龍門一番 上海·紫砂燉湯 (已結業)

今晚嚟到荃灣嘅龍門一番上海·紫砂燉湯 食上海菜，緊係唔少得我最鍾意嘅小籠包同酸辣湯啦～第一次嚟到呢到，店員除咗俾咗餐牌之外，仲拎咗唔同嘅茶包俾我哋呢～我就揀咗就咗鐵觀音啦，不過記住落茶葉嘅時候，落一半就OK啦，之後唔夠味嘅時候，先再將另外果半包到埋落去，咁就啱啱好啦～第一個出場嘅就係上海酸辣湯，落雨凍凍哋，飲返啖暖下先～酸辣湯用料充足，有冬菇、肉絲、木耳等等，味道又酸又辣，好開胃呢～未食主菜之前，試下夏日必食嘅雞絲粉皮先呢～嫩滑嘅雞絲加上香滑的麻醬，正呀！之後仲有海鮮炒飯同埋黃金蝦球，炒飯嘅飯粒粒炒得粒粒分明，而黃金蝦球炸到脆卜卜，仲好香蛋黃味呀，而且蝦肉仲好爽甜配埋炒飯 yumyum～而小籠包嘅皮厚薄適中，同時仲包住曬包內嘅湯汁，食嘅時候可以先吸吮入面的湯汁，最後先再食晒成粒小籠湯包呀。仲有炸到金黃色嘅炸銀絲卷，酥酥軟軟咁～加埋甜甜嘅煉奶，真係大人細路都鍾意！今晚食到好飽呀，下次可以幾個人嚟食埋佢哋嘅雲吞雞湯呀～

到訪過「龍門一番」的屯門店，感覺不錯，今晚和友人的飯局就安排在它的荃灣店。一開始會有店員端出茶葉包供選擇，分別挑選了人蔘烏龍和龍珠茉莉。這裡的招牌菜式，天使小籠包上有魚籽醬作點綴，餡料則加入了帶子。不過口感上和平時的小籠包差不多，主要都是食到豬肉的口感味道。至於魔鬼小籠包就有海膽做裝飾，外皮因爲墨魚汁而變成黑色。咬開十分爆汁，不過可能這一款有黑蒜在內，味道較濃一點。非常推薦這個紫砂鍋燉湯，足料好味！鍋內有雞原隻、椰子條、竹笙、雞腳、瘦肉等，放了如此多食材熬燉，難怪雞湯入口十分鮮甜，帶著淡淡椰香味。一鍋大概有4-5碗的份量，再加上湯料，其實都相當飽肚。雲吞是和燉湯分開上的，唯稍嫌雲吞皮有點過厚。炒飯頗為大碟，飯粒分明，入口帶彈牙感。中間混有蝦仁、帶子、菜粒等，口感變得豐富。

龍門一番我好耐之前食過，覺得唔錯，知道屋企人鍾意食上海菜，今次就帶佢地黎食一次😋呢度我覺得好特別既係，佢係每人一包茶葉，然後每人都有個小茶壺用黎泡茶，自己鍾意飲咩茶就咩茶，唔洗就人😌茶既選擇有幾款，記得既係有人參烏龍、鐵觀音、茉莉、普洱。同埋呢度啲茶葉飲得出係靚茶葉，好似見到佢既茉莉係用龍珠😳屋企人揀左其他茶葉，飲落都好香茶味，用料一啲都唔馬虎。  1⃣️排骨擔擔麵（$68） 擔擔麵超濃稠，面頭有好多花生碎同埋肉碎，撈埋成個麵食超級掛湯，啖啖都係花生香🥜有少少微辣。排骨就冇乜特別，炸得有少少唔夠脆，層皮有少少淋左，同埋本身食落好似冇乜醃過咁冇乜味。但係個擔擔麵真係好出色，個湯底真係極濃🤤  2⃣️排骨煨麵（$58）煨麵係偏軟偏淋身既，食落唔係好洗點咀嚼，湯底都係偏清淡既，如果唔想食得太重口味既話就啱曬食呢碗。配料有啲西芹、蔥，排骨係切成粒狀咁係碗麵入面，食落係有調味過既，唔會成碗麵食落都口淡淡咁，幾唔錯👍  3⃣️紅燒牛肉麵（$68） 湯底係偏清甜，一啲都唔會覺得鹹，麵係幼麵。牛肉切成粒狀，有筋位有肉位，都煮得夠淋唔韌。  4⃣️龍門海鮮炒飯（$78） 超大碟😳黎到既時候都嚇親。入面有蝦有帶子，炒得好

