コメダ珈琲店

營業中

休息中

今日夜晚八點幾，入去呢一間餐廳，但係被門口接待告知已經截單。我都冇為意，只係覺得點解咁早，諗住唔緊要啦，我出去睇吓餐牌下次再嚟。點知！喺門口見到明明寫住結束營業時間係夜晚10:00！但係我嗰陣時先至八點幾，已經唔俾我入去！跟住我再仔細睇吓發現門口附近有牌仔寫住9:30截單，咁到底點解八點幾就同我講已經截單唔可以入去呢？好快就已經有其他人嚟到呢間餐廳，然後同樣地被告知已經截單要求離開。其他人走咗，但係我望住嗰兩個時間我百思不得其解，我決定入去問佢。然後門口嘅接待都解釋唔到，佢去問其他人，然後有個女仔出到嚟同我講話其實9:30喺入面截單，8:30已經入面要準備清理。咁到底呢間餐廳係點樣營運嘅呢？點解出面嘅時間要咁混洧視聽？原本我已經見到OpenRice有負評，但係見到喺屯門難得開分店，我都想去支持下，而家真係唔方唔支持⋯⋯我入都入唔到去！其實如果你哋咁早就關門嘅話，唔該你哋講清楚啦！

Tea at Komeda's Coffee 來自日本名古屋的早餐咖啡店最近在屯門開店，其實幾年前到名古屋旅遊時也曾經吃過他的早餐。今日weekday 下午茶時段前來，不算多人排隊。餐廳主打吐司及冰與火的甜品Komeda's Coffee $39咖啡味濃但比較苦，一定要加糖，可以轉用豆乳，分量比較細杯，不夠飲的朋友可以揀大杯裝~1.5倍份量($45)雞蛋三文治/多士 $65等食物的時間比較長，我16:25入座，三文治要17:00才送到來, 熱咖啡都一早變成凍咖啡了。其實雞蛋沙律醬應該是一早已經預備好，只是烘完麵包塗醬，要35分鐘做三文治真是有點耐。份量好大，有3件三文治，每件有3塊麵包，我選了多士，麵包烘得剛好，不過雞蛋沙律味道正常，不特別出色。其實3件三文治份量太多了，我都吃不完，如果能減少一件，改成薯條或紅豆蓉，感覺會冇咁悶。總結: 可以一試，但不值得浪費時間排隊試(因為三文治咁簡單的東西要整35分鐘不能接受)🍽 Komeda Coffee 📍屯門市廣場1期地下AEON

夜晚八點去到門口噤飛，見到部機等20個號碼，門口又無咩人等位，望入去餐廳只坐滿一半人都無，好多位都係吉既，見佢寫收22:00，咁都仲有兩個鐘丫，但見入面大把位，好奇怪就入去問下個收銀員，佢話要攞飛排隊，再望多次入面，見有一堆白色衫樓面，大約4-5個企晒係出餐附近，全部都悠悠閒閒，無嘢做狀態，其實呢間餐廳開嚟係咪唔做生意架！？ 等佢10分鐘情況都係咁，完全無叫過任何號碼，入面都無人忙緊，咁不如執左佢算吧啦🙄日本公司有冇派過人嚟睇過佢個品牌比香港吉之島公司糟蹋左😵‍💫 😵‍💫

長期見好多人排隊～ 今次同班朋友一齊試下佢咩料！ 味噌炸豬扒方堡 $89 (可選擇切開2份/四份）呢樣好值得讚， 好貼心～ 岩晒我呢個港女怕食到周圍都係醬塊豬好厚！ 炸到金黃色～好脆, 加埋味噌好惹味， 又唔覺太咸KOMEDA 黃金炸牛漢堡 $60炸牛漢堡好厚， 咬落去有肉汁！ 但個醬， 我覺得略有d酸+偏咸咸地～ 其他整體都ok! 照燒雞烤三文治 $80都係好厚肉， 味道惹味， 唔錯！追加 凍牛奶咖啡 $20黎到咖啡店，點都要試下佢既咖啡但我個杯牛奶味濃， 蓋過咖啡既味～ 下次要試番凍咖啡先！

