Beerliner German Bar & Restaurant (已結業)

今日突然好想食德國鹹豬手，所以二話不說就黎咗Berliner食野。黎到德國餐廳點可以唔叫啤酒飲吖。首先係Pretzel($45)出場。Pretzel熱辣辣，又鬆軟，面頭灑上鹽粒，鹹鹹地好好食！Pork Knuckle ($208)外脆內軟，外皮燒得好酥脆香口，好似食緊燒腩仔咁，肉質嫩滑，好易拆肉，醃得好入味，而且富有骨膠原，煙煙韌韌好好食。Boiled Pork Knuckle ($208)雖然烚豬手冇燒咁香脆，但依然好食，感覺健康啲。肉質都好嫩滑，外皮煙韌彈牙，適合唔想咁熱氣嘅朋友。Sausage Platter ($228)雜腸拼盤真係咩類型嘅腸都有，都唔知邊隻打邊隻xd 個人比較鐘意有芝士餡嗰隻，油脂較重，所以食落特別香。另一隻我嫌有啲羶，因為個人唔係好食得羶味，但鐘意食羶味嘅朋友就啱哂。附送嘅薯角炸得香脆且富薯味，好食吖！Dessert Combo ($198)最後叫咗個甜品拼盤, 有雲呢拿班戟、蘋果卷及黑森林芝士蛋糕。特別鐘意雲呢拿班戟，外層用咗糖同牛油煎，所以好香焦糖味；蘋果卷夠哂大件，放咗好多乾果，肉桂味都幾重；而黑森林蛋糕雖然唔係好食到芝士味，但勝在唔太甜，以普通蛋糕黎

對德國最熟悉的除了足球隊之外，相信是啤酒了。特別是近幾年的啤酒節辦得有聲有色，參與的食友亦越來越多。Berliner主打德國菜，今次找個機會跟食友來試試。室內大概分為兩區，外圍設有卡座，再入一點就可以闢為私人聚會空間，更有露台給人吁一口氣。店方提供六款不同口味的啤酒，在炎夏中來一杯冰凍的啤酒，暑氣全消，一陣麥香在口中徘徊，令人回味。未上頭盤，先來一份pretzel，也有人稱為蝴蝶結，用小麥粉製，常見加粗鹽，味道偏咸，用來送啤酒一流。再來是特選德國凍肉併盤配芝士醬及麵包，既有芝士、沙律，又有香腸及沙樂美腸，咸香有嚼口，最適合聊聊天，消磨時間。另一款是廚師雜菜沙律配香草汁，半開的車厘茄、香腸片及火箭菜，清新翠嫩，讚。洋蔥煙肉薄餅感覺就單薄了一點，洋蔥及煙肉太過集中，分佈不夠平均，結果部份位置就只有餅底。德國腸始終出名，香燒柏林肉腸已經肉香四溢，薯角粉嫩，難得的是那少許酸椰菜，將油膩的口感消減了不少。如果你愛吃香腸，就一定要點這道德國香腸併盤配酸椰菜，大小不一，軟硬不同，味道各異，令人吃過不停。德國豬手可說是德國菜中最出名的菜色之一，表皮燒得香脆，油份都逼走，只餘下濃香的肉味，不單有嚼口，就