慢煮工業 (已結業)

這間位於太子消防局附近的慢煮工業，門面較另一間分店低調，人流沒那麼多，比較寧靜，而且菜式有所不同，午市提供不同set，這間分店是先付款後上菜，收銀處附近有不少裝飾，餐廳內的裝飾依然別樹一格。先上菜的是滿蜆肉蝴蝶粉，整盤很大碟，掛滿了蜆肉和忌廉汁，蜆肉甚至比起蝴蝶粉還要多！鮮味十足，醬汁不會太鹹，而且和香料很夾，只可惜欠缺其他配菜。 另一碟是牛扒All Day Breakfast，想像到的都應有盡有，當中芝士大啡菇和薯餅最吸引我，最後才進食仍然保持香口和溫度。而牛肉應該是慢煮的，從橫切面中可以看到肉汁流出來，但肉質沒有想像中軟腍。如果是想在假日享受寧靜的下午茶，這間可能更加優勝

餐廳開12點半，開咗無耐我地到步陸續都有好多人入黎，要食最好book定位比我係openrice睇嘅餐牌加咗價，唔知係星期六日嘅關係定真係加咗價不過唔洗加一，而且食物份量同質素性價比高，所以加咗價都算抵食。先來一個All day breakfast，可選配安格斯牛或龍蝦- 牛熟度約5成，好滑好好味，係有少少筋- 薯餅炸得好脆，好食過某大連鎖店個啲- 多士都好脆口，要熱食，凍咗會硬- 菇同芝士中間有啲辣蕃茄肉醬，幾有心思第2份叫咗豬仔骨配薯條，加6蚊轉配窩夫，本身配多士-豬仔骨啲肉質好林，上面啲醬都好好味-窩夫係酥皮黎，有別於平時食嘅窩夫，幾特別-薯條份量都幾多由於唔洗加一，攞餐具攞水攞醬都係自助。先去收銀買餐，再坐低等。整體來說很好，會再光顧

因為訂了位，所以無需等候。不過，男負責人態度有點惡，他安排我們坐高枱，雖然有長者，也不敢要求轉座位。直至女負責人回來，她主動安排我們轉枱。餐廳是自助形式，出去點餐付款後，就自行取餐具及水等。平心而論，食物是不錯的，all day breakfast可以揀牛扒或龍蝦，蛋很滑，牛扒肉嫩，整體都非常新鮮。牛油果蟹肉多士，兩者味道好夾，最喜歡是雞翼，老人家表示很滿意。我要了滿蜆肉蝴蝶意粉，見到有食客要了double clam，覺得蜆肉太多，反而不方便盡食，我只要了正常份量，一個人食已非常飽，如果要double clam，應該食剩。建議一定要訂位，這店在太子區都受年青人歡迎，所以很快滿座。

我係All day breakfast 愛好者，朋友介紹過呢間All day breakfast好味，一於試試；餐廳亦非開正係大街，不屬於繁忙類型，同餐廳名match返 #慢煮工業，所以坐得好舒服，餐牌裝修很有風格，蠻適合年青人打卡。比較少見All day breakfast配牛扒，所以價錢亦比平常貴少少；整體份量好大，男士都夠飽；牛扒肉質口感幼嫩，果然係慢煮，肉味濃郁；薯餅有兩塊真幸福，而且炸得超脆，好好味；蜜糖多士都烘得好香脆，果然係值得推介。朋友點咗 #慢煮安格斯牛扒三文治 ，三文治賣相好吸引，多士同樣香脆，配埋牛扒嘅肉汁，外脆內軟配合得好好，生菜解膩岩晒女士。期待下次再嚟飲品上有更多特式選擇。

