Mad for Garlic (已結業)

Mad for Garlic狗年最後一個星期天想食餐特別野,搵下搵下見到 Mad for Garlic,見到個名幾新鮮,以食蒜為主打,英文名下有韓文名,好奇心驅使下去左.首先打電話去訂位,原來下午十二時不用訂,因為好多位.估計應該太早,而且應該晚巿才人多吧.坐低望下餐牌,大部份都是有蒜頭,會否食完口裡有陣味?同情侶去會否變成有口氣不合適?餐廳有個安排好細心的.稍後分解.凱撒沙律,有專人會著一大盤沙律,在我們面前混配料,再上碟.感覺幾好,賣相一般,味道不錯.MFG特色蒜蓉包塔,侍應介紹,麵包裡混合了蒜頭,外面脆炸,是餐廳必食.$48一個稍貴,但味道真好味,而且夠脆,好介紹.蒜頭蕃笳白汁炒八爪魚及蜆配法包片,粉量不多,有點辣,稍為普通.MFG招牌意大利薄餅,餡料是蝦,菠蘿,炸蒜片,可以免費加芝士.芝士不是粉,是條.互相配合,出奇好食.炸蒜牌配菠蘿,硬中有軟,感覺新鮮.如果下載手機APPS,贈送甜品一客:自家蒜頭雜莓奶凍.賣相不錯,味道一般.飯後上洗手間,發現裡面有一部漱口液,有紙杯供客人餐後漱口,怕蒜味,怕情侶口氣尷尬,可以用佢,是貼心安排.整體夠新鮮,有驚喜,好貼心.

MFG西柚特飲 $36西柚糖醬配上梳打水，加上新鮮西柚，清爽酸甜。MFG 香橙特飲 $36蒜香卡邦尼意粉  $118非常Creamy！蒜香味道算是很輕，芝士味道非常濃郁，愛蒜/不愛蒜人士都會喜歡的！MFG特色蒜蓉包塔 $48原個蒜蓉包塔上桌，上面鋪起了一個蒜蓉山，餐廳職員會在面前把蒜蓉山埋在麵包裡，切成四份，麵包烘得鬆脆，啖啖蒜蓉，非常特別造法。秘製豬腩肉配牛油餡角及韓式風味醬 $168它的建議食法是將豬腩肉放進牛油餡角配上醬料一同而吃，但我有點飽了就單吃肉，豬腩肉肉質很軟，雖是豬腩肉卻一點都不肥膩，很好吃！

Mad For Garlic，為大蒜而瘋狂，我個人都挺喜愛含有蒜頭的菜式，故知道有一間主打蒜頭的餐廳，立刻相約好友，到此餐廳共進晚飯。餐廳內在環境好靚，仲有半開放式廚房，客人可以看到廚師烹調食物。餐廳還有卡位可以選擇。餐廳大部份的菜式都以蒜頭入饌，不論在前菜、主食，還是甜品，都能找到蒜頭的蹤影。MFG特色蒜蓉包塔 ($48)未食正餐前，先來一道非常特色的前菜，蒜蓉包塔。其外型都很特別，法包上埋滿了蒜蓉，法包焗得香脆，配上香蒜，非常好吃。而且蒜蓉包上枱後，店家更會在客人面前切開，更方便客人食用，是一道非常貼心的服務。熱板醃漬蒜頭、煙肉及飛魚籽炒韓國牛油飯 ($128)至於主食部份，我們則點了一客炒飯，食之前先撒上蒜片，再拌均食用。脆卜卜的蒜片加入香軟的炒飯，令整道主菜的口感更為豐富。MFG 特色雞胸沙律 配雪利酒醋汁 ($138)沙律很清爽，而且配料也很豐富，有芝士粒、紫洋蔥、雞蛋等，食落十分清爽，加上雪梨酒醋汁，令整道沙律味道更為美味。不過，略嫌雞肉的份量較少。最後點了一杯Gin Tonic作為晚餐的終結。

同男朋友都好喜歡食蒜，今晚終於決定一戰呢間聞名已久嘅韓國蒜味餐廳！睇過menu果然95%都有蒜！頭盤先點了一客與別不同的MFG特色蒜蓉包塔，上菜速度十分之快蒜蓉包係有點像法國包，面頭就鋪滿一粒粒蒜蓉，侍應用匙羹將蒜蓉塞入去中間，口感幾獨特，有生蒜熟蒜唔同種類蒜頭混合一齊，一粒粒有咬口得來蒜蓉味都香。主菜熱板烤MFG招牌美國肉眼扒配蒜頭山，五成熟剛剛好，蒜頭生是指很多炸蒜片鋪面，除了蒜片還有特色醬汁調味，肉眼扒口感鬆軟肉汁又多，果然是招牌菜一試難忘！意粉點了藍芝士野菌長通粉配原個香烤蒜頭，芝士味極度濃郁，而且口感厚實！呢個意粉反而蒜蓉味和長通粉係分開，因為蒜蓉香味主要來自香烤蒜頭。總括而言，好有特色的一間餐廳，喜歡吃蒜嘅朋友一定要嘗試，所有廚師推薦的菜式都有一定水準！

