一哥點故 (已結業)

話說喺灣仔staycation，朝早起身想食點心，見呢間點心都幾多好評，又喺附近，就走左黎試試佢。我地一行兩人，黎到唔洗等位，侍應姐姐安排左我地兩個坐左喺一張4人枱(兩張細枱拍埋)，叫我地坐住先，有人搭枱就會幫我分番開，咁小店地方細，我都認為冇問題。之後叫野食嘅同時，安排左一個伯伯坐我地隔離，咁我亦立刻向侍應要求加番塊隔板比我，結果叫左成15分鐘，卒之有板比到我，同時我都留意到，唔係每一張枱都有隔板，如果以現在嘅規定，呢度一定唔合防疫規格。Total叫左6樣野食，只得一樣叫做可接受。1) 千島醬脆皮蘿蔔榚首先，個千島醬同蘿蔔榚完全唔夾，唔脆嘅炸粉入面包住2條蘿蔔絲加一pat凍嘅面粉，完全唔知食緊咩，唔明啲點解會有人推介。2) 豉汁排骨陳村粉排骨正常，陳村粉淋過腐竹，一夾就爛，蒸到過哂龍。3) 蜜汁叉燒包，同陳村粉一樣蒸過龍，淋到冇牙婆都妹得到。4) 一哥傳統蝦餃，個餃皮問題一樣，蒸過龍，餃入面有雪水流出黎，應該係蝦膠冇完全解凍就包。5) 龍蝦湯鮮竹卷，正常發揮嘅鮮竹卷，有湯沉住幾juicy。6) 蒜香蝦春卷，基本上所有餡料同鮮竹卷冇分別，蒜香唔知喺邊。埋單$206，唔貴，但完全係貼錢買

今日陪媽咪去銅鑼灣睇醫生，諗住搵個地方食lunch ,見唔遠就去試試，位置都好容易搵到👍🏻估唔到幾分鐘就行到去坐低叫左點心幾個點心+2個燉湯叫左個千島醬酥炸蘿蔔糕上枱熱辣辣好新鮮一條條既蘿蔔絲 絕對唔係勁多粉做既蘿蔔糕豬手新鮮，食落口仲彈彈下流心奶黃包新鮮一口咬落去有爆汁的奶黃流心推薦試下個牛肝菌瘦肉燉湯👍🏻味道香濃 真材實料上枱熱辣辣好新鮮 價錢公道味道有驚喜👍🏻推薦大家去試試👍🏻好食過好多酒樓

光顧這家「一哥點故」已有一段日子👉不錯嘛！首先說的是：就腳，方便的呢。雖然不是非常大的一家食店，但座位編排恰當，有街景可觀，環境尚算不錯呢！但是美中不足的是內裡有幾張椅子座落不太舒服👉用環保袋等東西墊著來坐，感覺比較理想呢。我相信「一哥点故」最出名是它們的蒸飯：送上桌上是熱騰騰的，不僅如此，我喜歡它的飯是「甜甜地」喔！很好味👉原來是「金鳳米」（士頭婆告訴的）😉。還有蒸飯有多款口味供客人点選👉正呀！不得不提及是「一哥拼盤」：有六件点心（叉燒包，潮州粉果，蝦餃，燒賣，燕麥糕及菜苗餃）,很是飽肚的。約$58左右有六件点心，街坊價呢。雖然它們只有兩款粥可選：瘦肉粥和雞粥，整個啡色窩仔送上桌上，感覺是滿足的。 至於甜品方面，它們的「太陽蛋」賣相很貼題👉外过白色是蛋白做的而裡面的疑似（蛋黃）的其實是黃色遮喱，味道不太甜，老幼也適宜啊！總體而言，我喜歡這裡的蒸飯；再者，當然是（士頭婆）的窩心對待喔！🥰

行完時代廣場，又累又餓，看見附近見有間點心小店，入來試吓，意外的驚喜，比起酒樓好好多，即點即蒸，上來還是熱辣辣，服務也好，俊男靚女，下次在帶朋友一起來，政府請飲茶，一個人也要吃豪啲

