一品香南北美食

營業中

休息中

因为要趕睇8点劇，所以就黎左呢間好多人話好食嘅一品香! 因为小店，價錢大衆化，簡單寫寫，但真心推介!認真 。佢D小籠包係冇湯，冇咩汁，因为佢係小籠包而唔係湯包! （不过而家市面上好多時而將兩樣野混為一談!）。Anyway, 有冇汁都好，都係好食!麵。一定要食，我係食抯抯麵加炸排骨，麵底同湯都good!煎窩貼。keep住有人買外賣. 熱。脆。真心好食講真 佢D野又唔係貴，可以選擇的又唔係真係好多，試一次真係好過睇食評，因為真係值得試試! 

為了看周杰倫...的電影而山長水遠走到葵芳去。(可憐啊~這套電影只有那麼少的院線上畫!!)兩小時的視覺滿足後便要醫肚了，沒有走到大商場內的食肆，因為要搵平食當然要鑽進葵涌廣場啦。預先計劃吃完上海麵再去吃餃子，麵就在一品香吃吧。對比附近某幾間食店擁有一列排開的店舖，一品香的店子明顯地比下去。自己找搵子，坐下後看到桌上還有上手吃剩的炸菜粒未被抹去...另外在點餐後，阿姐抹抹下枱突然醒起未給豆漿我，便隨手放下枱布(手沒洗)便走去斟豆漿給我...(汗)今餐唯有放棄用膠筷子改用外賣木筷吧。有下午茶餐的不過還要等多半小時，肚餓了只好散點。主打是麵(湯/炒)，配以肉類或餃子，但價錢和餐廳的不相伯仲，反而包點類的價錢較為經濟。問過阿姐擔擔麵可以有不辣的選擇那就OK啦，配了排骨。要豆漿只是多付2元，無理由不加吧﹖豆漿非常冰凍，豆味不強，勝在少甜，而且飲完不渴喉。我都是第一次遇上擔擔麵加入了肉鬆的，將肉鬆浸入湯裡去反而令本來傑身的湯頭更加黏稠，如同漿糊般，感覺不太討好。在湯中發現少許炸菜，不過湯汁味道都是以花生味為主導。幼幼的麵條沒彈性，更偏向淋糊，如果是燴麵這淋度就差不多。麵條本來不能吸湯，但湯汁太黏了

老實說，在葵涌廣場裡的食店，食店都是以小店為主的，可謂沒有具特別的或特色，然而卻又提供了各種不同類型的菜式。上次到葵涌廣場的唯一吃過蒽油餅，今次卻又來吃另一家的上菜菜式，今次不是吃蒽油餅，而是其他包和窩貼，而上海麵卻暫不考慮了。其實上次來到一品香，也想試試他們的生煎包和窩貼，可是沒有去到，今次卻要試試了。從餐牌中，有不少小食，有小籠包，生煎包和窩貼，可是在下最有興趣的，只有生煎包和窩貼。落單的時候，才知道生煎包和窩貼是可以同時上的，一碟有四隻，窩貼和生煎包各有兩隻，可不用分開上，也不用單點四隻的。窩貼和生煎包是預先煎好的再放入熱櫃保暖。拿出來的，仍然有微熱的感覺。窩貼底部煎得較燶，可是卻因為放在熱櫃久了，影響了其香脆感覺，只有保存了少許的脆，而窩貼外皮也算是皮薄煙靭，內裡的豬肉仍可保持有肉汁，不會過份太乾而變得粗嚡。生煎包皮略為厚了一點，味道猶如上海店的煎包無異，皮很甜，餡料肥瘦均勻，但是內裡久缺湯汁，與上次在祥興記吃過的有點距離，但味道尚可的。豆漿是甜甜的，也有點豆香，與一般上海店的豆漿味道差不多，幸好甜度未算太甜。整體味道是可以的，十多個大洋也算是這樣吧！

今日因為有嘢到葵芳買, 所以又光顧這間舖頭今次食番我上次食不到的最愛的窩貼...........YUMMY^^窩貼: 多汁, 包厚度啱啱好, 煎底夠香排骨麵: 可惜, 仍然那麼乾............

