南越南咖啡廳

營業中

休息中

Shake shake雞軟骨第一次食可以shake嘅雞軟骨，相信因為比客人調節辣度，幾細心！雞軟骨唔會炸得好香口，香味源自大量香料，未食過東南亞味嘅雞軟骨，好味！份量唔少架，不過食晒先記得影相🤣越式惹味粟米條斬得好細，食得好輕鬆唔會攝牙🙈有八條，個汁酸酸甜甜好開胃，冇改錯名真的好惹味～NVN咖啡骨上碟時職員會淋溶上d泡沫，熱辣辣時咖啡味好香，不過我唔好咖啡，我覺得灘凍食甜味出左黎較惹味。有4舊大大舊豬軟骨，淋得黎係有咬口果種，幾驚喜！惹火上身鹹檸豬頸肉上碟時職員點火燒左一秒🤣燒烤味唔算好出冇咩焦香，不過肉身超好食，燒到剛剛熟入口好嫩而咬口依舊，好香肉味，好味到我地都覺得青檸同辣椒可以不要！菠蘿又甜又多汁😋招牌金邊粉好大碗好足料，想叫小食的話兩個人share不是問題～有一大舊牛尾、三片細肥牛、兩粒牛丸，兩舊牛筋，一小條油炸鬼。最鍾意牛丸同牛筋，前者香口彈牙，口者淋而漿口，金邊粉索左湯浸浸牛肉味👍🏻香茅青蘋果茶微微的香茅味再加少少酸酸甜甜咁，青新嘅味道，配一杯冰好解暑～斑蘭龍眼茶一樣微微嘅班蘭同龍眼味，相對比較濃味一點，但依然清香又香甜，比較喜歡呢個！溫馨提示，如果冇book位又唔想等位，

南越冬瓜茶🤍🤍冬瓜味道比較淡，不過飲落整體都係香嘅，只係淡咗啲班蘭龍眼茶🤍🤍🤍🤍相對而言，呢個茶好好飲，班蘭同龍眼各自嘅味都好明顯，但又可以融合得好好，同埋唔會太甜！苗族椰汁淡咖喱雞肉湯米線🤍🤍🤍呢個食落好似食緊喇沙，不過睇返喇沙嘅原材料就係椰汁同咖喱，哈哈！不過就算佢似喇沙，佢都係個好食嘅喇沙！椰汁同咖喱嘅味道好balance，唔會邊隻味太淡或太濃！金邊粉（牛肉、牛肉丸）🤍🤍🤍比普通街食嘅牛河嘅湯底濃啲，而麵底用金邊粉好少見，係一個幾有趣嘅配搭！順化麻辣鴨血金邊粉🤍🤍🤍辣度同四川麻辣嗰啲當然無得比，但係食落其實都夠辣，而個麻辣嘅感覺都係唔同嘅，而鴨血都俾得好足，整體嚟講好食嘅！香蕉薄餅🤍🤍🤍🤍我本身以為係好似班戟嘅薄餅，點知原來係脆嘅酥皮薄餅，呢個配搭幾有趣！不過我覺得酥皮嘅味道有啲搶咗香蕉嘅存在，又或者係啲香蕉唔夠甜，但整體都值得一試！富國島之椰子奶凍🤍🤍🤍🤍一登場用乾冰坐住，really make a scene！一朵雲嘅係椰子奶凍，而天空係蝶豆花嘅mousse，個底就係楊枝甘露，三種口味加埋一齊唔會突兀，好食！shake shake雞軟骨 🤍🤍🤍🤍🤍💙超級超級超級好食！作為雞軟

