一君士多 (已結業)

豐富車仔麵😍呢間車仔麵係前藝人鄧一君開嘅之前都見過好多報到 難得岀開尖沙咀 試下啦😛選擇都幾多 有車仔麵、飯、小食同特飲🍜 富貴麵 $88富貴麵嘅富貴程度係有鮑魚、花膠同花菇🤤真係好少會見車仔麵有甘奢華嘅選擇喔😍份量都唔少架啵 鮑魚同花菇嘅size唔會係超迷你花膠質感不錯 鮑魚夠淋 花菇索唒湯底 不錯吃🍗 芝士蘑菇雞翼 $32雞翼炸得好香脆呀 又大隻食嘅時候一定要小心辣口裏面嘅芝士一咬就嘅岀來😝🥚 一君炸蛋 $28勁邪惡嘅小食呀!!! 膽固醇高人士要小心😂係炸鵪鶉蛋黎 細細粒食落好上癮🍽 一君士多🔎 尖沙咀堪富利士道6號地舖

黎到尖沙咀行街, 行到攰要搵地方食飯~朋友話不如試下一君士多, 入面勁多不同種類既野食, 望望menu，見到除左車仔麵，重有湯飯，小食，選擇好多👍先黎一個菠蘿油，厚厚既牛油，食落邪惡又好味～炸燒賣好特別，外脆內軟～好友叫左個個富貴都，入面有好正，有鮑魚仔、花膠、花菇；真材實料，配上湯，食到鮮味！我就叫左個牛腩公仔麵, 牛腩香, 食落軟腍, 唔錯!!而腩汁蘿蔔都唔錯, 炆得好林, 又多汁, 食落清淡健康!飲埋杯檸檬利賓立, 唔錯~OVERALL 呢度好多野食, 下次可以試其他野=]

#一君士多之前不斷見到一君士多既訪問，👀見佢好用心咁整車仔麵。一君食物種類都幾多，🗣除左有車仔麵仲有飯小食......#自選三餸麵套餐 $55白蘿蔔係車仔麵必食，食落好清甜，😝好入味又腍身！牛腩同牛筋都炆得好腍，一咬就咬得開，滷水汁都調校得唔錯。😍我最鍾意食油麵，加麻辣汁好夾，好香口帶少少辣，😇適合香港人口味！我地唔算夜去但秘製辣魷魚同滷水豬腸都賣晒，😚下次黎一定要試埋佢地！#豬扒椰湯泡飯 $58湯底椰香味🥥好重而且夠滑，🍚配泡飯一流，豬扒煎得好香脆，肉質鬆化，份量超多！成塊有手掌咁大。🙆🏻‍♀️食完已經好飽。#芝士蘑菇雞翼 $32雞翼外脆內軟，🤓炸到漲卜卜，外皮香脆，內裡係嫩滑的雞肉，🤩釀左邪惡既芝士同蘑菇，一咬落去芝士就爆出，口感超豐富美味！👍🏻仲好有創意，幾新奇喎。#一君炸蛋 $28一開始以為係炸魚旦，😗但原來係炸鵪鶉蛋。出邊鹹鹹地入邊會食到鵪鶉蛋嘅甘香。總結佢啲小食都幾得意喎。

食物質素差，不新鮮是日點了花菇廣島蠔麵+熱奶茶一杯盛惠 $96賣相非常求其，心想唔可以只看外表一咬下去廣島蠔是臭的，一共4-5 隻，三隻也是臭的花菇還好米線跟湯完全沒有誠意，比熱水好一點吧熱奶茶，酸的結果，整餐都感覺很差原本唸住同一眾朋友講千其唔好幫襯，但明白生意難做，所以「算了」晚上肚子開始不舒服第朝早肚屙至四次，全水，直至現在。食物不新鮮但收足甚至過分高價太過份的一家餐廳！

同朋友行行下尖沙咀，發現一間日式裝修嘅餐廳，原來係有車仔麵同日本菜嘅餐廳，一入去嗅到好香壽喜燒嘅味，就決定叫一個壽喜燒同火山牛肉飯。壽喜燒都幾正宗，甜甜嘅湯底，將d牛肉包住係底嘅洋蔥同大蔥係最正宗嘅食法，牛肉好香，一d都唔韌，不過我覺得跟個飯或者麵會好d，女仔一個食就岩岩好。我仲加左個炸蛋，加落去都唔錯。而另外火山牛肉飯嘅牛肉都好靚，加埋牛汁同生雞蛋真係不得了，如果大家未必接受到生雞蛋，可能就要同店員講一講。

