合味。半熟溏心蛋出色，無得輸。叉燒夠肥，未夠入口既溶，但合格有突。配菜用咗椰菜，中和左拉麵既油膩感覺。成間舖格局都係乾淨企理，師傅店員有禮貌，枱面有齊日本拉麵店必備嘅冰檸水，拉麵胡椒同芝麻冇假期去日本都可以黎坐下，當自己去左日本。區內有間咁正嘅拉麵，其實真係唔想話比人知呀！我敢講我食過晒香港嘅米芝蓮推介/ 有名氣嘅拉麵，都冇呢間咁出色。多謝老闆撤出中國市場，專心為香港人煮好呢碗拉麵。

喺黃埔附近接男友放工，佢又話想食拉麵😂😂我發現佢10次出街食有8次話要食拉麵架🤣🤣🤣之前幾次都食左其他野，好啦，今次就如佢所願啦！細細個鍾意聽四大天王，鍾意聽歌嘅人總係對天王天后有情意結嘅😌😌 見到哩間拉麵天王，諗都唔洗諗都要試下先得😂😂😂四大天王分白天王，赤天王，黑天王同限定天王！我叫左黑天王，男友食赤天王，黑蒜油一向係我至愛，連男友至愛嘅辣湯都有👏🏾👏🏾👏🏾拉麵一到緊係要飲啖湯試一試豬骨湯底嘅濃郁情度，香濃美味👍🏾👍🏾👍🏾麵條彈牙有咬口，雖然係幼麵但都成功掛湯😋😋😋仲有半隻糖心蛋香滑美味😍😍😍炸餃子🥟香脆有肉汁，$30有交易👍🏾👍🏾👍🏾豚角煮🍖肥瘦有層次，煮到入哂味😋😋😋$25係好抵食😍😍😍值得一提係佢地嘅汽水係玻璃樽裝，特別有風味😌😌😌總括黎講就係：「會有下次」🥳🥳🥳

今日收工同朋友去左紅磡搵食，朋友話想食拉麵，之前聽過德民街果邊有幾間日本菜，所以就去睇下。去到見到一間拉麵小店，門口好有日本氣氛，同朋友睇一睇餐牌，覺得唔錯就入左去啦。入到入面地方唔算好大，但好有日本屋台既感覺。  拉麵有三款固定兩款期間限定，我地兩個今次叫左一個黑天王，一個白天王，小食方面就叫左一份烤餃子，一份芝士年糕。拉麵除左口味外，配料同味道都可以因應自已喜好黎揀。 我食果個係黑天王，湯底是係新鮮豬骨湯和黑蒜油混合，黑蒜油味道十分香，條條麵都吸收左黑蒜油既味道，味道偏濃，麵質揀咗適中，所以唔會太硬。  我朋友就食白天王，湯底係用新鮮豬骨淆製十幾個鐘，所以味道十分濃，啖啖都好香。麵底都係因應自己口味揀，所以一定啱自己胃口。  而烤餃子，餃子皮做到好脆口，但一咬開入面係充滿肉汁，所以要小心啲食。  最後芝士年糕，軟糯既年糕入面包住芝士，㕿口又唔會太膩，唔錯。  整體黎講，野食質素高，價錢合理，下次應該會黎試下佢地既期間限定拉麵。