已有一段時間沒與在荃灣區內工作的好友聚餐了,難得這天大家夾到時間來個晚宴,當然由其來安排一下;由於這好友知我喜好杯中物,也喜歡偏濃的食物風味,於是約了我到這家名曰:龍門一番的餐廳一聚!近些年來,全港很多工廈/舊建築物不斷在做活化工程,以相低較低一些的租金,至湧現了不同形式流著創新血液的商鋪及食肆;而荃灣區及觀塘區可謂當中的翹楚,而這家餐廳也可歸納進了這股風潮之中!由以前的染廠大廈搖身一變成了8咪半商場,從荃灣地鐵站經行天人天橋過去,走得相當舒服;場內也有不同形式商鋪食肆林立,有點百花齊放之況味;此處的大部份的店子最大好是有個高樓底的空間,可在裝飾佈置方面大為發揮想像力!好友所喜的這家餐廳--龍門一番,走的是簡約時尚設計,從門面那醒目的招牌開始,到餐廳內部,整體以木質暖色調為主,金屬冷色為副,結合柔亮燈光,一些牆壁及幾何圖案的天花的繽紛色彩,盡是鑲嵌在偌高的樓底之中,令人倍感舒適!而在餐廳與廚房之間,設置了玻璃櫥窗,可看見一部份的廚房運作,是以添加客人幾分安心!從菜單可提供的選擇來看,從江南菜格式主調中,已融入了一些其他地方的食材元素及烹調方式,大有新派融和菜的格調,這也是越來越普遍的現

查看食評見到大部分評價都不錯，所以今日公眾假期同一家人到來試下。總結只係覺得水準平平😕掠拌茄子嘅汁並唔夠結身，同茄子汁掛唔到一齊。個汁應該酸酸甜甜先至好味，但係依個就欠缺少少甜味😅羊腩烤得好香脆，仍保留肉汁，入面嘅肉依然好嫩👍🏻依兩條小黃花，size 一點都不小。雖然都炸得好乾身，魚鰭骨同魚尾都炸得好脆口，但係魚身太大條，肉身比較厚的情況底下，魚肉吸收唔到椒鹽嘅味道，亦可能本身落嘅椒鹽味都唔夠。蒜頭粒炸得比較硬，好實，一d都唔脆🙄海鮮炒飯炒竉咗，而且好鹹😕不是招牌炒飯吧😒😒失望

自從🐷仔喺荃灣返工之後我地多左係荃灣覓食🤪今次黎到龍門一番食上海菜佢嘅環境裝潢都好舒服 係個聚腳好地方一黎到店員就問我地飲咩茶 有五款可以揀🐷仔要左普洱 我就要左菊花🌼然後我偷左🐷仔少少普洱用黎沖菊普飲🙈終於叫野食 真係未試過咁難揀太多美食 真係樣樣都想試最後真係叫到成枱都係🤤首先係自選組合四款涼菜 ($128)我哋揀咗涼拌茄子塔，是雞絲水晶粉皮，麻辣豬耳仔同埋欖菜四季豆伴素雞味道不錯但略嫌份量比較少之後魔鬼天使小籠包出場 ($58)白色個款係帶子外皮 配上魚籽醬黑色就係墨魚汁外皮配上海膽熱辣辣 入面唔算太多汁 岩哂我🤗至於山東一口牛肉包 ($48)有啲似生煎包 幾好食 呢個推薦🤟🏻至於龍門海鮮炒飯($72) 海鮮足料香葉肉碎叉子 ($58) 都好惹味😋________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

因為近來有事情要辦，所以多了去荃灣區。現在該區人流相當旺，食肆林立，因此每次總會在這區食完晚飯才回家。上次去了對面馬路食西餐，今次就直接在中染新城搵食，現在這裡跟多年前我因公事到此已經變得完全不同樣了。今次我們選了一間店名似是食日本料理，實情是新派上海菜館的店子。幾時都話早些就較容易有位，我們進內就獲安排坐在門外的卡座，原來都是限時90分鐘就要交枱，這樣就要快些點菜，之後才可以慢慢吃。既然這裡是以紫砂燉湯做賣點，我們就要了個花旗參螺頭燉雲吞雞湯($178)、魔鬼天使小籠包($58)、小龍蝦湯包一隻($38)及龍門海鮮炒飯($72)。未上菜前，服務員先端來一盤茶包給我們選用，計有人參烏龍、鐵觀音、茉莉龍珠、普洱及胎菊五款，我們都揀了人參烏龍茶，每人一盅，茶錢每位$9，茶盅很小，一次只能沖到半杯茶。不一會，花旗參螺頭燉雲吞雞湯就送上來。湯裡面有半隻雞，但雞腳就有四隻，正如菜名一樣，還有花旗參、螺頭及雲吞，除此之外就不見有其他，但味道還算不錯，螺頭夠腍及出味。而招牌的龍門海鮮炒飯亦隨之而到，裡面有蝦仁、小元貝、魷魚及豆角粒，飯炒得乾身，不覺鹹，份量也足夠。然後就是點心，先是魔鬼天使小籠包，代

