秘 (享成街)

營業中

休息中

荃灣高質既吉列牛雖然同日本既吉列牛做法有啲唔同，但香港黎講我好滿意黑松露吉列牛好香松露味，但唔會遮左牛本身既肉香用個爐仔去燒返適合自己既生熟度就更易入口，同日本唔同既就係依個爐仔日本多數吉列牛都唔會有爐比客人去調整生熟度。飯有味素鋪面，撈埋點牛既汁醬就好香，如果味素可以比多啲就仲正食物整體都好滿意👍🏻記得第一次黎要排好耐隊，但依次當時係正疫情高峰時期，所以冇咩人

🥩黑松露吉列牛💰$148，+$38升級晚巿套餐，配秘之飯素🍚，楓糖溏心蛋🥚🍱蒲燒原條鰻魚飯💰$98⚡️隔一段時間就encore嘅🐮荃灣秘•吉烈牛，依然咁好食，今次特登試咗黑松露款式，不過黑松露味冇想像中咁濃🤔不過肉質依然軟嫩富有牛肉嘅鮮味，店員都好細心咁不時幫我地更換火種同清理鐵板👍🏻☺️下次想試下吉烈豬扒同小食🤤⚡️蒲燒鰻魚飯依然高水準👍🏻$100內食到厚身嘅原條鰻魚真係好難得🥰所以每次黎都一定會點黎食🤤

上次食完初見，經各位大推之下等左1個鐘，終於試到「袐」拎咗飛，去咗附近商場行打左3次去問嗌到幾多號個哥哥仔應該怕咗我🤣黑松露吉列牛最好食$148食得出牛既油份比例相當好吉列燒過好香脆，有種黑松露薯片嘅味道 😋😋😋😋😋反而普通吉列牛$108 就真係好普通，牛嘅質素都明顯冇咁好！有啲成舊都係脂肪🙈晚市加$38 有飯素、湯同糖心蛋我個人覺得可以唔洗加加$58 就多埋櫻花金魚⋯呢個好似吸引啲和風薯條之前食過，係粗薯條入面有好多薯蓉嗰隻，都ok la

〰️〰️〰️〰️〰️〰️〰️〰️〰️〰️〰️〰️〰️〰️🐄秘．燒黑松露吉列牛 $148午市 + $20 有溏心蛋同飯〰️〰️〰️〰️〰️〰️〰️〰️〰️〰️〰️〰️〰️〰️個飯好似牛角飯咁，但冇咁鹹牛我之前食過中環間Steak House, 依間秘唔理價錢定質素我覺得都勝過Steak House好多Staff都做野好快，會間中Check下我地個火會唔會唔夠燃料塊皮我就覺得有少少黑松露味嘅😌，開頭比左塊脂肪做油，我覺得唔好整太多油先燒會好啲，因為塊皮會變到唔脆好少油再放塊牛上去半生熟就啱啱好啦☺️我係食荃灣嗰間，喺荃灣廣場附近，但tag唔到荃灣店😂，tag住佐敦店先啦

今日嚟咗荃灣做運動 咁順便就試吓朋友介紹嘅吉列牛餐廳 因為我食嗰陣時大概係2:00左右咁可能過咗lunch hour 所以就冇人排隊啦好順利咁入到去入到去嘅時候點樣都會幫你探熱先 因為疫情關係 然後安排座位啦咁 未睇餐牌啲錢呢我就覺得枱面仲有啲油淋淋嘅感覺 之後打開餐牌啦咁望左一陣我就決定嗌咗呢個黑松露牛嘅佢要加$20先會有多一隻糖心蛋同埋一碗飯嘅 咁我就+20蚊 咁total就大概$148左右啦 大概等15分鐘 佢就會上餐㗎啦 先來睇睇張相其實個賣相已經相當吸引㗎啦 咁佢先會比一夠脂肪你去燒吉列牛啦 跟住煎完個黑松露吉列牛食落口嘅時候 佢係炸粉果一層加咗黑松露入去令到佢係變咗黑色 同埋佢有啲黑松露味 我就覺得黑松露味唔算太濃 但係有少少嘅 同埋佢食落去嘅時候又唔會搶咗牛嘅味嘅我覺得呢個程度就啱啱好另外白飯佢上面就會加咗一啲瑞士汁同埋紫菜同埋一啲調味料嘅 咁令到你食飯嗰時都冇咁dry 我覺得對女仔來講呢個set嘅份量喺太多 呢度嘅我係差唔多俾咗一半男朋友食嘅

已經黎食過幾次！今次加碼食黑松露吉列牛set配飯！果然不負眾望，黑松露比普通牛更加入味！黑松露味帶出牛味，係perfect match!以後再黎都會食返呢個set, 返唔到轉頭喇。要對自己好啲自己燒有個好處就係可以控制你想幾多成熟，牛質又唔會太過「鞋」又唔會痴牙，加少少鹽調味，效果更佳，更juicy！$148 絕對抵食! 同埋份量多，夠飽！餐內有糖心蛋一隻， 一分為二，用黎送飯，岩岩好！飯上有日本的調味粉，食落口感幾特別，大滿足!                                            