其實一早已想試這間Mad For Garlic，但奈何總是沒有機會，今天趁放假來這裡Late Lunch！餐廳以大蒜作為主題，當然有不少蒜味菜色MFG特色蒜蓉包塔上菜時撲面而來的蒜香令人使勁嚥下口水，侍者隨即將蒜泥壓住麵包內，再把其一分為四，一咬發現麵包外脆內軟，口感筋道十足，蒜泥味濃上口，非常開胃。MFG招牌蒜片墨西哥辣椒銀魚柳炒意粉炸過的蒜片幾乎將意粉全部遮蓋，類似Pasta Aglio e Olio的做法，蒜香及辣椒輕輕的刺激著舌頭，乍看之下，好像沒有什麼特別，其實裡頭下了不少讓人吃起來回味無窮的功夫，尤其是分量比例的拿捏。烤澳洲牛柳配原個醋漬蒜頭及秘方MFG甜香汁牛柳生熟拿捏剛好，一咬下去，牛柳的肉汁溢出來，和烤過的醋漬蒜頭配合在一起，產生濃郁香醇的滋味，令人一口接一口，大呼過癮。

今晚和港島區工作的朋友飯聚，都喜歡蒜的我倆特意挑選了這家用蒜為主匙的餐廳，Mad for Garlic，我倆的確如此啊~餐廳的裝修，用色和設計都好像一個酒窖，復古味甚重，尤其是廂座。的確，他們存有好多支酒！欸？餐牌上有韓文啊！說到蒜為主題，又怎麼能不叫蒜蓉塔呢？主菜就叫個也同樣味濃的意粉吧！枱面上有此夏季限定的飲品，夏日炎炎，不叫杯充滿水果的飲品消暑可不行呢~MFG特色蒜蓉包塔$48可能大部分人會想，平常西餐的餐包都或許有蒜蓉包啦，為甚麼要特地叫一個呢？看這法包上的山丘，全部都是蒜啊！這樣的蒜蓉包不是哪裡都有是吧？店員待我拍照後就把蒜山完全壓進法包內，他還幫我們切開，每一件都塞滿蒜。法包外皮烤得相當脆，不會硬，包是軟的，蒜味極濃又香口，粒粒蒜又有咬感，應該是最有誠意的蒜蓉包。在享受滿滿的蒜時飲品來了，兩杯都超大的。我點的是Tropical Fruit Tea ($58)，在芒果，桃和蘋果的茶底中我選了桃味，所以味道香甜。茶中有大量生果，士多啤梨、奇異果、蘋果、青蘋果、西瓜、藍莓和檸檬，絕對是一個鮮果盛薈，既清新又豐富。朋友點的Floating Ice Ball ($58) 的水果以瓜類

好早之前已經聽聞過呢間餐廳，吸引力在於夠"臭"！今日拖手仔順路去品嘗一下～ 可能今日weekday唔算多人，等左10分鐘就有位。睇個Menu都已經流哂口水，全部都係重口味菜式，我隨意點了幾個餐廳推介：這個味道還不錯，蒜味十足，有專人幫手切開，但和包的香脆軟度配合未算最好，比起這個，我還是偏愛某pizza店的蒜蓉包：P飯的質感好軟熟好多汁，充滿蒜香和檸檬酸味，口味幾特別。而且魷魚非常鮮味，讚！我點了7成的肉眼扒，份量足夠2個人share，而級數選了M9澳洲和牛，果然有濃郁的牛味肉汁，加上成座山的蒜片，啖啖都回味無窮。重點之中的重點！帶有薄荷葉的凍檸茶，好 refresh，無左佢今晚唔使咀咀＞3＜

今次嚟到Mad for garlic搵食！ 自從上次試業期間食過一次後～一直都對佢嘅蒜蓉包念念不忘～終於抽到時間再嚟食喇！檸檬辣魷魚韓風意大利飯配醋漬蒜芯 （$128）韓國米係以牛油炒香～然後加上羽衣甘藍～醃漬蒜芯～辣椒粉等等～有別於傳統意大利飯的硬繃繃質感～非常Creamy～而檸檬汁又可減少一點膩嘅感覺～不錯！MFG特色蒜蓉包塔 （$48）即使餐廳出咗名～客人不斷～店員仲係會幫忙將蒜蓉壓入包塔內～服務保庤！呢個蒜蓉包塔真係好好味～每一粒蒜蓉都係金黃色～烤到脆脆的！而且香氣四溢～真係食指大動！至於個包～雖然冇上次焗得咁香口～但都同蒜蓉融合得完美！烤MFG招牌肉眼扒配蒜頭山-澳洲M9和牛 ($398）睇menu已經好好奇呢座蒜頭山有幾高呢？實物冇令我失望～果然係1座山咁高！比牛扒更厚的！餐廳將牛扒煮香後～鋪上蒜蓉～再以大量炸過嘅蒜片覆蓋整件牛柳～上菜時蒜粒同洋蔥喺在鐵板上滋滋作響～未食就已經有聽覺嘅享受！因為叫咗七成熟～所以老咗少少～不過和牛真係好juicy～中間有半溶化嘅感覺～推薦！！之前試過pasta～所以今次就叫飯同牛扒～每様菜色都同不同嘅蒜頭成功融合～真佩服廚師嘅創意！

