影片
更多
2021-04-20
8893 瀏覽
如果鍾意意大利菜嘅你，係香港第一間會諗起咩餐廳？可能我以前冇特登食意大利菜，或者好認真咁食，一般見識淨係識Spaghetti，對住啲意大利文，完全分唔到係邊種麵打邊種麵。我第一次認真食意大利菜，嚴格啲來講係意大利麵，就係依間好親民嘅意大利麵餐廳同酒吧，而我會知間餐廳係因為女朋友介紹俾我，話俾我知佢個黑松露意粉好吸引。意大利菜最出名除咗Pizza就係意大利麵，呢間Pici就係主打手工意粉，Pici係本地飲食集團Pirata Group旗下既餐廳，我同時都好鍾意Pirata Group既THE OPTIMIST，所以佢地既水準應該都係穩定同有質數，而且賣點係高性價比，唔駛大家比過千蚊，可能300蚊就可以享受到性價比較高既服務同食物質素。因為對麵質要求相當高，所以店舖有製麵嘅區域，如果坐係吧台既客人就可以睇到師傅現場製作麵條，每日都會供應新鮮手製嘅意大利麵，配合唔同時令嘅食材創作唔同嘅菜式，令到香港人食到地道嘅意式風味，而且食得意粉點可以無酒，餐廳都會提供唔同嘅cocktail、啤酒、紅酒、白酒，都有啲無酒精嘅飲品。當日係星期六嘅夜晚去到灣仔嘅pici，本身冇預約(事後發覺應該係冇得訂位只有
如果鍾意意大利菜嘅你，係香港第一間會諗起咩餐廳？可能我以前冇特登食意大利菜，或者好認真咁食，一般見識淨係識Spaghetti，對住啲意大利文，完全分唔到係邊種麵打邊種麵。我第一次認真食意大利菜，嚴格啲來講係意大利麵，就係依間好親民嘅意大利麵餐廳同酒吧，而我會知間餐廳係因為女朋友介紹俾我，話俾我知佢個黑松露意粉好吸引。
意大利菜最出名除咗Pizza就係意大利麵，呢間Pici就係主打手工意粉，Pici係本地飲食集團Pirata Group旗下既餐廳，我同時都好鍾意Pirata Group既THE OPTIMIST，所以佢地既水準應該都係穩定同有質數，而且賣點係高性價比，唔駛大家比過千蚊，可能300蚊就可以享受到性價比較高既服務同食物質素。因為對麵質要求相當高，所以店舖有製麵嘅區域，如果坐係吧台既客人就可以睇到師傅現場製作麵條，每日都會供應新鮮手製嘅意大利麵，配合唔同時令嘅食材創作唔同嘅菜式，令到香港人食到地道嘅意式風味，而且食得意粉點可以無酒，餐廳都會提供唔同嘅cocktail、啤酒、紅酒、白酒，都有啲無酒精嘅飲品。
當日係星期六嘅夜晚去到灣仔嘅pici，本身冇預約(事後發覺應該係冇得訂位只有Walk in)，去到時大概係七點半，見到門口好似冇咩人排隊，去櫃檯攞位時佢話暫時full左，但好快有人走，所以叫我留低電話，當有位個時SMS我，依家好多餐廳都有呢個服務，我覺得非常貼心，於是俾個電話之後就去附近行下，因為平時都冇點去過附近。附近好多店舖其實都已經閂左門，進教圍就只有pici依間店舖燈火通明，好似係外國嘅街道一間隱世嘅餐廳咁。喺附近行左10至15分鐘，就收到SMS叫我返去。
PICI係2017年開左灣仔係既總店，之後開業唔夠2年就開埋中環、尖沙咀同沙田分店。灣仔總店同其他唔同嘅係灣仔嘅位置會比較偏僻啲，我有經過尖沙咀同中環分店，尖沙咀係漆咸道南既酒吧街，但人流不絕而且PICI個邊既行路唔闊，排隊既人都迫哂係條好窄既行人路，雖然都有幾個向室外既窗口位，但環境比較嘈吵; 而中環係蘇豪既鴨巴甸街，比尖沙咀好既佢有一邊街係坐係街既位置，好似係街食緊意大利菜咁好有氣氛，但附近都係人流太多。而灣仔總店係大家平時唔會行去既進教圍，我以前喺灣仔讀書都唔會嚟過進教圍呢度，今日佢要行斜路上嚟，佢哋隔離就係灣仔嘅日街、月街、星街，呢個「星街小區」都係灣仔比較偏僻但係好有外國風味嘅地方，因為附近都係好多唔同特色嘅外國餐廳、酒吧、精品店、時裝店、藝術畫廊同古董傢俱，位於市中心但無市區人潮擁擠熱鬧既喧嘩，每次嚟到呢度都覺得好似去咗歐洲咁。灣仔總店都有室內同室外既位置，不過室外個邊既枱係本身木枱開出黎既鐵板，野食擺上佢見到微微斜，唔係咁穩陣。
