Orca (已結業)

工作疲累想放鬆一下，請咗半天假，下午去了西貢行吓同搵嘢食，試咗一間近碼頭的西餐廳。有室內和戶外，揀咗室內座，環境好舒服有梳化同掛畫。天氣太熱先揀兩款特飲，啲名都好特別，好得意。論盡的小鯨主要材料有椰漿、糖漿、檸檬汁同蝶豆花，呢杯係朋友叫的，顏色好靚打卡一流。我自己揀咗杯真的假不了材料有蝶豆花、玫瑰花蜜、梳打水、青檸同七喜，顏色真係好靚，係我最喜愛的顏色組合粉粉藍藍紫紫，飲落去感覺幾得意幾特別飲得出蝶豆花同甜甜地的玫瑰蜜。牛油香草白酒蜆前菜之一，白蜆好大隻好新鮮，牛油味加香草好香，未食都聞到陣陣香氣。牛油果蟹肉他她脆餅小食二，店員推介。剛剛放入新Menu所以值得一試，牛油果同蟹肉好豐富，個餅底好鬆脆，配搭起上嚟好有層次感。巨型豬扒跟薯菜係鎮店signature dish，塊豬扒好厚身同大塊，兩個人食啱啱好，雖然厚身但都keep到豬扒肉質，熟透而且好嫩滑Juice。再配上好多蔬菜中和返淨係食大大塊肉，蔬菜都好好味，個黑椒汁都係自己調製好有誠意。

麻甩專員今次帶大家入去西貢食一間好有驚喜嘅西餐廳，估唔到咁平靚正！餐廳有得比你選擇坐户外或者入面，非常有彈性專員今次叫左兩樣小食，一份招牌主菜，同埋兩杯無酒精飲品《牛油香草白酒蜆》 $98一大碗嘅大蜆放上檯已經有非常濃嘅牛油香味飄上黎蜆份量唔少而且非常大隻好有肉，肉質新鮮入口後先係牛油同白酒嘅香味，然後帶出蒜香同少量嘅檸檬酸，再者就係蜆肉原本嘅鮮味蒜香同檸檬嘅少量酸味平衡返牛油原本嘅油膩，絕對係食唔停口嘅開胃小菜《芝士肉醬田螺焗酥盒》$68驚喜不斷，酥盒焗得非常酥脆酥盒入面有一堆芝士肉醬，芝士嘅香味配合肉醬好濃味但唔漏每個酥盒上面會有一隻田螺，田螺嘅鮮甜味愈咬愈出再配合埋酥盒嘅酥脆，入口脆口，口感豐富，味道有層次，專員朋友話下次再黎絕對會再order呢個《青春小蜜桃》$58蜜桃汁、菠蘿汁、薄荷、梳打水、雪碧非常有青春氣息嘅飲品，果味好充足，蜜桃同菠蘿嘅甜味好夠少量薄荷清新嘅香味飲落去好清爽，超爽超解渴《假的真不了》$58 *餐廳招牌飲品蝶豆花、玫瑰花蜜、青檸、梳打水、雪碧一杯充滿夢幻顏色嘅飲品，先係蝶豆花嘅花香味然後玫瑰花蜜嘅香甜，再配合埋玫瑰花花瓣再有青檸嘅清爽味道，將所有配料攪拌埋

趁天氣畧轉好决定和太座去西貢走走，行得累了在這岸邊西式食店歇息及來個遲午餐😎侍應殷勤地安排了外面露天雅座，甫坐下便來了幾分鐘頗大過雲雨，因有雨蓬我們的桌子滴水不沾👏👏在炎夏雨中和另一半享用著凍飲好浪漫😘我選的"禁果之液"(island) 用檸檬汁，蘋果汁混合紅茶，酸甜香碰撞得妙😋太座點的名字頗不文，"好雙乳的莓莓"(double berries smoothie) ，把藍莓，士多啤梨配乳酪，飲用者讚賞😋小食:牛油果蟹肉他他脆餅，蟹肉拼牛油果放在脆餅，一口一件，入口滑溜蟹肉香底餅卜卜脆😋二道:牛油香草白酒蜆，蜆肉放在白酒汁内浸至剛熟，鮮嫩無比😋Orca巨型豬扒跟薯菜，看似招牌菜，狀似斧頭扒的大大片厚切豬扒，肥瘦均宜，肉質美味，跟碟香草汁帶微辣，但令肉味更突出😋😋我們悠閒地享盡冷飲，便結束了一頓岸邊西餐

跟友人去西貢一日遊，甫下車，在西貢遊之前先到西貢市中心附近吃午餐。市中心以海鮮酒樓為主，難得找到這間有質素的café，還有戶外坐位，如果坐在戶外會更有度假的感覺。可惜當天下雨，我們便坐在室內享受冷氣。芝士肉醬田螺焗酥盒($68)，三個田螺焗盒，以新鮮沙律菜裝飾。頂層的芝士肉醬份量足，芝士略有拉絲，香熱濃郁的肉醬，蓋在彈牙的田螺之上，底下的酥皮香熱鬆脆，除了香熱，還有多重口感。ORCA巨型豬扒跟薯菜($188)，巨型豬扒煮得軟稔多汁，厚身多汁豬扒也充滿肉的纖維感，份量足夠兩至三人吃。薯菜多樣，煙肉包裹着粟米條和幼籚筍，蔬菜清新爽口之餘也有肉的味道。新鮮香甜的蕃茄和爽脆的瓜，有肉又有菜。燒牛肉紫洋蔥沙律(辣)($158)，燒牛肉軟稔，牛肉味濃郁，燒過後更突出牛肉香。沙律菜量多，微辣，紫洋蔥有較多花青素，有抗氧化的作用，如果點了一盤肉，再加這個沙律會比較健康。好雙乳的莓莓($58)，飲品名稱很有創意。莓味十足，有兩塊甜餅塊和兩粒新鮮藍莓，不會過甜，飲品質感略為綿滑，配任何食品也很適合。我比較喜歡這杯飲品。梳打咖啡(凍)($43)，這杯梳打咖啡調配得不錯，梳打的刺激不會蓋過咖啡的味道，咖啡香醇

入得西貢梗係要Chill下，係近碼頭一帶搵到間啱feel嘅西餐廳-Orca，餐牌上有好多選擇，由小食到沙律至主菜都有，無論拍拖定一班朋友嚟飲嘢都啱。我order咗佢哋其中一個招牌菜-ORCA巨型豬扒跟薯菜，$178價錢都合理。餐廳環境好舒服，有d柔和太陽光照入店鋪，好有休閒感覺；等咗一陣，飲品： 叢林的秘密送上，賣相吸引，份量都好大杯，裡面有藍莓、士多啤梨、 西柚同蘋果粒，味道酸酸甜甜，好清新，飲咗好開胃。ORCA巨型豬扒主菜跟住上，豬扒大小同手掌差唔多而且厚身，煎至金黃色，閃閃發光，切開見肉質軟綿，調味適中肉汁豐富口腔，點上微辣燒烤醬惹味可口；而薯菜方面有：黃瓜、翠玉瓜、蕃茄及蒜頭，經過香烤及調味，不比豬扒失色啊👍而薯條吸收豬扒肉汁後，味道亦很豐富美味，忍唔住一條接一條食晒😋今餐實在食得滿足又舒適，下次再嚟西貢會再食！