我一向都好孤寒, 最鐘意食平嘢, 由於我又鐘意食上海菜, 所以咁多年, 每次去葵涌廣場而又得我一個人的時候, 我都會依間位於葵涌場近扶手梯及life口的小舖"一品香" ^^平時的我一定叫脆底的窩貼的, 但由於依排減肥, 同埋又和朋友一齊,所以就食少d, 每人叫一個套餐$32(麵+荳漿)+$14(一籠小籠包)=每人$39, 一齊食了.......担担排骨麵: 排骨和麵後分開上的, 這點不會浸淋排骨, GOOD! 麵身彈牙和濃湯夠味, 但排骨就似豬扒乾, 炸過火太乾了, 要改良.小籠包: $14一籠有4個, 都係$3.5隻; 每隻大細平圴, 每隻多汁多肉, 肉汁味濃得啱又清甜, 啱啱好荳漿: 夠凍,有荳味, 無雪味一路食 我一路問第一次食的朋友怎樣, 她都好滿意, 話又平又好食, 咁下次我同佢一齊後街又可以再來了,YEAH~~~

呢間舖真係食咗好多年～但都係第一次幫佢寫食評～想當年～由佢９蚊碗食到依家１７蚊碗耶～食得咁多年當然係好好味王牌應該就係擔擔麵～真係食過好多間最終都係返嚟呢到～啲麵香！嫰！滑！不得了好少試其他菜～今日試排骨～炸得太老～但腌料好香～鍋貼都唔錯ga～所以話～一間舖只要有一款王牌就可以直到永遠

今日同朋友補祝生日, 一齊試D新野, 黎左呢間食担担麵。我地揀左個什錦餃子担担麵同香豆腐湯麵, 先講什錦餃子担担麵, 特色係有肉鬆, 有酸菜的湯, 酸甜好味! 餃子因為撈左肉鬆, 又咸又甜, 幾好食! 至於香豆腐湯麵, 係素食類, 椰菜清湯底, 配外脆內軟的炸豆腐, 正! 豆腐色澤金黃, 第一次食咁樣整的豆腐, 好味!飲品方面+$2就有杯豆漿, 抵食!

以前好好味嫁, 價錢便宜, 貨真價實, 不過今日食完似乎有多少出入...生煎包 $13 四粒皮很甜, 薄亦軟鬆, 焦底放耐了所以不酥脆, 肉餡肥瘦肉俱有, 顏色粉紅肉球不爛。窩貼 $13 四粒外型硬膠仿如食玩, 皮薄、邊位稍硬, 粉紅肉球肥瘦不爛出名的擔擔麵都加價至$17, 下次再試吓手勢如何~

到青衣補習前，先到葵涌廣場搵野食，見到呢度有擔擔麵說馬上坐底，諗左冇耐就叫左個唔辣既擔擔排骨麵加豆漿，3分鐘之後就上齊D野食啦！咁快上既話，排骨好大機會係番炸，不過細鋪仔邊有得要求咁多，夠熱已經好好。肉味都夠，係份量少左D。個湯底都係花生底再溝上湯，不過呢度較特別既話加上肉鬆同少少酸菜，都幾惹味既。而麵係難得咁彈牙，個人覺得同詠藜園差少少。豆漿喎，都係普通貨色啦。見其他人都有食生煎包同鍋貼，應該都值得叫，下次會試下既。

雖然我老是說葵芳沒甚好吃，又愛彈葵涌廣場設計有如迷宮，但場內這間一品香的擔擔麵，卻是教我死了心、塌了地，每個月至少要來吃一回的! 別問我怎樣走去小店，這可是經過多次鍛鍊、日子有功的成果；一定要給提示的話，就是先找唯一麵家，一品香就在它轉角位。平日我最怕悶怕重複，但經過數十次的幫襯後，我每次來也只會點它的四川擔擔麵：滑軟的麵條，沾上充滿麻醬及少量辣油的湯底（註：以前我會吃中辣，現在一般要小辣，都幾惹味的），拌上咸香有致、爽口帶脆的榨菜絲，以及香酥的肉鬆同吃，絕非正宗四川口味，卻是纏繞味蕾、好吃令人折服，絕對比鄰近商場上海婆婆的出品美味有誠意! 而這樣一碗出色擔擔麵，經過多番加價後還是只售$15，簡直是超值賣大包，不然我也不會一次又一次的重複幫襯啦!嫌只吃擔擔麵太悶或者不夠飽，這裡也有其他上海麵食供應，由$19-$25不等，當然我還是會推介擔擔麵底的款式，如雲吞擔擔麵、雞翼擔擔麵等，會比淨雲吞麵好吃得多。另外要留意是這裡的其他上海點心如小籠包($12)、生煎包($12)雖然也賣得便宜，但味道很是一般，我碰過一兩次礁後，都沒有再返兜了；最近就因同雞痴細妹來吃，也試了五香雞翼($15)，炸得幾