上面仲有閣樓，不過枱與枱之間距離唔算闊，入面室內裝潢簡單舒適，會見到唔同既傳統意大利古典裝飾。環境我覺得係咁多間店最好，至於食物質數，有唔小朋友同我反映過，唔同分店既質數都有分別，當中灣仔總店係最好，其次係尖沙咀，中環分店會明顯食到有分別，我無食過其他分店，但好好彩一食就係食質數最好既總店，至於係咪事實有待我將來去其他分店一試，但如果recipe係複雜，加上手工意粉既因素，分店質素不及總店都係有可能。不過枱與枱之間距離唔算闊。環境我覺得係咁多間店最好，至於食物質數，有朋友同我講過灣仔係最好，我就要試左先知。
-
Bread Basket💰0（👅: 6.5/10）
喺未點餐之前就俾咗一袋麵包我哋，個袋入邊大約有五舊麵包，好似係預先擺入去，而唔係見到我哋三個人而比五舊。
餐前麵包係好標準既義式搭配起，麵包唔係新鮮焗起，係常溫，食落係酥脆但同時好硬，唔係我鍾意食嘅麵包口感，但佢會提供橄欖油黑醋俾你點，喺starters未上菜時都可以食住等，但味道比較一般，而且食太多會食唔落後邊嘅主菜。
-
Tasting Menu 💰290/person
Menu 好簡單，得兩頁紙，第一頁係野食，有各種單點既starters、pasta同dessert，第二頁係飲品，有各種cocktails、mocktails、啤酒、紅酒、白酒，同無酒精飲品。
而係野食個頁上面有個叫Tasting Menu，Menu 上寫會叫你問Server多啲資料，其實Tasting Menu 識嘅嘢同單點冇分別，只係佢會俾你試多一個pasta，例如兩個人嘅Tasting Menu，就可以揀2個starters、3個pasta同2個dessert，而3個人就係3個starters、4個pasta同3個dessert，如果大家係食得落又想試多個pasta可以一試，如果唔係其實單點想食嘅嘢都得。
另外一提餐廳全部都係外國人，點單時可能大家有心理準備唔係大家聽開既accent，不過佢地都好熱心好有耐性，所以唔會有太大問題。
-
Starters
1️⃣ Homemade Meatballs 💰90（👅: 8.5/10）
Homemade Meatballs
$90
99 瀏覽
2 讚好
0 留言
咁多個Starters個人覺得最出色就係呢個肉丸，肉丸大細好慷慨，一啖係食唔晒，一食落去係肉味澎湃，肉汁爆哂出黎，佢係一個將豬肉同牛肉混合嘅肉丸，有油香但唔會有羶味，咬落去唔會話過於鬆散或者太實，食落係好軟熟，再加上帕馬森芝士同鮮茄醬，同好香既黑椒味，芝士味濃，鮮茄酸酸嘅味道食落更加開胃，但又唔會太過漏，絕對係不斷回味既前菜，不過有人會鍾意D口感較實既肉丸，但呢個入口即溶既肉丸係比到驚喜我。
-
2️⃣ Tuna Tartare 💰120（👅: 7.5/10）
Tuna Tartare
$120
100 瀏覽
1 讚好
0 留言
吞拿魚他他，即係生嘅吞拿魚，感覺好似食緊日本吞拿魚刺身咁，所以會比較易接受，食落吞拿魚都新鮮唔帶鐵銹味，口感juicy，魚脂味會滲出來，而且吞拿魚食落無筋，伴菜有同魚生幾夾嘅牛油果，再加上胡椒洋蔥醬汁，食落帶酸味，加入橄欖油帶鹹香，撈埋一齊食都幾開胃，但如果唔係好鍾意吞拿魚就未必鍾意，後勁會帶小小醒味。
-
3️⃣⃣ Beef Tartare 💰120（👅: 7/10）
Beef Tartare
$120
95 瀏覽
1 讚好
0 留言
同Tuna 類似，生牛肉塔塔即係生牛肉，但生牛肉唔係個個都接受到，無論係味道定係衛生方面，因為Tartare好講求新鮮度，只要啲牛肉唔夠新鮮，食完都好大機會搞肚痛，所以都係好多餐廳無呢個菜色既原因之一。
牛肉係即叫即切先再調味，食落新鮮無醒味(事後都無食到搞肚痛)，配上薄薄既蘑菇片、芝士、紅蘿蔔同櫻桃酒醋，食落帶小小酸味，芝士既咸香令到牛既肉味更出，不過我都唔係好食得慣，個人比較接受吞拿魚他他。
-
4️⃣⃣ Burrata Cheese 💰95（👅: 6.5/10）
Burrata Cheese
$65
93 瀏覽
1 讚好
0 留言
