阿三大牌檔

營業中

休息中

俾「大排檔」個名呃咗😅一般般豉椒炒花甲 $98味道ok，不過殼多過肉，又冇乜鑊氣黑醋骨 $98黑醋味都幾重，還可以椒鹽鮮魷 $118炸漿有d厚實，同食開嘅唔太一様火焰鐵板德國鹹豬手 $128呢個都唔錯，色香味都齊嘅

無意中發現呢個舖位又轉左手，幾乎每年轉一次。今次呢間餐廳嘅網上食評唔差，加上自己好耐無食大排檔，即刻約多2個人，試多兩款小菜。星期五晚上6點9到達，當時只有幾枱客。不過，餐廳好大，座位好多，估計即使8點嚟到都唔駛等位。燒魷魚筒 $58 上枱果陣都幾失望，因為實物同食客D相真係幾大落差🙉。魷魚本身無魷味，主要係食個汁，醬汁調得唔錯，偏向川味，但唔濃。星洲奶油蝦 $98 呢個幾特別，第一次食。蝦球好大粒，啖啖肉，肉質彈牙，以呢個價錢嚟講，份量幾足😏。不過炸衣唔脆，蝦球溫度亦唔夠。沙嗲粉絲滑牛煲 $78我中意呢款多過肥牛🙊，好多餐廳嘅肥牛肥到無肉咁濟，但呢個滑牛煲完全無呢個問題。沙嗲味都夠香，不過偏甜。脆皮咕嚕豬頸肉 $88 豬頸肉食果陣炸衣仲脆，個人覺得比傳統咕嚕肉口感更好，肉質又彈又爽😋，而且唔會食到好明顯嘅肥膏。黑醋骨 $88 又係酸甜野，加上配料同上面個咕嚕肉類似，令人產生兩款小菜差唔多嘅錯覺😅。排骨份量唔少，而且大大舊，仲要多肉少骨。配料居然有蕎頭同酸薑😲，幾特別。椒鹽鮮魷 $108 中途加嘅小菜，最熱就係佢。炸衣好薄，鮮魷厚身、彈牙，調味啱啱好。每個小菜加$10跟白飯及例湯，每碗

OT收工已經9點幾，周圍兜下睇吓有咩食🧐無意之間發現咗呢間大排檔小炒😻人生最快樂莫過於收工啤一啤🍻跟住差唔多連續幾日都係食佢😂由於太肚餓嘅關係，同埋擺碟都非常之吸引，都唔記得咗影相就開動了🥳人生最快樂莫過於香口餸配啤一啤🍻滿足🎊

姨仔上星期去大埔探朋友，佢地食咗呢間新開嘅大排檔，話超級無敵咁好味，一定要同我地嚟食，咁巴閉一於奉陪！大埔舊墟直街我都係第一次到，原來附近都有好多食肆，相信好多人都識嚟搵食！大排檔係入舖嘅，地方夠大，間隔闊落，坐滿哂都唔覺迫！叫得大排檔，食熱辣辣嘅鑊氣小炒就梗㗎啦，花多眼亂，就叫店長幫我地寫幾個小菜，佢都好細心，問我地有咩唔食先落單“脆皮咕嚕豬頸肉”係店長特登寫俾阿仔食嘅，咕嚕骨咕嚕肉排就食得多，原來咁樣整豬頸肉外面勁脆，入面勁腍，咀刁刁嘅阿仔都食哂碗飯，可想而知幾好味！“椒盬雞軟骨腰果”，真係送酒佳品，熱辣辣脆卜卜，一流！“原條燒茄子”連唔食茄子嘅太座都豎起手指公！“鐵板德國咸豬手”上枱淋油再點火燒一吓，點可以唔打咭吖，而且層皮真係好脆口，又唔太鹹，忍唔到口一舊食完又一舊！“星州奶油蝦”蝦夠彈牙，但我最欣賞係伴碟嘅炸蛋絲，好特別！“黑醋骨”另一個送飯佳品，我發覺師傅整呢類食物好有心得，全部外脆內軟，好功夫！另外配菜嘅蕎頭真係好正！“金沙蝦球”非常甘香，怕肥？食咗先算啦，哈哈！“馬拉盞啫啫通菜煲”已經食到好飽，但呢個餸上枱都係要食多半碗飯先得！總括嚟講，廚房夠鑊氣，功夫一流，可以再嚟！

今日探朋友去開大埔，佢話開左間新大排檔想試下，所以就黎左試下依間位於大埔既新式大排檔，環境超大好多卡位，坐得好舒服，就算6-8人聚會都冇問題🤣。餐廳有分室內同室外，室外仲可以帶狗狗一齊食Tim🥰。✨凡滿$200，就可+$10/隻 燒乳鴿(原價$52)✨不設加一-(晚餐小菜：+$10有白飯、例湯)例湯真材實料！仲比埋肉，飲落好清之後唔會口渴！💕 避風塘鮮魷 $108👅好味指數：7/10第一次見依個配搭😆鮮魷份量都好多，口感彈牙☺️，避風塘炸蒜好香👍🏻-💕 蜜椒薯仔牛柳粒 $78👅好味指數：8.5/10驚艷到我😳❗️ 蜜糖味極重，薯仔🥔入哂味😍好似食成匙蜜糖落口咁🍯再帶點黑椒既微微香辣感😍，牛柳粒亦都好軟腍唔會韌。-💕 沙嗲粉絲滑牛煲 $78👅好味指數：7.5/10粉絲同滑牛都入哂味☺️粉絲嫩滑Q彈，滑牛軟滑冇筋渣又唔錢難咬開😆，食得多肥牛原來用滑牛都幾好🤣-💕 黑醋骨 $88👅好味指數：7/10排骨肥瘦均勻，肉質夠軟腍又唔會太肥🥰，醃得好入味，好重黑醋味，醋味比較濃甜味會小啲。-環境：7.5/10服務：7.5/10好味指數：7.5/10回頭率：7.5/10

禮拜六入左大埔搵朋友🚴🏻‍♀️🚴🏻‍♂️，佢知我中意食中菜，專登帶我黎呢間新開佢食過一次覺得水準非常唔錯既大排檔🥰❤️燒越南大頭蝦 💰5️⃣8️⃣超大隻😯好重蔥，蒜，辣椒同孜然味，非常有風味👍大蝦肉質爽口彈牙🤤❤️黑醋骨 💰8️⃣8️⃣呢樣應該係店家招牌，亦都係我好鍾意既酸酸甜甜菜式😍炸得超脆口！💯 掛滿黑醋汁，仲伴有比較少見既喬頭同酸薑，夠晒開胃🫢❤️馬拉盞啫啫通菜煲 💰7️⃣8️⃣食大排檔又點可以無煲仔菜呢？！😚店員捧過黎既時候一路聽到咋咋聲，一股馬拉盞同蝦醬既香味同時亦一路飄緊過黎😂店家用上既馬拉盞非常重手！通菜爽脆，非常惹味😋⭐️豉汁蒸白鱔 💰1️⃣2️⃣8️⃣幾厚身👍 肉質嫩滑得黎帶少少爽口，唔腥唔霉，但就略嫌鹹左些少～