新肥泉海鮮大排檔

營業中

休息中

有風味嘅大牌檔買少見少，有啲一搬咗舖頭之後就食唔翻嗰種味道，或者係食唔翻嗰種感覺。不過真係估你唔到，宜家連大牌檔都搞埋放題，一大班人想大魚大肉嘅話，介紹你哋去呢間新肥泉海鮮大牌檔！佐敦地鐵站C出口行4分鐘就到套餐有三種：全部限時90分鐘Set A 🔶$288 (小炒+煲仔）Set A+B ⭐️$388 A+(火鍋+麻辣水煮）Set A+B+C💎$488 A+B+（生猛海鮮）因為set A都已經有唔少選擇(超過70款菜式)所以揀咗A 叫咗🐔 辣子雞半隻 👍🏻🥩 黑椒牛仔骨🕊️ 炸BB乳鴿🧆 肥泉小炒皇👍🏻🐚 麻辣嗦螺👍🏻⭐️辣子雞用咗勁多辣椒同埋炸蒜頭去炒， 好惹味食得辣嘅要試吓，雞肉又唔會韌！愛辣愛飲酒必叫！⭐️牛仔骨都幾大份，黑椒汁包著晒啲牛肉同埋青椒🫑 ⭐️乳鴿炸得香脆 ⭐️小炒皇大份又好食😋韮菜爽口 ⭐️最尾叫個麻辣嗦螺，辣到一個點，食完個嘴麻痹之外仲有啲攰，因為係咁瘋狂咁吸啲螺肉出嚟，不過真係幾好食😋！總結：樣樣餸都好大份，去之前記得要留肚，菜式鑊氣夠！配埋環境真係食到有大牌檔風味👍🏻#新肥泉 #大牌檔 #海鮮 #香港人 #佐敦美食#香港美食 #打邊爐 #小菜 #火鍋 #任食#f

去大排檔就梗係要食地道嘅港式小炒啦 😮呢晚嚟咗官涌市政大廈上面嘅熟食中心 叫返幾碟鑊氣小炒😉肥泉小炒王呢碟份量好大 仲有好多材料🦐 包括韮菜 蝦乾 銀魚仔 魷魚 果仁 同紅椒 真係夠晒豐富啊🥬椒鹽九肚魚估唔到呢碟有咁多條魚 九肚魚炸到金黃色 但魚肉仲超級嫩滑🐟 不過食嘅時候要小心啲 因為入面有魚骨㗎 如果個椒鹽味再多少少呢就正啦😂黑椒牛仔骨黑椒味道幾濃 好啱送飯食 牛肉好易咬開 唔會好韌🐮 側邊啲配菜例如洋蔥青椒都好入味菠蘿咕嚕肉酸酸甜甜嘅味道 炸粉唔會好厚 啖啖肉唔會有骨🐷 真係咕嚕肉嚟㗎 坊間其他舖頭成日都係好多骨冇肉食🙊食鑊氣小炒配枝裝汽水真係零舍夾🥤 啲店員嘅服務都好好態度 同其他呼呼喝喝嘅大牌檔好唔同呀 最開心係仲有玻璃樽嘅汽水😎

.📍新肥泉海鮮大排檔 📍香港佐敦寶靈街17號官涌市政大廈2樓熟食中心芝士焗花蝦伊麵(228hkd)蝦🦐有6隻左右，都幾大隻，麵嘅份量係2人份，伊麵有焗過，所以芝士比較厚重同濃郁，成個口都充斥着芝士嘅咸香，好邪惡👀黑椒牛仔骨(118hkd)目測都有成6、7塊，仲要大大塊啖啖肉，有一半都係成塊肉🐮，完全無骨😍懶人最愛，而且肉完全唔韌，連青紅椒、洋蔥都炒到好惹味豆腐火腩煲(108hkd)🥇豆腐同火腩都好夠入味，醬汁唔會太咸，豆腐都好夠嫩滑，肉嘅份量好多，而且肥瘦相間，做到既邪惡又唔會過分油膩😍👍🏻

上次跟朋友黎過呢間大排檔，雖然一向都知熟食中心有唔少好野食，但礙於環境關係，好多時我都唔係大願意光顧。呢度會再回頭嘅原因係佢都算衛生，渠邊都無積水，膠枱布都係乾淨嘅。同友人喺附近蒸完身，反正都要搵飯食，我記得新肥泉喺網上有做團購，於是買左5張現金券，大概係7折，菜式原價平均百零蚊，唔係特別平，不過折後又幾抵食，人均都係百鬆啲蚊。豬潤啫啫鮮雞煲 $108有三枱都點左啫啫雞煲，明顯係一齊炒起，份量就唔係話好多。雞件有肉地，唔鞋口，幾入味；豬潤唔多，夠腍身黑椒牛仔骨 $118牛仔骨都幾大碟，加左好多洋蔥同黑椒炒，味道對辦，唯獨有部份牛仔骨太多筋，好難咬開，稍韌。肥泉老火湯 - 蓮藕 $98問過店員，是日老火湯係蓮藕，啱飲先點，味道唔錯，好似我同友人本身比較缺湯水，都好喜歡。湯入面仲有好多渣，有肉有藕，調味適中，而且熱辣辣咸菜豬肚浸大蜆 $138又係有湯飲系列，首先一定要讚，大蜆確實係大，而且份量大方，數埋都有接近廿粒，肉質飽滿你知啦平時出街叫炒蜆，殼多過肉。湯底味道唔錯，如果拎黎打邊爐都應該正，胡椒味重，飲到身體暖粒粒，而且唔會好鹹。不過豬肚就比較淡口，唔入味。蒜茸菜心 $88我地用團購券，