金船長餐廳 (已結業)

在大角咀深處朝聖，這小店並不起眼，但OpenRice 個個讚好一定有原因⋯這個！得奬黑松露pizza, 個個po 都話要試，咁就一定要捧場。結論係：一定要試、一定要試、一定要試好重要所以要講三次。相信沒有第二間餐廳可以食到。兩塊脆pizza 夾著黑松露醬，香濃而不膩。外層芝士烤得香脆。一上枱唔使五分鐘兩個人已清碟。配提子醋是畫蛇添足，我認為不點醋比較好。這碟豬肋骨的精髓是可以不用刀，因為肉煮得好焾、好入味。個醬比較稀，但亦因為呢個緣故，多點醬也不會膩。唔停得口飲品不是這裏的強項吧。這杯紅豆抹茶奶昔就有點失色。抹茶比較淡。服務員態度友善，中途勤加水，服務抵讚。如果行開呢頭，應該會再幫襯～

幾個朋友都講過尼間餐廳嘅食物好好味，琴晚就決定同男友去試下。門面雖然冇咩特別，但入到去環境原來十分優雅，有氣氛，情調，每張枱仲有一個小燈，好岩約會嘅人去!而且，呢度嘅待應都好溫柔，勁有禮物，原完令人感到受尊重，我做客人都會食得開心d,舒服d。原本我影左好多相，但唔小心del晒! 宜家得返男友影嘅珍貴3張。點解? 睇下之後嘅字就知一開始我地就嗌左6吋嘅黑松露Pizza, 因為尼間餐廳最出名嘅得意之作就係佢。然後先慢慢簡，過一陣已經上左枱，待應溫柔地介紹我地3種食法：1.就咁食，2.點佢嘅秘制提子醋食，3.夾小豆苗食。好，我地試一塊先繼續選餐。一咬……救命丫!!!! 超級無敵好食我地2個都覺得自己突然去左享受天堂嘅美食!!!!!!!! 佢個皮好脆，脆得黎唔覺熱氣，皮最表面仲有啲焗香芝士小粒；中間有黑松露mix芝士，成件事係perfect match! 黑松露嘅香一食即刻滲入味蕾，但芝士味亦重，我好想知師傅點樣整到芝味咁出，又唔會搶左黑松露嘅味，反而提升左佢嘅味道! 好西利！仲有，佢啲芝士食落完全唔會漏，真係做得非常出色！係必必必點嘅菜式！我最中意點提子醋食，甜甜地都幾match好啦，我地冷

大角咀多好野食不嬲都知，咁岩明天係同男朋友既紀念日，今晚決定揀間好味既餐廳食飯。去到因為好早，未有人等，我地入左去之後就開始多人。環境係航海feel, 個人幾鍾意！d waiter勁nice, 不時幫我地加薄荷水，又會介紹點食最好！其實佢除左呢個餐牌仲有好多選擇！我叫左呢個肉眼扒set, 個人覺得同outbreak差不多，五成熟岩岩好，好有牛香。薯蓉勁rich芝士味！個野菌汁好正，食食下仲有金菇！好驚喜！呢個黑松露pizza係見個個都推介所以叫既，本身覺得d食評誇左d, 但食完真心覺得好正！好豐富黑松露味！又脆，同上面d芝士味既麵包糠又好夾！仲有新鮮提子醋可配，真心覺得好正！我相信我會因爲佢再返黎呢間餐廳架！

今日同朋友慶祝生日🎂收工後就嚟咗金船長食晚餐🤗平時聽同事講呢度嘅黑松露Pizza好正，今次終於試咗！佢個外形似烘三文治，好脆口，同埋佢灑左面包糠係面，加埋本身黑松露同芝士份量好足料，睇得出佢地好用心整，成個菜式係設計過。waiter好細心咁同我介紹pizza三種食法，有原味、提子醋同沙律菜食法，我個人比較鐘意原味同沙律菜，因為咁樣食黑松露既香味好出，諗起都想再食😂提子醋就酸酸甜甜，中和返芝士既油膩感，係一個好細心設計既配搭。另外仲叫左蜜糖燒汁焗豬手，呢個真係要讚！平時我係唔會食豬手，我驚肥同埋d肉唔靚。但係呢到個豬手首先好大件先啦，跟住肥細分佈又均勻，個皮就算厚同有肥膏，食落都唔會膩同成口油，豬手既肉亦都好嫰滑。最重要係佢個蜜糖汁，甜甜地又有燒烤個種香味，同配菜（紫薯、蕃茄、栗米、菠菜）夾埋一齊食個口感同香味都係一流！絕對推介豬手，值得一戰😋😋飲品得揀凍朱古力，大大杯又濃朱古力味❤️小食就叫咗法式焗田螺，蒜蓉味好香加上我覺得田螺啱啱好，麵包浸落去啲蒜油到真係好開胃，做頭盤食既份量係岩岩好。甜品就朱古力心太軟🤗心太軟個朱古力做得好好，唔會太甜，同埋質感唔會「結達達」，加上焗既時間又係配合得

