一品螞蟻 (已結業)

話說仲在9月時，一早外出工作，做完約了朋友去K11換PRODUCT，順便齊齊食LUNCH。由於我倆之後仲有節目，所以就在K11隨意找個地方食LUNCH，最緊要快，見一品螞蟻不用等位，我們就衝了入去。當然仲有見到個LUNCHSET不算太貴，就坐下，可是忘記了要加一，所以絕不算便宜…我是要了個5號餐蜜汁焗燒雞片煙三文魚飯，份量一般細，食完會好空虛，仲要沒有味道，基本的咸味都欠奉…個飯勁似隔夜飯，總之各式的連鎖快餐店都好食過它10倍…所以在文債長期堆積下，都要分享出來，希望不會有第二個受害者！

與家人到K11晚膳，由於小妹妹太肚餓，又想吃意粉，便入了一品螞蟻。初入內已有點不對頭，晚飯七點幾，只有兩、三成客。我一般選人多一點的餐廳，因人少自有它的原因。點了兩個餐，先來煙三文魚沙律，還可接受，三文魚不是靚貨，而且小片，菜算新鮮。炭燒澳洲雪花西冷扒（$218餐），韌得假牙也可脫落。我們三人吃，只得一把刀。旁邊的伴菜比西冷還好吃。sorry,因妹妹大肚餓，這兩碟未趕得及拍照。羊排腩配寬條麵（$148餐），賣相像碟頭麵，麵質當然不會Al dente, 羊排腩肉質尚可，但我相信自己也能弄一碟比之更好。後加京式烤鴨肉蔥油薄餅$65，召侍者過來。這一幕超經典，他什麼也沒說，只是頭微向上一昂，視意「你講啦」，我點了菜，他便走開。OMG, 這是什麼服務？？過了一會，此侍者把薄餅送來，只在桌邊，碟有三分之二在桌上，三分之一懸空！以為電影場面才有的服務態度，終於親眼見識了！薄餅如果沒那裡焦，會好吃一點。兩款甜品，我們三人你推我讓也吃不掉。黃色那款，上面的糖應以火槍燒，但有三分一未燒，仍是糖的狀態，當然不脆。另一款朱古力，不是用靚朱古力，而且好像放了很久，不太新鮮。食材貴、租貴是明白的，但出品也要有點

我不敢形容自己是個勤力的人, 只會說自己是個勞動人民, 很多時候一星期七日也會工作, 老實說, 有時也挺麻木的。不過這陣子星期日的工作都是在晚上。拜托! 星期日可以休息多點, 而且也可找找食。來到尖沙咀閒逛, 沒吃午飯, 但想來點下午茶。在K11內不停打轉, 最後來到了這家在大堂中心的普通餐室。見下午茶三十多元, 與商場內動輒六七十蚊下午茶比較之下, 二話不說便入來吃。親愛的友人點了個XO醬煎腸粉, 加杯凍飲, 三十多蚊。本以為套餐收費合理, 誰知上桌時, 一碟精美的腸粉只有寥寥的十條左右。雖說下午茶並非如正餐飽肚, 但也不至這麼點到即止吧!!再者, 炒腸粉油多, XO醬少以圖欲蓋彌彰。腸粉無味而厚, 油多自然滑, 比酒樓白鐵板煎腸粉要差。而我點的是乳香酸菜豬大腸米線, 湯底選擇是個椰香海鮮辣湯底。點茶時, 侍應點義正詞嚴地鄭重告訴我豬大腸是炒的, 不是炸的。心想: “一, 我從未打算認為這應是炸大腸, 亦沒有發出會引起誤會的語句; 二, 就算你給我炸大腸, 放入湯中也不會好吃”, 就是這樣莫名其妙。不過有一點肯定的是疑似經理的侍者將我要的米線寫成拉麵, 最後上來仍是拉麵之外, 還有隻

今日約左寶貝喺呢到附近傾下心事~~又唔係好熟呢頭D地方~所以黎左K11,諗住都唔會太差,冇乜心水見呢間感覺舒服遊閒,又見有D特色小食,所以決定一試望入去已經唔係好多人~ 服務員先生帶我去到一個二人埋邊位,隔離坐住一位先生~由於要傾心事~所以我就好自然咁行左去另一個比較有空間感的心儀位置坐下我即時感覺到那服務員的眼光勵左我一下~我仲目視到他的咀面有點不肖的抽動,…下午茶的餐牌早己預先放在枱上,所以坐下了便沒人理~茶水都沒有我便叫服務員給我一個主餐牌及一杯清水,他說現有下午茶餐…我再望一望他,他先去拿餐牌給我~看了又看~主餐牌的食品好多元化,相片都好精緻,好吸引!!最後我們點了下午茶餐生滾牛肉湯米線及一個招牌烤鴨家鄉薄餅,我們問服務員薄餅有多大~怕食唔晒做成浪費他說有約8寸大,有蔥油薄餅的厚道.服務員提示要薄餅的話要等20分鐘,為了美食,只是等一下我地當然冇問題!唔洗5分鐘,有食物上枱了~生滾牛肉湯米線(椰香海鮮湯底) – 噢~可能係我諗得太多~生滾牛肉的牛肉並唔係好似泰式的生牛肉片,而係好似中國式早餐的生滾牛肉粥的牛肉質地~一舊舊,而且滾得太熟,又好靭~湯米線煮得太太太熟又太太太淋…香辣