屯門Aeon 開咗間過江龍嘅日式Cafe。佢裝修幾靚，所以就去試吓。10:00去到已經勁多人排隊。好彩喺Gulu拎定飛就唔使點等入位。11:00之前呢都係買一杯嘢飲就送一份多士。@bili_blu 就揀左位紅豆小町。首先，佢Menu幅相係有三個漸層，上到黎係完全兩個樣，仲要勁少份量。。。。飲落大家樂個紅豆冰仲正🥲跟早餐仲可以加$10要多個燒賣。等左半個鐘，個燒賣終於上台，點知一睇個皮乾到咁，已經估係叮岀黎。一食落去。黎個叮叮牌子都講得岀。。。。。。等多半個鐘，即係由落單後一個鐘，終於上個多士。其實就係搽左牛油嘅麵包加沙律蛋。我地四個人，四份麵包嘅牛油都係唔匀。。咁嘅嘢點解要人等成個鐘。。。。總括嚟講當交智商稅。

新開張，要等位是預料之中，等位其間都發現入面其實沒有坐滿，應該是人手不足而未能full capacity 。我們兩個共點了一個咖哩炸蝦方堡和一個味噌豬扒方堡，兩杯飲品，炸蝦方堡大約十分鐘到，微溫，應該不是即製，飲品都好快，但個味噌豬扒.....足足等咗一個鐘！！！！！！！！！係一個鐘！！！豬扒堡是熱的，即炸的，我其間催了兩次，最後同隔離枱一齊上，究竟是漏單定要夾埋一齊先炸？？？雖然味道是好的，價錢亦不算貴，但一個炸豬扒要一個鐘，是不能接受的。

係日本未食過，新開張加上見到唔多人就去試吓。我見menu都幾多選擇尤其啱晒咖啡控，自己鐘意食味噌所以點咗個味噌炸豬扒加一杯凍嘅‘瑞’紅茶，豬扒幾juicy唔太乾反而杯茶無乜特別😬

29/6 1900hrs 光顧，顧客不多。叫了3個晚餐，等了半小時仍未出餐。發現鄰坐已有食客追餐4次，但原來仍未烹調，並取消訂單離座。我們決定取消訂單，但侍應表示已烹調中，行要我們再等，但結果是要多等20分鐘才有第一個歺送到，最後三個餐足足等了一個小時才全部送到。侍應表示因當日是盤點日，廚房缺少員工。待應1930hrs已在門外叫食客不要光顾。那為什麼不關門呢。為什麼我要求取消訂單，侍應卻不容許，餐牌上列明製作時間10至20分鐘。到我要求拿取客戶服務電話投訴時，經理說可以豁免此次用餐費用（當時我們已開始用餐），我當場拒絕，感覺他想用豁免訂單來勸退我們作投訴。整體食物水準平平，侍應服務差，出菜慢，不會再光顧。想不到一間受歡迎的日本餐廳，到香港後水準會下降到這個程度。

為左要負評呢間野，開左人生第一個食評！呢間新開果陣來過一次，印象係幾好，但今次再嚟，完全變晒樣，今次嚟係為左食上次食唔到既冰與火，但換嚟係一肚火🙄唔知今日成間鋪既員工發生咩事，落完餐半個鐘咩都無嚟，驚係漏單搵職員問，撳鐘無人理，好難得先截停一個職員，問完得到既答案係今日好多單，出緊架啦，然後我地用左45分鐘先得到兩杯咖啡🙄等左1個鐘先有正餐，叫上既甜品等左好耐職員竟然上左比遲嗌過我地既隔離檯⋯真係好嬲⋯問職員點解我地嗌先都未上人地反而上左，又只係敷衍咁答整更⋯間餐廳好凍，野食又無，樓面又成日唔見人影⋯足足等左2個鐘，我地先食齊嗌左既野⋯仲要唔好食⋯而期間係無人解釋咩事，淨係講整更出更⋯如果以日式餐廳既標準嚟講，今次完全係唔合格！試業果陣都正常，反而正式營業會咁低水準？另外，等得耐先入到去，未到夜晚8點，好多野都售罄左囉⋯⋯真係食條鐵🙄

