一哥點故 (已結業)

去銅鑼灣睇龍珠展，人頭湧湧，去附近飲個茶，最近多了很多細細間嘅點心餐廳，除左傳統點心，仲會加入mix n match 元素，吸引年輕人幫襯。叫左市面上都有嘅黑金流沙包（鄉里都未試過），黑色表面掃上食用金漆，一撕開個包，流沙即刻爆出黎，蛋黃味好濃又香，金金黃黃，同黑色包面好大對比。灌湯小龍包，非常飽滿，咬個小口吸左湯汁先，其實小龍包皮薄，已經睇倒濃濃嘅湯汁，精華肉汁的味道。沙爹金錢肚係傳統點心，肉質厚實飽滿、口感彈牙，並保持本身的靭勁，吸收左沙嗲好入味。春風得意腸係推介點心，一如其名咬落脆口好得意，加上爽脆鮮蝦及蟹籽，添加矜貴感。估唔到小小點心店都有幾款燉湯可選，姬松茸燉湯係其中一款，菌味濃，燉雞湯很補身。簡單的幾個點心，食飽就去睇展覽。

朋友新開的公司附近有一間點心店～愛吃中式東西之我們，當然要一試當中的味道，看看味道如何呢。黑松露鮮蝦-肉質鮮嫩，蝦爽甜！嘴嚼感十足！而且非常有水份，不會蒸得太乾，多重口感更令人驚喜～真的吃到停不到口～黑松露味香香喔，利用傳統手法來做保留原汁原味。快點再去一吃呢！蒜香蝦春卷用料十足～有蒜蓉虾感覺，纯纯的虾肉，外面春卷皮很脆，蘸上醋吃过瘾，不会特别油腻，里面的春卷馅调味挺好的，不会过鹹，吃著感覺很棒喔。蝦的鮮配蒜的香，外皮的脆，配合得天衣無縫。原籠章魚肉餅飯一講起肉餅，大家都會覺得很傳統，梅菜蒸肉餅、蓮藕蒸肉餅…但這個點心店也非常特別，加入以原籠來蒸，並將肉餅煎香，令原籠蒸飯很足料，加小小豉油伴在在一起，加上菜頭，令整個飯非常惹味又感覺較健康，飯荷葉香重～草莓桂花糕夏日炎炎，減低吃東西的胃口。因而想看一下有沒有令人開胃之食物，品嚐一下，桂花芳香的物質，具化痰、止咳、平喘作用。同時桂花具行氣，能夠緩急止痛、散血消淤，並促進腸道穢濁物質的排泄，桂花的馨香，能祛除口中異味。朋友也因此叫了一個，味道很好，草莓感覺令你快樂呢~黑金流沙包令你上癮必吃食物喔都市生活很忙碌，來一個點心晚上，休息呢。

喺銅鑼灣想食不點心又唔想茶樓，呢度係一個好選擇呢度喺鵝頸街市口，近電車路嗰邊，喺時代嗰邊穿出去就係了～一路食嗰時都見倒有好多外賣單😂 有apps嗰d亦都有自取呢度D點心同其他野食都好食，難怪有咁多人食。個蝦餃好靚，大細適中，個皮薄薄地(小編好唔鍾意食倒厚皮嗰d)，但又唔會穿，好好個蝦好新鮮彈牙，唔會好油，好食！小編鍾意食抄手，呢度有就梗係要叫黎試下！我地叫左少辣，個辣度可接受，唔算太辣，啱D食到微至少辣嘅人。入面有菜有肉，唔油但好香口，個皮厚度適中，又係推介嘅～XO醬唔會辣，夠香口，D菜苖好多好新鮮，D蝦都係，個皮亦都係薄薄地咁，成個餃好足料，好滿足 呢個腸粉幾新奇，入面包左蝦春卷，又軟又脆咁，口感幾得意。個腸粉皮冧冧地，包實個春卷個皮都唔會冧左，幾好。入面D料都好足同新鮮，值得一試。估唔到D菜咁大碟，先 $22😂除左大碟仲好新鮮同好靚，就咁睇相都睇得出佢幾靚，真係平靚正！個雞飯好香，黎到熱辣辣，好新鮮。D雞都幾滑，成個飯份量都幾多下。比 menu 大家參考下，見到個價錢都好親民，份量亦都比得好足，支持支持