愉景新城翻新之後開了不少新的餐廳，龍門一番就是其中之一，平日晚上門口總是人龍不斷，為了免卻排隊的煩惱，和家人選定了人流較少的午飯時段好好品嚐一番！ ▼甫坐下，迎來的是茶包，有人蔘烏龍、菊花、普洱和鐵觀音選擇！每人都有自己獨立的小茶壺，每次沖水都只有一小杯份量，保證每次沖茶都可以喝到最熱暖的味道！ ▼麻醬腐皮卷 $52 腐皮卷上桌時飄著輕煙，效果十足！腐皮卷內是雲耳絲、蘿蔔絲和芽菜，配上麻醫，入口很滑很香，是很好的開胃菜！ ▼厚切川汁醬蹄 $58 雪凍後的豬蹄脂肪就好像啫喱一樣，很有口感，豬蹄肉質紮實，但不會韌，配上醋汁，非常開胃，必點！ ▼山東一口牛肉包 $48 牛肉包細細粒好的骰，包身煎得脆邊，包皮厚度適中，不會過厚，餡料味道香濃，不錯！ ▼土匪牛肉 $82 醬汁有花椒八角但土匪味不算濃，反而更似辣炒牛肉，牛肉好鬆軟，另有大量翠玉瓜，中和一下吃肉的油膩！ ▼有機豆漿浸雜菌 $72 雜菌有木耳、秀珍菇和雞脾菇，吃起來雖然沒有什麼豆漿味，可是汁料好滑身，和雜菌配合起來感覺不錯！ ▼龍門海鮮炒飯 $72 海鮮炒飯中有豆粒、帶子粒、蝦粒和雞粒。炒飯夠乾身，粒粒分明，而且不會過咸，很有水準！

話說小妹朋友一直想試這一間食店，可惜每一次黎到都要等好耐，打電話想book檯，職員話無得book。終於我地的起心肝係7點前到，即刻有位。首先一坐低，店員會拎一盒茶包比我地選擇，每人一包自己沖，都幾特別(但每人會收取9蚊茶錢)。整體來說，食物精緻味道不是太特別，但最令我地感到驚喜既一定係個麻醬腐皮卷佢個醬好香芝麻味，配埋個腐皮卷甜甜地真係好開胃好好味。最不推介既係咖喱牛肉餅，太油膩了，雖然餡是多汁，但我地幾個朋友都覺得外皮比餡還要好食。

去咗附近已翻新同改名做8咪半嘅中染新城,試試新開冇耐嘅龍門一番.呢度係間食上海菜嘅餐廳,入面裝修就非常破格.同同類型嘅餐廳相比,多咗啲年輕活力嘅感覺.餐紙設計成大富翁遊戲咁,都幾得意.坐低之後店員就拎住個托盤嚟,上面放咗唔同款式嘅茶包,我哋分別揀咗茉莉花茶同普洱茶.然後就將茶葉放晌細細嘅茶壺.再加熱水沖泡.其實我比較鍾意溫和一啲嘅茗茶,茉莉花茶正合我意,只係有時要遷就同行嘅人咋,而家一人一壺就可以飲自己真正想飲嘅茶喇.呢度嘅名入面有紫砂燉湯,睇嚟應該係佢哋嘅馳名菜式,所以好想試試,可惜店員話嗰日下晝冇燉湯供應.有啲失望,唯有留返下次啦.見下午茶餐先$48(未計加一同茶位)就有迷你涼菜兩款,點心一款同飯麵一款,好似幾抵食,於是就叫咗份,再加小菜試試.菊花醋木耳嘅口感爽脆,食起嚟有蒜味.千層水晶肉嘅質感扎實唔鬆散,調味啱啱好.上湯小籠包嘅外皮算薄,味濃而多湯汁.龍門海鮮炒飯嘅配料有小蝦仁,魷魚粒,雞肉同香蔥等等,飯炒得粒粒分明,同埋均勻咁沾上醬汁,油份亦可接受,食起嚟幾香口.之後就係散叫嘅小菜,黑醋排骨嘅排骨肉質鬆化有醋香,配上菠蘿同洋蔥,酸酸甜甜幾開胃.有機豆漿黑木耳浸勝瓜,用咗豆漿烹調