坐低先見到OpenRice食評話有昆蟲，果然一看碟腸粉就附送同款昆蟲🤢食物味道都算唔錯兼幾大碟，服務亦好。不過可能間鋪細，洗碗碰撞聲同阿姐吵鬧聲好似置身街市咁，茶包亦衰過車仔，唔係酒樓要加一略貴，冇下次

想飲茶但係怕人多又唔想去酒樓~所以就去咗呢間點心餐廳🍴叫咗個應該都比較馳名嘅竹炭奶皇包，咬咗一半，竟然仲未食到奶黃🥲咬到去後半部份先有少少。。。大概係一粒蛋黃左右嘅大細啦🤔覺得味道非常普通~之後食到燒賣嘅時候，咬到一啲硬硬地嘅嘢，發現應該係食到洗碗用嘅鋼絲刷嘅物料🤢覺得非常嘔心，同職員反映返個問題，店員只係平淡地説”哦”，然後遞返張單話減返燒賣嘅錢，感到非常無奈。其餘嘢食亦都普普通通，大失所望。

呢間點心鋪好耐之前有朋友介紹過😋 男朋友黎接我放工，於是決定試試佢！個日我地兩個都好肚餓，所以叫左好多樣點心，而點心嘅質素就好壞參半啦！1）超大粒蝦餃入面包左好多粒蝦，都幾抵食2）竹炭流沙包味道不過不失！3）春卷呢個春卷味道麻麻地🤮4）炸兩呢個炸兩入面包左芹菜，但味道有啲奇怪⋯另外仲叫左灌湯餃，燒賣同埋其他點心，最尾兩個人食左三百幾😂不過呢間點心鋪冇想像中咁好食，如果咁嘅價錢可以有更加好嘅選擇！

邪惡指數:🐽🐽🐽好食指數:🙆🏻‍♀️🙆🏻‍♀️🙆🏻‍♀️🙆🏻‍♀️自從wfh之後就冇機會同一大班同事一齊去酒樓飲茶🥺今次兩個人👫就試下呢一間點心專門店 。首先我想講嘅係啲嘢都真係幾大份！除咗個叉燒腸粉比較普通之外，其他嘢我都覺得幾有驚喜地好食。⭕️Top 1 推介返個紫薯流汁煎堆仔💁🏻‍♀️外脆，個皮好煙煙韌韌，包住啲邪惡嘅流心餡，正呀喂🐽 ⭕️佢個黑金流沙包都係同一個流心餡，個包同叉燒包都做得好軟熟，所以如果有肚食包嘅話都可以試吓。⭕️仲有個小籠包 - 雖然個樣唔靚，但係佢係超多汁皮薄餡靚超有驚喜(所以話啲嘢唔可以淨係咁膚淺嚟睇樣呢🙌🏻 )⭕️仲有就係我食點心必叫嘅辣椒油！佢個辣椒油好有層次，一開始食落係香之後啲辣再滲出黎，推介推介❌叉燒腸粉就麻麻，個皮太厚，可以skip，下次想試佢地個春風得意腸🤤

點心專門店越開越多，食點心唔一定要去酒樓，好多小店都主打手工點心，抵食水準亦唔錯，今日黎到灣仔一哥點故亦是其中一間.黑金流沙包外表黑色，有金色橫紋，流心程度都幾勁，熱辣辣流沙餡，唔會好甜，包皮幾薄，入口鬆軟，熱食真係好正春風得意腸其中一樣必點既點心，其實係油條中間包蝦漿的蝦腸粉，上面再加上蟹籽，賣相非常吸引，一食就食到脆卜卜既炸兩，，外層腸粉幾滑，仲有彈牙蝦膠，好快就清哂一碟紫薯流汁煎堆仔顏色芋頭紫色，入面包住流心餡，不過皮有點厚，食落煙煙韌韌，但紫薯味比較弱，中規中矩灌湯小龍包都幾多汁，肉餡好食

12:27 落單，12:48話攞得，去到話仲有排，等到12:20 都冇。要佢退錢又唔肯退。做唔切就唔好接單！啲嘢未整好就唔好呃人叫人嚟攞！態度又差，淨係話你等啦，有排呀

