南越南咖啡廳

營業中

休息中

Item: 南越南咖啡廳
Rating: 5
Author: Shinchan1993

NAM VIET NAM CAFÉ

4.5

982 食評

味道

環境

服務

衛生

抵食

38684

旺角

$51-100

越南菜

862

Shinchan1993

等級4

1.2K

之前同同事喺「南越南咖啡廳」食過午餐覺得好正，所以呢個星期日就帶埋屋企人一齊去食好西。話哂食返家鄉菜🇻🇳，佢哋點都啱食啩。餐廳環境唔錯，簡簡單單得嚟亦有啲裝修，啡色同綠色係呢度嘅主色調，行小清新路線🌿，配合埋植物同窗邊陽光，令人好溫暖、好舒服。餐廳週末都有做午市套餐，亦唔收加一服務費。單點項目選擇超多，小食同主食分別大約$50同$80樓下就有交易。整體算幾抵食😛，呢餐成功由我發辦，咁就可以食啲我未食過嘅嘢！烤簍葉雞配青蘋果條($98/全隻)，呢度有燒春雞食，半隻同全隻，價錢只係爭$20，唔係唔揀後者啊？先講烤雞🐓，雖然係有骨，但都算厚肉，而且更難得係肉質燒完都仲能保持嫩滑。同時，伴旁由師傅自家製嘅醬汁勁惹味，獨家配方味道果然唔一樣。烤雞面頭嘅應該係簍葉，炸得好脆所以食得，但就略嫌有啲油。最後，🍏青蘋果條好爽口，酸味亦幾勁吓，食完即刻好醒神。炸素食春卷(6條)($38)，春卷係最原始嗰種，並唔係用上米紙作春卷皮。即使係素食，但味道都唔錯，因為入面塞滿餡，有好多🥕蘿蔔絲同薯蓉。佢仲提供生菜比你包嚟食。脆米紙薄餅($48)，老豆話呢個係越南嘅街頭小食，用手搣嚟食就最原汁原味。薄餅用上炸米紙做

39 瀏覽

0 讚好

0 留言

之前同同事喺「南越南咖啡廳」食過午餐覺得好正，所以呢個星期日就帶埋屋企人一齊去食好西。話哂食返家鄉菜🇻🇳，佢哋點都啱食啩。

4 瀏覽

0 讚好

0 留言

餐廳環境唔錯，簡簡單單得嚟亦有啲裝修，啡色同綠色係呢度嘅主色調，行小清新路線🌿，配合埋植物同窗邊陽光，令人好溫暖、好舒服。

9 瀏覽

0 讚好

0 留言

餐廳週末都有做午市套餐，亦唔收加一服務費。單點項目選擇超多，小食同主食分別大約$50同$80樓下就有交易。整體算幾抵食😛，呢餐成功由我發辦，咁就可以食啲我未食過嘅嘢！

烤簍葉雞配青蘋果條($98/全隻)，呢度有燒春雞食，半隻同全隻，價錢只係爭$20，唔係唔揀後者啊？先講烤雞🐓，雖然係有骨，但都算厚肉，而且更難得係肉質燒完都仲能保持嫩滑。同時，伴旁由師傅自家製嘅醬汁勁惹味，獨家配方味道果然唔一樣。烤雞面頭嘅應該係簍葉，炸得好脆所以食得，但就略嫌有啲油。最後，🍏青蘋果條好爽口，酸味亦幾勁吓，食完即刻好醒神。

炸素食春卷(6條)($38)，春卷係最原始嗰種，並唔係用上米紙作春卷皮。即使係素食，但味道都唔錯，因為入面塞滿餡，有好多🥕蘿蔔絲同薯蓉。佢仲提供生菜比你包嚟食。

脆米紙薄餅($48)，老豆話呢個係越南嘅街頭小食，用手搣嚟食就最原汁原味。薄餅用上炸米紙做餅底，又薄又脆，但可能係炸嘅關係，個底有少少肥。薄餅上面嘅餡好豐富，包括香腸、蝦米、醃青瓜絲、香花菜同花生粒等，而個醬就應該係千島醬，成個組合好夾。

NVN高樓米塔($48)，米塔嘅造型好有霸氣，因為炸米粉幢到高高，成座搭咁🗼，感覺亦有啲似中式嘅肉絲炸脆麵。當我哋將伴旁嘅熱汁倒落去，米塔即時倒塌，而且仲由小食變成燴米粉咁。醬汁由檸檬葉同香茅等整成，味道濃而不膩。食完我哋發現米塔同米紙薄餅有啲似，建議二選一。

SHAKE SHAKE雞軟骨($42)，原來呢款小食真係提供埋紙袋比你Shake，啱哂我呢啲小朋友玩。🦴雞軟骨本身已經放哂喺紙袋入面，而且仲有香菜，其後我哋就按口味自行倒入辣椒粒同吱青檸汁。新鮮Shake完嘅雞軟骨好正，炸衣超酥脆，不過一定要襯熱食，擺耐咗就完全係另一回事。留意番，辣味都幾明顯🌶，要量力而為。

苗族椰汁淡咖哩雞肉湯米線($72)，🍜呢碗粉有喺午市套餐之列，所以可以配埋小食同飲品。佢嘅味道同我想像中一樣咁好食🤤，湯底偏稠，椰香濃郁，但唔會過甜，因為有咖哩味平衡一下。餐廳選用粗米線，口感有嚼勁，兼能掛汁，咁樣證明廚師有用心做Pairing。米線嘅雞係用上雞柳，肉嘅量就唔算多，但另外仲有加咗草菇🍄。

跟餐小食我哋揀咗燻蹄沙律🥗，沙律菜上面放咗三片薄燻蹄同花生碎，味道比較普通，春卷或者雞翼會係比較吸引嘅選擇。跟餐飲品我哋要咗南越冬瓜茶，好好飲，因為唔會太甜，而且唔似台式咁會無咗陣茶味🍵。

1 瀏覽

0 讚好

0 留言

南越蛋啤酒($38)，老豆最鍾意飲啤酒🍺，佢話呢隻西貢啤本身重蛇麻花味，配埋蛋漿🥚飲幾得意。我自己都試咗蛋漿，甜甜的，好似小朋友鍾意嘅味道，但連埋啤酒飲就要大啖啲先飲到蛋漿層。另外，荔枝雲朵咖啡($32)就係近來大熱嘅Espresso Tonic☕️，呢杯更帶少少荔枝味，面頭打咗啲泡就更適合打卡。