更多
2023-12-27
22 瀏覽
之前食過蘇媽蘇媽跟馬來西亞餐廳都覺得幾好食, 見到前舖係酒吧所以今次就約朋友嚟試下。 呢日好凍得八到九到左右, 雖然酒吧已經有野檔住但都係感覺到陣陣嘅寒意, 所以同朋友坐低就拿拿林嗌嘢食。來到酒吧一定嗌杯嘢飲朋友嗌咗杯lemon tree, 我就嗌咗杯durian kiss 即係榴槤嘅飲品, 啱曬好鍾意食榴槤嘅人。另外嗌咗個燒豬頸肉當小食 冇諗過燒個豬頸肉好大份, 平時出街食都係得呢度嘅一半左右, 而且燒得好好味,少少脆,肉質就軟淋淋, 食落好juicy。 簡直係食完一嚿再食下一嚿, 好吸引。再嗌咗個饅頭配咖央啱啱出爐細細粒饅頭好得意暖暖哋 ,咖央唔會好甜,如果空口食,食到香香既椰香味,所以個小饅頭配埋個咖央好夾。主菜我哋嗌咗兩個 :一個燒豬肋骨,一個xo醬帶子炒意粉燒豬肋骨又係冇諗過好大份,除咗豬肋骨之外,佢仲配咗好多菜,係馬來西亞常見嘅青龍菜,第一次食,食落去好特別,我哋問侍應喺邊度有得買,好欣賞佢個豬肋骨有咁多蔬菜配搭。另外個xo醬帶子炒意粉都好好味,個xo醬同平時食有啲唔同,比較辣,好啱喺咁凍嘅天氣食,我哋揀咗扁意粉,所以個意粉更加索汁好入味。講返我兩杯嘢飲lemon tr
見到前舖係酒吧所以今次就約朋友嚟試下。 呢日好凍得八到九到左右, 雖然酒吧已經有野檔住但都係感覺到陣陣嘅寒意, 所以同朋友坐低就拿拿林嗌嘢食。
來到酒吧一定嗌杯嘢飲
朋友嗌咗杯lemon tree, 我就嗌咗杯durian kiss 即係榴槤嘅飲品, 啱曬好鍾意食榴槤嘅人。
另外嗌咗個燒豬頸肉當小食
冇諗過燒個豬頸肉好大份, 平時出街食都係得呢度嘅一半左右, 而且燒得好好味,少少脆,肉質就軟淋淋, 食落好juicy。 簡直係食完一嚿再食下一嚿, 好吸引。
再嗌咗個饅頭配咖央
啱啱出爐細細粒饅頭好得意暖暖哋 ,咖央唔會好甜,如果空口食,食到香香既椰香味,所以個小饅頭配埋個咖央好夾。
主菜我哋嗌咗兩個 :一個燒豬肋骨,一個xo醬帶子炒意粉
燒豬肋骨又係冇諗過好大份,除咗豬肋骨之外,佢仲配咗好多菜,係馬來西亞常見嘅青龍菜,第一次食,食落去好特別,我哋問侍應喺邊度有得買,好欣賞佢個豬肋骨有咁多蔬菜配搭。
另外個xo醬帶子炒意粉都好好味,個xo醬同平時食有啲唔同,比較辣,好啱喺咁凍嘅天氣食,我哋揀咗扁意粉,所以個意粉更加索汁好入味。
講返我兩杯嘢飲
lemon tree, 朋友話飲落去好fresh, 酒味唔算好濃 好易入口。
durian kiss
1 瀏覽
0 讚好
0 留言
durian kiss, 見到 榴槤所以忍唔住嗌返杯, 本身唔知個kiss點解, 原來職員送上杯飲品之後會吹一個波波, 有佛手柑嘅味道,之後叫我用個鼻或者用個嘴去整爆佢,好得意! 飲落去就好似榴槤冰,又好似有啲啲嘅酒味。
呢度坐得好舒服,光線暗暗好適合傾計。 職員亦都好細心,見到我哋冇工具去切燒肋骨就立即畀餐具我哋。 呢樣值得一讚。
張貼