Nam Viet Nam之前已經食過兩次，easter四日紅日其中一日出左旺角消費，消費之前就先黎哩度醫肚先。今次黎最大唔同係佢地嘅menu由紙本變左做QR code落單，每樣野食都有相睇同有寫埋有咩材料，睇得更清楚。南越蛋咖啡($35) - 蛋咖啡好香，除左咖啡甘苦味，仲多左蛋香，幾特別又好飲。Deep Sea Fantasy($68) - 哩杯係一杯以Gin酒做底，再配埋石榴同海葡萄嘅cocktail，上枱時侍應會喺上面加泡泡，成個水晶球咁幾我意。Cocktail飲落酒味好輕，飲落甜甜地非常易入口。脆米紙薄餅($54) - 脆米紙好薄好脆，上面放滿左好多臘腸、青瓜絲同蘿蔔絲，臘腸鹹鹹香香，加埋微酸嘅千島醬，非常開胃。Shake Shake雞軟骨($52) - 雞軟骨上枱時放喺紙袋入面，辣椒粉係另上，可以按個人喜好加埋落紙袋搖勻再出黎，最後先加埋青檸汁。雞軟骨卜卜脆好有咬口，食落都幾辣，辣度大約係中辣程度，如果唔食得辣可以落少啲辣粉。招牌金邊粉($88) - 金邊粉口感微彈，唔會痴埋一舊，湯頭非常濃甜，上面仲有牛肉片、牛面珠、牛筋、牛尾、牛肉丸同油炸鬼，非常足料。烤蔞葉雞配青蘋果條(

適逢週末，最好約埋朋友一齊出去食下野😋 今次揀咗一間旺角樓上Cafe，主打南越南fusion菜，我哋坐嘅位置近窗邊，自然光透入嚟好舒服，餐廳裝修充滿東南亞風🌿而且播住越南歌，真係令人有一種置身於越南嘅感覺😆招牌金邊粉 $88既然係餐廳嘅招牌菜式點可以唔試，配料有牛肉片、牛面頰、牛腱、牛筋、牛肉丸，肉質都好嫰滑同埋好入味，真係好足料，鍾意食牛嘅朋友一定好滿足，仲有好脆嘅油炸鬼浸落湯一齊食，牛骨湯底熬製足24個鐘，味道香濃，而金邊粉爽滑彈牙，完全吸晒湯嘅精華，值得推薦🤤脆米紙薄餅 $54作為餅底嘅脆米紙好鬆脆，上面鋪滿咗蘿蔔絲、青瓜絲、蝦乾再加埋越式香腸，配有千島醬，一次過食到甜酸鹹三種味道，口感好豐富，而且配搭都好match🤤Shake shake雞軟骨 $52雞軟骨係用紙袋裝住，原本調味有蒜香調味粉、青檸葉同香茅，份量好多，可以自己加紅辣椒碎同埋青檸汁，Shake一shake就食得la，香脆嘅雞軟骨加埋辣真係好惹味，我哋都食到停唔到😆扎肉心內美米紙卷 $58米紙卷入面包住扎肉、生菜、青瓜同紫蘿蔔，配埋特製花生醬汁，成個菜式好refreshing🤩柑桔檸檬綠茶🍋 $23柑桔同檸檬嘅味道幾

今次試間係旺角特色fusion既越南餐廳佢嘅金邊粉，入面牛嘅配料有好多例如有生牛肉、牛筋、牛丸同牛腩，每件都充滿著好香既牛味😋而呢個金邊粉嘅湯底飲落好清爽，飲完唔會覺得好口渴。賣相好似好薄嘅Pizza咁，望落配料好似唔係太多，但食落幾有驚喜，焗好既米紙薄餅好脆好香口，加上越南香腸同特製醬料一齊食，好食。一上菜見到好有心思既菜式，上左綠色既紙袋入面裝住雞軟骨同啲香料碎俾我地shake 完食，想食幾辣自己決定～雞軟骨食落香脆可口，調味適中。扎肉沙律夾雜着唔同嘅菜，例如椰菜生菜紅蘿蔔，食都係新鮮。鍾意飲咖啡嘅我點少得試下咖啡☕️，估唔到柚子同黑咖啡嘅配搭又幾唔錯，酸甜既柚子醬加埋香濃既黑咖啡，兩者飲落幾夾呀。另外，朋友叫咗一杯香茅青蘋果茶，佢話飲落好重香茅味，味道算清新。