最近見到KOMEDA’S Coffee嘅宣傳，終於有時間去試一試呢間新店，原來佢係嚟自日本名古屋嘅早餐咖啡店，入到去感受到日式傳統設計風格，同去左轉日本一樣😎叫左拿破崙意粉（$80），意粉質地幾煙韌，同個醬都好夾，仲有生菜絲陪碟再黎Komeda黃金炸牛漢堡（$60）最後加個KOMEDA迷你拼盤（$45）一個小食有齊三文治、炸雞，2樣都好食😋試完其實都想再叫份大嘅，但食唔晒，唯有等下次😂餐飲就先嚟一杯Komeda咖啡（跟餐+$20）再加多杯蜜瓜雪糕梳打（$50）打卡必點，鍾意甜野嘅都可以一試

聽說新開咖啡店好多人排隊，今天用Gulu拎飛好快叫號，可惜餐廳位置極難搵，搵咗好耐先搵到。入到餐廳好闊落，裝潢富有日本咖啡廳的傳統風格，座位間格也十分舒適，而且仲好貼心提供叉電位，非常適合一個人一邊嘆咖啡，一邊處理事務。同友伴點了拿破崙意粉同味噌炸豬扒方堡share。一向不太好茄汁意粉之類，但呢度既拿破崙意粉真的被驚豔到，洋蔥茄汁十分香濃，意粉是扁身那款，軟熟度剛剛好，彈牙爽口，而且每條意粉都掛滿醬汁，每啖都充滿意粉的麵香配以蕃茄洋蔥的清甜；味噌炸豬扒方堡size超大，比一隻手掌還要大得多，豬扒和飽入口估唔到又十分鬆軟，炸豬扒外脆內軟，入口幾近炸魚柳般輕盈，一啲都唔痴牙，加上薄薄的味噌，喊香味十足，個人覺得如多些味噌醬更好。見到呢度嘅冰與火似乎幾特色，可惜是日所有抹茶味售罄，只能點迷你原味冰與火，仲要等了成25分鐘，超耐。丹麥麵包沒有期望中的熱烘烘，沒有什麼溫度，味道一般，好在雪糕香滑，配埋香甜蜂蜜，整體入口仍是好滋味。

新開日式咖啡店，都預左要排隊，下晝2點攞飛，等左差唔多兩個鐘先有位。滿心歡喜終於等到，點知手機落單，發現全部漢堡已經售罄，只係下晝4點多啲，竟然賣晒。真係好失望，店員可以放個牌喺門口通知等緊位既客人，一心諗住食漢堡既客，就會白等。結果揀左炸蝦餅方堡同燒雞烤三文治。炸蝦餅方堡個包都唔錯，中間夾住厚厚既炸蝦餅，洋蔥，椰菜絲，再加醬汁。蝦餅炸得夠香脆，略嫌冇蝦味。燒雞烤三文治，雞肉近乎冇燒過，冇香味又唔熱，而且肉質好粗糙。加$20要左個脆薯角，炸得過左火，燶晒，差啲想退貨。總括黎講，食物一啲都唔值得等兩個鐘先有得食，失望而回。

