BRICK LANE Gallery

營業中

休息中

假日同媽媽享受英式早午餐～當日見到靚仔經理哥哥，又有美食，心情非常愉快🥰 🍟Fish n Chips $188經典Fish n Chips 大大條炸白魚 配上粗薯條 粒粒青豆 附上自家製韃靼醬、茄醬同沙律醬。炸白魚外脆內軟魚肉好厚身！粗薯條厚身，凍咗都仲有脆脆哋嘅感覺！🍳Egg Benedict with Lobster $198大大隻半隻波士頓龍蝦，個鉗已經剝咗殼，入口肉質唔錯，Egg Benedict 有菠菜苗同自家製蛋黄醬，好滿足喔🥰☕️Irish Coffee $78 愛爾蘭咖啡表面有輕盈幼滑忌廉仲有咖啡豆同粒粒片糖，入口帶有酒香氣～☕️Rose Latte $48 玫瑰拿鐵 大杯裝嘅拿鐵，表面撒上玫瑰花乾勁靚！🍎Apple Filo $78 即焗酥皮冧酒蘋果🍎蘋果香氣撲鼻即焗酥皮超級酥脆！中間帶有蘋果粒同蘋果蓉，味道幾甜～🍰Strawberry Opera Cake $58 草莓歌劇院蛋糕，層層分明吸引到媽媽嘅目光，朱古力味好濃比較實身👀 呢個喺草莓忌廉朱古力奶油達克瓦茲蛋糕～

去Brick Lane嘆返個英式Tea是常識吧..! 環境燈光格外有情調.. 絕對relax 閒聊嘅好地方.. 而且店員好有禮貌.. 完全感受到英國的氛圍..我之前都食過一次覺得幾好味所以今次再encore.. 果然無失望水準都keep到.. 去Brick Lane必試 All Day Breakfast Combo.. 份量夠大種類夠多.. 同朋友一齊share都唔過份.. 特別之處就係食咁多款野都唔知自己食緊咩但又幾好味.. 我自己最鐘意食就係好juicy嘅蕃茄.. 仲有大大隻mushroom.. 好吸引.. 不過之前食係荷包蛋.. 好味好多.. 可惜今次俾左炒蛋.. 哈哈.. 呢碟有舊野黑色嘅肉我係唔鐘意食架.. 即使到依家都未知係咩.. 仲有Egg Benedict 配埋沙律菜.. 賣相好吸引.. Egg Benedict 再加埋上面蛋黃醬.. 下面有bacon 多汁得來又有煙肉香味.. 最重要係麵包吸收哂所有精華.. 可能唔鐘意食包都唔會抗拒得到.. 我點左杯Green latte 好濃綠茶味入口幾香.. 而每次我朋友必飲Cappuccino入口即溶而且個拉花夠特別..

復活節假期特登同朋友黎到Bricklane食野，2點左右黎到都只係等了五分鐘就有位，比我想像中等得快。環境不錯，唔會太嘈，都幾岩傾計。落order後等了十分鐘就有食物到。Egg Benedict外面有荷蘭汁，內裡有半熟蛋、煙肉、菠菜、麵包，別忘有沙律菜作伴。一切開半熟蛋，蛋汁流出，底下麵包吸收了蛋汁，整體味道很好！All Day Breakfast有芝士、麵包、薯餅、煙三文魚、焗豆、蕃茄仔、煙肉、火腿、炒蛋、腸仔、蕃茄汁、沙律菜。蕃茄汁真係用新鮮蕃茄製成，食物幾大份量，兩個女仔食唔晒。整體味道不錯，但比較喜愛Egg Benedict。Rose Tea Latte我不太好咖啡，所以呢杯好岩我飲。淡淡清香玫瑰花味，咖啡味不濃，奶味較重，外面比較少有，可以試下。Caramel Latte咖啡味幾濃，都不錯！食完捧住個肚走人喇～

約埋朋友1齊聚腳拆下禮物，叫咗特式飲品，綿花糖香檳好鬼棧，不過熱煮紅酒就一般，先嚟 Egg Benedict，今日係boxing day原本既火腿變成火雞，不過都好好味，之後既雜菌天使麵都5錯，跟住係炸魚薯條，魚柳好入味炸粉5會太厚5錯，薯條係厚切5會炸成金黃色好新鮮5係預先炸定，卡邦尼醬汁調得幾好，最後叫咗個火焰布朗尼蛋糕做甜品，又睇得又食得很好!

這陣子總是灑著綿綿細雨，以前在倫敦念書的日子，在這陰沈的天氣下，總愛逛 museum 。這天來到 Brick Lane Gallery 正是這種味道。之前嘗過 brick lane, 聽說這是新的分店。店內掛滿一位本地畫師的作品，加上本身型格的設計，幽幽的藝術氣氛淡淡地流露在每一個角落。先來一個招牌egg Benedict with bacon. 侍應生告訴我大偣份人比較喜歡點三文魚，可是我還是覺得煙肉跟流出來的蛋汁才是應有的 marriage. 那種恰到好處的滋味非筆墨可以形容。再下來是 Fish and Chips. 很久沒有嘗過不油膩的炸魚，可能我依侍應生的囑咐，吃前點上了小麥醋的𨶹係？又或是廚司在那炸粉上的心機？如斯食物，怎能沒有我的摯愛生啤？另外店子也供應一款獨特的德國啤酒，瓶子像開香檳一樣，"噗"的一聲開起來，很過癮！有一喝再喝的衝動。 在甜品櫃裏的蛋糕佷是吸引，看來是自家制的吧？奈何已經飲飽食醉，下次再嚐吧。餐末回家，好像也沾染了少許藝術氣質，幹快上網翻看一下 Bansky 的大作吧。