Jacomax (已結業)

本人對意粉要求甚高，最怕意粉本身煮得太軟身，或過份硬身。個汁又太乾，又或者太濕，以上兩種情況都令意粉淡左味，掛唔到啲汁上意粉到，Jacomax嘅carbonara係menu上亦都係推介。佢嘅意粉無令我失望，每一條意粉都掛上濃濃嘅汁，意粉軟硬非常適中，碟底亦無外餘嘅汁。

想同好姊姊girls’ talk兼歎美食，無意中搵到呢間新開既餐廳，見到環境幾令人心情放鬆，同埋聞到好香既pizza味，所以決定入黎試試。Order左三樣野開心share，首次Rocket salad with blueberry sauce ($102)份量充足，，蕃茄仔好清甜，火箭菜同沙律菜好新鮮，混入巴馬臣芝士調味，豐富左沙律既味道，仲有酸中帶甜既黑醋醬，絕對係醒胃前菜之選。而Carbonara ($110)一睇賣相已feel到白汁有幾濃郁，事實上食落意粉相當creamy，醬汁厚身奶味重，每條意粉都沾到滿滿既醬汁，好啱我呢d白汁迷，而意粉就相當有彈性，軟硬恰到好處。特登揀左呢款同餐廳名一樣既薄餅Jacomax ($160)，估計應該係招牌菜卦！香脆既餅底上面放滿牛肉碎、水牛芝士、番茄、青椒，中間仲有隻半熟蛋，都幾特別喎！薄餅食落好軟熟，食材味道好新鮮，溶化左既芝士好吸引，一塊接一塊實在無難度。

一行入店內見到裝潢已經先聲奪人，牆上掛左好多好靚既油畫，仲有唔少充滿藝術感既擺設，例如彩色馬匹、花鹿頭、水晶燈等等，並以木製黑色枱配sharp色梳化，設計玩味十足。食物方面唔少得招牌薄餅，Pizza Crudo既主要配料有意大利風乾火腿同芝士，睇到d火腿鋪到咁滿，ham lover必吃！餅底做得好香脆鬆軟，食材亦食得出好新鮮。另外點左Carbonara，好多本地餐廳都鐘意整到d意粉好淋，話係迎合香港人口味，而呢度既意粉偏硬兼彈牙，係比較正宗既做法，意粉同煙肉沾上濃度適中既忌廉汁後，幾滋味。