聽朋友講慢煮工業d嘢幾好食，今日終於有幸可以黎初體驗。叫左兩個 All Day Breakfast, 分別配龍蝦，另一份就揀咗配安格斯牛扒， 非常豪華！我哋個Breakfast包括有薯餅、焗茄汁豆、多士、蕃茄沙律、炒蛋、芝士磨菇，所有材料都好好味，特別係個多士我最鍾意食。主角半隻龍蝦上面係用豐富嘅芝士黎焗，加埋少少香草嘅味道，令我一食難忘，可能龍蝦又夠新鮮關係。另外安格斯牛扒煎得恰到好處，唔過熟又唔會太生，七成左右啱曬我哋。入面鎖住肉汁，鍾意食牛嘅朋友下次嚟一定要叫呢個。飲品叫咗薑味汽水，同埋荔枝接骨木花梳打。 薑味汽水個薑味好重，有少少薑嘅辣味，如果鍾意薑嘅朋友一定會鍾意飲。另外接骨木梳打因為加咗荔枝就好清涼好fresh，好啱夏天飲。

經過大街見到粉紅牆身，裝潢像文青小屋，店內的裝修響霓虹燈既襯托下帶點工業風，假日就選擇左呢度放鬆一下～我大約兩點到，陸續都見不少35成群既朋友圈響度聚一聚，位置都ok，行入小小都仲有高檯位，而我就選擇左近門既高櫈bar位，對住特式牆身，打卡都方便d😝呢度是半自助式，落單後，可以響cashier旁取精緻既餐具同水，有需要仲有個架係放調品料！All day breakfast 全日早餐 $128安格斯肉眼牛扒、薯餅焗豆、大啡菇、 滑炒蛋、 蕃茄沙律 、蜜糖多士 ，很豐富吧🤤厚厚的Juicy牛扒🥩肉質鮮嫩帶點黑椒惹味！喜愛大啡菇，有口感得黎又唔會乾爭爭👍🏻香香薯餅外脆肉軟～～安格斯牛扒薯條$98 慢煮保存肉汁再煎香，煎得剛好唔韌，位置來講唔算多筋！薯條真係好想食曬成桶，脆得黎帶小小鹽，好香口呀🤤點了Karma coke～為假日帶來一份爽😎

近日天氣炎熱，日間氣溫日日徘徊35度，最想嘆番枝冰凍啤酒解解暑。今日跟好朋友來太子這間自助式餐廳酒吧一消暑氣！由於已過了繁忙午餐時段，我們可任意坐下, 真正的free seating。這裡裝修型格舒服，地方頗多，可以分為幾個區, 非常適合一班朋友或情侶把酒談心呢！樓梯底自成一角， 私隱度高！樓上裝修別緻，適合私人派對自助酒吧的4個元素: free seating + order at counter + no service charge + serve yourself , 個人好鍾意這種形式， 除了價錢較相宜之外，感覺隨心隨意，自由自在！先來兩枝冰凍手工啤， 每枝$38價錢, 較一般酒吧便宜，如跟餐的話更抵飲！All day breakfast $128 ~ 內容非常豐富，有安格斯牛扒，蕃茄沙律，多士，大啡菇，焗豆，炸薯餅及炒滑蛋, 份量十足！牛扒肉質通透，牛味濃郁。 大啡菇質感輕盈軟綿，令人驚喜！蟹肉班尼迪蛋 $78 ~ 餐具小巧精緻 , 尤其喜愛非常趣緻的餐刀！蟹肉扒真材實料，配上嫩滑無比的班尼迪蛋及香脆鬆餅，口感十足，每一口都充滿脆嫩滋味！今天享受了一個輕鬆自在的下午，不失為

