彩

營業中

休息中

我見有人話呢間係全元朗最好食嘅沾麵店😮，加上已經好多年無食沾麵，決定入元朗試下😏。小店座位唔多，只有11個位，當日公眾假期12點半黎到，等左近40分鐘先可以入座😪。其實等唔係問題，但等嘅環境唔好就係問題😅，有好多飛行昆蟲，大家要有心理準備。餐廳只有三款湯底，人氣最高嘅係蝦湯，必點!! 蝦味噌湯 $93聞落蝦味唔算特出，但食落好香蝦味，而且沾麵後唔會太鹹。食到底見到有肉碎，唔怪得飲落咁甜。原味豚骨湯 $83呢個有意外驚喜😋，湯底非其他沾麵店嘅杰身質地，反而較為稀身，本以為麵條會唔掛汁，但估唔到完全無呢個問題，食落仲有濃郁豚肉味!! 好味!!!黑蒜油湯 $88湯面灑左脆蒜增加蒜味，同行者話好好味。每個沾麵都配有200g麵條、溏心蛋、兩片叉燒、一塊紫菜、少量筍、蔥花。麵條無得揀軟硬、粗幼，只可以揀味道，分別係小麥麵同黑胡椒麵，前者無乜特別，後者無論聞、齋食、定沾湯後都有淡淡黑椒味，幾特別，同湯底亦幾Match😋。兩款麵質都偏硬，有咬口，而且份量相當多，男仔食一定飽。溏心蛋有蛋香；叉燒就麻麻地，切到薄得制，有種碎濕濕嘅感覺，食落亦欠缺豚香。另外，一致認為呢度嘅湯唔夠熱，上枱果陣只係溫暖感，如果

隱世元朗沾麵小店💛每天不同款式味道的麵條====================呢間沾麵bookmark咗好耐，加上每次入元朗國經過都好多人排隊，所以一路無試。難得的日籍老闆撐香港年輕人，咁啱friend子又早收工，終於可以早啲去會一會佢🤣！《黑蒜油湯配菠菜麵 $83》近賞佢枱頭有炸蒜可以俾個客狂落唔嬲😹而且兩塊叉燒都好好味，唔係淨係得肥肉，溏心蛋一咬就爆蛋漿非常可以喔！無估到個麵底原來係大到咁😳190g大食既我表示食唔哂，剩咗差唔多一半，啱哂比我更大食既大食漬食，男仔食就應該啱啱好啦👍🏻.其實當日想食蝦湯底，可惜一早就已經賣哂😭咁唯有轉戰黑蒜油啦！個人認為黑蒜油湯底味道有啲淡（又或者係我重口味、食開濃味野），整體不過不失未至於一試難忘。如果俾我揀，我會揀尖沙咀元祖，不過經開元朗都可以一戰支持下架！.店舖座位較少同少逼，Open kitchen望到靚仔師傅整麵☺️建議早啲去，當日我同friend子6pm去到唔使排隊，直接入得✌🏻

呢間舖頭係元朗內街，如果唔係專登去揾就未必見到。入面得10個位，有4個員工，同日本拉麵店有幾分相似。飲水隻杯係雪過，幾細心。聽閒d麵係自家製，係用心之作。----------呢度係自選1湯底+1麵底湯底選擇：😋原味豚骨湯 $78😋黑蒜油湯 $83😋蝦味噌湯 $88麵底選擇：😋小麥 😋黑胡椒 😋今日special (請向店員查詢) （所有麵已包含海苔，蛋，筍，叉燒。 ）今次小編揀左黑蒜油湯+小麥麵底 $83因為係沾麵，所以湯同麵會分開上。湯唔會太鹹，唔係平時用味精整出黎嘅湯，食完成碗都冇好口渴。小麥麵係幼身，口感偏硬同黏，夾落湯個陣好易會整斷d麵。叉燒肥瘦均勻。蛋係原隻半熟溏心蛋，好食。枱上有三款調味料，分別有炸蒜、檸檬醋同辣椒油。食到最後如果覺得有d膩，可以加檸檬醋，唔會太酸，反而會幾清新。----------🔎彩🚩元朗建德街26號益利大廈地下14號舖

慕名來到元朗超出名既彩食沾麵，聽過唔少人大讚呢度既沾麵，甚至講到係全港最好食，慕名一試，味道唔錯而且個麵好特別，但冇其他人講到好食得咁誇張。我點的是豬骨湯配黑胡椒麵，整體味道唔錯：黑胡椒麵：幾令人驚喜，除左個麵質有咬勁，個味道都唔錯，食落真係有黑胡椒既辣勁，食到好過癮，絕對係真材實料，落足黑胡椒！同埋好掛湯食落一啲都唔寡。豬骨湯：都幾濃郁、但太咸，食完都幾口渴。湯底仲有蔥絲配料，都幾香，仲有啲辣辣地，味道好有層次，不過仲食得出有果皮？味道幾清新但有啲唔係好夾。叉燒：肉質上乘、仲要係厚切有咬口好滿足，最正既係佢仲有陣豬膻味，個人幾中意呢啲重口味，但同行者覺得太膻。味玉：個蛋竟然係成碗麵入面我覺得最好食既主角，係100分既溏心蛋，一咬落走蛋黃香超濃郁同埋個流心既口感真係好正！如果唔係怕膽固醇高，真係好想encore 3隻！整體黎講個麵係自家做好特別、個蛋又超級好食，值得一試但食完冇回頭既欲望。

［無試過點叫來過元朗］聽友人講之前店舖因合作問題，以致突然結業，幸好再入元朗時事件已告一段落，重開後的彩，見招牌都未有，但仍然人氣不減，在街尾小巷仍有人龍。午餐時間來，選擇的種類不多，但友人說都可以一試。餐牌好簡單，三款湯加三款麵底，今日special 是羅勒我點了黑蒜油湯配小麥麵底 湯頭較油，開頭d湯會覺得好有鮮味，但愈食愈咸，但黑蒜油超級香，每一啖都有濃郁既黑蒜味，不錯。如覺味濃，可以選擇加入自家製的檸檬醋，不但減少油膩感，也令人越食越開胃。