無得去旅行就特別想食其他國家既野食 前幾日就搞下新意思 試左一間越式fusion cafe 越南菜我就比較少食 就趁今次試左一試shake shake 雞軟骨: 類似shake shake薯條既玩法 炸到勁香脆既雞軟骨配埋d花椒粉加青檸汁 酸酸辣辣勁過癮脆米紙薄餅: 睇落去好似普普通通 但食落口又真係唔錯 爽脆的青瓜絲同蘿蔔絲配埋越式臘腸 加上千島醬既點綴 食落味道好有層次感招牌金邊粉: 整體的配料好多 牛肉 牛筋 豬肉片 同 油炸鬼 湯底味道偏濃同較甜 d材料索哂d湯好正南越法式麵包: 材料類近米紙薄餅 不過配上法包 又有另一番滋味南越蛋咖啡: 飲落極重蛋味 味道較甜 會令我飲完一啖接住一啖 估唔到雞蛋同咖啡可以扯上關係 真係新奇荔枝雲朵咖啡: 清甜既荔枝味配上苦澀的咖啡 味道岩岩中和番 入落去有一種獨特感

久違冇食越南菜，心思思好想食，網上見到呢南越南咖啡廳，菜式選擇多元，充滿新鮮感，玩味十足，於是決定去試吓☺️NVN高樓米塔 ($48)- 呢個米塔真係份量十足，米條好有咬口，乾身脆香，單丁食都幾好味，但連埋酸甜嘅醬汁，風味倍增👍🏻脆米紙薄餅 ($48)- 呢個菜真心好好味，味道豐富多元，酸甜鹹完美融合，愈食愈好味，連埋青瓜絲、千島醬、蒜香脆粒等等嘅配料，口感多層次，真係好好食🤤SHAKE SHAKE雞軟骨 ($42)- 雞軟骨好有特色，香料香濃惹味，雞軟骨炸得香酥脆口，咬落sop sop聲，另加一啲青檸汁同辣椒粉更加香口惹味，一流嘅小食😆烤蔞葉春雞配青蘋果條 ($78)- 春雞調味幾特別，鹹香得嚟有餘韻，雞肉肉質超贊，嫩滑得嚟好juicy，青蘋果條清新香甜，配搭濃味嘅春雞，一流嘅享受😚南越蛋啤酒 ($38)- 呢個啤酒好有特色，越南蛋醬圍繞杯內圍，蛋醬嘅甜味中和咗啤酒嘅苦甘味，甜苦交融，非常signature🍻荔枝雲朵咖啡 ($32)- 呢杯咖啡都係驚喜滿滿，荔枝香蜜嘅甜、咖啡嘅回甘，配搭平衡；雲朵嘅造型，仲有花瓣嘅點綴，好食得嚟非常亮眼😍Cafe裝潢設計既現代又有格調，別樹一幟，而且空

之前同同事喺「南越南咖啡廳」食過午餐覺得好正，所以呢個星期日就帶埋屋企人一齊去食好西。話哂食返家鄉菜🇻🇳，佢哋點都啱食啩。餐廳環境唔錯，簡簡單單得嚟亦有啲裝修，啡色同綠色係呢度嘅主色調，行小清新路線🌿，配合埋植物同窗邊陽光，令人好溫暖、好舒服。餐廳週末都有做午市套餐，亦唔收加一服務費。單點項目選擇超多，小食同主食分別大約$50同$80樓下就有交易。整體算幾抵食😛，呢餐成功由我發辦，咁就可以食啲我未食過嘅嘢！烤簍葉雞配青蘋果條($98/全隻)，呢度有燒春雞食，半隻同全隻，價錢只係爭$20，唔係唔揀後者啊？先講烤雞🐓，雖然係有骨，但都算厚肉，而且更難得係肉質燒完都仲能保持嫩滑。同時，伴旁由師傅自家製嘅醬汁勁惹味，獨家配方味道果然唔一樣。烤雞面頭嘅應該係簍葉，炸得好脆所以食得，但就略嫌有啲油。最後，🍏青蘋果條好爽口，酸味亦幾勁吓，食完即刻好醒神。炸素食春卷(6條)($38)，春卷係最原始嗰種，並唔係用上米紙作春卷皮。即使係素食，但味道都唔錯，因為入面塞滿餡，有好多🥕蘿蔔絲同薯蓉。佢仲提供生菜比你包嚟食。脆米紙薄餅($48)，老豆話呢個係越南嘅街頭小食，用手搣嚟食就最原汁原味。薄餅用上炸米紙做

