醉胡爐 (已搬遷) 新店位置

之前食過銅鑼灣「胡爐」覺得超正！☺️今日心思思想打邊爐就去姊妹店「醉胡爐」試下😛$328金翅花膠乳鴿湯🐣湯底非常清甜👍🏻鍋內除咗原隻乳鴿外，仲滿佈花膠、肉粒、瑤柱、百合、魚翅、南瓜、胡椒🤤乳鴿超香☺️肉粒唔係普通鞋肉粒，而係金華火腿粒👍🏻咬落好香！！口內充滿油脂香氣☺️飲落一梳梳魚翅感覺非常富貴💯👍🏻$228手切頂級安格斯肥牛🐮牛肉好重牛味🤤一個字，嫩！唔覺意烚咗十幾分鐘都唔韌，肉質依然好嫩！👍🏻$68黑松露蟹肉餃🥟黑松露好香🤤內裡包住菇粒，仲見到一絲絲蟹肉同少少豬肉碎☺️$78新鮮黑牛柏葉🐗新鮮牛柏葉又係淥一淥就食得👍🏻份量多但略嫌切得太碎🥺但都爽口有嚼勁😋今次用餐有兩件事覺得非常貼心🥰好想大讚！1）店家在適當時候會幫忙撈起乳鴿和南瓜🎃剪開一件件方便食客享用♥️2）除咗加上湯外，問佢拎杯水飲，熱滾水都幫我加埋冰😱上到手已經飲得🥺超貼心！！

醉胡爐尖沙咀柯士甸路20號保發商業大廈地舖今日約左兩個朋友出黎尖沙咀食飯，原本大家都無咩頭緒唔知食咩好，但我見呢排開始涼涼地就提議不如打邊爐啦，朋友即刻極力推介要帶我地黎試<醉胡爐>佢本身黎食過就話呢到無論個鍋底同火鍋配料都係一流，講到咁吸引當然要黎試一試啦離遠已經見到餐廳大大個招牌，入到黎見到好高既樓底，配合埋特別既波燈，感覺好有格調而座位方面都好寬敞，檯與檯之間既距離好闊，唔會覺得好迫夾知道呢間餐廳既賣點就係足料既湯底，個個食完都讚不絕口，而我地今日就想清清地，所以就揀左鮮椰青雞鍋。。餐廳待應全程係我地面前處理個鍋，先係用牛油炒熱d雞件，然後加入d燒酒更加惹味，最後再倒埋原個既椰青水同濃湯，咁就大功告成啦感覺好新鮮，等個鍋煲滾左之後，已經聞到濃郁既椰香味，再加埋嫩滑嘅雞件，真係好正火鍋既配料入面，我最鐘意就係呢個本地封門柳，非常有牛肉味唔似其他既雪藏牛，放落湯底淥一淥已經熟，非常嫩口呢到既丸類同埋餃類都好出色，食得出全部都係餐牌自家製既，口感同出面食到既完全唔一樣，今次試左比較特別既就係黑松露蟹子餃，西餐食黑松露就試得多，估唔到連餃子都可以，熟左之後味道依然濃郁，值

早幾日同朋友去左佐敦，無意中見到呢間醉胡爐～原來係同之前食過間胡爐同一個集團！二話不說即刻走左入去😍個餐牌大致上都係一樣，唔同既地方係呢間醉胡爐多左串燒同刺身食👍🏻👍🏻濃湯佛跳牆雞翅鍋 - $398因為上次個湯底實在太有驚喜，所以今日都揀番同一個湯底比朋友試下😂今次店員好貼心咁提我地先飲幾碗湯先開始淥野食😆d湯真係好濃好多材料，d花膠都好大隻🤩食個湯底都食到唔捨得佢加湯落去🤣🤣本地封門柳 - $268份量都幾多，有成十幾片～食落肉質好鮮嫩，塊肉唔係薄切但唔會好un👍🏻真心覺得唔錯👍🏻😋黑松露蟹肉餃 - $68半份上次係胡爐食過今次要再叫😍😍黑松露味好勁，裡面d餡料都好多，黑松露愛好者必叫！XO鮑魚蝦餃王 - $58 半份入面粒蝦好大隻！粒蝦爽口彈牙，個皮又唔會好厚，唔錯👍🏻蔬菜拼盤 - $58 細平時打邊爐好少食菜，因為個湯底好油食菜會吸哂d油～但係個湯底實在太好食，我地決定叫個菜黎食呀😂d菜加埋d湯都好正，加上d娃娃菜吸左d湯食落口真係好正😂😂唔好睇我地好似食左好少野咁，但係我地都飽到頂住個胃😂因為個湯實在太多料喇👍🏻👍🏻雖然呢間醉胡爐有埋串燒同刺身，但我地真係食唔落喇，有機會下次番

