一品螞蟻

營業中

休息中

之前吃過數次覺得這兒的食物和環境不錯, 於是和男朋友到此慶祝生日。當天客人數量只是平常假日流量, 但服務員卻表現得手忙腳亂。首先點菜叫了很久才有人過來寫單, 那位侍應姨姨還沒有問我們主菜配飯/意粉/薯菜便飛快跑開, 我們要再叫另一侍應才完成點單。真的想知道, 有那麼急要未完成點單就跑開嗎 她是打算隨便配飯/意粉/薯菜嗎??之後一直到上餐湯都沒有人為我們放置餐具... 是要我們徒手嗎心裡雖很不滿, 但既然男朋友生日, 心想便盡情享受食物啦~沙律: 一般貨色洋蔥湯: 平生嘗過最差的洋蔥湯, 怪得不知怎形容, 像是港式老火湯配上一團芝士主菜: 醬燒豬仔骨 --> 名副其實只得骨燒原條龍俐柳 --> 整碟菜一點醬汁都沒有, 要乾吃意粉和龍俐, 保證健康!!這餐簡直是吃了一肚子氣, 200多元的食物竟然連快餐店質素也不如~ 我想我短期內不會再光顧了, 期望它盡快回復水準吧

黎黃埔買野, 順便係呢頭食午餐原本唔係食呢間, 但行過門口見倒幾好, 所以中計入左去如果早知係一品螞蟻, 我一定唔會入黎食呢度係食環境, 待應態度一般, 唔俾二人坐卡位, 即使冇人等位我地話冷氣凍想換位, 侍應話卡位唔坐得只可以幫我地關冷氣, 關左同冇關冇分別, 相信侍應冇關到!我地點左set lunch: 焗牛肉飯, 雞扒重慶麻辣米線雞扒重慶麻辣米線雞扒好香, 好好食, 值得讚的食物重慶麻辣湯味精多, 又咸!!!米線斷開晒, 勁難夾焗牛肉飯如圖, 睇見到唔開胃牛肉飯 賣相唔得, 真係樣衰到不得了我都知焗飯隻碟好熱, 但待應將飯送上枱時, 冇提過我地囉呢d 服務真係差牛肉飯焗至乾身, d 汁都焗到冇晒, 差!有個金毛女待應服務好好, 而且好醒目, 反應快可惜, 我始終覺得服務業金毛濃妝唔太恰當改一改會好d, 但我係唯一讚就係呢個侍應!

今日係附近做完event, 去左ant one食lunch 我去過紅螞蟻, 今次就試下同集團的一品螞蟻, 睇下有咩分別點左個午餐, 豬扒跟薯菜, 配紅酒汁豬扒說是巴西豬, 比其他豬有彈性, 但我覺得同大家樂焗豬無咩分別, 只是較薄, 同埋ant one的感覺較高級罷了不過薯菜真係幾好味, 用新鮮薯仔炸的, 不是急凍, 如果連薯條都用急凍, 就真係無可取之處(註: 我個人對薯條較執着)但係, 做完野, 去食個舒服環境, 還是享受

紅螞蟻既餐廳，之前旺角去過，食物水準穩定，不過就有些迫夾。原來“螞蟻”系列有間舒適多多的“一品螞蟻”，好喜歡這裡，經濟及好味道！服務也算懇勤！其實自第一次食過之後已再光臨，不過第二次無拍照，喜歡食肉的，“焗豬手”及“羊扒”也很不錯，夠晒份量！！美中不足就是Pizza，真的麻麻了，又細又乾，唔好試啦！

平安夜前幾日打電話諗住 book 位，原來冇得 book 喎，唔知係因為平安夜冇得 book 定一向都冇得 book，所以等左 40 分鐘，同朋友s 吹下水就有位喇。入正題。食左幾個〝濃情假日(聖誕？)套餐〞，包括：(d 名可能有出入)1) 黑毛有骨豬配溫泉蛋 ($138)2) 安格斯牛扒 ($188)3) 薄荷乳酪烤羊架 ($168)4) 三文魚烤雞卷 ($168)另外散叫左個5) 焗豬扒飯 ($68)套餐前菜有得揀 刁草三文魚薄脆酥 / 忌廉湯，我地全部都試新野，不過三文魚薄脆酥，個人覺得一般。感覺只是烤多士加煙三文魚。主菜上場！黑毛豬唔錯，不過隻溫泉蛋就冇隔離檯個隻咁靚，變左白烚蛋。安格斯牛扒原本要五成熟，上檯變左差不多七成熟。個 sauce 甜甜地，原來有栗子。仲有d 薯角炸得剛好。烤羊架出奇的好，但點解要八成熟卻變成四成熟呢？好彩我地都係一班茹毛飲血既人！三文魚烤雞卷個三文魚，可能我近視深左，搵左好耐都見唔到。套餐加 $8 有茶啡加 $15 有特色飲品加 $25 有一杯紅酒不過我地全部人都冇飲。焗豬飯貫徹焗豬飯應有既特色，正、靚、飽肚。套餐有甜品〝木糠雪餅〞，呢個真係有驚喜。

經過門口,見個menu入面既甜品拼盤好似幾吸引咁,一於入去坐吓, tea 一 tea先,$43有三樣甜品, 又ok喎,焗香芋西米布甸, 熱騰騰的, 濃濃既香芋容香氣撲鼻, 同西米布甸既味道好夾,花生栗子雪芭, 唔太甜, 冰凍清涼, 口感幾好,香蕉班戟最令人失望, 皮太厚, 食落成口粉,加$5有柸凍飲, 埋單都唔駛$60,坐位舒適, 最岩就係同朋友黎坐吓吹吓水