同朋友兩個人去飲茶好難等位，於是就搵左呢一間「一哥點故」食點心，餐牌上既點心款式都算多，另外仲有得飲燉湯，下次要再試一試 兩個人嗌左6款點心，茶位每人$4，埋單都係大約每人$100，都幾抵食龍蝦湯鮮竹卷🦞一客有3條，外皮炸得好脆既鮮竹卷淋上龍蝦湯，一定要趁熱食！雖然龍蝦湯唔算好濃，但係外脆內軟，好好味春風得意腸比較有創意既點心，外型整到好似炸両咁，但其實係包住春卷，春卷用左蝦用、栗米等食材，面頭仲灑左d蟹籽，口感豐富黑松露鮮蝦餃一籠三件，黑松露味唔算突出，但係皮薄，鮮蝦餡彈牙蒜香蝦春卷呢碟春卷既造型同味道我都俾滿分春卷皮好脆，餡有蝦、芹菜、木耳、蘿蔔絲等，口感豐富鑊仔香煎菜肉包雖然見到麵包表面煎至金黃色，但食落未至香脆，對比之前既點心有少少落差

今日同阿媽去完鵝頸橋街市買餸阿媽突然間話想食點心所以就入咗去一間新開嘅點心餐廳首先我哋叫咗個黑松露蝦餃黑松露同蝦嘅味道好夾而且皮都好薄之後就到XO醬菜苗餃XO醬係啲菜上面 令到個餃更加惹味之後我同阿媽每人都叫咗一隻人蔘灌湯餃個湯你飲得出好滋潤好養生而且仲有淡淡的人蔘味之後就到春風得意腸入面好似炸兩咁樣 十分酥脆上面亦都有啲蟹子點綴最後就到一個千層脆皮蘿蔔糕個蘿蔔糕比脆皮包住 多咗一份層次而且蘿蔔糕亦都好夠味

肥妹仔近排愛上咗食點心，但係每一次去茶樓食都會覺得啲款式比較大路，冇乜特色，今次就去咗灣仔呢一間點心店度食晚餐。灌湯小籠包 $26不得了!呢一個小籠包真係有湯汁，而且係勁多，一啲都唔輸蝕一啲專食上海菜嘅大型中菜館。除咗個湯汁好鮮甜之外，佢嘅豬肉餡亦都好好食。薑蔥牛柏葉 $28肥妹仔每次飲茶都會叫嘅一款點心。佢呢度嘅牛柏葉非常爽口彈牙，薑蔥味都好濃。流沙包 $26個外型超靚，好似黑鑽石咁樣。佢嘅流沙包入面好濃嘅鹹蛋黃香味。潮州靚粉果 $19粉果皮煙煙韌韌，入面嘅料有沙葛，豬肉粒，蝦米，好香，非常之惹味。春風得意腸  $35又係非常推介嘅一款點心!佢入面係炸春捲，有蝦仁，脆皮等等。上邊仲放上 蟹子 ，增添一種鮮味，粉腸好滑。千島醬脆皮蘿蔔糕  $32蘿蔔糕食就食得多，不過配上千島醬嘅話就比較少見!佢嘅蘿蔔糕炸到脆卜卜，入面有臘肉，蝦米，非常之好食。再配上酸酸甜甜千島醬，真係好開胃。完籠鳳爪排骨飯 $38鳳爪排骨飯基本上係好少會出錯嘅。呢一度嘅鳳爪排骨飯畀妹仔真係要畀個讚佢，因為佢嘅排骨同鳳爪好好食，飯係索咗佢嘅肉汁唔使點豉油都好好食。南北杏木瓜燉瘦肉  $33超級清甜嘅一個湯，肥媽飲咗之後

好多朋友推薦這間中菜點心餐廳，星期日終於同男朋友有機會食這間，都好多客人喔。環境幾光亮舒服，寬鬆的梳化坐位，中式背景設計都幾有型又乾淨，以木製及白色為主色！我們有不同款式點心，是以點心紙寫下落單的，我們點了好幾個特色的點心，喜歡這裡的點心是即點即製醬皇蒸鳳爪入味香軟的鳳爪，微微辣味好香好開胃野味，醬汁香濃龍蝦湯鮮竹卷濃郁又香濃的龍蝦湯底，外脆的炸鮮竹卷，香口的內餡包了紅蘿蔔絲、木耳絲及爽口大鮮蝦，吸了龍蝦湯汁好正好香口又入味；麻辣炒手皇麻辣醬汁好香辣野味，雲吞皮好滑好薄，包著好多豬肉多香蔥，好好味，愛辣者必點；蝦餃蝦餃包著爽脆的鮮大蝦及爽口筍片，外皮好薄又煙韌，透明見到內餡，好正好可口；春風得意腸腸粉皮薄香滑，中央是包夾著香脆香口的油條及爽脆的鮮蝦，更有粒粒蟹籽，口感豐富又美味！黑金流沙包黑炭麵包健康、香口又軟鬆，有型的金色花紋在表面好搶眼，中間是流心香口的蛋黃內餡，好滋味又香濃！

