竺扶大班燒味

營業中

休息中

身為一個香港人，間唔中都會食下地道嘅港式燒味，今次晏晝就去咗大埔呢間燒味茶餐廳！餐廳就喺大埔住宅區入面，午市經常大排長龍，充滿住人情味。雖然去到客人好多已經滿座，但係店員好快手就比到枱我哋。🍽️黯然銷魂飯 $60睇戲就聽得多，好少真係食！半肥瘦叉燒外皮燒到焦香，肉質濕潤易咬。流心嘅太陽蛋更係精華，難怪要叫「黯然銷魂飯」！🍽️至尊古井燒鵝鵝汁撈粗 $65見招牌都有隻鵝點可以唔試下！$55就可以食到燒鵝唔算貴，另外仲加咗$10白飯轉鵝汁撈粗。鵝肉鮮嫩多汁，皮脆肉嫩，味道香濃煙燻，帶啲甜味。聽店員講餐廳用咗自家製嘅陳皮醬醃製過先可以做到古早味道，難怪比出面更好食~而鵝汁撈粗粗麵口感偏彈牙，個人好鍾意，配上鵝汁嘅甜味同脂香啖啖都好滿足！🍽️鵝汁菜心 $22菜心熟度控制得啱啱好，估唔到加咗鵝汁嘅菜心會咁好食！尤其係菜葉吸滿唒啲精華，感覺好夾！燒鵝同菜心都令我好印象深刻，難怪咁多人排隊都要食到！

竺扶大班燒味係灣仔就出晒名，上次夜晚去竟然賣晒叉燒燒腩仔😭今次去開大埔嘉禾睇戲見到竺扶大班燒味係隔離就梗係要入去試下啦😜⭐黯然銷魂飯+凍檸茶黯然銷魂飯有兩隻蛋跟，可以簡荷包蛋熟蛋。擺盤好靚，荷包蛋淋左豉油鋪係叉燒上面，叉燒肥瘦度啱啱好，黯然銷魂飯真係必點👍👍⭐叉燒燒腩雙拼瀨粉+凍奶茶除左黯然銷魂飯係必食，黎到竺扶大班燒味梗係要試燒味。佢有好多選擇，我就揀左叉燒燒腩雙拼(我係叉燒愛好者😎)，今次就試下配瀨粉。叉燒係半肥瘦（落單既時候要講底啦📣），質素明顯同黯然銷魂飯既叉燒有分別，不過叉燒有蜜糖香味都好食既。而燒腩仔燒腩仔唔係得鹹，我怕鹹都食左幾舊👍燒味餅會跟碗例湯，例湯都好足料架，天氣涼涼地飲就真係好正🥰