慢煮工業 我並唔係第一食原來係由一間小食亭演化成地舖既本地化小店當初經過尖沙咀百周年紀念公園小食亭發現左有一間食店悠閒既感覺仍然近在眼前 記憶很深很有個性而其中最為人所熟識就係其慢煮技術 完完全全下於到平民階層令到好多人都可以用最抵既價格去食到高質既烹煮食材呢個理念令我對佢念念不忘近日知道左佢開左好幾間分店了而且有間就在太子 對我黎講相當之近 所以我決定重投慢煮懷抱 去一去食一食裝修當然不能夠與小食亭作對比有格調 用一系列吊燈營造出一個獨立既氣氛而且環境上都偏向寧靜 有一個舒服用餐體驗ALL DAY BREAKFAST $128安格斯西冷牛扒, 薯餅, 焗豆, 大啡菇 ,炒蛋, 蕃茄沙律及蜜糖多士點選左全日早餐 貪佢夠多選擇今日既BRUCH 當然要比豐富再強悍一點大家以為最注目一定係安格斯西冷既時候SORRY!!! 其實係炒蛋加蜜糖多士 極鬆脆香甜既糖多士 真係唔好講咁多 搭上炒蛋擺入口個種非筆墨可以形容得到既滑又脆 香又甜 充滿蛋香大啡菇毫不遜色於一聚食材下大大塊之如切落有質感 香煎過後 食落香口又彈牙至於主角安格斯西冷 用既質數上佳 而且用上慢煮既技術調制過 外面色固之然吸引但一切

今日係我正日生日，lunch 當然要食好D❤️聽說太子有間吃慢煮菜式的餐廳評價不錯，所以同我條佬特意黎呢度～無論桌椅及擺設都營造出復古工業風格，甚有格調。室外人來人往的街道跟室內休閑自在的氣氛形成強烈的對比～剛巧當時座位爆滿，所以坐了吧枱位，但坐耐左有點腳痺，如果枱下面都有腳踏就會舒服些～原來這裡係自助形式，看完餐牌後，自行去收銀處點餐，然後等員工奉上食物，所以餐牌上己寫明免收加一服務費一人一個Set Lunch❤️首先第一個套餐點了卡真蒜香蝦包，排包烤得外脆內軟，排包夾住十多隻蝦，好足料!! 蝦肉爽口彈牙，蒜香味濃郁，帶點微辣，毎一啖都好惹味，視覺和口感都相當出色另外套餐可配薯餅/薯條，其實除咗M記薯餅之外，比較少見餐廳會有薯餅，所以我就選擇薯餅，炸得香脆可口，好滿足！另加$20 點了檸檬汽水，就是圖中檸檬仔圖案個支，似飲檸檬梳打，又冰涼又有氣～爽！刀仔好似迷你斧頭仔，幾得意～第二個套餐就是超級豐盛的all day breakfast ，包括有蜜糖牛油多士，滑蛋，沙律菜，大啡菇，薯餅，茄汁豆以及安格斯西冷牛扒，用木盤裝上食物，賣相美觀，望到都流晒口水蜜糖牛油多士烘至金黃色相當吸引，咬落甜

捱了整個星期，終於放假啦。放假睡到自然醒是常識吧。起身都十一點多，外面又曬又熱，連出街的意慾都沒有，最後約左屋企人去食個all day breakfast，慢慢歎慢慢坐，享受一天的假期。最後選擇了近屋企的慢煮工業，下午一點多，差不多大半場坐滿人。完全唔使諗，一人一個all day breakfast另加一個炸芝士條。炸芝士條炸得較膿，外面香脆，但裏面不是每條都有芝士，有些爆了出來，做得不好。all day breakfast很大份，有炒蛋，炸魷魚圈，炸薯餅，牛扒及炸蝦，本來是大啡菇的，但無貨，變左炸蝦，這餐好熱氣。炒蛋炒得很滑，蛋味香，很有滑蛋的效果。炸蝦炸得香脆，蝦肉不大隻，但幾好食。炸魷魚圈，外脆內煙韌，幾有咬口。主角牛扒有牛肉味但不夠濃郁，牛扒外面煎得香口，肉汁豐富，內纖維多，不算鞋，用黑椒香草調味，味道不錯。飲品要了芒果茶及薑味汽水，兩者都要加$18，芒果茶味道不錯，有芒果味重，不會太甜；薑味汽水有很香的薑味，比較甜，兩者相比，芒果茶較好飲。總括而言，食物質素不錯，價錢中上，但環境一般，我們坐近廚房，比較大煙，抽風不佳，冷氣不夠凍，越坐越熱。