因為以前食過覺得唔錯所以星期五1點再去一哥，入到去見到有吉枱，亦有很多用膳後沒有人執既枱，於是照入去，入到店內無人招待，唯有等，等了五分鐘終於見到店員，店員開頭話無枱唔洗等，我就話有吉枱，店員竟然回覆我話佢得一個人又要做外賣又要執枱又要落單做唔切，話唔做生意，令我十分失望，既然唔做生意點解唔關門，無下次

由銅鑼灣穿過鵝頸橋就到，店入面坐位唔多，亦都坐得比較逼夾，不過根據當日目測，大部分人都係買外賣首先叫咗龍蝦湯鮮竹卷，但點知上枱時龍蝦湯仍然係冰凍的，店員即刻拎入廚房再蒸過，不過再攞都唔係熱辣辣，只係微暖，不過見到2位店員忙到出煙，我都無謂再投訴了。味道方面，完全感覺唔到龍蝦味，海皇味鮮味什麼都不是。但鮮竹卷好足料，餡料亦都算中上黑金流沙包唔錯，真係流沙不過有d死甜，如果加d咸香味，例如少少咸蛋黃會更正XO醬菜苗餃，又係好大隻，XO醬好夾，十分推介

今次由金鐘一直沿路走到摩理臣山附近覓食，本來也是毫無頭緒地搜索各種餐廳，直到我忍不住用APP查看附近，發現有中式點心餐廳就在附近，然後肚子裡亦有表示，是時候吃酒樓點心了。點餐方面因為太多想試的款式了，小小胃部根本無法一次試清光，或者下次有人陪同才有機會。皮蛋瘦肉粥（＄２８）：可以吃三碗的份量，味道適中，粥亦無過多或過少水，尚算綿牛肝菌燉瘦肉湯（＄３５）：也是有三碗的份量，味道不錯，牛肝菌煲到無多少味道，瘦肉仍有味，整個湯依然有濃濃肉湯味用料很多，基本佔燉盅的４成黑金流沙包（＄２８）：我承認會點的原因只是因為想看看黑金的意思，原來就是內含流沙餡的黑芝麻包上，塗上一筆食用金箔，造形上已經得分。吃下去亦的確流沙，滿意。椰香黃金糕（＄２４）：因為從沒試過，好奇所以點選的點心，乍看以為是黃色的白糖糕，因為糕點的紋路與白糖糕十分相似。咬下去，我只能說這為我打開了新的喜好：黃金糕有很香的椰香味，味道亦有種在吃麵包的感覺，同時很有嚼勁，不會討厭。這三塊黃金糕直接佔滿我最後的胃部，為今餐完美結束。據說如果有煎過會內軟外脆，期待下次在其他地方試到，或者店方可以參考一下。這次結帳我自己也覺得有點吃過火了(共

今天無意間來到這家店心店，兩位人點了四款點心和一客蒸飯。食物很快便陸續送上枱，先是春風得意腸粉，鮮蝦春卷皮脆饀多，還放上蝦子點綴，好看又好食，有六件，很抵食。生煎鍋貼，有三隻，皮薄餒多，但略嫌皮煎得不夠脆，另外亦久缺一點肉汁，如可改善的話會很不錯。至放蝦餃也很好吃，真材實料，值得下單。牛肉球屬於正常，但喼汁味較淡，是自製還是調過的？因為沒有喼汁的那種酸酸的味道，比較像甜豉油。最後要樣是蒸飯，原本是點章魚肉餅飯的，但最後來了個鳳爪排骨飯，因不為意所以吃了，沒有換，我因為吃點心已經吃飽了，所以沒有吃蒸飯，但朋友吃了覺得不錯，還用荷葉墊底，而且很大碗，所以最後我們還可以打包滿滿一盒帶回家。整體感覺不錯，份量多、價錢合理、職員有禮、環境舒適，所以大家行經的話也不防一試。

和朋友試下光顧，整體唔錯，但食到最後的3.6牛乳奶凍，朋友被圖片吸引，但上枱發覺係用一個超細的膠盒盛載，感覺只係一個贈品，與圖片不符，但重点係大細與價錢不成正比，感覺失望!希望可以留意下!