門面出乎意料比想像中唔同（以為係冰室）裡面有9張4人枱坐得都寬敞，同姨姨叫左個日式咖哩牛肉極上讚崎烏冬$68丶富貴麵$88丶芝士磨菇雞翼$32 丶原味樽裝奶茶set$20 單價$22 。烏冬果真讚，好有咬口，香濃咖哩微辣中帶丁甜，牛肉就夠曬大塊tem，有成4塊架食曬成碗都有好多汁留低。就黎過節就奢侈少少食個富貴麵，好意頭得黎又夠豐富（雖然唔記得買六合彩）諗個湯底應該都唔差所以選左米線吸一吸味，一大片花膠再軟身d就更好;花菇巧巧食丫有用甜鼓油醃過黎，咬到爆汁又有菇味仲幾大片下;2隻鮑魚仔煮得岩岩好，有咬口之餘又帶鮮甜。個湯底都巧鮮甜架～配埋米線食下食下又食曬。芝士磨菇雞翼，雞中翼部分已經幫你拆左骨，所以可以成啖黎，拿d白磨菇忌廉芝士塞入去，可以一試，記得趁熱食bo, 唔係芝士會變硬。樽裝奶茶比起在店家直接飲奶茶係話香醇得多，對我甜左少少但茶味都巧重架，最後仲忍唔住要多支拿走tem

今日嚟到一間士多店，懷舊風味十足😘嘆左好多港式美食鮮油奶多$17 烘嘅多士鬆脆得嚟好柔軟，裏面仲GAP左篇牛油㗎，賣相好靚味道都非常好❤️❤️🥰西多士$25 表面煎得金金黃黃略帶香脆，搽滿糖漿同埋牛油，超級邪惡，如果裏面有埋花生醬就101分啦😜😜郊外油菜$15生菜好嫩，仲有蠔油瑞士雞翼$32四隻 煮得好入味，好腍、幾嫩牛肉椰湯泡飯$58 本人比較鍾意椰汁，所以覺得個湯底好好，啲牛肉都唔錯😜香蕉成熟船$58 好味道！揀咗荔枝同埋朱古力雪糕，荔枝味勁正，好濃郁但係又好清新！熱菜蜜 跟餐配加$8

跟太太行過見到舖面精緻，又有鐘意既，又加上寫既蔥油豬扒飯就入去食，點知中伏，太太叫車仔麵叫咩餸無咩餸，算，嚟到時湯底無味，落辣椒油，唔知係咪我孤陋寡聞，發現原來有辣椒油竟然係唔辣，到我個蔥油豬扒飯，豬扒凍，蔥油無味，飯濕（水太多，臨）最重要既係飯臭（縮咗），同個待應好妹講，佢好叻，第一時間攞左碟飯去倒（可能有經驗），然後就攞張單去刪除我叫既飯，然後將我叫杯野飲（冇味嘅鹹檸七）套餐價錢改回正價，擺番張單係我台面（好似我無叫個個飯既發生），完..... 我隔一陣，再問個妹妹你地有無睇過廚房食物咩一回事，佢答完我跟老闆反映一下，又完.... 完全無道歉意思，呢間野，再睇番之前食評，原來中伏既係唔止我，在此推薦大家唔好食佢嘅餐牌上所寫必食推介「蔥油豬扒飯」完

前排經過一君士多，見佢裝潢舒服帶點懷舊，望望門外的menu，款式種類都多，有雞煲、咖哩飯、拉面🍜，車仔面等等，所以今晚和朋友行完街就去食佢。入到店內坐低後，聞都麻辣既香味，喜歡麻辣的我，香味使我心思思想食，朋友仔點左個蠔華面（有廣島蠔和花菇，廣島蠔好肥大，朋友食第一啖，坐在對面的我都聞到好強烈既蠔味👍🏻），自己就點左個車仔麵，餐肉、咖哩魚蛋配薯粉加麻辣汁（麻辣香味帶少少辣，令到個湯底更加正），還有小食蜜餞炸雞翼（雞翼面沾上了蜜糖，使雞翼咸中帶甜，配搭幾好）。

今天約了好友吃晚飯，下午到了尖沙咀，先來個午餐，便選擇了這𥚃。天一牛肉烏冬$88，湯底是豬骨熬成的湯底，味道濃郁而不油膩，牛肉肥瘦均勻，還配上木耳及溫泉蛋，溫泉蛋的流心做得很好，醬油味道亦濃，想不到這裏的日式食品，亦做得不錯。日式咖喱豚肉極上讚岐烏冬$68，咖喱汁香味十足，濃度適中，混合了煙煙靭靭的烏冬，有點咖喱撈烏冬。而豚肉味道鮮甜，很快就消㓕了。凍鴛鴦$18，咖啡和茶的濃度適中，是一杯不錯的港式凍鴛鴦。另外自家製的辣椒油和花椒油，都很好味。

