影片
更多
2015-10-20
653 瀏覽
今日同幾個朋友黎到呢間出名既雞煲火鍋，其實一直都好想黎食，結果確實令人驚喜。我地點左好多野，就等我重點講講以下呢幾樣最為出色既野食啦。香辣雞蟹煲$288老闆推介我地一定要試呢個香辣雞蟹煲，我地大部分人都唔食得太辣，所以最後只係揀左微辣，對我地黎講已經好夠，因為去到後期辣度會再提升一點，但愛辣者不防嘗試挑戰更高層次，佢既麻辣係會令人欲罷不能的。一開始當然要食左煲里面既野食，先講配角，醬汁非常之惹味，加上大量洋蔥，大蔥同幾條小辣椒仔，淨係聞到個香味已經令人口水激增，食落更加無懈可擊。再講講里面既幾樣主角，拎到出黎其實都已經可以即刻食得，快靚正，第一樣係一隻大肉蟹，雖然食起上黎有D麻煩，但隻蟹非常新鮮，而且肉質飽滿，加上小小蟹膏既鮮甜，多D功夫都值得啦。第二樣係大蜆，無十隻都有八隻，每隻都有匙羹咁大，鮮甜中帶有一點點海水既咸味，食極都唔夠。第三樣係魚骨腩，其實無乜骨，大啖肉為主，肉質新鮮彈牙，出到黎已經係燜得好入味。最後一樣當然仲有半隻新鮮雞啦，肉質鮮嫩可口，配合底醬惹味非常，而且每一件都係肉多過骨，絕不取巧。整體黎講呢個煲真係無得輸，又可以迎合到大家既口味，黎到一定要試。手切本地肥牛(大)
香辣雞蟹煲
$288
37 瀏覽
0 讚好
0 留言
大蜆
16 瀏覽
0 讚好
0 留言
老闆推介我地一定要試呢個香辣雞蟹煲，我地大部分人都唔食得太辣，所以最後只係揀左微辣，對我地黎講已經好夠，因為去到後期辣度會再提升一點，但愛辣者不防嘗試挑戰更高層次，佢既麻辣係會令人欲罷不能的。一開始當然要食左煲里面既野食，先講配角，醬汁非常之惹味，加上大量洋蔥，大蔥同幾條小辣椒仔，淨係聞到個香味已經令人口水激增，食落更加無懈可擊。再講講里面既幾樣主角，拎到出黎其實都已經可以即刻食得，快靚正，第一樣係一隻大肉蟹，雖然食起上黎有D麻煩，但隻蟹非常新鮮，而且肉質飽滿，加上小小蟹膏既鮮甜，多D功夫都值得啦。第二樣係大蜆，無十隻都有八隻，每隻都有匙羹咁大，鮮甜中帶有一點點海水既咸味，食極都唔夠。第三樣係魚骨腩，其實無乜骨，大啖肉為主，肉質新鮮彈牙，出到黎已經係燜得好入味。最後一樣當然仲有半隻新鮮雞啦，肉質鮮嫩可口，配合底醬惹味非常，而且每一件都係肉多過骨，絕不取巧。整體黎講呢個煲真係無得輸，又可以迎合到大家既口味，黎到一定要試。
手切本地肥牛(大)
$268
31 瀏覽
0 讚好
0 留言
份量好多，四個人食都相當足夠。睇落非常之新鮮，當中有肥有瘦，脂肪較多的淥熟之後會比較腍，牛油味較重，脂肪較少的淥熟後則較有嚼口，但不至於韌。牛肉質感鮮嫩，切得有一定厚度，口感很好，食落亦帶有應有的牛肉味。
加拿大牛肩肉(大)
$158
21 瀏覽
0 讚好
0 留言
牛肉味比前者更重一點，切得比較薄，油脂同肉既比例剛剛好，非常易入口，非常易熟，不宜淥太耐。
黑豚腩片
$98
19 瀏覽
0 讚好
0 留言
腩片厚薄適中，脂肪比較多，瘦肉部分煮熟後比較有質感，而油脂亦形成半透明啫喱狀，食落幾爽口，多吃也不會太膩。
芝士竹輪+甜粟米
$82
18 瀏覽
0 讚好
0 留言
同某大型牛肉飯店既火鍋既配料一樣，但不用再局限於數量上，可以盡情食既感覺係會開心好多。煮熟之後竹輪部分好腍，內部的芝士會完全融化成液態，味道十分濃厚，但進食時要小心，融左既芝士會好燙口。
甜栗米(大)$34
粟米非常新鮮，大大粒之餘亦很飽滿，而最主要是非常甜，很多時這些不起眼的蔬菜類會被人忽略，但店主連處理這些配角都沒有馬虎，證明選料一絲不苟，值得一讚，老實講，好多時食到九成飽既時候都想食多幾舊粟米，如果佢係甜既話，對我黎講真係好加分。
花枝丸(小)
$30
22 瀏覽
0 讚好
0 留言
花枝丸好大粒，重點係佢既內涵，里面充滿左好多花枝粒，密度真係好高，食落好有嚼口，還帶有一點微微既鮮甜味。
唐生菜(大)
$34
14 瀏覽
0 讚好
0 留言
吃得咁豐富，點都要食返D 蔬菜，呢度既生菜嫩綠，淥熟後仍然保持爽口，可以大口大口進食，新鮮程度我諗就咁生食亦無不可。
題外話/補充資料：
文中多次提到新鮮的選料是本人親身感受到的，比起一些任食火鍋既質素，根本是不能相提並論的高，願意俾多小小錢食好D既人，呢度絕對不會令人失望。老闆人很好，十分健談，會問客人意見，希望盡可能令店舖更進一步。
(以上食評乃用戶個人意見 , 並不代表OpenRice之觀點。)
張貼
