Five To One

營業中

休息中

其實之前都黎過一兩次，成間整體既感覺我都好鍾意，有質素既食物加上舒服既環境，搞到我成日都想黎，但係今次就有少少失望。今次叫左杯dirty同大蝦帶子牛角包，講杯dirty先，個啡底係有得揀nutty定fruity既，但係個奶底唔夠凍，所以飲落既層次唔夠，所以中規中矩啦。但係個牛角包就有少少失望啦，雖然見到佢爆哂餡，但係個蝦係用普通既雪藏蝦，雖然無乜雪味，但口感一般，而D帶子就碎上既，味道係唔差，但我會覺得原隻帶子會仲吸引，因為都唔算平，所以覺得性價比會比較低，雖然今次既食物我就覺得一般，但我都會再黎既。

三款包入面最鍾意三文魚芒果牛角包，兩款材料好夾，個包又暖又脆，好味！另外兩款包：軟殼蟹滑蛋同牛油果蛋沙律都好好食！咖啡Dirty，可以揀nutty或者fruity既:Cafe設有室外座位3臺，可以帶埋狗仔一齊chill一個下午

行喺勝利道被一間外貌全白+全玻璃嘅Cafe吸引，再望一望個名「Five to One」好特別。Five One 都係充滿畫面嘅數字，而疫情下嘅限聚，五個人總有一個被限了🙈（限坐4人/2人）Cafe內位置不多，所以今次就算得1個人都要留電話等位。店內店外都有好好嘅打卡位，設計簡單但好鍾意哩種空間感👍🏻 嘆杯咖啡都係想有「我」的個人空間，認同嗎？哩日落雨，個人鍾意望住雨水安靜睇下書，如果你唔想係戶外可以等室內有位轉入去。今次叫左杯 Dirty $45 及 伯爵茶奶凍 $28。哩杯 Dirty 我揀左Nutty，濃香之餘，溫度好好。奶凍就好清淡嘅伯爵茶味，少少蜜糖伴面，入口一陣茶味就令口腔淡淡清香，有點意料之外👍🏻