16 Shell (已結業)

今晚，友人有啲旅行難題想傾傾，索性不如食番餐，順便聚一聚。3年前曾到訪過蜆殼街嘅「16 Shell」，當時嘅評語喺有讚有彈，但服務嘅印象就非常好，唔知今次再訪，質素有無提升到！印象中，環境就好似無咩點變，但感覺依然新簇。簡約嘅佈置，一室深啡襯白，配以柔和燈光，牆身上有唔少食物相關嘅剪影裝飾，添幾分藝術味。Mojito $75開始入秋，天氣都涼咗，所以友人喜歡涼涼嘅感覺，就揀咗以冧酒、薄荷葉、鮮青檸及梳打混合而成嘅Mojito，一身清爽嘅外觀，入口涼涼清新，配濃味、芝士嘅食物非常夾。Pink Guava $45小弟就揀杯蕃石榴汁，因為，平常都較少飲，而且，蕃石榴嘅味道本身都幾特別。黑炭黑蒜蓉包 $70呢個黑蒜包喺餐廳嘅招牌，一客賣到$70，感覺有點貴，但雖知黑蒜本身價錢都唔平，佢喺發酵過嘅蒜頭，網上摷摷就知有幾好，如抗氧化。除咗加入黑炭成份，令其成為外觀黑色，其實黑蒜味又唔會話特別得好交關，但整體都好香脆，蒜味亦好突出。蒜蓉香椒白酒牛油汁煮蜆 $130睇番個店名「16 Shell」，有個錯覺「蜆」喺另一招牌菜，其實唔喺，但點都好，都想試試其白酒牛油汁煮蜆。上枱時真喺有陣陣酒香，而蜆隻都算

每年一到3月我又大一歲啦， 好友們都會相約我出去食生日飯慶祝。 今年都不例外， 姊妹約我到16 Shell，她一早已經訂定枱， 真是太有心了！ 一入餐廳看見很多明星的相片掛在牆上， 一問之下原來這間餐廳是謝霆鋒的助手開㗎，餐廳部分菜式由霆鋒親自設計，今次我有口福了！ 我們點了黑炭黑蒜蓉包，黑蒜雞扒意粉，蕃茄水牛芝士沙律，焗爐魚，Lemonade，Pink Guava。蕃茄水牛芝士沙律 ～ 超級鍾意食水牛芝士， 味道不太濃，蕃茄夠新鮮多汁。黑炭黑蒜蓉包 ～ 一上枱已經聞到陣陣的蒜蓉香，入口蒜味濃郁還帶點微甜，蒜蓉包的外皮烤得夠香脆，必食推介！黑蒜雞扒意粉～ 外脆內嫩的雞扒啖啖肉， 配埋黑蒜炒意粉非常惹味， 意粉質感煙韌夠乾身， 每條意粉都沾滿了黑蒜，一路食都聞到陣陣的蒜香味， 還帶點甜甜辣辣的感覺。焗爐魚 ～ 除了魚之外還有帶子和蝦，鱸魚啖啖肉沒有骨的，帶子和蝦肉質新鮮，三種海鮮都非常鮮嫩。Lemonade ～ 這一款味道反而普通， 下次要試下pink lemonade。Pink Guava ～ 微甜的味道清新。整體來說餐廳雖然環境細，但是座位舒適， 係一個食飯傾計的好地方！

今日開ot,放得工都天黑.同同事一放工就搵下野食食好d心情都好d去左炮台山16 Shell好快就安排好座位了都好快睇好食d咩即時點左black garlic bread,fresh clams,alla scampi style-mussels,black truffle risotto with scallop.每人飲杯野chocolate,pink guavablack garlic bread-都好香蒜蓉味,包都好脆.再點埋蜆肉個汁食更加好.fresh clams--蜆都好香又無沙,確係唔錯alla scampi style-mussels--青口都幾新鮮好味black truffle risotto with scallop--個飯濕濕地好香口而個帶子就岩岩好熟唔會過火,唔錯既味道chocolate--好香朱古力味pink guava-石榴味都幾濃飲落幾清新

今日係本年度最炎熱的星期日，夏日炎炎我地訓到11點先起身，記得早排睇過網上介紹過炮台山一間以蒜頭作招徠的餐廳，決定同老婆去食過午餐再返北角老家享受家庭日。因為已經好肚餓又驚冇訂枱冇位食，所以我地急急腳出門，未到12點已到餐廳，餐廳雖然未開門，好彩親切的店員都先幫我地安排位置及幫我們先點飲品，如果唔係就要係門口熱到溶啦。😅16 Shell好容易搵，因為佢就係蜆殼街16號，炮台山站行5分鐘就到。由於餐廳未開，我地係第一枱客人，我地趁此機會係餐廳四處參觀，之前有睇過呢間餐廳的介紹，知道佢係謝霆鋒推介的鋒味餐廳，店內擺了好多明星光顧留照。16 Shell唔算好大間，不過裝修都好有格調，坐位空間都好寬敞。雖然天氣真係好熱，不過老婆都係堅持要熱飲，我當然唔會陪佢啦。😝我點左杯Pink Guava，唔會太酸，解暑一流，涼透心。Peppermint係老婆最愛的茶，不過今日我冇陪佢飲。🙈餐牌個公仔造型好得意，用餐廳主打的蒜頭做公仔頭，個身就係擺霆鋒係十二道鋒味的招牌post。一場來到鋒味餐廳當然要點霆鋒有份設計的菜色啦，當中最出名係黑炭黑蒜蓉包同酥皮黑松露比薩批，另外我地仲點左網上人氣好高的白酒橄欖牛油

《12道鋒味》令我哋認識謝霆鋒嘅廚技，而位於炮台山嘅16 Shell令我哋認識到謝霆鋒助手嘅廚藝！呢間由謝霆鋒前助手主理嘅16 Shell，聽講盡得謝霆鋒真傳之外，部份菜式仲係由謝霆鋒擔任顧問，今晚一於試試嚟呢間有名氣嘅意大利餐廳啦！餐廳面積唔大，但就好有格調，店內以深褐色為主，仲有唔同嘅剪影，又Grand又帶有藝術品味。黑炭黑蒜蓉包：基本上係枱枱必點嘅小食！麵包以黑炭同黑蒜焗製，估唔到咁軟熟，仲有香濃嘅蒜蓉味，好有水準呀！爆谷蝦：薄薄嘅炸粉，入面就係鮮甜彈牙嘅鮮蝦，配埋沙律醬真係夠晒醒胃。香煎欖油大蒜白酒汁配大蝦意粉：4隻新鮮彈牙嘅大蝦，配埋意粉，驚喜在於個醬汁！用上橄欖油嘅白酒汁真係夠晒健康！配合埋大蒜，呢個意粉真係夠晒香口！大茄瓜配香煎麵包粉及鮮羅勒意粉：大茄瓜炸到脆卜卜，非常香口，入面又滑又甜，對我嚟講真係好新鮮嘅嘗試。上面有大量嘅香煎麵包粉同炸蒜，脆卜卜又帶點微辣鹹香，食落好似避風塘炒意粉咁呀！Pink Guava：桃紅色嘅番石榴汁，同我A姐一樣夠晒迷人！天然嘅果香，解渴開胃。伯爵茶：而M佬就叫佢最鍾意飲嘅伯爵茶。