與友人大概9時左右入內，餐廳有很多吉位，order時不知何故侍應口吻勞氣...叫了兩個晚餐，三文魚沙律不錯，德國咸豬手外脆內軟，但味道稍為不足，甜品由於香芒拿破倫售罄所以要了芝士餅 ，味道Ok，散叫甜品30元一份，買一送一

今晚約咗朋友喺K11行街,行到咁上下揾地方開餐，就近近地入咗一品螞蟻，叫咗兩個set dinner,一個海鮮燴飯，一個德國猪手，兩個龍蝦湯&兩款甜品，先講下個龍蝦湯D味怪怪地完全無,龍蝦鮮甜嘅味道多咗少少酸味，再講燴飯味道一般但太亁身食咗一少半己經唔想食啦，到個猪手個皮太硬唔夠鬆化，D肉唔夠入味之餘仲好肥膩D肥膏厚厚一層連住D皮口感不好接受，最後甜品&飲品都令人大失所望，可能係我哋對食物要求高掛，總之就非常唔滿足啦…

食品味道不如所想，先說龍蝦湯，酸酸的，根本不像樣，從來沒喝過的難喝，德國猪手，太硬且沒味道，又肥膩，汗，連最後的甜品及飲品也不掂檔，超級失望，可能我對食物要求太高吧

入到去, 唔駛等3人叫左2小食, 3個main, 落單時waiter好好心地同我地reconfirm, 可能佢驚我地叫得太多野食來到, 1.> 同d 圖完全100% 唔同, ok 既, 都明既2.> 入口既味道, 都係同佢個菜名100%唔同, 咩事先?!?! 蜜糖雞翼無蜜糖但係有wasabi味! 講堅! 真係有! 我地3個人都覺得有! 3.> 就算無100% 唔同味既dishes, 都唔合格, 因為真係十分唔好食waiter 都好忙, 叫都唔得閒理, 更何況係幫你加水出錯送, d野黎double, 梗係唔要la, 但係個waiter 發脾氣.. 明明一模一樣既一碟dishes 仲係台面, 都仲要唔信我地無叫到佢手上個份成台野, 係得個cake 可以入口.....如果第度無位食甜品或者可以考慮下呢度既... 

K11嘅大眾選擇...失望午餐時間，3人叫左2個lunch set加一個琥珀合桃海蝦葱油薄餅。個餅好細個，但係蝦同合桃都大粒同原隻上，基本上同圖差不多，只係太細。但係個餅就油得濟同過薄，無左正宗葱油餅嘅北方風味。至於另外2個set分別要左非洲汁焗雞脾扒，同埋牛肝菌飯配小牛柳。兩款都過油，食落油溢味重。前者個肉質都嫩但間5中食到膻味，唔知點解。而後者嘅飯太creamy太濕，食落好濟，原本諗住會有意大利飯嘅口感，但完全唔係，只係一碗好濕嘅飯，牛柳得幾塊，好少。對於呢間餐廳比較失望，如果以同類餐廳比較，我寧願去反才椰林閣。

食尖沙咀番工所以黎呢到食午餐所以就嗌一個豬頸肉米線午餐  $30幾蚊凍飲加$3d米線係有dd彈牙既  唔係好淋果隻黎豬頸肉都好食  咸咸地  普普通通都叫大碗夠食咁呢d 餐廳就都係服務幾好嫁啦不過可惜就係黎餐都幾耐下  都等左四個字左右先黎餐搞到食得都幾趕  食完就要即刻走了 平時得閒黎食都仲可以  但係番工既話就真係唔夠時間啦 

係勁趕時間之下，同朋友盲仲仲係K11搵到一間唔係太貴既餐廳…2個人Order咗三文魚雜菜沙律配餐湯 + 忌廉汁蟹棒煙三文魚天使麵… (有餐飲)等咗超過20分鐘，我個朋友食完我都未有…忌廉汁蟹棒煙三文魚天使麵，份量都夠大碟，但衰在唔夠汁、唔夠熱 成碟野都勁乾身，唔好食之餘都仲要俾七十蚊… 無下次！

