一品星廚 (已結業)

灣仔呢條街都幾多食店依間鋪最特別嘅地方就係老闆一直都係門口拉客佢態度好好如果見到有人喺店舖外面望一望餐牌佢都會主動同你介紹呢期有咩推介餐廳雖然唔係話好大但係衛生環境唔錯最特別係有份黑板列出嗰日嘅推介食物每個位都有qr code掃落單或可以叫職員幫手落單我叫咗雞排喇沙湯米喇沙湯嘅味道濃郁但唔算太辣 椰香味好豐富份量都夠大夠抵食仲有幾舊 入哂味嘅豆卜雞排係即叫即炸，香脆可口配上喇沙湯簡直天衣無縫另外重點咗個豬扒撈公仔麵撈麵嘅汁都做得幾出色係喇沙湯外可以一試嘅選擇

因工作到灣仔午飯🥣12:30就好像饑荒似的，處處都很多吃午飯的人，那我就選擇一間比較多人排隊，（好評都多）因為我有時間🕛多人排應該就應該會好吃😋。我一個人等了十分鐘，然後坐下點了豬扒喇沙🍜但我等了20分鐘後，我隔離臺的食客就問為何等了很久食物還未到（我發現是點同一樣食物），那侍應居然說麵還未做（我心想你是做手打麵嗎）。由點餐計半小時後，餐終於送到，但是麵條很硬，居然是未熟的，而豬扒🐽又硬又凍。我本來都想繼續吃下去，但是始終也吃不下，我要求他們更換給我，他們之後換了湯米粉及豬扒給我，但是米粉是糊糊的散不開的，豬扒是熱了，但是依然很硬🤦🏻‍♂️。本來有時間慢慢享受我的午餐，但最後都要做快吞轟😭

行過好多次，都心思思想試吓，今日同媽咪食個簡單飯，冇諗住會有咩特別。首先服務殷勤，推介每一個餸都令人有驚喜，我媽咪食完竟然同我講：「好耐冇食過有雞味又滑嘅炸子雞」。另外個冰鎮咕嚕肉確實有水準👍🏻連送嗰個自家制豆腐花都好有心思，用桂花糖，價錢公道水準酒店級。知道佢哋好用心機，希望佢哋長做長有💪🏻

今日去左朋友灣仔嘅屋企玩叫左佢屋企附近嘅一品星廚外賣自取有9折👍🏻👍🏻拎到返嚟仲熱辣辣好好味！最好食係個椒鹽豆腐外脆內軟好正！三個人食左三百幾 人均都係一百左右抵食！美中不足就係 除咗豆腐之外 其他菜都偏油👻

行完山買完嘢正想要坐低，飲杯凍檸茶食碗湯面。在灣仔落山，行吓行吓見到呢一間一品星廚。黃色嘅燈光充滿回憶味到嘅感覺。可能疫情嘅關係冇得去旅行入到黎都有啲去旅行嘅感覺。店主熱情招待，介紹餐牌雖然已經是中午下午茶時間。店主還介紹晚上的小炒和雞煲真的很想試。想食湯米，所以叫咗豬扒喇沙米線，好香好夠味，夠晒,檸檬茶亦都好濃好正。一路食一路聽到裏面廚房炒餸嘅聲音，想像到個鑊氣應該好夠，我一定要再食多幾餐。多謝店主熱情招待。

係附近剪完頭髮就醫下肚 冇諗想食咩情況下個老闆企左店門向望住門口餐牌既情侶介紹有咩食佢地品食 我就入左去 坐得舒服 店員又快手叫左個菠蘿海鮮炒飯 只知連飲品 原來有埋湯 幾好湯既表面冇油 飲落冇味精 飲完唔覺口渴個飯好足料 菠蘿同蝦仲有帶子 係大大粒而且多 有鑊氣 正！鍾意飲奶茶多奶 但佢落多左都唔覺 我叫店員幫我加 佢好快手加比我😄總結 我會再幫襯，都推薦比大家！

放飯時間間間💛店都好多人誤打誤撞就經過呢間老闆係門口好熱心咁介紹餐廳有咩食俾客人聽仲會講解餐牌有咩食見仲有少少位就入咗去食餐廳每個位都有qr code掃落單但都可以叫職員幫手落單我叫咗個豬扒喇沙米粉 $58佢啲米粉好幼開頭見到一餅野以為好少點知整開份量勁多佢唔算太辣 椰香味都ok 但好奇點解得米粉同米線揀🤣🤣🤣不過勝在份量對得住價錢而豬扒睇落係即叫即炸但上到黎其實唔太脆😂凍飲加$3 但杯凍檸茶茶底勁淡味😢而朋友叫咗個唔知咩菇米線佢話啲米線好碎 有待改善總括而言可以一試佢地應該係家庭經營見職員叫老闆做爸爸而老闆一直都係門口拉客佢地態度好好

在附近行過見到有星馬菜就入內一試。友人食海南雞飯，賣相精緻，味道不錯。另叫了沙爹牛河-最近被電視機的畫面吸引想食沙爹。賣相都幾吸引，香氣逼人，牛肉片都算多。跟餐的湯用舊式的杯裝。結論:因地點的關係，價錢是略貴。以食物質素而言，價錢算合理。

