憶食尚臘味煲仔飯

營業中

休息中

當我見到這間煲仔飯專門店，真係驚訝佢的裝修好雅致，食物又睇落好豐富，今晚就約埋朋友一齊試下。呢間店係香港傳統老字號，專攻廣式煲仔飯、臘味同小菜。雖然係老字號，但裝潢一點都唔舊，牆上掛滿咗壁畫，充滿特色又新穎，所有裝飾都好新淨。而且座位寬敞，環境真係好舒服。菜單🥢- 港式臘味煲仔飯 $177- 黑松露雞煲 $167- 上湯小棠菜 $87- 洋甘菊茶 $30港式臘味煲仔飯⭐️⭐️⭐️⭐️⭐️呢個招牌煲仔飯配有臘肉、臘腸同臘鴨，真係好正！飯吸收咗臘味嘅精華，配合蔥花同豉油，粒粒分明，仲有鍋巴，口感唔單調。臘肉半肥瘦，醃製得啱啱好，臘香滲入飯中，攪拌後鍋巴香脆，米飯鬆軟，兩種口感交替，真係唔會悶！臘腸同飯一齊食，仲可以感受到酒味，越嚼越香，實在太好味！黑松露雞煲⭐️⭐️⭐️⭐️⭐️一見到個名就心動，貴氣得來又好味！雞煲上面滿滿黑松露，色香味俱全，拌勻後黑色粒粒包裹著雞件，食起來真係享受！上湯小棠菜⭐️⭐️⭐️⭐️呢道菜用咗高湯底，配大量蒜頭，令到時蔬吸收晒湯底嘅精華，食到蝦米同乾瑤柱嘅鮮味都好濃。菜心吸收咗上湯滋味，特別香甜，而且瑤柱份量真係足料，絕對值得一試！

本打算到廟街食個煲仔飯，意外發現附近有一間主打精緻的廣式臘味煲仔飯的中菜餐廳。二人餐首先上桌的是燉湯和涼拌蓮藕，味道不過不失。然後就是期待已久的廣式臘味煲仔飯，上桌時已經見到非常足料，米飯在煲仔中經過蒸製，質地QQ彈，搭配著各種美味的臘味，如臘腸、腊肉和臘鴨，十分惹味。接著是黑松露雞煲，炒香的嫩滑雞件與黑松露完美融合，但略嫌不夠鑊氣。然而以菜式的素質來說，價格偏貴，但如果你尋找一個較為精緻和舒適的中餐體驗，也是值得一試。

最近天氣涼涼地，就相約朋友去食暖身的臘味飯。我覺得呢度嘅環境，舒適優雅的氛圍，枱與枱之間有薄紗屏風，屏風上有精美藝術圖案，作間隔用，感覺私人度高，可以好好哋享用美食😊🥓🥘 川味臘味煲仔飯 (HK$167/2人份)．一打開蓋巳香氣四溢，店員即時灑上蔥花、芫荽和豉油，撈勻啲飯來做簡單調味，但啲飯嘅味道不簡單，有濃厚的臘味鹹香味，好惹味😍．臘味就有川味臘腸，臘肉和臘鴨．川味臘腸是用散養300天的土黑豬，豬符背和前腿肉有二肥八瘦的獨特比例，有少少麻辣味，惹味之餘，食咗也唔怕肥👍🏻 ．臘肉片，層次分明，零肥膩感．臘鴨的鹹香也剛剛好．食咗15分鐘左右，店員又來幫手鏟起啲飯焦。Wow，飯焦竟然剛剛好，一點燶味都沒有！口感非常乾脆！🐓🥘 黑松露雞煲 (HK$157)．一打開蓋先聞到好香嘅黑松露味，店員就幫我哋撈勻煲𥚃食材．雞肉嫩滑也滿有鑊氣．煲𥚃的三色椒和紫洋蔥，切片，炒得鮮甜又軟腍😋．唯一挑剔位係雞件切得細件，食起上嚟比較多骨🥬🥘 芥菜排骨煲 (HK$117)．3款煲之中賣相最平凡，不過估唔到新鮮嫩口的芥菜，靚排骨切粒煮至軟腍肉甜，再加埋黃豆，這個食材組合係非常之美味，湯底清甜，我哋當湯咁飲晒😋🍵