Burrata Cheese係傳統既意大利芝士，奶味好香濃，食落係比較重味，芝士質地軟同平時食既唔同，但我可能食唔慣呢種奶味重既芝士，但朋友食落覺得可以接受，不過搭配橄欖油、小番茄同火箭菜，食落係幾FRESH幾新鮮，如果你係芝士愛好者就應該好岩你。
-
Pasta
1️⃣ Tagliolini 💰180（👅: 9/10）
Tagliolini
$180
99 瀏覽
4 讚好
0 留言
Spaghetti係傳統嘅意大利麵條，亦都係最多人熟悉，形狀係細長、圓柱狀嘅麵條。當然依間咁意大利嘅餐廳就唔會係食呢種我哋由細到大都食開嘅麵，其中一樣比較常見嘅就係 Tagliolini。呢度既 Tagliolini係餐廳嘅招牌，因為意大利嘅意粉第一樣就會諗起黑松露意粉。
Tagliolini麵條係細扁麵，普遍係2-3mm寬，同Spaghetti差唔多長，呢度既Tagliolini都係新鮮手製既手工麵，食落非常之煙韌彈牙。
意粉上面有新鮮刨嘅一片片黑松露片，黑松露片嘅份量都足夠撈起啲意粉嚟食，未食之前都聞到好香嘅黑松露味，實際食落松露既味道都係靠醬汁，黑松露片係提香多，味道唔重而係散發住小小香味。
而醬汁係由白松露打成嘅白汁，重松露味，麵條同個醬汁配搭得非常好，麵條掛汁得來又唔會話食落去太鹹或者味道太稀，可能係手工意粉所以食到D蛋香，牛油味好香，醬汁唔算多但足夠，配料仲有火蔥，所有野都係羅到個BALANCE，略嫌意粉既油份多左少少。
-
2️⃣ Orecchiette 💰130（👅: 8/10）
Orecchiette
$130
102 瀏覽
1 讚好
0 留言
Orecchiette就係意大利麵中大家常叫既貓耳朵，因為外表似貓耳朵所以有呢個名。外型係有凹槽既小圓，中間部分柔軟、外圍彈牙，食落係煙韌，夠厚而且好掛汁，貓耳朵加上辣意大利腸，味道濃郁非常惹味，Nduja醬汁帶香辣味，車厘茄食落新鮮多汁，同時中和辣意大利腸同Nduja醬汁既油膩感，香辣同甜味不斷交錯。
而上面既火箭菜大家平時會撥開佢唔食，但呢個係有小小驚喜，因為佢係用sun-dried tomato炒過喜，帶蕃茄既香味同小小辣味，令成碟貓耳朵更加惹味，一口接一口。
-
3️⃣⃣ Mozzarella Ravioli 💰120（👅: 8/10）
Mozzarella Ravioli
$120
76 瀏覽
1 讚好
0 留言
意大利麵其中一樣比較常見嘅就係Ravioli，即係我哋講嘅意大利水餃/雲吞，食落會同中國嘅水餃好唔同，皮會比較厚，而且會食到粉皮嘅味，內餡可以好多元化，雞肉、芝士、蝦仁、蘑菇、龍蝦肉等等都係可以成為水餃入邊嘅內餡，配搭唔同食材就有不同既味道。
而今次呢個Ravioli唔係灑上黑松露片，而係肉醬同mozzarella cheese的配搭，肉醬同芝士味道較重，有D人會覺得鹹左D。上面仲有淋上青醬，加上杏仁，令味道同口感再多一個層次。
-
4️⃣⃣ Pappardelle 💰140（👅: 9/10）
Pappardelle
$140
191 瀏覽
2 讚好
0 留言
Pappardelle係寬帶麵，係面積較寬既長麵，我有少少似河粉，但食落係煙韌，個人覺得比 Tagliolini更為煙韌更為爽口，意粉有做到al dante嘅口感，呢個就好睇個人口味鍾意食咩麵條多啲，但可能係手工意粉，所以大細不一有參差，有部份麵條會比較硬啲。
而麵上面嘅係8小時慢煮既牛面頰肉同肉醬汁，牛面頰肉食落好軟嫩，牛肉味重，非常入味，係食肉獸會鍾意既一道意大利麵。配搭洋蔥、紅蘿蔔，即使係咁多肉醬食落都唔會覺得好膩，可以中和一下，而且口感豐富，而且牛面頰肉以我所知都唔係平價貨，140蚊食到個咁有質素既意粉絕對係值得。
-
Dessert
1️⃣ Tiramisu 💰60（👅: 8.5/10）
Tiramisu
$60
54 瀏覽
2 讚好
0 留言
因為pici嘅甜品得兩個選擇，兩個當中我最推介一定係意大利菜一定會有嘅Tiramisu。Tiramisu上層嘅咖啡粉同砂糖都落得幾多下，所以如果唔小心第一啖好大啖咁食，食完應該會即刻濁親咁咳。