係香港食過2間吉列牛，一間係銅鑼灣上樓既，一間就係秘。我敢講秘係我暫時食過最好食嘅吉列牛餐廳！好食程度重要係短時間已經食左2次😍-第一次黎到時間較早，但已經得番4人枱。要同人搭枱，我地2個人平排坐，對面望住另一對情侶好尷尬😅加上叫咗吉列牛要燒，放太埋自己又成日比油彈到，放遠少少又霸埋人地D位又彈到人地🤨所以搭枱好麻煩，都係prefer 2人位，唔洗整到人。第2次去比較晏，咁岩2人枱埋單，所以調位過去坐。食完餐廳都山門嚕。-2次都係點一樣既食物😂因為太好味啦！我點咗黑松露吉列牛定食，男友點了板燒吉列牛定食。❣️黑松露吉列牛（$148）我個人認為較香口，吉列皮比板燒牛更脆。開頭食第一舊細嘅牛唔太覺黑松露味，但之後每舊肉都有濃濃的黑松露味好正咬落肉質唔會好難咬開，係有質素的牛肉！定食要+$38會跟湯、飯、流心蛋。飯加入飯素唔會好dry，而且份量好夠好大碗！最值得一提係自助燒牛方面，餐廳係會提供牛脂。外面餐廳只會輕輕塗上油係面，但呢到係提供牛脂👍🏻而男友點嘅板燒吉列牛（$108）只係吉列皮沒有加上黑松露，但都好食！肉質一樣好咬易吞。因為男友好厭尖，好怕牛肉咬唔開同難呑，所以係食牛方面比較挑剔同講

今次同屋企人黎食，多d人就可以試曬Meun既唔同set😋黑松露吉列牛黑松露味唔太濃，但係都食得出黑松露味嘅 牛方面半肥瘦吾錯，配一個白飯 ，啲飯好有咬頭。，值得一試板燒吉列牛 原本以為佢普通d，無咩期望，雖然唔係好重，但出奇地有少許牛味，相對黑松露反而會覆蓋左牛味，如果唔係貪黑松露特別可以試下呢款。秘·朴葉味噌牛肉 呢款純粹係想試下唔同野而叫，order個時店員都會提你會好咸既，係真係好咸，但原來d味噌係經廚師秘密調較過，用黎送飯岩岩好，幾開胃。呢款都會俾你自己煮下，相對麻煩一d，要不停自己反，而家都煮幾耐下，煮到你想要既熟度就可以叫店員幫你上碟。如果唔貪新鮮，叫返吉列牛會好味d。蒲燒原條饅魚飯 應該無咩人係呢間店叫饅魚食，不過屋企人喜歡饅魚，所以都叫左個試下，不過不失，同其他店感覺差唔多。日式炸薯絲蝦 爽口鬆脆，味道good既，不過除非多人食，都係主打食吉列牛好d。

我朋友超級鍾意食日本菜，無論拉麵、魚生定炸嘢，總之就係日本菜就ok😂😂😂今日去開荃灣果頭，我朋友又聽講祕 嘅吉列牛好食😋咁就齊齊去咗試新嘢！因為冇得訂枱嘅原故，唯有去walk-in。我哋大概7點鐘去到都已經好多人係度等😮😮😮😮😮不過都好彩，可能第一輪都入咗去一排，所以大概半個鐘到就已經有枱！入到去，好香燒牛味，好吸引🤤睇睇menu，有幾款牛可以揀，一款普通吉列牛，一款黑松露吉列牛，另一款係味噌牛，仲有鰻魚食😂但黎到冇理由食鰻魚架，我又唔鍾意用味噌整牛，感覺上會好咸，所以我地就一人一款吉列牛喇！全部都係散叫，如果要飯，一係就加$38或$58變套餐，價錢嘅分別就在於個湯到！我就不太好味噌湯嘅，所以我散叫一個白飯就好了😅上菜速度好快，落咗單10分鐘到就上菜😮2道菜上嚟都好香😍😍賣相絕對吸引！！黑松露吉列牛炸完都聞得到啲黑松露味👍🏻燒完入口感覺唔錯，軟腍，唔韌！個汁我試咗，但我覺得偏咸，所以試完都冇再點lu之後就試普通吉列牛😂依個相對普通，但味道唔錯，我食到有牛油味，但依個啲牛肉就肥咗少少，有啲就有筋，令到個牛肉好韌(我唔係燒到全熟㗎😦)不過整體黎講我覺得都性價比高😂啲員工見個爐啲火就熄，就已

阿林：晚市不能訂位，幸好輪候時間不長。除了普通吉列牛 ($98) 外，還可選黑松露吉列牛 ($148)，配定食加$38。雖是安格斯牛，但肉味不濃，而且有筋，沒有入口融化的感覺。黑松露那盤用料相對較好，肉脂明顯較平均，又沒有原味炸漿分離的問題。黑松露散發股股幽香，點綴平凡乏味的肉品。外面鬆化、內裡融化的吉列牛，大概只有油花分佈均勻的上乘牛肉才能做到。重覆中伏後，我應該不會再試平價的了。不過，若花錢吃靚牛，就不會選吉列牛，吧？！