影片
更多
2022-01-20
440 瀏覽
嚟到禁晚市堂食嘅前一晚，我決定要放下工作去食返餐好嘅，如果唔係可能要等到農曆新年之後😳。我同朋友去咗將軍澳南嗰邊嘅「Route 99」食飯，之前日間經過已經被佢嘅裝修所吸引。原來夜晚來到，門外燈箱著咗燈，感覺更有味道🚏🚘。呢度彌漫住美式復古風嘅裝潢，四周圍都係活潑色彩繽紛嘅格調，令人眼前一亮，所以更有偶像組合前來拍MV😍。餐廳除咗裝修行美式風格外，食物亦主打美國菜🇺🇸，即係有漢堡包、全日早餐、奄列、窩夫、鬆餅、意粉同牛扒等。菜式選擇繁多，而且每一樣都好似好正咁。不過基於晚市套餐内容豐富，兼且有加配優惠，所以就免卻咗選擇嘅煩惱。晚餐有五款選擇🍽，價錢由$158至$288不等，包湯、沙律同飲品。如果想升級特飲或額外嗌甜品就加$28，而甜品選擇更加係餐牌內自選，彈性好高。餐廳另外亦提供一個特價餐牌，指定主菜$100內已有交易👍。頭盤沙律及西湯🥗，沙律味道唔錯，菜底係椰菜絲拼紅蘿蔔絲，醬汁甜甜哋，個人認為好過用得個酸字嘅黑醋。餐湯係蕃茄雜菜湯，味道好重蕃茄味🍅，偏酸，未算有太大驚喜。Steak Dinner($288)，🥩Prime級西冷牛扒勝在大件兼肉厚，估計約有10安士。牛味不過不失，食落
嚟到禁晚市堂食嘅前一晚，我決定要放下工作去食返餐好嘅，如果唔係可能要等到農曆新年之後😳。我同朋友去咗將軍澳南嗰邊嘅「Route 99」食飯，之前日間經過已經被佢嘅裝修所吸引。
原來夜晚來到，門外燈箱著咗燈，感覺更有味道🚏🚘。呢度彌漫住美式復古風嘅裝潢，四周圍都係活潑色彩繽紛嘅格調，令人眼前一亮，所以更有偶像組合前來拍MV😍。
餐廳除咗裝修行美式風格外，食物亦主打美國菜🇺🇸，即係有漢堡包、全日早餐、奄列、窩夫、鬆餅、意粉同牛扒等。菜式選擇繁多，而且每一樣都好似好正咁。
不過基於晚市套餐内容豐富，兼且有加配優惠，所以就免卻咗選擇嘅煩惱。晚餐有五款選擇🍽，價錢由$158至$288不等，包湯、沙律同飲品。
如果想升級特飲或額外嗌甜品就加$28，而甜品選擇更加係餐牌內自選，彈性好高。餐廳另外亦提供一個特價餐牌，指定主菜$100內已有交易👍。
頭盤沙律及西湯🥗，沙律味道唔錯，菜底係椰菜絲拼紅蘿蔔絲，醬汁甜甜哋，個人認為好過用得個酸字嘅黑醋。餐湯係蕃茄雜菜湯，味道好重蕃茄味🍅，偏酸，未算有太大驚喜。
Steak Dinner($288)，🥩Prime級西冷牛扒勝在大件兼肉厚，估計約有10安士。牛味不過不失，食落富有口感，而生熟度亦符合所要求嘅五成熟。牛扒可選配兩款配菜，我哋要咗薯蓉同炒雜菜，🥔薯蓉落得夠多牛油，質感細滑，而雜菜都幾好，可解膩。本身想試香草飯，但店員話份量偏多，所以都係留返下次。
Pesto Shrimp Pasta
$168
20 瀏覽
0 讚好
0 留言
Pesto Shrimp Pasta($168)，🍝大蝦羅勒青醬意粉綠油油一遍，每條意粉都掛滿羅勒葉同青醬，未食經已聞到好香，而一食就發現除咗好重香草味之餘🌿，仲帶微微辣，整體相當惹味。意粉煮得Q彈，朋友話感覺有啲似魚麵，哈哈。餸料主要有松子同蝦，蝦雖然唔大隻，不過份量慷慨，有成十幾隻，而且每隻都好新鮮彈牙🦐。
Red Velvet Cake
$78
12 瀏覽
0 讚好
0 留言
Apple Pie(原價$66)，🍎蘋果批做法正宗，撻皮尚算酥脆，蘋果肉入味，如果肉桂味濃啲更佳。蘋果批預設配上鮮忌廉，想轉雪糕就加$8。
飲品方面，我哋要咗Strawberry Milkshake(原價$66)同埋Immune Booster Juice(原價$68)，兩杯都係要加錢嘅特色飲品。🍓粉紅系嘅士多啤梨奶昔口感順滑，同時亦混入咗果肉。另一杯係冷壓果汁，由檸檬、橙、薑同青蘋果所溝成，其中以橙味最為突出，但就比一般橙汁還要酸🍊。
最後，餐廳環境真係好靚，所以忍唔住影咗好多相📸，順便分享俾大家睇。
總括嚟講，餐廳各方面均令人滿意👍，食物以外，店員們嘅服務態度亦都好好，每位親切主動有禮，抵讚！題外話，呢度係寵物友善餐廳，有提供Pet Menu，大家不妨帶埋毛孩一齊到訪啊🐶。
張貼