兩年前剛到葵芳工作，每週必有1-2次在這午歺。近半年來，了吃午歺，便沒有在這店吃過了。過去光顧種類不多，離不開排骨、牛肉、雞翼、雲吞和湯餃，湯麵則清湯、担担和酸辣，每次一碗已很飽，真的很大碗，yummy yummy。 有次我想食雲吞酸辣湯麵，侍應細声跟我說，這樣抵吃，加了雲吞，酸辣湯便少了。酸辣湯麵配牛肉、排骨或雞翼較抵食(牛肉是放麵的上面，而排骨和雞翼是用碟另上)，那酸辣湯份量就不會減少。以往常常光顧，因為那上海麵＋分＋分出色，軟硬適中，湯不太濃濁，沒用味精，午市是極難揾位。今次是晚上近10点，帶女兒一嘗這美味上海麵。一到店已發現多少不同了，收银和已煎好的餃子應在店子门外，但放入了些。瘦小的老板和侍應、甚至廚位煮麵的，全是生面孔。可能是夜班掛！排骨担担麵(辣) - 湯底改變不大，麵底就差了些，更甚是過淋了，不好吃。以往肉鬆是很多的，今次少了差不多一半。排骨厚咗，還是較喜歡以往較薄那種，排骨都算香口。雲吞担担麵(辣) - 麵一樣過淋，(忘了影低雲吞)雲吞依然很巨形，一口是不能吞下，結實....不過肉太多。這裏的水餃和雲吞是很大顆，煮熟而過淋不容易，客人吃也不容易，為何不將si

呢間鋪永遠都滿座, 今次發現擔擔麵只賣$14一大碗, 跟豆漿就再加$3依然愛吃小店的鮮肉窩貼$12/4隻熱的窩貼, 外皮甜甜地並煎得微脆, 皮的厚度適中剛剛好包含肉餡, 肉餡打得起根, 有嚼頭擔擔麵, 不辣並要求加多麻醬。 原來肉鬆與麵同吃, 甜甜地很好味, 不過炸菜是否浸水浸得過份, 以至無味嘅??? 上海麵的份量很足很老實, 嗦湯後更加撐胃芹菜水餃麵跟豆漿就再加$3, 麵依然老實, 湯頭很清, 清到有點淡芹菜水餃甜甜地, 芹菜那惹味的香能帶起肉餡的鮮甜, 難怪湯底是那麽淡那麽隨和地讓位給霸道的芹菜實務小店配合務實的價錢, 難怪在這時勢也能撐出生天, 繼續努力吧！ 給力,給力,給力

葵芳真係多人，去任何一間都爆滿既，今日路經此地，門前有個呀姐表演包餃子....一推一按，來回數百次，做出形狀的餃子....細細的上海店，都有好多野食喎小籠包....賣相唔多得，外皮又硬又乾，個底穿了，肉汁無埋，好可憐....炸醬麵...嘩.....望落去好似好辣喎，好驚添...好彩得個樣，不辣，仲好好味，估唔到...值得一試送豆漿，今個午餐真飽......

上次在這裡食得幾滋味, 今日朋友說下午有事忙, 午餐要快食, 所以又選擇在這裡開餐.由於尚未到午飯繁忙時間, 店內食客不多, 沒有上次的擠迫感.我點了担担雲吞麵走辣 ($19), 担担麵舖上不少的豬肉鬆及炸菜, 炸菜依然沒味, 但肉鬆使湯底惹味, 亦較為杰,, 不過我幾喜歡這種口味. 雲吞有三大隻, 饀料主要是豬肉, 不肥, 夠味, 但稍嫌質感鬆散. 食這個麵, 一定要快, 亦不宜外賣, 因為麵條吸水發漲的速度很快. 朋友點了排骨湯麵, 排骨有幾小件, 是炸的, 與麵是分開上, 湯底較清, 感覺上好似很淡, 但朋友說嚐到麻油味, 整體亦夠味的.

還記得最初夜探葵涌到最後晚上十一時許才找到落腳點, 我們仨嘅肚皮情定於此。 當日見到價目表的驚訝到現在還是歷歷在目......今天我倆決定再試一次, 先讀讀價目表價錢就有一定的調整, 可是依然吸引用心製作的師傅, 一點都沒有因為價錢收得便宜而馬虎, 抵讚！鮮肉窩貼 $12 4隻職員從保温箱拿出來, 可是入口先燙一燙咀, 然後有甜肉汁一擁而下。 肉餡分量之大包保吃完四件已胃納半飽, 幸好有人與我分甘同味南翔小籠包 $12/籠每粒的直徑有如五元硬幣, 新鮮熱辣出爐, 皮不太算薄但肉饀依然重手, 肉質的結實度比窩貼還差一點, 可惜今籠未見有湯汁擁現, 要多肉還是多汁, 老實說我比較prefer前者P.S. 聽到有食客要求素菜餃, 職員入單後, 厨師叫出來:「要素菜餃嗰位, 入面落唔落肉嫁?」各位看官, 如果下次叫素菜餃就要下單前問清問楚