麵鮮醬油房周月 (景隆街) (已結業)

接到線報「麵鮮醬油房周月」剛於銅鑼灣新開分店，於5月31號或之前幫襯如果即時於互聯網上po相就可享九折優惠，最怕蝕底o既小肥最後一日就孖咗會計小姐去食麵麵。為怕中午人多冇位，兩口子專登問准老闆十一點半（麵店開舖時間）去食，早去早回可以早啲返公司做野嘛。嘻嘻，早去真係易搵位得多，仲可以任影唔嬲。店子由門面到內牆及椅桌，全部都係木造，裝潢和風得黎極之清爽潔淨企理。小店內外都貼有製麵過程簡介及米芝連推介詳情，彩圖餐牌內頁一樣有。吧位同四人餐桌上都有自助餐具、紙巾、調味料及凍茶，感覺衛生。木造餐牌圖文並齊，十分詳細。睇完彩圖餐牌填寫點菜紙當然係冇難度啦！會計小姐未食過沾麵，所以就點咗客「燒黑豚沾麵」黎試。眼見100g、200g、300g都係$115，出名細食o既佢因袋裡有環保盒，所以就話點都要叫300g，食唔哂可以包返去，也太精明了！想飲多啖湯水o既XO仔就叫咗碗拉麵，測試吓以沾麵聞名o既「周月」啲拉麵究竟食唔食得過。黑豚香蔥拉麵（$108）：出哂煙o既拉麵碗大蔥多，仲包咗三塊黑豚及一隻溏心蛋。幼幼o既麵條煙韌彈牙，而且份量好足。配料溏心蛋香濃軟滑，個人只係略嫌啲黑豚叉燒肥膏多咗啲，幸好食落夠