心血來潮好想食臘味，腦海中浮現出來嘅係憶食尚臘味煲仔飯，於是就同屋企人過佐敦文匯街食臘味煲仔飯。疫症期間，好多餐廳都只係用膠板隔開座位。憶食尚就用咗屏風間開，感覺大方得體，而且仲提高咗私隱度添。廣式臘味煲仔飯：去得憶食尚，必點嘅當然係廣式臘味煲仔飯啦。雖然好耐之前有食過，但店員都會再介紹下，煲仔飯選用東北五常大米，食起嚟米味更香。臘腸、臘肉同板鴨整齊排列飯面。店員將蔥花灑上面、再淋上頭抽拌勻。拌勻嘅過程中已聞到陣陣飯香同臘味香。一啖入口，米飯濕潤富油香，加上香脆飯焦，非常之好味。臘腸、臘肉同板鴨都係憶食尚自家出品。臘腸七分瘦三分肥，酒味較重，無出食到嘅咁甜，相對地比較好味。臘肉肥瘦相間。板鴨味道甘香飽滿，每一件板鴨都啖啖肉。黑松露雞煲：黑松露嘅獨有香味，好多人都對其著迷。憶食尚就將黑松露融入雞煲。黑松露份量洽當，無蓋過雞嘅鮮味。味道芳香嘅黑松露配上鮮嫩滑雞，味道非常之配合。潮風小炒皇：小炒王有齊必備嘅韮菜、蝦乾、豆腐同五花肉絲。整個菜都夠哂鑊氣，而韮菜亦無草青味。處理得好好嘅菜式。時令菜芯：雖然係一款無需太多烹飪技巧嘅菜式，但就表現出食材嘅新鮮同鮮味。簡單嘅食材：上湯、薑、蒜、火腿，完

今日就經過西九龍站,黎到JORDAN搵下有咩好食呢個天氣凍凍地,見到呢間餐廳寫住煲仔飯就入左黎本身就係真係想食煲仔飯既,先望一下MENU呢個臘味煲仔飯好似好吸引--原來呢度唔單止煲仔飯,連椰子雞煲都有- 最後最後,同朋友都係決定叫一個麵同小雞煲-因為天氣凍,都係食碗湯麵暖身比較好,蕃茄雞蛋湯麵 $68蕃茄湯好足料, 湯底蕃茄味濃得黎帶甜,加上滑蛋鋪滿成碗麵,簡單既食材,食得出當中既用心- 見到牆上寫住呢味黑松露雞煲, 見呢個味道既雞煲相對少見,就又試下-黑松露味同雞煲原來都幾夾雞件肉質嫩口,唔錯~-

天氣凍凍地，諗住去佐敦試試自家製臘味煲仔飯，入座後見到冬日推介『自家製黑松露雞煲』，改變了主意，點了黑松露雞煲$108、四季豆干煸雞肶菇$56和菜心$68，原來店舖不單止臘味煲仔飯出名，小炒都很有鑊氣，香氣撲鼻。最喜歡個雞煲，加上三色椒和黑松露，顏色更加豐富鮮艷，夠惹味之餘又有營養價值，推薦！餐廳門面新淨但不太突出，室內環境超靚，非常高雅，門口位置擺放了他們自家製的川味臘腸、鮑魚XO醬、陝北手工空心掛麵、廣式鮮肉臘腸。餐廳地方頗 大，共有兩層，三五知己或家人聚都很適合，地面一層落地玻璃窗可望街景，整潔光猛，牆上大型海報是店舖的招牌煲仔飯和臘腸，賣相十分吸引，二樓就較幽靜清雅。服務方面，侍應生態度很好，很有禮貌。

今日就比左間好似西餐廳嘅中菜館吸引左，所以就入咗嚟幫襯，佢嘅裝修無論係梳化、枱、枱布都好有西式風格，估唔到佢最拿手嘅係臘味飯，今日仲見到呢個自家製黑松露雞煲添仲有各款主食如果食完覺得好食嘅話，仲可以買返屋企自己煮添，各款臘腸、臘肉、XO醬、麵條都有發售坐低冇耐侍應就問我飲咩茶，有鐵觀音、玄米茶同菊花茶揀望住個街景嘆呢個麵認真唔錯呢款餸係新年食就啱晒啦，因為有撈起嘅意思，二三色就有青瓜絲、蘿白絲同雞絲，仲有啲芝麻添，味道方面就有啲似平時食拍青瓜嘅味道，有小小麻辣味但係佢呢款係一啲都唔辣嘅黑松露味嘅雞煲都係第一次試咋，如果黑松露味道可以再濃啲會更加好估唔到清清地一碟油菜都可以咁好食