星廚 (已搬遷) 新店位置

一間座落於銅鑼灣某人多擁迫的街道的麵店, 一碗雲吞麵(雲吞是翻熱並滾爛)都賣$30元, 頓時令我覺得長沙灣的星廚是天使, 論誠意、論質素, 絕對優勝過市區的多間食店. 只是位置偏遠, 致令這位天使難展翅高飛. 早前特意與朋友去吃晚飯, 認為絕對值得推介.翻開餐牌, 就有些不敢相信自己雙眼, 單點油封鴨脾才$88, 真的嗎? 看鄰座的那碟似乎值得試. 點餐後不久, 雜菌湯先送上, 味道普通, 但稀稠度適中. 雜菌打得夠滑是可取的.頭盤是白汁鮮蜆, 蜆肉未算飽滿, 而且有點乾, 可能煮得過火吧. 滿以為白汁必定是較creamy那種, 但星廚卻能把汁煮得薄薄, 不會蓋過蜆肉本身的味道.油封鴨脾是我我的主菜, 還加了 $15轉套餐, 即以$103就可享用餐湯, 主菜飯或意粉, 飲品, 超值!! 新鮮蔬菜加陳醋, 還有薯菜, 伴碟的也不容忽視啊~皮略脆而肉則油潤有汁, 不會太乾, 咸味夠, 質素很高, 於是向老闆請教了, 才知關鍵是以較昂貴的法國直送鴨油低溫煮, 放入雪櫃冷卻後再煎煮. 這個份量的鴨脾才售$88, 的確是underprice.而朋友的主菜則是烤焗香草羊西冷配飯或意粉及薯菜 (包餐

這晚跟母親大人二人晚餐, 母親大人說想吃西餐。 我們見這小店門面跟價錢與一般港式西餐廳感覺無太大差別, 便抱著"吃飽便走"的心態進店了。七時多餐廳內人不多, 還有職員在一角包春卷, 有點兒心想”是否選錯地方了…”。但見價錢不貴, 一餐半餐沒所謂吧! 餐廳佈置簡單感覺乾淨, 我們被安排坐在包春卷的位置旁(幸好見證着是衛生的製作), 可能老闆見我們有點猶豫, 所以前來解說餐牌內容。老闆說旁邊在包的是蟹肉春卷, 春卷每天人手包的而蟹肉是老闆有空便會先拆好的再混合其他材料(什麼?! 人手?!)。老闆繼續輕輕的介紹:另外我們還有豬肋骨配黑醋, 按法式食譜做的油封鴨脾, 主菜方面有香草燒羊扒, 法式豬扒(像羊架一樣帶骨的), 牛排, 之後還可以嘗一嘗自製的甜品。這簡直不是平常點普通焗飯焗意粉的格局! 油封鴨脾我也聽說過, 但好像是法式名菜? 看見母親大人呆了一呆, 想必她也沒有預計到是這樣講究的菜式。母親好奇的問了一下油封鴨脾($88)的做法(我聽說過外面法國餐廳做的用上超過60小時的慢煮方法 – 一定不會是這個價位吧), 老闆說他用了成本最高, 但最衷於原食譜的鴨油封煎(雖然沒有說煮多久), 確