屯門Aeon新開KOMEDA'S Coffee ☕️來自日本🇯🇵名古屋コメダ珈琲店 日式木系裝修 紅色絨布梳化 環境好舒服而且每個位都附設有叉電同插蘇位 夠晒貼心🩶兒童餐👦🏻👧🏻 $69 追加 燒賣 $10 +橙汁🍊 $20呢份兒童餐真係乜都有 KOMEDA炸雞🍗雞蛋沙律三文治 火腿青瓜三文治 香脆薯角 薯仔沙律 仲有小朋友至愛嘅啫喱小朋友可以唔使再做選擇 乜都有齊晒😆另外加埋玻璃樽嘅橙汁 成個餐夠晒豐富吸引🧡KONEDA 漢堡🍔+豆乳咖啡☕️ $20厚切漢堡扒配上KOMEDA特製醬汁漢堡扒食落好Juicy 個包底都好軟熟眨吓眼化骨龍已經成個食晒😂豆乳咖啡☕️ 香醇幼滑嘅咖啡配上豆乳口感更細滑🤎每杯飲品都附上Nuts🫚原來Nuts除咗可以送酒 用嚟送咖啡都幾夾🤭公司三文治🥪 $69 追加 粟米濃湯🌽 $20我揀咗烘底三文治 烤得啱啱好 外脆內軟三文治嘅餡係蛋沙律醬 青瓜 火腿成碟份量好飽肚 好好味🥪粟米濃湯係好香濃既栗米湯🌽非常好飲 不過細杯咗啲 如果大杯啲就好😝コメダ珈琲店 📍屯門屯順街1號屯門市廣場1期AEON地下📍紅磡黃埔天地黃埔號(第6期)AEON Style地下G01號舖#KOME

黃金炸牛堡 $60個包勁大個，食完佢都飽左7-8成。塊肉個size尚算正常，但最重要個味道係適中，而且無過多嘅醬汁，加埋中間夾左d菜，成個包係好食嘅。燒賣 跟包叫+$10第一次係咖啡店有燒賣食，所以，膽粗粗叫左一份，本身佢嘅燒賣應該係煙煙韌韌，我覺得幾好食嘅，可惜佢應該用左微波爐叮熱，個皮有少少硬凍牛奶咖啡（大）跟個包叫+$26呢杯牛奶咖啡就咁睇落奶多過咖啡，但飲落咖啡勁濃烈，落埋d糖水，味道好夾，可以一試

🤩呢間KOMEDA's Coffee☕未開業前，我已十分期待🙌🏻AEON 屯門店現正開業🆕❤️～真係好開心😍咖啡店內設有卡位和梳化🛋️坐位舒適，感覺休閒放鬆🩷裝潢沿用傳統日本風格，以磚和木為主🤎很有格調✨KOMEDA's Coffee ☕用咖啡連繫每一位客人，食物方面亦好吸引～😋🔸熊本冰與火 KOMEDA特製丹麥酥🥯外脆內軟，配上鮮甜熊本蜜瓜🍈與及香滑牛乳雪糕🍦多重滋味享受💖🔸刨冰系列🍧 有三款口味❤️士多啤梨🧡芒果💚抹茶味，顏色好靚🤩夏天必食消暑甜品，加上軟雪糕🍦大大碗份量十足💯🔸KOMEDA 彌生漢堡🍔（照燒玉子）鬆軟麵包🍞夾住多款材料，有肉厚多汁嘅漢堡扒🍖日本雞蛋🥚生菜🥬加上照燒醬和蛋黃醬💛層次豐富😋味道濃郁🔸抹茶系列飲品🥤果凍抹茶牛奶佈滿士多啤梨醬和忌廉🤍茶味濃郁💚加上咖啡果凍🤎中和甜度，口感豐富香滑🥤雪糕抹茶歐蕾呢杯飲品+雪糕，高度第一無得輸🤣歐蕾就是牛奶🥛非常香濃幼滑，配合抹茶味唔會太甜好好飲👍🏻呢間咖啡店坐落真係幾舒服❤️平時如果無咩人🤭真係想拎本書去坐慢慢嘆下啡☕每個位仲有得叉電‼️真係無人等位，坐足一日都唔怕不過依家剛剛開一定好旺場都係唔好阻人做生意😂😂😂