香港人好鍾意飲茶食點心，我當然例外，今天和同事行過天樂里見到一哥點故，好似是吃點心的，啱啱又到lunch time, 一於入去試下先蒜香蝦春卷$28~外面炸得金黃鬆脆，裏面是釀了紅蘿蔔碎，木耳絲碎，椰菜和蒜蓉的蝦膠，蒜味嘅濃郁又爽口，好美味！龍蝦湯鮮竹卷$32~煙韌的豆皮包住豬肉，冬茹，木耳絲等餡料，索滿鮮甜的龍蝦湯頗美味！春風得意腸$35~薄薄的腸粉皮包着一層脆脆和鮮甜的帶子，加上卜卜脆的蟹籽，口感非常豐富黑松露蝦餃$32~蝦肉新鲜彈牙，加上黑松露就更為香口千島醬脆皮蘿蔔糕$32~炸得金黃脆口的外皮包住蒸蘿蔔糕，配上千島沙律醬和木魚絲更加惹味可口懷舊燒賣皇$26~大大粒的豬肉燒賣，大件夾抵食！人蔘花膠灌湯餃$36~灌湯餃的餡料有蝦肉，瘦肉，魚肚(花膠)，木耳絲, 材料非常豐富，配上濃濃的花旗參湯，好清甜滋味！

今晚去左灣仔呢間點心店開餐餐紙上有好多特色點心, 而且價錢都好大眾化, 茶芥都係收 $4 位, 仲要唔洗加一, 認真超值仲有期間限定餐牌一哥點拼 拼盤有黑松露蝦餃、XO醬菜苗餃、潮州粉果、懷舊燒賣、蜜汁叉燒包、健康燕麥糕, 人少少叫呢個就最啱, 可以一次過食到 6 款點心姬松茸菌燉雞湯非常清潤嘅燉湯, 姬松茸菌口感脆嫩, 而且味純鮮香原籠蔗糖馬拉糕夠鬆軟, 有淡淡嘅蔗糖香味千島醬脆皮蘿蔔糕蘿蔔糕外層沾有炸漿, 所以食落非常香脆, 內層蘿蔔絲都幾多, 加埋千島醬, 惹味十足瑤柱蔥花蝦米腸腸粉皮白軟滑, 包住蔥花、蝦米、瑤柱, 配埋醬油食, 係必點點心之一白灼靚菜心夠 Fresh, 食出清甜原味趣緻小白鼠賣相非常得意, 外層用糯米做成, 口感非常煙靭, 入面餡料係用紅豆蓉整成, 非常好味嘅甜點

裝潢鮮明，環境光潔明亮，座位寬敞，坐得舒適。除了點心外，還有蒸飯和燉湯。姬松茸菌燉雞湯 ($35)用料豐富，湯味濃郁，味純鮮香。眉豆花生燉雞腳 ($35)香氣四溢，材料十足。湯入口濃稠，夠火候，湯渣軟腍入味，美味得連湯渣也一拼吃掉。沙爹金錢肚 ($30)肉質厚實飽滿、口感彈牙，惹味可口。XO醬菜苗餃(3件) ($34)菜苗餃飽滿，皮薄煙韌，蝦肉新鮮爽口，加上XO醬香辣惹味，美味可口。黑金流沙包(2件) ($28)流沙包圓潤飽滿，包皮柔韌鬆軟。輕輕撕開包子，便聞到蛋黃的香氣，同時金黃的流沙澎湃地湧出來，流心效果極佳。每一口都吃到鹹香的美味，甜度恰好，回味無窮。

下午時間來到這間，它們是即叫即蒸即焗即燉的， 等待十多分鐘倒便一碟一碟上枱了；黑松露蝦餃，蝦肉鮮味爽脆還夾著芫茜碎，入口有淡淡的松露香味。人蔘花膠灌湯餃，湯底香氣帶著淡淡的蔘味， 餃皮遍厚內容有香菇碎豬肉香菜等夠豐滿。蟲草花綿花雞，魚肚索了雞汁好夠味又柔軟配合滑雞件。椰香黃金糕，椰香味十足要嚫熱吃口感彈彈的。鑊仔香煎菜肉包，配著大蔥段鐵板上， 香氣撲鼻， 肉包要夾著燒蔥一起吃。家鄉咸水角，角皮較厚但外面香脆內埋鬆軟。藥膳鳳爪，好入味的炆煮鳯爪， 紅棗與蔘味濃郁。服務友善會經常來倒茶的..

