麵鮮醬油房周月 (景隆街) (已結業)

開左咁耐 講足咁耐終於食到可能疫情關係唔洗排隊 店內都唔算好多人安排了坐近門口位置唔知係咪門位置 不停有蒼蠅’嬲’住感覺上無咁衛生😅.叫左個黑豚香蔥拉麵 $112(未計加一)勁多蔥！正！黑豚肉香 個味幾好食 不過煮得耐 好韌 有啲痴牙🙈叫左淡湯 個入覺得都好咸同油想像唔到濃湯係點拉麵普普通通 勝在份量多就無其他人講到咁好😛.另外 小食叫左雞軟骨同餃子三杯酢炸雞軟骨 $45(未計加一)一上枱 忍唔住哇左一聲 勁細碟！Size係食韓國嘢前菜既碟😅我覺得係完全唔抵食.餃子🥟$45(未計加一)有驚喜👍🏻好香好好食 好多汁不過上枱時餃子時微暖有點可惜.食哂野 諗住飲埋杯水先離開已經俾人催左幾次走但係出面係無人排隊的。。。.整體上覺得所有野都普通但價錢偏貴 仲要有加一服務費所以真係唔會再黎

接到線報「麵鮮醬油房周月」剛於銅鑼灣新開分店，於5月31號或之前幫襯如果即時於互聯網上po相就可享九折優惠，最怕蝕底o既小肥最後一日就孖咗會計小姐去食麵麵。為怕中午人多冇位，兩口子專登問准老闆十一點半（麵店開舖時間）去食，早去早回可以早啲返公司做野嘛。嘻嘻，早去真係易搵位得多，仲可以任影唔嬲。店子由門面到內牆及椅桌，全部都係木造，裝潢和風得黎極之清爽潔淨企理。小店內外都貼有製麵過程簡介及米芝連推介詳情，彩圖餐牌內頁一樣有。吧位同四人餐桌上都有自助餐具、紙巾、調味料及凍茶，感覺衛生。木造餐牌圖文並齊，十分詳細。睇完彩圖餐牌填寫點菜紙當然係冇難度啦！會計小姐未食過沾麵，所以就點咗客「燒黑豚沾麵」黎試。眼見100g、200g、300g都係$115，出名細食o既佢因袋裡有環保盒，所以就話點都要叫300g，食唔哂可以包返去，也太精明了！想飲多啖湯水o既XO仔就叫咗碗拉麵，測試吓以沾麵聞名o既「周月」啲拉麵究竟食唔食得過。黑豚香蔥拉麵（$108）：出哂煙o既拉麵碗大蔥多，仲包咗三塊黑豚及一隻溏心蛋。幼幼o既麵條煙韌彈牙，而且份量好足。配料溏心蛋香濃軟滑，個人只係略嫌啲黑豚叉燒肥膏多咗啲，幸好食落夠