秋天的來臨，也就是打邊爐季節的開始。打邊爐有好的湯底是不可或缺，醉胡爐有幾款不同選擇的湯底，每一款都非常吸引，店員介紹每一款的特色，我們最後叫了濃湯花膠雞翅鍋（$368）。火鍋一來到我們都嘩了一聲，因為非常足料，有雞、火腿、花膠及翅！店員叫我們先飲湯，後再下配菜，湯味鮮甜及濃郁。配菜方面，選擇很多而且很特別，有肉類、海鮮、餃子及丸等。我們叫了一份本地新鮮封門柳（$238）及手切安格斯肥牛（$228）。封門柳為牛橫隔膜肌肉，店員說這個部位較為罕有。雖然油花較少，但肉味較濃。果然介紹冇錯，但個人比較喜歡手切安格斯肥牛，油花分佈平均，口感鬆軟！這裏大部份的餃類都是餐廳自家製的，特別喜歡它的黑松露蟹肉餃（$68），煮熟後晶瑩通透，很香黑松露味。叫了竹蔗茅根水，意想不到茅根水是餐廳自己煲的，味道不會太甜，迎合香港人的口味。適合不愛喝甜的飲料的我，解喝之餘又易入口。下次再來的話，會試一試它的火焰龍蝦海鮮鍋及串燒、海鮮等等。

端午小長假前一晚，同屋企人黎到醉胡爐打邊爐。雖然今晚有好多食客，但係座位之間都非常闊落，坐得好舒服。一入到黎，就打開menu，都幾多野可以簡。樣樣都好想食，於是每個種類都簡左d。不得不提呢個勺，可以裝湯、又可以隔溫，超正超方便。好快就上左呢個 冬瓜花膠金翅鍋 湯底，一棒上黎我地就「哇哇」聲，因為睇到佢真係好足料。頭一輪既湯底，基本上我地都未開始落鍋料，就差d忍唔住將d湯飲晒，真係好鮮甜。之後我地就開始調我地既醬汁喇，有好多款可以任我地配搭呢。係等鍋料既期間，首先黎左幾樣我地叫左既小食。首先當然唔少得燒海鮮喇！呢個係蟶子皇同埋汁燒廣島蠔卷，燒得好香。仲有煙肉包住廣島蠔，超滿足。另外仲有呢個酥炸午餐肉，佢其實有 牛餐肉 同 酥炸午餐肉 可以簡，我地比較鐘意酥炸午餐肉，因為外脆內軟，作為開胃小食一流。打邊爐亦都唔少得呢個竹䉀茅根水，一大支一齊Share，呢次火鍋真係養生又下火呢。跟住就係火鍋必配既金菇菜喇！份量好多，而且滾一滾，食落去爽口唔痴牙。之後呢個都係必點！呢個係黑松露蟹肉餃，只係$68，放入鍋之後，湯底即刻有黑松露既香，原本已經係好高貴既湯底、佢既味道同層次都變得更加豐富之後就係黑柏

一入門口就有成排酒擺正正喺度迎接你，不愧為「醉胡爐」。Singha $38 & Coke $18啤酒同可樂係打邊爐嘅良伴！除左酒之外，餐廳仲有一浸好香濃嘅龍蝦湯味一直飄入我個鼻，原來隔離枱食緊龍蝦湯火鍋呀，二話不說，即跟！火焰龍蝦海鮮鍋 $368大大隻龍蝦生上，下邊仲有好多隻蜆同蕃茄、洋蔥、西芹等配菜。店員會過來幫手，先開火炒勻。跟住就到玩火環節，倒入少量酒再點火，提升香味。最後加入龍蝦湯再煲滾，開蓋嗰下嘅香味真係不得了。龍蝦湯除咗好香之外，仲非常濃郁鮮味，每人都飲咗兩大碗！龍蝦鉗非常大隻，而且啖啖肉。餐廳預先將龍蝦破殼，兩三下手勢就能取出龍蝦肉。龍蝦肉彈牙爽甜，蜆肉鮮甜無沙，淨係食個鍋都食到停唔到。和牛舌心 $45/串牛舌厚切，調味適中，牛味香濃而且充滿肉汁，點少少蜜糖芥末醬都好夾！食完龍蝦同埋串燒，就到下半場打邊爐。店員為我們添加蕃茄上湯。安格斯手切肥牛 $188牛肉雪花分佈均勻，賣相很吸引。肥牛焯一陣就食得，牛味香濃，肉質鬆軟，正。黑松露蟹肉餃 $68外皮很薄而且很滑，黑松露味滿溢。芝心墨魚丸 $52芝士多好爆出來！手打墨丸爽口彈牙，芝士帶一點點咸味，好過癮。萵筍 $48萵筍片很