一君士多？來之前好像有些記憶，記得是香蕉成熟時的小弟弟一君所開的。以前是當紅童星，現在已經變成成功的商人，還成就了自己的人生目標，開餐廳店面非常乾淨企理，光猛衛生食物：點了一個富貴麵$88（薯粉）有花膠 鮑魚 花菇湯底是豬骨，喝起來像腩汁，帶甜味。花膠軟稔，鮑魚有三隻，花菇軟滑清甜，很難得地這個價位會有貴價海味吃啊！另外，薯粉跟辣椒很配芝士磨菇雞翼$32熱辣辣超好吃！芝士流心且配著好吃的菇，這真的不俗。

好耐無食過車仔麵,諗起學生時代差唔多日日都食車仔麵但自從讀完書之後都好少食,因為放工付近通常都係西餐多難得今日放工無約人,簡簡單單食個快靚正車仔麵下午茶餐好抵午餐都唔貴,不過唔近公司款色多檸茶檸檬好靚,大塊又汁我要左紅腸,豬大腸,牛腩紅腸唔會太乾豬大腸好淋,好夠味~~牛腩都炆得好淋,好入味口感軟滑,南乳雞翼^^南乳好香,味都算出,同雞翼好夾~~~一君炸蛋^^炸鹌鹑蛋,一口一粒好易食~皮小小脆!!!!

大食好車仔面癮起，尖沙咀行完街食飯飯，諗起好似好耐無食過車仔麵，口痕好想本番碗，逼左男朋友友去陪食<炸廣島蠔配日本咖喱$70>男朋友唔想食車仔面，叫左個炸廣島蠔配日本咖喱咖喱汁夠傑唔會水汪汪，撈飯食好快清曬成碟飯廣島蠔好鮮，新鮮炸面包糠仲系暖暖脆脆的<三餸面(豬腸、冬菇、雞翼)$55>大食妹叫左個三送車仔面，豬腸、冬菇同雞翼都好淋好入味秘製湯底好好味，飲完唔會口渴<車乳豬手$32>另外加左個南乳豬手，豬手相信炆左好耐，輕鬆起到骨

之前同事食過話都幾好味今日就同佢一齊嚟再重溫叫咗車仔麵 要左成五個餸另外要咗個廣島蠔椰汁泡飯之後要咗個小食芝士蘑菇釀雞翼個車仔麵餐會配咗基本飲品不過我哋見到牆身嗰個奶茶海報好吸引就決定要枝奶茶試下車仔麵好快就嚟到 材料非常之多 重點係質素好唔錯 豬腸非常之淋同埋入味 好食 牛筋就淋得嚟仍然有咬口 略嫌粗麵麵身煮得淋咗少少 但仍然味道一絕 題外話佢個辣椒油都幾唔錯 廣島蠔泡飯好快送上來 聞到非常之香椰汁味 而且佢啲蠔四隻都好大隻亦都唔會煮到"鞋"曬 泡飯連埋個湯一齊食 真係一流 泡飯食得多 原來加椰汁會咁好味至於雞翼 芝士同蘑菇味好香 雞翼外皮燒到熱辣辣而奶茶就係用樽裝 保持茶味 正 個樽好得意

呢間一君係食車仔面架。有心去既人去到條街要好仔細搵。因為望落個門面似拉面店多啲同我想象既好唔同既感覺，裝修得好日本餐廳咁。最初我仲以為會好地茂，坐得好迫。但唔係啵，有精心佈置架喎，坐得幾舒服。望下個落單紙，咁花多眼亂既，啲字好細密代表選擇好夠多。最估唔到連香蕉船都有。見到忍唔住叫左。侍應話可以安排食完面先上既，所以可以放心叫。主菜我叫左個牛頸脊湯面。再加一D小食。一睇碗面因為完全冇任可野。我反而鍾意咁樣，證明老闆對質素有信心。一試果然，塊肉真係好漱滑。小食方面，特別要點名牛柏葉，好香辣，食完上癮，食牛柏葉黎送面可以喚醒味蕾。最後黎個香蕉船埋尾，幫條脷降返溫。好滿足，估唔到可以俾車仔面店咁樣滿足法。