前家樂餐廳火鍋店 (已結業)

我嚟過食好多次雞煲，因為呢度嘅雞煲真係唔單止做得有心機，仲別有一番人情味同熱誠！每次同朋友一齊嚟食，老闆都已經認得我哋，成日同我哋傾下計，推介我哋有咩好食，有咩料夠新鮮！最欣賞老闆原來都係廿幾歲出頭後生仔，年紀輕輕又帶著滿滿真心同熱誠，希望前家樂可以帶比每一位客人家嘅感覺和溫暖！聽完佢嘅分享，真係比佢夢想感動咗，希望你的夢想會成真！加油！入正路寫食評！Johnny老闆今次就推介我哋食香辣雞蟹煲。足料又夠豐富，成煲都係海鮮，隻蟹好大隻，啲魚肉質夠晒嫩滑，又好入味！果然冇介紹錯！我哋叫左已經少辣，但愈食就愈辣，食到條脷痺左，都keep住食！哈哈！講到火鍋配料，又點少得牛肉！呢個厚切牛肩肉牛味好香，食落去又夠鮮嫩，同一班牛魔王食，個個都大讚，眨下眼又清晒一碟嚕！就連手切肥牛都不錯！講到牛味，比牛肩遜色一點點，但都幾新鮮！而黑豚腩片，口感挺爽口！本人最鍾意食芝士竹輪，一口咬，滿滿芝士，簡直係火鍋必食！仲有脆脆嘅響鈴，專門係品嚐晒雞煲嘅香辣湯底精華，索晒啲汁，好正！而且份量都好多啊！仲有其他火鍋配料都好新鮮咖！多謝Johnny老闆嘅好招待，精心炮製好味嘅雞煲，我哋每次都食到Lamlam脷呀！

行過大角咀想食雞煲見個店名幾得意<錢家樂>，就入左去搵食呢間野就喺大角咀君匯港天橋落去隔離，好易搵我地好早黎到，所以未有客人不過到我地走，店內已坐滿客人黎到之後店員再清潔張枱，確保乾淨先比我地坐開左爐之後又會問我地洗唔洗開大d個冷氣服務都好貼心個menu都幾多選擇，海鮮嗰d都有我好怕食好辣既雞煲佢呢度有得揀BB辣/微辣/少辣/中辣/大辣所以我揀左BB辣辣度啱啱好，食得辣既可以揀辣少少麻辣雞煲(半隻) $138一打開蓋已經好香麻辣味食落好開胃，入面好多蔥，莞茜等香料，好惹味，仲越食越麻辣煲內雞肉選用三黃雞有好多肉，件件都好厚唔會好肥而且肉質好嫩滑食完雞，店員幫我地加湯底等佢滾左之後就開始打邊爐以為落左湯底就開始冇味啦點知繼續食都係咁滋味鮮嫩手切肥牛肉$158片片都好大塊，食完好滿足好新鮮，牛肉味濃郁，好好食黑豚腩片$58呢個就不過不失因為牛肉實在好味所以焦點放哂落牛度松葉蟹棒$30好新鮮，蟹棒煮完唔會變左滑散散唔係平價貨日本蠔$78新鮮，有海水既鮮味一品花膠$58花膠好大片，咬落好彈牙不過同麻辣不相配試下自家制作雙併滑(蝦，墨魚)$88呢個推介，好好食蝦滑食到有蝦既味道而

今日同幾個朋友黎到呢間出名既雞煲火鍋，其實一直都好想黎食，結果確實令人驚喜。我地點左好多野，就等我重點講講以下呢幾樣最為出色既野食啦。香辣雞蟹煲$288老闆推介我地一定要試呢個香辣雞蟹煲，我地大部分人都唔食得太辣，所以最後只係揀左微辣，對我地黎講已經好夠，因為去到後期辣度會再提升一點，但愛辣者不防嘗試挑戰更高層次，佢既麻辣係會令人欲罷不能的。一開始當然要食左煲里面既野食，先講配角，醬汁非常之惹味，加上大量洋蔥，大蔥同幾條小辣椒仔，淨係聞到個香味已經令人口水激增，食落更加無懈可擊。再講講里面既幾樣主角，拎到出黎其實都已經可以即刻食得，快靚正，第一樣係一隻大肉蟹，雖然食起上黎有D麻煩，但隻蟹非常新鮮，而且肉質飽滿，加上小小蟹膏既鮮甜，多D功夫都值得啦。第二樣係大蜆，無十隻都有八隻，每隻都有匙羹咁大，鮮甜中帶有一點點海水既咸味，食極都唔夠。第三樣係魚骨腩，其實無乜骨，大啖肉為主，肉質新鮮彈牙，出到黎已經係燜得好入味。最後一樣當然仲有半隻新鮮雞啦，肉質鮮嫩可口，配合底醬惹味非常，而且每一件都係肉多過骨，絕不取巧。整體黎講呢個煲真係無得輸，又可以迎合到大家既口味，黎到一定要試。手切本地肥牛(大)