Little Break Coffee & Kitchen (已結業)

天氣熱其實唔太想坐outdoor , 不過無位都無辦法。outdoor 檯兩張，都靚，不過對馬路，食塵而且有啲曬。店員好有禮貌，俾完menu 行返入舖都有留意我，ready 幫我落order , 幾貼心👍，點咗個和牛窩夫三文治98蚊，加12蚊配凍 mocha，賣相幾好，最上層係煙肉，再有酸瓜，跟住係芝士窩夫，中間係牛，再落去係蕃茄芝士窩夫，好豐富，旁邊有楓糖漿，窩夫微脆，如果可以做得脆啲會更理想, 份量唔細，所以好飽，配返酸瓜中和下幾好。雖然舖係收visa , 但原來under 300蚊係要收charge , 呢個單價仲要收加1真係估唔倒有呢個條件🙄，另外見倒open rice寫有得儲asia miles , 但最後又講咗好多條件先可儲倒，總之星期六朝早就無，所以好無奈😰。睇返張單原來憑收據去其他幾間店食有discount , 但不適用嘅日子竟然係2019年？而家2020年8月喎？？🤔overall 食物同服務係唔錯嘅，但好多嚴謹條件同細節令客人覺得好唔方便同好唔稱心🤐。

呢間cafe係之次喺呢頭行過，見到舖面幾開揚舒服，諗定會入嚟試。今晚要喺呢頭上堂，所以特登早啲過嚟飲吓咖啡。叫左個tea set, 有軟殼蟹沙律三文治同埋一杯飲品，我叫咗杯mocha。waitress好好，問我係咪之後先上，咁緊係嘆完三文治先啦。三文治嘅面包新鮮脆口，中間嘅軟殼蟹及沙律菜都好好味！至於我至愛嘅mocha,除左有靚靚拉花，咖啡，朱古力同奶味都恰到好處。

住左係四小龍差唔多都有十年啦, 相信街坊都知道附近食來食去都係D水準較低既連續快餐店同茶餐廳, 最近見到對面商場有一間裝修得幾別緻既咖啡店Little Break, 於是同囡囡決定去試下新野去到見到有條小小既人龍排緊隊, 心諗呢間小休咖啡館應該唔會太差掛? 不過等左差唔多十分鐘就有位啦! 等候期間唯有睇下店內既報紙報導去打發時間, 先知道原來呢間小店係由一班剛剛係港大畢業既年輕人去創立, 不得不佩服呢班後生仔既勇氣! 大家都知道而家香港做生意幾艱難 租金昂貴 仲要揀係荔枝角呢個工業區去開今日lunch set有八個選擇 我自己就揀左由高大既店主推介既鴨肝意大利飯, 而囡囡就揀左個烤安格斯西冷牛扒lunch set份量岩岩好, 有餐湯, 主菜, 餐飲, 算係咁, 囡囡個安格斯西冷叫左7成, 見佢燒出黎個樣都幾靚仔, 切開見到都幾juicy, 可惜本人唔食牛, 無緣一試, 但聽囡囡講話都幾好食!下次再黎應該會晚飯時間黎試下佢個M5和牛 我老公最鐘意就係食牛扒 原來Little Break都有酒賣 下次同朋友聚會又多個新地方!