The Coffee Academics (耀華街) (已結業)

有個周末同同學參加完教堂婚禮行禮，大家都約左人食晏但時間未到，就諗住行下街。但嗰日早，好多舖頭未開，小編想去一間舖搵野但未開，所以就去左附近嘅coffee academics 坐低hea時間。嗌左個早餐set，pancake同一杯咖啡，大概$100左右。但去到埋單先知周末冇做set，野食同野飲要分開計😅 少少唔滿意就係店員冇提醒，餐牌上嘅提醒字眼細細隻字咁寫左喺最低，真係有啲難注意到。本身諗住費事就咁share一個餐，就嗌多左杯double espresso。Pancake價錢唔平，但味道令人有啲失望。Pancake本身唔太甜，但麵粉味唔香，令到個pancake冇乜味，係要靠個藍莓醬夾埋食。但個藍莓醬冇乜特別，稀稀地，唔甜，淡淡地咁，都係一般想像倒嘅口味。Coffee academics主打咖啡，咖啡當然唔會有問題。兩樣都好飲，咖啡味濃，溝左奶或者就咁飲都冇問題。總括而然，周末去食早餐係冇咁抵食，不過香港舖租咁貴，又唔會話佢唔好嘅。如果唔太餓又想搵個地方同朋友hea下傾計，去飲杯咖啡都係唔錯嘅選擇。

同朋友做完瑜珈行過the coffee academics,感覺環境唔錯就行左入去試下😋餐廳以深啡同暗黑為主，較為有格調自己叫左個set lunch 👉🏻Fettuccine in black truffles HKD128叫左mushroom soup好creamy而且有mushroom粒係湯入面，係我自己鐘意嘅味道，唔係其他餐廳用水開罐頭嘅感覺😋而意粉係黑松露，黑松露唔係人人都接受得到，不過如果喜歡嘅不妨叫黎試下，因為味道都幾濃。但係意粉嘅份量就唔係好大份，不過對於女生黎講都夠架啦⋯不過男士就可能少左啲🤔而我朋友就點左嗰egg benedict with smoked salmon,佢話味道都唔錯👍🏻不過佢等個餐都等左好耐🙈我自己個餐就包咖啡茶，點左嗰cappuccino俾自己☕️好飲👍🏻

很記得升中一從第一眼看到她開始，已深深被她吸引，因為，她真的很漂亮! 而命運，亦將我倆連繫上，在初中時期，我們像對孖公仔報喜。還記得她中五時要到澳洲讀書還哭了一場呢! 經過那麼多年雖然已不像以往那麼親密，但她在我心中仍佔有很重的份量! 她知道我近日心情欠佳，主動提出約會，於是今天便與她一起來個這裡來個輕茶聚。我會選擇這裡因為知道這裡的咖啡質素似乎不錯，一直都想來試試，這回終於有機會來品嚐一下!我們接近三時左右到達，需要排兩至三張枱，但其實等了約五分鐘便有座位了。我們來到近窗的位置，一來較僻靜，二來能看到街外景色，相當不錯! 店內掛有一些小燈飾，昏黃的燈光，帶點英式的佈置，增添一點懷舊的氣氛。這間店舖其實是Habitu Cafe 的姊妹店，提供的食物和飲品類近，但這裡的選擇會更多一些!好友點了凍mocha和All day breakfast；而我，不斷掙扎於Apple crumble cheese tart，fruit tart類和cheese cake中，最後依舊是選擇了至愛的Blueberry Cheese Cake和點上了一杯Flat Whit。好友的食物忘記了拍照，All day

在澳洲生活了兩年，那時候隨便走進一家小店點杯咖啡也十分好喝，在澳洲生活時最常喝就是澳洲原創的Flat White，Flat White 跟Latte很類近，只在於兩者的milk & espresso比例不同。個人現在比較喜歡喝FW，它比Latte少用些牛奶，更能帶出及品嘗咖啡的味道。言歸正傳，是日跟一位當日於澳洲相識的咖啡同好者聚舊，我點了一杯Flat White，先説賣相，咖啡一上來沿著杯邊出現很多泡沫細氣泡，十分不討好。味道方面，跟澳洲連鎖咖啡店The Coffee Club 類近，即是什麼味道？好水汪汪好淡，這杯咖啡索價HKD60，澳洲一杯FW 約AUD4(~HKD24)，結帳時實在心不甘情不願！雖然兩地不同實不應相提並論，但初試flat white的人可能因此便給它定型，便認為FW不好喝！這哭臉是要給正宗flat white來個平反，它不應該屬於這個味道的！