最近因疾情長期處於同朋友分離狀態，就算要見面都只可以食午餐。平時都經常喺旺角覓食，尤其呢個726大廈，基本上好多間都食過。最近發現開咗間新嘅越南菜喺一樓當然要去試吓啦入到去裝修非常之靚中午時間都唔算好多人，位置都幾好坐幾寬鬆冇得去旅行都只可以食下當地美食咁就當去咗旅行啦望一望個餐牌全部價錢都幾咁實惠，午餐仲有套餐揀包小食飲品。難得約咗朋友當然要食下唔同嘅菜式啦。呢度嘅款式個名都幾特別，食越南野當然係食招牌菜金邊粉同咖啡☕️叫咗冇幾耐已經極速上左， 成個賣相已經好吸引，呢個就係正宗牛魔王之選，有牛肉片牛面珠牛筋牛腱牛肉丸😋鍾意食牛嘅我真係忍唔住佢仲另外同埋辣醬同埋青檸再配埋酸酸辣辣正啦，牛筋煮得好淋容易入口，牛肉片好夠牛味，而我最欣賞金邊粉，出面通常好快就斷開晒， 係非常之彈口吾易斷，食落口感與眾不同呢個shakeshake雞軟骨要應合左而家嘅潮流，故意分開咗少少辣嘅配料適應唔同人嘅口味仲可以給大家娛樂一番雞軟骨非常好咬最緊要係啲香料真係同雞軟骨好夾，有得玩有得食之後點左個烤蔞葉雞 半隻 配 青蘋果🍏條，想點講吓個青蘋果條整到好似荀咁好特別，本身蘋果好甜又爽又加上好似筍嘅酸酸辣辣口感真係估

大家對越南美食嘅印象應該都離唔開Pho、Banh Mi依啲，但其實又點只咁簡單呢！NVN Cafe嘅大廚就將南越菜加入創意fusion嘅原素，食到好多意想不到嘅味道。脆米紙薄餅用料豐富，有越南臘腸、醃蘿蔔、蝦乾、香草、紅葱頭，仲有重點嘅秘製醬汁，整個配搭好match，米紙經油炸但薄薄一層好香脆唔覺油膩。高樓米塔同樣都有越南臘腸，淋上用青檸葉同香料煮成嘅香茅牛油濃汁，喀滋喀滋聲好吸引，同時食到又鬆脆又軟嘅炸米粉。雞軟骨用紙袋裝住上，可以按口味加上辣椒碎、辣椒乾同青檸汁，連埋炸蒜、蒜片、香茅絲shake下，倒出嚟就食到香辣脆卜卜嘅雞軟骨～烤春雞亦做到皮脆肉嫩嘅效果，個醬好香椰子味，問過原來係用蝦膏、椰汁、辣椒醬同花生整成，特別得嚟夠惹味；炸蔞葉有啲似炸九層塔，不過調味偏鹹；旁邊仲有撈咗辣醬酸甜爽口嘅青蘋果條，真係多層次嘅味覺體驗！食完啲熱氣嘢飲番杯荔枝雲朵咖啡，味道清香，加咗tonic有漸層效果，原來荔枝同咖啡味都夾得埋；最後當然唔少得經典嘅越南滴漏咖啡加煉奶啦～P.S. 餐廳裝修風格好有特色忍唔住周圍影相😌