Mascarpone cheese食落係好creamy好幼滑，係我理想中嘅Tiramisu，custard食落係有蛋香味，而下面嘅蛋糕部份唔會話太重咖啡味，因為我個人唔係好鍾意重咖啡味，成杯食落味道偏甜，但唔會話太Heavy，因為下面嘅咖啡蛋糕帶少少苦味中和一下，Tiramisu一定要有咖啡苦味但唔可以太多，而呢個既expresso同芝士既比例係恰到好處，奶味都唔會過搶，蛋糕夠濕潤，又唔會太淋，份量唔算好大杯，味道都未係香港食過最好(我食過再好食有page common同lost stars livehouse bar & eatery)，但食落絕對係一杯滿意嘅Tiramisu。
-
2️⃣ Panna Cotta 💰60（👅: 7/10）
Panna Cotta
$60
54 瀏覽
2 讚好
0 留言
同我想像中既Panna Cotta有出入，食落我覺得有啲似麥當勞嘅紅莓新地醬加咗落奶凍上面，食落味道比較普通，亦都食唔出佢係一個好特別嘅意大利甜品，因為上面嘅紅莓醬味道太重，完全蓋過咗奶凍既奶味，但本身奶凍食落算香滑。
-
Beer
1️⃣ Peroni 💰65（👅: 6/10）
好似冇見過呢個牌子所以叫黎一試。
飲落比較苦，唔係咁易入口，本身以為係啲特別啤酒，但見到後感覺係可以喺超市好易買到，飲完有少少後悔，如果想飲啤酒建議叫返正常既asahi。
-
🌟Pici有一個好處，就係佢唔會好似平時餐廳咁收10%服務費，係自願性質，賣單嗰時佢哋會比一個筒，上邊有張紙寫住”if you believe our staff has been generous in their attention, they will surely appreciate a generous tip”，完全係自願俾幾多貼士就俾幾多，而且係直接比staff。
回顧番成晚用餐體驗都好好，店員都好吹得水好熱情，上餐速度都幾快，就算黎錯咗都好慷慨咁免費俾我哋食，而且會留意我哋食嘢既速度，會一步步食完starters先上pasta俾我哋，食完pasta之後會收晒啲嘢，俾啲新嘅碟同餐具再上甜品。而且問一啲Menu嘅細節，佢哋都會好詳盡咁講解，服務絕對係滿意，所以都心甘情願咁俾”generous tip”。
價錢方面如果係晚餐，我覺得係中價嘅意大利菜，如果突然好想食黑松露意粉、意大利雲吞可以一食，因為分店都集中喺人流多嘅地方，好似中環、灣仔、尖沙咀，味道可能唔及香港一啲意大利菜好似CIAK、Giá Trattoria Italiana ，但呢個價錢食到呢個質素絕對係滿意，而且好似灣仔、尖沙咀呢啲分店嘅環境都幾好，尤其係有半室外嘅位置，邊食邊望住條街，感覺自身喺外國咁。
如果唔想洗太多錢，又想試佢哋嘅菜式，建議去食佢哋嘅午餐，$158有餐包、1個starter、1個pasta、1個dessert，比$158但食到單點加埋差唔多$300嘅嘢食，非常抵食，選擇當然冇咁多，但起碼pasta有得點佢哋最招牌既Tagliolini ，入邊嘅選擇每日都唔同，而且每間分店都會唔同，絕對係可以一止想食意大利菜嘅癮。但特別一提lunch set得星期一至五先有。
星期六、日會提供brunch menu，由11:30至16:00，價錢會比平日既lunch set貴D，$290會有餐包、1個starter、1個pasta、1個dessert同埋每人一杯prosecco，即係義大利最受歡迎的氣泡酒，價錢同夜晚既tasting menu一樣，不過會多一杯prosecco，選擇無夜晚咁多，如果唔係真係想試好多建議六、日單點。
總活黎講，PICI絕對係一間價錢平民但食到有質素既意大利菜，尤其係平日既lunch set，晚餐單點或者tasting menu都唔算貴，而且分店多，但如果想食到無走樣既PICI，建議去返本店灣仔食，環境都比其他分店好。
-
👅味道: 9/10
🍴環境: 8/10
💰消費: 晚餐 $250-400人均 (服務費: 自願)
張貼