灣仔最近開咗好多間新餐廳，上次去大王東街Bakehouse時經過呢間小店。員工有禮地出嚟介紹， 得知原來這裏的大廚十分有名氣，曾在中環Ritz Carlton酒店及養和醫院canteen任中菜部廚師。 最近幫襯兩次都十分之好食。這裏的菜式款式不算多但係比較精， 鑊氣十足，味道一流👍🏻推介:炒貴叼 $88，夠鑊氣，味道剛好不會太辣，配料有蝦，雞蛋，芽菜，洋蔥，紅椒，火腿，白芝麻，香氣十足，食過返尋味! 星洲炒米 $88，配料同貴叼差唔多，加咗青椒絲，冇咗芝麻。芥蘭炒牛肉 $88 ，出色之作 ，牛肉夠淋，芥蘭煮得剛好，唔會硬，芥蘭冇苦味。我仲有好多其他菜式想食例如招牌雞煲，魚香茄子煲咕嚕肉，乾炒牛河，羊腩煲。外賣仲有九折。食物味道一流，服務有禮，值得推介的餐廳！

又到午餐時間，大家急忙攞手袋出門口搵食。去到大王東街，打算係某間餐廳食飯，但大排長龍，由於時間緊迫無得嘥時間等候。唯有搵另一間，間間餐廳都很多人排隊，咁岩見到呢一間是新開張，唔知係咪因為新開張所以暫時唔係太多人排隊等，所以我哋試一試。入到去員工很殷勤，好有禮貌招呼我哋，有介紹我哋食咩好。雪菜肉絲炆米，好香嘅雪菜味，有適量嘅肉絲，米粉好幼嫩，有米味道，整碟炆米乾濕適中，唔太油，唔太濕，配埋辣椒醬好好味。成碟蚊咪變成我肚內嘅囊中物，一條都不漏，食晒。野菌魚肚飯，好多菇，至少有三四種菇菌，魚肚好大塊，好滑，一啲都唔腥，配白飯好好味。同事亦係食晒成碟飯。除咗碟頭飯之外，還配以羅宋湯，餐飲。羅宋湯就差啲，好稀，好水，冇乜羅宋湯味，用舊款嘅漱口盅裝置，真係好似俾你漱口咁。整體來講，成個套餐好食（除湯）得嚟都唔算貴。

經過灣仔，同朋友今日試咗呢間餐廳中菜，質素高，尤其招牌冰鎮咕嚕肉、雞煲惹味、肉桂蘋果和牛。中午炒粉麵飯鑊氣好夠，價錢合理，好低食，仲有喇沙都好味份量又夠。推介！

星期五放工 朋友話係灣仔發現左間好味的餐廳 咁同佢試下啦 嗌左三個小菜 避風塘軟殼蟹 招牌雞煲 同埋 豬頸肉炒芥蘭 避風塘軟殼蟹 : 十分香脆 咬落口"索索"聲 招牌雞煲: 味道超超超級濃郁 d雞十分滑溜 又多肉汁豬頸肉炒芥蘭: 豬頸肉好爽口 而芥蘭亦都好甜無苦味大家可以一試

無意中行過灣仔,發現新小店,店子開業不久,門口亦不太明顯,店員在門外招手,我們才留意看看入到店內,食品名稱好吸引,新派配搭,見到餐牌已有好多想試,但只有3人,只好點了4碟餸,已經好飽,其他留待下次再試.冰鎮咕嚕肉,爽脆冇肥肉,份量也不少玉桂蘋果和牛粒,想不到的配合,蘋果配搭好清,不膩芥蘭炒玻璃大蝦球,蝦球有8隻,炒得刚刚熟,不韌店員介紹雞煲,可辣可不辣看得出用心去做,侍應親切窩心價錢大眾化,不過只收现金

疫情關係搞到我都早左食飯，係灣仔行到五點幾就搵下有咩食啦，見到依間一品星廚價錢幾抵就入左去。員工都好親切，一入去個個都笑哂口，依個唔係間間餐廳都做到。咁睇左menu見佢有廚師推介，就決定叫個芙蓉蛋飯。好多地方既芙蓉蛋都好hea，煎又唔夠耐，會好淋，又無乜料，所以去到啲未去過既餐廳有得揀我都會試佢地既芙蓉蛋飯。咁個芙蓉蛋飯黎到一睇就知唔求奇，煎得好香，但唔係好油反哂光。一切開，入面唔會係好多鼓油，少少地，幾surprise。咁放入口，好香，好夠熱，蛋味好濃，煎得岩岩好唔會黑哂但又夠脆，重點係一啲都唔油，又唔會太乾身。料方面都好多，有蝦仁，叉燒，火腿，洋蔥，蔥，係每啖都有料，唔會只係得蛋，足料到我都覺得好抵食，一啲都唔hea。如果疫情過左可以晚市我都會想黎再食，睇佢menu都好多野食，老闆話到時會重推抹茶豆腐花！我好想試呀！

第二次食這間，個男職員(可能係老闆）仍舊好努力在門口招客，上次食過佢個海南雞，今次試佢個一品喇沙$58，連飲品仲送個抹茶豆腐甜品，價錢合理，個喇沙D粉份量幾足，湯底對我而言偏辣，但都幾惹味，不過好似唔多夠椰香味，餸方面有蝦、魚蛋、豆卜果D，加加埋埋都有十二件，份量幾足，個檸檬菜蜜過甜，送果碗抹茶豆腐都ok,整體而言ok，但食完麵打算話上得甜品時，門口拉客個男職員有少少無咩禮貌叫我等等先啦，之後仲無了下文，我再同另一個女職員講可以上甜品，過一陣個男職員就拎俾我，不過個男職員走時也有同我講拜拜及多謝，咁可能當時佢忙緊先有D無咩禮貌咁答我🤔