朋友三丁友约食飯簡咗呢間餐廳但唔記得book位，老闆見我地特登揾路黎，即刻check返Dbooking俾我地快食，完全無黑面，態度好好一坐低就介紹咗D出名嘅dishes俾我地，等我地唔洗研究太耐先黎個得獎名菜黑松露PizZa，有三個食法，可以重口味又可以清新，唔錯再廚師推介豬扒意粉，D豬扒非常好食，係我绍日最滿意既食物仲有鱼扒薯菜，都係廚師推介menu無㗎，時令野好新鮮所以味道都好好最後食埋個甜品，連湯野飲人頭180左右，都幾好最重要嘅係全餐廳嘅人都好有禮貌，笑容又夠，食西餐氣氛好重要!

老細請食飯，帶左我黎呢間滿有90年代feel嘅高級西餐廳，真係唔講都唔留意原來大角咀有呢d好嘢食！入面裝修好似一間bar好有feel, 仲有d船嘅飾物，好有90年代復古feel西餐黎講呢間都算抵食，唔怪得人氣爆登，遲五分鐘黎都要等位，真係好彩！餐湯幾特別，係蕃茄海鮮湯，雖然估計係蕃茄醬做，但味道酸酸甜甜，飲完特別開胃，啱哂我呢d怕食西餐會覺得膩嘅人先黎一個招牌必叫嘅得獎菜式- 黑松露pizza我老細冇介紹錯，真係食完會想再叫睇賣相感覺會好似食三文治咁，但食落先知好有層次！一般會有三種食法，一種係就咁食原味，一種係黑唶酸醬食，一種係落沙律菜食。我自己就覺得酸醬加埋菜，夾三文治食，層次味道都特別出，特別丰富！特別要講嘅個包嘅皮一d都唔簡單，香脆不特止，上面仲有好多芝士粉係面，加埋黑松露嘅香味，絕配！主菜係 BBQ汁燒豬肋骨，賣相好得意，蒔容上面插住左塊餅，我覺得自己食緊一件藝術品講返豬肋骨先，燒得好好，完全好林入口好鬆化，仲有就係啲，好野味，酸酸甜甜！加埋蒔肉一齊食，熱喇喇，好好食！最後跟set叫左個甜品，芒果奶凍，芒果令成件事冇咁膩，感覺特別新鮮。成晚呢餐都食得好開心，如果餐廳可以大間d

實在有點難介定呢間餐廳..見咁多人推介就來試下啦有幾款set dinner 可選洋蔥湯幾好味，隱隱感覺有點日式湯底味,haha蜜蜂雞翼，蜜糖味同炸雞翼既味係完全分開既·感覺係炸好再淋蜜蜂上面頭要了一個西冷牛排，Medium rare...可惜有點過熟了，有點「un」同乾...really sad. 個海蝦帶子天使麪...海鮮不錯，但麪好淋，有「簡」水味感覺..真係有點不忿，點都要叫埋得獎黑松露pizza 再作定案。講真，個pizza 真係好食既。侍應都細心教導三種不同食法，熱辣辣，溶化芝士好香濃，餅底有別平時既pizza, 好香脆，加埋黑松露更出色。總括而言，這個晚餐令人失望。幸好黑松露pizza 挽回很多分數。我會細心想想會否再來吃這個。

朋友random地搵到呢間金船長竟然咁多好評但我未聽過= =即刻book位試下啦不過book左都要等15mins 清雞菜湯聽個名以為會中伏又意外地幾好飲喎啲蠔好好食呀夠大粒又juicy啲菠菜都好好味呀不過要趁熱食凍左就真係唔好味了攞獎的黑松露pizza有3個食法啲waiter 會教既分別係直接食、點汁食、夾菜食我就最中意點汁食酸酸咁好開胃Pizza上面啲芝士粉我自己就覺得略多蜜糖豬手個汁好味豬手超級大隻肉好滑啲肉唔似德國豬手咁乾梳乎里有質感唔會好似平時咁食風咁

同女友第2次到此用餐由於有BOOK 位所以唔洗等點了兩個DISHES一個就係傳聞之中的黑松露菌醬意式馬斯卡普芝士夾心PIZZA另一個就係長腳蟹意大利飯兩個人份量剛剛好PIZZA 正如之前網友的評論一樣-> 讚~8塊~ 雖然對於兩個人似乎多了一點好香口 感覺頗為特別 芝士味恰到好處亦不似得其他PIZZA那麼油膩第二度菜選了一個番茄長腳蟹意大利飯醬汁味道稍為濃一點 不過尚可入口埋單二百左右 整體算不上抵食 始終地方隔涉不過黑松露菌醬PIZZA果然無令人失望