途經餐廳門口便被牆身掛畫吸引著視線，反正個肚有點空虛便順勢而入吧。Simple lunch一碟炒飯一碟海鮮意粉，幾草價錢無甚要求，飯做得唔錯，夠晒乾身，碟粉就真係油麻地，唔講味道，個賣相都幾嚇人，d海鮮好似同隻碟拜四角咁四散！嘩~放多dd心落去好嗎！話晒都唔係免費午餐嚟！此外，橫眼一看，見d侍應們喺走廊閃來閃去，原來起餐位在另一舖位，起餐嗰陣不時要同d路人甲乙丙丁閃身走位！我諗話晒係條走廊，咁多abcd行來行去，喺唔喺應該落番個蓋...感覺舒服d...而且真係衛生好多！同埋個起餐茶水位唔係大，況且一眼見晒，d伙計就唔好結聚吹水攪電話啦，我真唔feel good囉！雖然收費唔係貴，但絕對唔應該同衛生掛鉤的！

上周日，冰約了一個傍晚時份的facial appointment (這稍後再分享)，早了一點到達尖沙咀，獨個兒走到K11的一品螞蟻 Ant One，享用下午茶。冰選了酥炸雞寶伴日式咖哩蛋包飯。抱歉，冰吃了兩口蛋包飯，才記起要拍張照片噢。蛋皮略嫌厚身，不過還算可口的哩。米飯質感軟硬合宜。不過份量真的很輕巧，大概十口就吃畢整個蛋包飯了。咖哩汁稍微少了一點哩。酥炸雞寶外層略嫌太乾，但鎖得住內裡肉汁，咬下去很能感受其鮮嫩的肉質。冰點了檸檬茶作餐飲，不過不失吧，只是冰不太喜歡杯子沒用小碟盛著，令冰不知該把挑出來的檸檬片放在哪兒。這個下午茶餐，冰覺得整體來說算是不過不失吧，只是不是特別欣賞其侍應的服務態度。冰在進入餐廳前，已看過門外的餐牌，選好茶餐。落單時，冰跟侍應說「一號餐哎唔該」，她有一絲迷惘，打開餐牌，問冰是否希望要一客蛋包飯，冰確定後，她告訴冰不要記號碼，因為餐牌內容不時轉變。冰覺得，如果客人不應用號碼叫餐，那麼茶餐的編號用來做啥？記著餐牌內容的責任，怎麼會落在客人身上？這位侍應的「叮囑」，著實令冰哭笑不得。

一個人放假無所事事，因為乘車到尖沙咀比其他地區都方便，而且尖沙咀的美食何其多，總找到合心意的午膳吧！下了車不經意蕩進了 K11, 那裡的食肆選擇也算多，只是一個人，難道去大都烤鴨吃個餐麼？來到這家門口，看過餐牌，選好了想吃的東西，便讓侍應安排就座好了。龍蝦湯 ~ 味美香滑，讚！暖暖的麵包，看似普普通通沒啥特別，原來也很好吃哦！主菜要了厚豬扒，烤得不錯，有肉汁，好味道！甜品四選一，我要了這個 --- 有點中伏了，沒想過會這麼糟：酥皮腍而有點韌，吉士醬也是麻麻的，早知道要件 cake 比較穩陣了。

早幾年前，一品螞蟻在葵芳開新店，之後某日到這店子吃飯。當時在下叫了一個焗飯，味道與尖嘴的紅螞蟻一模一樣，感覺上一品螞蟻與紅螞蟻同出一徹，不吃也罷。時至今天，在下又到尖嘴開工，巧合地到用膳時間，原本想到柴灣青年廣場開飯，但在下想想吓，還是到尖嘴吃算了吧!於是乎在下上openrice有何介紹，但揀來揀去都是在赫德道或者K11，而了到最後還是選擇了K11的一品螞蟻，作為今日午餐地點。當在下甫進入餐廳，內裡的裝修與葵芳分店格局一樣，而分別在於所用的顏色，葵芳用了白色為主，這裡則以啡色為主。裝修方面卻可以說是完全一樣，沒有甚麼驚喜。但是當在下閱讀有關食評時，頓時感到大驚，因為有關餐廳的食評麻麻，但是在下叫了東西就無法子了。今天的午餐揀選了蜜汁焗照燒雞片煙三文魚，另配凍咖啡，再加十二元配一客周打魚湯。主菜未到，先來個湯。在下很久沒有嚐試過這湯了，是有點期望的，不過這湯實在令在在下有點失望，雖然這湯很稠密，但是差不多渴完，才發現這湯呈的，有點難飲。然後主菜上桌，這主菜來到的時候沒有異樣，而且有微弱的蜜汁散發著，心知道這菜未必好吃。吃下了如之前所想，沒有太多的蜜汁，而照燒汁也非常微弱，甚至可以說是幾乎