Elmo's Bistro & Bar (已結業)

約左友人係呢區開餐兼吹水, 佢帶我黎呢間又係BAR又有得開餐既地方, 開放式廚房, 可望住廚師煮野及侍應調酒, 加大與客人之間互動空間店內播住既外國流行曲, 跟住節奏一齊郁一齊唱, 咁先係BAR應有既氣氛嘛.............餐單寫左係個黑板上, 種類包晒沙律, 小食, 是日餐湯, 意粉及主菜類, 乾淨俐落, 無需浪費太多時間係餐單上!落左單後, 送上多士配以㰖檻油香醋蒜蓉, 醋既酸味夾蒜蓉既辛辣味係咩味? 2個字.......................好味!每餐都要有蔬菜先均衡營養, 叫個Caesar Salad ($78), 可加配煙三文魚 ($30), 爽脆多汁既沙律菜配以芝士片, 多士(未夠脆口)及特式醬汁, 煙三文魚咸香嫩滑, 菜脆魚滑, 帶黎不同口感!小食叫了呢客Golden Chicken Wings ($78), 即係咸蛋黃雞翼, 先炸起鷄翼, 然後再以牛油及咸蛋黃煮好既"獻"放上面, 未食已聞到咸蛋黃既香味!一啖咬落去, 先食到咸蛋黃碎既香, 然後再食到鷄翼既皮香肉嫩, 單骨鷄翼容易食, 亦令鷄肉易入味, 正呀!!  咸蛋黃食物系列............

灣仔係我由零至20歲居住的地方，因此特別有感情，不過近年灣仔區很多地方都重建了，所以久不久都會回灣仔逛街，懷緬一下往事，行到藍屋附近見到一間特式酒吧，便去品嚐一下美食。這裡除了地下，還有一樓，地下不算大，有叄張吧枱，每張可以坐四人，而廚房是開放式，所以坐著可以看到廚師煮食物，仲有種即叫即煮即食的感覺。店長好熱情介紹這裡的食物，我們聽了推介，便選了Golden chicken wings($78)，Grilled us game hen($208)，Grilled Japanese natural pig($198)餐前有兩片麵包，可以用來點意大利黑醋、生蒜、橄欖油。Golden chicken wings，將雞翼炸香後，再混合鹹蛋漿，呢個做法好似中式，同黃金蝦做法一樣，外表有好香鹹蛋味，廚師好窩心，將雞翼切開一半，好容易就吃到雞翼不用手。Grilled Japanese natural pig，採用日本自然豬，即係用有機飼料養大，烹調到七、八成熟，豬肉肉質唔會太淋，吃落有些爽，有點似豬頸肉，配上用酒煮過的菠菜、芝士薯仔，另外在碟邊的山楂汁，不會覺得肥膩。Grilled us game