Happy Friday 跟幾位好同事放工黎公司附近的平民西餐廳晚飯，平時Lunch都係這間餐廳試過幾次，但係依度食晚飯就真係第一次。一打開Menu, 好多款式平時Lunch都沒有的，相片賣相精緻美味，完全唔似會係平民餐廳見到的，我們已急不及待叫了芝士焗蟹蓋做前菜。芝士焗蟹蓋$48賣相已好精緻，以原隻蟹蓋盛著用凐肉、洋蔥、蟹肉和蟹膏炒成的醬料，再配上表層微微燒焦的芝士，一啖食落品嘗到很多層次，好惹味！食完前菜己開左我們的胃口，我們再叫了一個set dinner-香煎澳洲牛柳配薯菜$115 送忌廉南瓜湯。忌廉南瓜湯入口綿滑，擁有淡淡的南瓜清甜味。牛柳要了4成熟，不太用了已經能切開，牛柳入口稔滑而又不失牛香，感覺一定不是像出面的餐廳用疏打粉醃製的，不用點芥末或其他醬料都已經很美味招牌烤焗咸豬手配酸椰菜$108估唔到在街坊小店都有烤豬手，所以特登叫我試試，本來我們都不抱太大期望，點知最後係一試難忘。以木板端上，賣外已跟那些高級餐廳一樣，十分吸引，豬手外皮烤到好香脆，不太用力已能切開，肉質嫩滑順喉，充滿豬肉的咸香味，配上酸酸甜甜的酸菜更好味，因可以減小油膩感，真係令人一啖接一啖，我們最先食完就

今晚到朋友新居探訪，已有一段時間無來長沙灣，原來在這舊區內已起了很多新樓，連餐廳也換新了。朋友帶我到常光顧既這間西餐廳，形容是很有水準但平民價的。我食後覺得真是禾稈冚珍珠呵, 環顧四周都是茶餐廳，粥粉麵和酒家，就是無有質素西餐廳, 難怪這餐廳頗受街坊歡迎. 尤其那隻大大隻豬手, 差不多大部份客人都食的, 更看見鄰枱一名女客人自己食一隻好厲害. 門面, 內裡裝修及餐牌頗似港式西餐廳, 真的不要單看外表, 內涵最重要.餐牌食物選擇多, 由小食, 主菜, 意粉, 焗飯及甜品, 價錢都是由廿幾元至百多元餐湯 ~ 磨菇打爛成蓉加忌廉煮成, 不是生粉獻或罐頭湯貨色我們想試多些小食, 朋友推介必試焗蟹蓋及Caesar salad. 焗蟹蓋 ~ 金黃色芝士鋪面很吸引, 餡料不是一般的雜菜薯容兼得幾條蟹絲, 而係啖啖蟹肉及煙肉, 最吸引係食到蟹肉既鮮甜, 原來係每天用新鮮花蟹拆製, 只售$48. 雖然只有一個蓋, 但內裡餡料十分豐富, 這價錢這用料絶對不貴. 超讚!!! 另見餐牌有蟹肉春卷，蟹肉長通粉，下次可試試是否同樣多蟹肉。Caesar salad ~ Yo! 有驚喜, 就是那片炸過既Parma H

由於公司起荔枝角附近，所以平時都會同同事起長沙灣元州邨附近食lunch，而呢間餐廳嘅lunch我都食過好多次，覺得價錢合理而且質素非常好，所以今晚老公難得接我放工，我就帶老公黎試下呢度嘅晚餐啦．晚餐選擇種類多，有前菜，主菜，甜品。我係一個海鮮后，所以凡係魚蝦蟹我都好鍾意食，老公就幫我點咗個芝士焗蟹蓋，金黃色又脹卜卜的焗蟹蓋外表已經非常吸引，蟹蓋入面有好多材料，金黃色的芝士味道香濃，入面仲有好多蟹肉，而且蟹肉鮮甜。之後我地再叫左個香煎美國穀飼法式豬扒１３８，豬扒外層香口，有淡淡的炭燒味，入口鬆化，保留住肉汁，個配汁原來係餐廳自己調製，我見到有水蜜桃肉粒混埋起汁入面，微微既果香味配埋個豬扒，竟然好夾，感覺唔會好飽濟。至於甜品，我就點左意大利奶凍，老公就要咗tiramisu。意大利奶凍上台時，已經見到舖滿咗雲尼拿籽，一入口非常滑溜，奶味香濃，最啱我呢d鍾意重奶味嘅人。至於老公點果個tiramisu，我試咗幾啖，覺得都好好食，味道唔會太甜，餅底有香濃嘅咖啡味，而且仲有淡淡嘅酒香，連我老公本身麻麻地鐘意食甜品既人都覺得呢度嘅tiramisu 做得好出色。