Feather & Bone

營業中

休息中

適逢在家工作，同baby無無聊聊去唱K玩一日，夜晚經過灣仔Feather & Bone就好想試下，奈何停唔到車，於是就揸落去西區，比較容易泊車呀嘛。早年幾兩年都已經聽過呢間餐廳，自己喺陳列櫃揀牛肉，廚師幫你煎到你想食嘅熟成。可能係星期二晚，唔使排隊，但都坐咗八成客。侍應態度都好好，好專業咁介紹餐牌。最後帶咗沙律同埋生牛肉他他做前菜，再出去揀主菜。由於butcher位置係做埋retail俾客人買，所以係要排下隊。好啦我最美揀咗牛柳同埋肉眼啦，配菜就唔加啦因為都幾肯定係食唔晒，揀咗一個蘑菇汁一個黑椒汁，返埋枱嘅時候侍應就已經將個兩個頭盤落枱，我打咗個凸，應該只係帶一個頭盤，分量好似多咗少少，忘記咗佢係鬼佬餐廳🤦🏽‍♂️唔知係我食嘅時間啱啱好定係佢哋真係睇住我哋食嘢嘅速度，兩份main course係我哋食完頭盤5分鐘後出現了。作為一個男人，幫女人切牛扒是常識吧！眼前一亮！佢份medium well牛柳係粉紅色！有肉汁！係啱啱好呀！到我份medium嘅ribeye，係淺紅色咬落唔鞋口架連平時唔食肥野嘅Baby都吉左我幾舊肉，大讚！不得不提蘑菇汁，真係好正呀！總括而言，可以咁樣樣選擇自己嘅主食係

朋友生日，作為食肉獸嘅我哋就絞盡腦汁諗下邊度可以滿足幾位牛魔王。咁啱同事介紹西營盤Feather & Bone有靚牛食，於是就用Apps訂咗位，依家訂枱電話都唔使打，真係非常方便。OpenRice話的喺西營盤站出閘，但好似香港大學站比較近。因為喺月台行上路面要成9分鐘先上到去。可能因為早訂枱嘅關係，侍應安排左我哋坐喺近玻璃角落嘅一張長枱，自成一角原來傾計就更自在，因為餐廳坐滿人嘅時候都幾熱鬧㗎。望吓Menu，佢有兩種選擇，1: 每位$300廚師發板，2: 就係我哋自己出去肉櫃到根據肉嘅重量同埋品種黎計錢。我哋三個就揀咗後者，因為可以依照自己嘅喜好去揀好似可以試多啲唔同嘅嘢。我哋揀咗安格斯和牛牛柳，貪佢脂肪比例少。仲有hanger beef 同埋肉眼。全部都叫咗五成熟，再加配手切薯條同埋沙律菜。一上枱已經俾佢嘅賣相吸引，配上佢自家製嘅自選醬汁，我哋都忍唔住相機食先影咗好多相。三款扒入面其實有兩塊都真係做到五成熟，其中一塊就煮得過火左少少，但香濃牛肉味同埋豐富嘅肉汁已經加曬分！不得不提佢嘅手切薯條，女朋友食到唔停口，除咗香脆嘅薯味之外，佢嘅茄汁亦令我哋讚不絕口，因為唔係死甜酸味嘅茄汁，而係