行銅鑼灣時想飲茶，一揾之下見到呢間比新派嘅茶樓，睇埋點心紙選擇都幾多，就同兩個朋友坐低開茶叫嘢醫肚🤪飲茶一定要有蝦餃，一哥傳統蝦餃一籠3隻我地三個人啱啱好餃皮幾薄，蝦大隻幾甜同爽口，點少少辣油食已經好正燉湯真係令人眼前一亮，松茸菌本身帶清香，燉雞湯味道都好好，雞件雖然帶皮，但湯就完全無油膩感，感覺足料健康，非常推薦👏🏻XO菜苗餃味道都唔錯，菜苗幾香，蝦肉同樣鮮味爽口前: 春風得意腸($38) 後: 千島醬脆皮蘿蔔糕($34)呢兩樣喺點心紙上都係推介，見佢地個名咁得意就試下春風得意腸係炸兩嚟，有啲蝦肉，炸皮同粟米等包喺腸粉皮入面，比起得油炸鬼同腸粉嘅炸兩多咗啲口感、層次同味道，都唔錯千島醬蘿蔔糕係蘿蔔糕沾炸漿面頭唧上千島醬，咁樣煮蘿蔔糕都幾新穎，食落去好香口前: 白灼菜芯($22) 後: 麻辣抄手王 ($28)菜芯好靚，又綠又鮮味，食落無渣又甜，超推介抄手嘅皮幾薄，唔會話好辣，適合所有人食最後嗌個蒸飯：原籠雲耳滑雞飯 $44好香，雞嘅油份係飯粒充分吸收雲耳細細片好易咬，爽身；飯粒係我好鐘意嘅偏硬身，好食

My friend asked me to join him for dinner tonight and he suggested that we have dim sum. Dim Sum Heritage was located at Morrison Hill Road, several minutes walk from Causeway Bay MTR.They served steamed, baked and fried dim sum, rice roll, soup, congee, desserts and drinks etc. Homemade herbal drink - It was cooling and sweet, very refreshing. It helped during this hot weather.Double boiled soup with chicken feet, black eyed peas and peanuts - It was nourishing and clear, slightly oily though.

琴晚同男朋友想食點心就黎左呢到啦~價錢非常親民 任叫都唔肉赤我地叫左個鳳爪排骨飯 上菜果陣勁大兜 勁驚飯唔哂 點知原來個籠好淺～鳳爪排骨同飯個份量差唔多 而且個飯都好香 好快就食哂另外我地仲叫左呢到必食既小籠包 都算好多湯汁 咁既價錢黎講性價比算係好高 春風得意腸個饀好足料 上面仲鋪左蟹籽 值得一吃~ 黑金奶皇包熱辣辣 同埋勁多奶皇流哂出黎🥰🥰反而個黑松露蝦餃同龍蝦湯鮮竹卷就無咁出色 黑松露蝦餃無咩黑松露味 而個鮮竹卷炸得太硬好難咬開

正所謂：休息 · 是為了行更遠的路！今日為咗下午要行BB展，所以提早咗少少，出灣仔·「一哥點故」度，食個靚點心🥧 今日分別叫咗：❤️黑松露蝦餃～皮薄餡靚，外皮一望落去已經見到晶瑩剔透，見到裏面嘅餡😻入口仲好香黑松露味！🧡灌湯小籠包～薄皮，入口即爆湯汁，配埋個醋，味道唔錯💛流沙包～黑金色，賣相吸睛，一搣開，包裏面熱辣辣的奶黃餡就流出來，Yummy 🙌🏻💚蟲草花綿花雞～雞肉嫩滑，上邊仲有少許蟲草花👍🏻💙懷舊燒賣王～傳統點心，鮮蝦大大隻💜章魚肉餅飯～荷葉做底，令到飯更加香，而份量都幾大♥️姬松茸菌燉雞湯～聽個名就知滋補，個湯清清地唔會太濃，入口有淡淡雞味。💝自家製羅漢果茶～大大杯都係$10，抵飲呢度嘅點心傳統得嚟又新穎創意，而且仲有燉湯。下次真係可以再嚟呢度「得閒飲茶」😽