即慶銅鑼灣一聚試試新野等位15分鐘左右 店鋪中間由酒櫃分隔左右2邊都都有卡位 燈光柔和 半開放式廚房四個人食 叫左3份麵包 2份意粉 1份前菜 1份牛扒同1份甜品 開心share但侍應太少 應付唔切仲要漏單2次 第二次同侍應Ken反應 但佢態度差 仲話佢係跟電腦做野 我心諗：咁我係咪應該自己行去電腦到落單？笑容同服務最好係翻版排球員朱婷整體上唔計侍應Ken既對待 係MFG特色蒜蓉包塔形狀似火箭 侍應會幫你切開麵包中間好多生蒜蓉 加少少辣味加上麵包外脆內軟 好蒜者會好鐘意白酒蕃茄汁煮藍青口用辣椒 洋蔥 蕃茄 蒜 香草同白酒煮 個汁好香好甜加上藍青口肉脹卜卜 好夾 見好多枱order 好味道原味蒜蓉包 2份（1份2件）麵包皮比包塔軟 蒜蓉份量少d我地用黎點青口個汁食個包吸晒青口汁 蒜香加青口鮮味香辣三重蒜味海鮮意粉海鮮有青口 蝦同魷魚 只得青口新鮮蝦入口好梅 魷魚就淋得過份 蟹柳口感個汁帶甜而少辣 蒜味唔重 一般勝在味道比較新鮮 有別平日西餐招牌蒜片墨西哥辣椒炒意粉炸蒜片鋪係意粉面 蒜味唔特出綠紅色辣椒炒意粉 夠干身 超野味不過比較辣(我食譚仔3小辣覺得少辣)有2位朋友就覺得好辣辣到面紅

今日同honey去時代廣場睇戲， 之後去到11樓見到呢間專吃蒜既餐廳，看見門口有蒜頭既擺設，對於不是太好蒜既我，都有種躍躍欲試既感覺，於是就去試試。餐廳內既裝修佈置，加上柔和既燈光，比人一種幽雅既感覺 ，我地坐在卡位很寬敞舒適，前後都有磚牆阻隔，私穩度提升 。店內有一系列酒櫃存放唔同既酒。點餐時，我點左餐廳推介既MGF招牌意大利薄餅 - Garlic Snowing Pizza, 店員奉上將新鮮即磨芝士好像下雪般飄散落在pizza上，有如其名snowing ,pizza 內有新鮮蝦肉、香甜菠蘿，最滋味當然係炸蒜片,咬落去扑充滿香脆蒜味，芝士十分香濃，薄餅都很脆口，整體上不油膩，好味道 蒜香忌廉汁蟹肉及龍蝦肉意粉 -Crab & Lobster Pasta，d汁好香，龍蝦肉都好鮮味，蟹肉條都很多，淡淡既蒜香不會搶走其風頭。飲品點左杯鮮露絲瑪莉冰茶 - Fresh Rosemary Iced Tea，檸檬茶得來帶有淡淡香草味，so fresh ,而Honey 點左Stella Draft 易入口且夠冰涼 MFG特色蒜蓉包塔- Garlic Bread Tower 係餐廳必吃食

多謝OpenRice請睇「非常盗」 ，週三晚就同契妹去時代廣場睇好戲。睇戲前當然係要醫肚啦，二人就喺食通天個升降機大堂o既水牌中，揀咗間聽落都重口味過人o既「Mad for Garlic」 。位於十一樓o既新店門面光鮮 。門外貼出告示，表明食店因仍在試業階段，故只限現金交易。正門右邊有個水吧。左邊則為接待處。桌上除咗有盆又大又靚o既蘭花賀新店開張 ，牆身仲搞鬼地掛上蒜造花環，莫非係用作驅趕殭屍之用 ？！中間o既食物架上亦擺放有多件蒜頭作裝飾，睇唔明個英文店名都應該估到廚房所用o既主材就係蒜頭。兩邊對稱o既間隔開揚通爽，加上樓底夠高，滿座時都唔覺嘈雜，氣氛極為輕鬆。 中央o既分界線由透明玻璃酒櫃畫出。酒櫃邊一行半卡位合併式散座，側旁再擺出多張四人方形枱，座位眾多，但一啲都唔覺迫，舖排得非常好。旁邊兩列四人卡位闊落舒適，以磚牆分隔望落都潮過人，而且能提升私隱度，唔怪得知咁受食客歡迎 。歡樂時光已到，XO仔就先點咗杯鮮艷o既雞尾酒「Tequila Sunrise」飲。為怕食物上枱速度過快，二人就續道菜叫。MFG特色蒜蓉包塔（$48）：蒜蓉包上枱時當真呈塔形，塔頂更可清晰地分辨